من خلعت ضرس العقل،، تدخل

هلا عزيزتي,,,,,
انا خلعت ضرس العقل عادي
طبعا في الم خفيف ,,,
اذا خذتي الدواء بعد الخلع طبعا مارح تتعبي مثل ما قولتي يومين,,,,,
بس انا من راس الخيمه لجل جذي ما راح انفعج بالنسبه للدكتور ,,,,
اذا خلعتي طمنينا عليج ,,,,,,

مرحبا........حبيبتي انصحك تخلعينه مادام هو سليم مو مسوس ولا ملتهب واكيد مابيوجع مع البنج انا كان ضرسي العقل طالع ناحية الاسنان الامامية وسبب اعوجاج لها واهملته لين ماسوس والتهب عاد تخيلي ضرس عقل و ملتهب شفت الويل وما ارتحت الا بعد ماشلته واعتقد انه ما يوجع بعد الخلع الا اذا كان ملتهب من اول

انا خلعت ضرس العقل في اليمين و اليسار الالم يكون قوي اول يوم بعدين عادي يخف الله يسهل عليج

مرحبا..
حبيبتي انا بعد اقولج اذا الظرس ما بلاه شي ليش تخلعينه. تبين اتعذبين عمرج عل فاضي .اي دكتور اتروحيله بيقولج يباله خلع. انا شالتنه لانه كان داخل في عضم الفك وكانت عمليه خايسه و مت من الويع بعدها. الي تحت بعمليه والي فوق خلع عادي.
اذا بعدج مصرة اتسيرين الدكتور طرشيلي عل خاص وبعطيج اسمه ورقمه.

*جويريه* : مشكورة الغاليه على المشاركة ،، طمنتيني الله يطمنج
nariz : مشكورة الغاليه ،، ومثل ما قلتي ان شاء الله بشيلة ،،بس المشكلة ان نصف الضرس طلع والباقي بعده تحت اللثه يعني بيكون الخلع بشق اللثه :cry: عشان جيه انا خايفة ،،
fagar : آمين يارب ،، يسلم لي مرورج الغاليه
lulu_dxb : والسبب يالغاليه انه طالع على اليمين يعني ناحيه الخد مب طالع عادي : يعني كل شوي اكل خدي ويا الاكل :qaq: وينزف دم وبعد اخاف يسبب لي ازدحام لباقي الضروس لانه بعدين بيصير بدال التعب تعبين ،، تعب خلع الضرس وتعب اسوي تقويم,,
انزين هالدكتور اللي سرتي له اوكية ؟؟ مشكورة الغاليه على المرور


مشكورات حبيباتي على المرور

أنا خلعت ثلاث ضروس عقل


كلهن بعملية و خياطة بين ثلاث غرز للضرس الواحد


الموضوع مب مؤلم بقدر انج ما بتقدرين تاكلين زين لأنه بينزل دم وايد في اليومين الاوليين

لا تنسين انهم بيعطونج مسكن قوي فما لتحسين بألم


بس خلال ثلاث او اربع ايام بيمون كل شي تمام


لا تحاتين و سويها

نسيت اقول اني نفس حالتج و بعد كان واحد من الضروس ما ظاهر أبدا و اكثر عم شي الدكتور اضطر انه يكسر من حواليت الضرس لأنه كان متكلس

انا ما بخوفج و انتي ما لتحسين بشي من التخدير

وردة الثلج مب قادره اطرشلج رساله احذفي بعض الرسايل الي عندج ؟

سلام عليكم
غاليتي لاتخافين ابد

انا شليت رس العقل لان فكي صغير و الضرس ماكان قادر يطلع ومسويلي صداع فضييييييع
فاضطريت اشل الاربع تخيلي بس سوولي عميله يعني بنج كامل لان الضرس ابد ماكان طالع

يومين حسيت بالم خفيف مو هذاك اللي يذبح
و اسبوع تم ويهي متورم ومغززه حيييييييييييييييل خاصه اني ضعيفه وايد

المهم كنت اخذ المسكنات و المضاد الحيوي كل شي بوقته
والحمدلله ما تعبت ابد

اهم شي بالموضوع انج ماتخافين وتتوكلين على ربج

انا اللي سوالي العمليه كان اسمه الدكتور أسد في مستشفى دبي

حبي اذا بغيت هم هم العرس واذا بغيت ويع ويع الضرس وانت طبعا تعبانه لانج تعورين عمرج بضرسج هذا اقصد خدج من الداخل..........
حبيبتي انصحج انج تخلعينه وتفتكين واذا تبيين عياده okفانا خوااااااااافه درجه اولى بس من رحت عنده الحمد لله راح عني الخوف من الدكاتره روحي عيادة ساره في شارع الوحده..................................وما بتحسين بشي وادعي لي.....انا مسويه جراحه عنده ولا حسيت.......:pain:

ريم81 : مشكورة الغاليه على المشاركة ،، بس انا ضعيفة وبعد يومين ما كل :cry:
انزين يعني انتي الحين مب حاسة شي؟؟

lulu_dxb : اوكية طرشي الحين انا فضيت من الرسائل الخاصة

3sooolah : ياربي اسبوع ويهج متورم :pain: حتى انا ضعيفة شراتج ، بس بعد ما خلعتيه؟؟ يخوز الصداع ولا لا؟؟، مشكورة الغاليه على مشاركتج

ام فلانه : مشكورة حبيبتي على المشاركة ،، بس انت تقصدين عيادة ساره شارع الوحدة في الشارجة ولا وين؟؟:think:
لاني ماروم اسير الشارجة انا ابغي في دبي ويستحسن في جميرا

مرحبا وردة الثلج،
صدقيني لا وجع ولا شي
انا كان نفس حالتك، نص الضرس طالع والنص الثاني داخل ،، وكل يوم آكل خدي واقعد ابكي من الالم "ألم أكل الخد" لووووول
المشكله بعد ما تاكلين خدك ، ما يطيييب، يصير التهابات وبعدين اذا قرب يطيب بترجعين مره ثانيه تاكلين خدك ههههههه وتتكرر القصه !
والحمدلله خلعته ،، هو ما في وجع حقيقي،، خفيف .. بس بعدها رح تقعدي كم يوم، ما بتقدري تاكلي منيح ولا تتكلمي بطلاقه هههههههه لان الفك اثناء الدكتور ما يشتغل فيه بيكون مفتوح كثييير ،، ف بيسبب لك شوي الم بالفك مش مكان الضرس..
شي ما يخوف بسيط وعادي. انا كنت خايفه ، بس الدكتور قال لي انتي غمضي عيونك، وانا رايح اعد لل 5 ،، بعدها افتحي عيونك وقولي لي في الم ولا لا ؟؟
طبعا كان في بنج. ومشتغل لي شوي فيها. بس كان يضحك علي يقول انه لسه ما سوى شي وقاعد يفحص.
المهم غمضت عيوني وقعد مادري شيسوي ويعد .......... لما قال 5 فتحت عيوني لقيت الضرس بايده ماشالله عليه ما حسيت .
انتي بس روحي دكتور مشهود له بالخفه والسرعه والمهاره.
اهم شي ما تكون وحده دكتوره. وتكوني ماخده معك صورى اشعه للاسنان افضل لك.
المصريين اشطر شي.

مشكوووووووووووورة الغاليه كناري

خلاص تشجعت :shy::clap:
ان شاء الله بشيله بس بعد شهر عشاني الحين استخدم دواء وماروم استخدم وياه مضاد حيوي

انا فكي صغير والضروس الاربعه العقل مب قادرين يطلعون ساعه فسويت عمليه وبنج كامل وخلعتهن الاربعه مره وحده
مع ان اهلي ماكانوا راضين اونه شلي ضرس ضرس قلت لهم الم اربعه ضروس ولا 4 مرات الم
المهم دخلت امستشفى الساعه 7ونص الصبح لين اجراءات العمليه ولين خلصوا وقمت من البنج واطمنوا علي رخصوني ع الساعه 1
مافي اي الم حسيته اللهم الدم اللي ينزل ويلعوبج وويهي تم وااااااارم وماترومين تاكلين شي غير سوائل

عزف منفرد : مشكووووووووووورة الغاليه على ذكر تجربتج ،، حتى انا بعد ناويه اخذ ضروسي معي للبيت هههههههههههههههههههههه

عذبه : يعطيج العافية علىالمرور الغاليه،،،، انا اخاف اشيلهم الاربعة شراتج ،، انا بشيل على ضرس ضرس والله يعين بس ما قلتي وين سويتي العملية في اي مستشفى؟؟

انصحج روحي عندي طبيب موثووووق اولا

بعدين شوووفي اذا يبي له الخلع او لاااااا

بس لو مايحتاج وظرسج يعورج

خلي الدكتور يسووي لج شق زياده ع لحمة عسب يوم يكبر

الظرس العقل يوم له مكان وما يعورج اكثر

اتمنى انج فهمتي

الانه انا سويت عمليه خلع ظرس

والله لا يلااااويج وياليتني ماسويتها

:.:حوريه:.: مشكورة الغاليه على المشاركة
انا اعرف دكتور معين بس بغيت اسأل اذا حد يعرف دكتور شاطر

مرحبا........حبيبتي انصحك تخلعينه مادام هو سليم مو مسوس ولا ملتهب واكيد مابيوجع مع البنج انا كان ضرسي العقل طالع ناحية الاسنان الامامية وسبب اعوجاج لها واهملته لين ماسوس والتهب عاد تخيلي ضرس عقل و ملتهب شفت الويل وما ارتحت الا بعد ماشلته واعتقد انه ما يوجع بعد الخلع الا اذا كان ملتهب من اول

وقت الخلع ما يعور عشان البنج
بس بعد يعور الشوي يعني تقدري تسوي كل شيء من غير تعب