اخواتي الكرام وخصوصا مشرفه الموقع اختي مرموم أنا صورت شقتي لأني عن جد محتاره في بعض الامور انا خلصت تأثيب البيت وطبعا في اشياء وهي الكماليات مادري شلون احطها او شنو المفروض الي احط ياليت احد يقولي كل صوره شنو تحتاج ..... ومنها تشوفون شقتي ,, بجيب لكم ان شاء الله صوره غرفه النوم والحمام الله يعزكم والمطبخ ..... بس صورت لكم الصاله والمدخل
نبتدي لمه اول ما تدخلون حياكم الله دشو بريلكم اليمين
قلطو الصاله .... واستريحو.. يابنات ... معلش متواضعه بس .. حليوه والا شرايكم
وهذا التلفزيون الي في الصاله طبعا انا خذيت المكتبه صغيره عشان تطلع ملبوقه وماحبيت اخذ مكتبه كبيره تاخذ حجم كبير بس محتاره احس في شي ناقص عادي تفرجوا فتحوا التلفزيون لا تستحون
اختي مرموم اول ما تدخلون الصاله تشوفون هذي الطوفه الي لونها احمر على وردي فوشي كأنه بس مو احمر اخمر .... في كأنه وردي ... بس المكتبه الي في بالي ما تنفع قلت صوفا حمرا ايش رايك انتي ؟؟ عندك شي يناسبها
هذي طاوله صغيره زينه يعني مو لغرض معين محطوطه بالنص ... اي اقتراحات ثانيه
شفتو هذي الجدار يقع بين المطبخ وغرفه البيبي المستقبليه ان شاء الله وماني عارفه ايش احط فيه مكتبه ولا صوره صغار ولا صوره على شكل سجاده ,, لأن عندي سجاده على شكل لوحه شرايكم اعلقها ولا ايش اسوي ما ابي احط شي مب مفيد!!
هذا نوع السجاد الي اشتريته من محل بالسعوديه .. وكانت وحده مستطيله والثانية مربعه .... والمستطيله عند المدخل موجوده ....
بالنسبه للمطبخ كلشي ابيض فابيض وحلو مرتب......وايد ... وغرفه النوم بعد فضيعه وان شاءالله انزل لكم الصور
انتظر اقتراحاتكم على احر من الجمر
