هل الطلاق هو الحل الوحيد

السلام عليكم

مشكلتي يمكن كتبتها من عدة شهور بس وعلى الرغم من حلولكم مثل ما يقولون ( طفح الكيل )

أنا متزوجة من ثلاث سنين وأمشي في الرابعة مشكلتي إنه ما في شيء بيني وبين زوجي إلا ما بين الرجل والأنثى فقط

يعني كلام حلو ما شيء هو كاتم أسراره وبالتالي كتمت أسراري أنا
بعد حوارات نقاشات ما شيء بيني وبينه قمت من فترة طويلة أرقد في غرفة العيال يعني ما يصير شيء بيني وبينه

يدخل ويطلع وأسأله علشان أطمئن وين ساير يقول مشوار يعني ما أعرف وين يسير ومن وين أيي في الفترة الأخيرة قالي أنا مالي خص في خصوصياتج يعني لما أكون متضايقة المفروض ما أقوله لأنه فعلا ما يهتم وجربت

ولما أقوله عن مستقبلي يقولي ها مستقبلج وإنتي حرة فيه وفي حركة صارت ومن بعدها قالي ما يخصني في مشترواتج يعني خذي مصروفج وخلي أحد يوديج غيري

وفعلا لما يقبض الراتب يعطيني مصروفي ويسير ويشتري أغراض لعياله من حليب وحفاضات يعني أشياء اليهال حتى بدون ما يقولي إنه ساير أو تبين شيء ولو مجاملتا

ما أعرف أحس اللي بيني وبينه صار علاقة بين أخ وأخته على الأقل الأخ يزعل لما أخته يسيرلها شيء يمكن يحن على أخته ويطلعها يدافع عنها بس هو لااا ما شيء أنا بوادي وهو بوادي

والله والله سرت أكره لما يطلبني لفراشه لأنه قال كلمة خلاني أكره نفسي قال :- ( حبيبتي اللي ما ألاقيه عندج بحصله من غيرج ) صدمت بعدها

ياني ها الأيام إحباط لأنه العلاقة اللي بيني وبين ريلي إنتهت يمكن تقولون طلعوا مع بعض يلسوا مع بعض بس ما في مجال برع البيت يقول مشغول ما أروم أطلعج لما أيلس معاه في البيت وفي الغرفة وأريد أكلمه يشغل نفسه بأي شيء أو ييبلي مشاكل من زمان ويناقشها بس المشكلة اللي طرحتها لا أو في أحيان يقولي لو مو مرتاح معاي إطلبي الطلاق عادي وأنا بعطيج ورقتج


يعني أنا ألحين بإختصار صرت ولاا شيء بالنسبة له إلا أم عياله بس

ياريت تساعدوني