ممكن المعلمات يساعدوني بالالعاب التربوية الي تعرفوها وبالخصوص مدرسات الانجلش والجميع

ولا اااااااااااااااااا رد

طيب على الاقل رد واحد

يعني ما تستخدموا الالعاب بدروسكم

الله يسامحكم فعلا زعلتوني

يعني انا بعطيج افكار بس انتي حوليها للانجليزي او حسب المنهج

شوفي مثلا عندج في الرياضيات ممكن اتسوي مسابقة في جدول الضرب او اي عملية حسابية عن طريق الجري منها لعبة ونها يتعلمو الخملية الحسابية

اصفهم قاطرات يعني كل 4 خلف بعض واسوي سباق بينهم وامام كل قاطرة وعلى بعد 5 متر احط سلة فيها الناتج للعملية الحسابية كل السلاتن تكون فيها نفس الاجابات وتبدأ هنا المسابقة اطرح عليهم العملية مثلا 5+5 واحد واحد اثنين ثلاث جري من يعطيني الجواب اول شي ونبدا هكذا للكل
انتي ممكن اتسويها على شكل تكوين جمل او كلمات على حسب

طريقة ثانية
بحجر النرد بدل ما يكون حجر النرد مكتوب عليه النقط سوي حجر نرد خاص تكون عليها احرف على حسب الكلمات الي درسوها الطلبة ويلعبوا رمي حجر النرد وبعد ما يطلع للطالب الحرف يعطينا كلمة تبدا بنفس الحرف الي ظهر له

طبعا سوي كذا حجر نرد عشان كل المجموعات تلعب مع بعض بس تاخذي الاجابة من كل مجموعة عشان تطلع المجموعة الفايزة

بتذكر لج العاب احلى وبكتبها لج

واعذريني الحين شفت موضوعج وعلى الطاير كتبت لج هاللعبتين

وااااااااااااااااااو افكارك تجنن خاصة ابو حجر النرد تسملين عمري


والباقي ما تسوون ألعاب

شو بنات ما فيه أمل تردوا علي

عزيزتي انا مدرسة انجليزي يعني احنا في الهوا سوا ومادتنا تحتاج الى ابتكار وافكار شو رايج تسوين لوحه فيها جيوب داخلها اسئلة او اوامر والطالبات يختارون الجيب ويجاوبون عالسؤال. فيه لعبة ثانية وهي انج تطلعين طالبه امام السبوره وتكتبين اي كلمة والطالبات يحولون يوصلون له الكلمة عن طريق miming. هذا اللي عندي حاليا وراح اطرش لك المزيد ان شالله.

روعة قلبي وإنتظار المزيد منك

انا ما اعرف أي مرحلة تدرسين بس شفت زميلتي وهي مدرسة انجلش للمرحلة الدنيا مسوية في غرفة الص مربع على الأرضية بالألوان وكاتبه فيه الحروف الانجليزية كلها وكل يوم توقف طالبة داخل هالمربع وتسألها وين حرف F مثلا فتتحرك الطالبة لحرف الF بس هي متفننه وراسمته بطريقة حلوة في آخر ركن في الصف وكبير مو صغير يجنن أتمنى الفكرة تفيدج

السلام عليكم ..

أختي عنديل لك فكره وهي انك تعملين صندوق صغير وتفتحين له فتحه من النص غلفيه ولصقي عليه حاجات عشان يلفت الانتباه

تسمينه الصندوق السحري magic box

وتضعين فيه بعض الأشياء وتطلبين منهم انهم يخمنون ايش داخلها

مثلا تحطين قلم تفاحه كره وتوصفين هالشئ بدون ماتقولين اسمه وتخلينهم يخمنون

وتعرفين ان الطفل خياله واسع

اتمنى اني افدتك ولاتنسينا من الدعاء:clap:

تشلمون الغاليات