عندي مشكلة بلييييز ساعدوني

روان 14-03-2006 7 رد 1,061 مشاهدة
ر

السلام عليكم ورحمة الله وبركاته

صباح/مساء الخير

اشلونكم خواتي؟؟ ان شاءالله بخير


انا عندي مشكله وللأسف مب عارفه اشلون احلها
مشكلتي اهي :

ان تحت عيوني سواد ومب عارفه شنو اسوي علشان
اخلي السواد يروح .. انا باخر سنه لي بالجامعه وراح
اتخرج وطبعاً طول فترة دراستي ما كنت اهتم ببشرتي
ولا اعتني بنفسي :bigsmile: طبعا انا مو مهمله بنفسي
لين ذاك الزود بس اقصد اني ما احط ماسكات وغيره
من اللوشنات للعنايه بالبشره لأني ما كنت احصل وقت
علشان اعتني بنفسي :sad:

بس من يومين تغير الوضع وبديت اهتم بنفسي اكثر
بس مشكلتي اني ما اعرف اشلون اتصرف مع السواد
اللي تحت عيوني :think:

فياريت اللي عندها حل لمشكلتي تقولي وجزاهه الف خير

والف شكر لكم .. والسموحه على الازعاج والاطاله

اختكم .. روان
غ
حبيبتي تقدرين تحطين على السواد الا بعيونج شرائح من الخيار البارد تخلينة ربع ساعة
وتحطينة على عيونج

او تقدرين تحطين بدال الخيار شرائح البطاطس


وانشاء اللة يروح السواد الا بعيونج
&
شرايح البطاطس أحسن شي


حطيهم لمدة عشر دقايق او ربع ساعه

وحاولي تعدلين رقادج... وخفي من السهر ;)
ر
غربة بلا عنوان
تسلمين الغاليه على المرور والمشاركه
جزاج الله الف خير بس بغيت اسالج
لمن احط الخيار او البطاطس احطه
يوميا ؟؟ ولين متى اتم احطه؟؟
مشكوره اختي ويعطيج العافيه
والسموحه منج على القصور

miss_teen
ههههههههههه
تسلمين اختي على المرور والمشاركه
بس بغيت اسألج هل البطاطس يكون مسلوق
او ني او شلون؟؟ يعني اخذ بطاطس ني
واغسله واقطعه شرائح واحطهم على عيني!!!
والا لازم اسلقه او شنو بالضبط؟؟
سوري معليش استحملوني بس انا ما اعرف
بهالسوالف :o وهم احط البطاطس يومياً ؟؟
اما بالنسبه للسهر فانا اسهر لين 12 بالليل
وهذا تقدم باهر بالنسبه لي لأني قبل ما
انام الا على الساعه 1 او 2 الفجر :smile:
مشكوره اختي ويعطيج العافيه
والسموحه منج على القصور

عاطر التحايا من اختكم

روان
&
هلا عزيزتي.. أفا عليج... حاضرين للطيبين...

أحسلج والله... السهر وايد يتعب البشره ويفقدها رونقها

البطاط يكون ني... يفضل ان تكون الشريحه رقيقه..

أنا أحطها على عيوني كلها واغفي ربع ساعه.. بعضهم يحطونها بس تحت ... أحسن عالعين كلها...

هممم ماعرف إذا يوميا ولا لا... أنا كنت أحطها يوم أكون سهرانه اليوم اللي قبله... أو إذا حسيت عيوني تعبانه...

بس اذا وايد أسود حطي كل يومين.. عشان اتريحين عيونج...

ترا حتى البشره تحتاج إنها ترتاح من الخلطات والماسكات....

وأي سؤال ثاني أنا حاضره....
s
انا معاكم بها الخلطات والوصفات: بس بعد اشتري الكريمات اللي تشيل السواد انا اشتريت مأخرا من ماركة جيرلان روعة
س
السلام عليكم


اختي الغالية ممكن تسوين خلطة هي عالعموم للوجه كامل مجربة للسيدات اللي يعانن من مشاكل البشرة وهي ما لها اي آثار سلبية باسم كريم الغزال هو خلطة طبيعية ومجربة وتخلي البشرة كلها درجة لون وخدة وانا شخصيا جربتها لاني وايد احب اهتم وادا حبيتي ممكن تدخلين عالخاص اعطيج رفم الحرمة
ر
miss_teen
مشكوره الغاليه وجزاج الله الف خير
تسلمين اختي ويعطيج العافيه
ونخدمج بالافراح ان شاءالله : )


الجميلة78
تسلمين اختي على المرور والمشاركه
بالنسبه لي افضل احط اشيا طبيعيه
لأن بشرتي واااايد حساسهوفاقل شي
يسبب لي تهيج بالبشره ..
مشكوره الغاليه ويعطيج العافيه
والسموحه منج على القصور


سويتي2
وعليكم السلام ورحمة الله وبركاته
بالبداية تسلمين اختي على المرور والمشاركه
وانا افضل الخلطات الطبيعيه على الكريمات
الكيماويه بس ممكن سؤال الكريم هذا او الخلطه
اللي تقولين انها طبيعيه فهل هي موجوده
بالبحرين؟؟ ووين ممكن احصله؟؟
مشكوره اختي ويعطيج العافيه
والسموحه منج على القصور


عاطر التحايا من اختكم

روان
X