زوجي يبغي يتزوج مره ثانيه

هههههههههههههههههه

فكرتينى بالذى مضى

أصلى سبقتك فى نفس الموقف بس بصراحة كان

برضايا والحمد لله ما وصلتش لموضوع التصوير كمان

على العموم حججك كلها باطلة وتقدرى تعالجيها

يعنى مثلا حجة إن بطنك كبيرة قوى

وهيبقى شكلك مش حلو

أجاوبك عليها بإن طريقة نظرنا لاجسامنا غير طريقة

نظر الرجال لأجسامنا

واللى ممكن نشوفه عيب هم ممكن

يكونوا شايفينه ميزة أو حتى مش شايفينه خالص

وغير كده من جهة تانية هناك بعض الرجال بيثيرهم

جدا المرأة الحامل بكل مافيها من أمور قد تغم

النفس لكن بالنسبة لهم عاجباهم وممكن تكون

مثيرة لإعجابهم فى حملها أكثر من أى وقت آخر

بالنسبة لنقطة الأطفال

حاولى تتناسيهم شوية

وفكرى فى إنك هتأخذى أجازة من كل شىء ومن

كل مسئولية وإن ده فى مصلحتهم لأنك وقتها

هترجعى بنفسية صافية ومشرقة مستعدة لأى

مشاكل من أول وجديد

وكمان إنتى هتتركيهم مع أهلك

وعندنا فى مثل بيقول

أعز الولد ولد الولد

يعنى الأعز والأغلى عند الجدود هم الأحفاد

أما من جهة إنك مكسوفة تقولى إيه لأهلك وأهله

قولى إن زوجك عايز ياخذ أجازة معك لوحدك من

غير العيال يسترجع فيها أحلى ايام زواجنا وبس

ومش لازم تحكى كل اللى طالبه منك

لا إسمعى كلام مجرب ودارى على أجازتك

لأنى لما حكيت إتحسدنا

وما عرفنا نتهنى بأجازتنا

وبعدين من جهة تانية

الأجازة دى هتفيدك فى حملك من إنها هتحسن

نفسيتك إن شاء الله ويمكن تساعدك فى الخلاص

سريعا من الوحم

ربنا يتمم لك أجازتك على خير

أختك فى الله أم سلمى