جهاز العروسة .. (مفيد وعن تجربة)

انا معاكى يا تيتو في حكاية الحمالات الشفافه او اللي ملهاش حمالات اساسا علشان حتى لو كنتى محجبة و مش حتبان عندك فحنا ممكن نعمل بيها حركات في البيت و لا اية ؟:shy:
شفتم بقي انى ماشية على التحدى ازاى اصلي بيني و بينكم حتيطوا في دماغي خلااااااااااااااااااااااص

حبيبتي تايتو ولافلي روسة

بالنسبة للحمالات الشفافة او الي من غير حمالة انا فعلا ذكرتهم من ضمن السوتيانات.. وذكرت كمان البرا الي بيبأة فيه سيليكون بيتنفخ عشان يكبر الصدر

وبالنسبة لبرا الرضاعة.. انا قلت ابل كدة فموضوعي لما تيجي تجيبي برا.. هاتيه مقاسك علا اديق حاجة.. بحيث انك لو وسعتي الكبشة شوية يبأة واسع عليكي.. فاهمة ازاي.. وانا فرأيي دة مهم.. لأن محدش ضامن الظروف خالص بعد كدة دة غير ان في واحدة صاحبتي كانت حامل وفضلت تدور عليه اد كدة لحد ماجبته وكل اللف دة وهي ياعيني حامل

يبأة ليه منلفش من دلوقت وتبأة الحاجة جاهزة عندنا

ومن المعروف أن حمالات الصدر تكون دائما بثلاث (كُبش) من الخلف لتغيري المقاس علا حسب مقاسك .. لذلك أوصي بأن تكون أضيق كُبشة هي مقاسك تماما.. حتى إذا كبر حجم صدرك بعد الزواج تستطيعي أن تغيري مكان (الكُبشة) الخلفية على أوسع شيء حسب مقاس الحجم الجديد لصدرك. وهذا التعميم لكل حمالات الصدر التي ستشتريها


..

تايتو بالنسبة للحمالات الشفافة او الي بدون حمالات.. ألظاهر كدة اني نسيت فعلا اذكرهم








يلا يبنات متحرمنيش من آرائكم

انا محتاجه اعرف يا بنات قد ايه تقريبا نحتاج لانجيرى؟

بالنسبه لسوتيانات الرضاعه انا اختى اشترتهم من محل رسميه الى فى مصر الجديده بعد ما ولدت بتلات شهور لما بقت تخرج
انا معاكم ان الجسم والصدر بالذات لا يمكن تعرفى هيكبر قد ايه
فمش محتاجه لف مكانهم معروف

رورة ماشاء الله تبارك الله موضوع بجد مفيد ورائئئئئئئئئئئئئئئع

حبيبتي نجلاء اهلا بيكي فموضوعي.. ويارب تكوني استفدتي..

جيجي.. عدد اللانجيري مكتوب في الموضوع فوق.. اقرأي كويس.. شوفي كام واحد بروب وكام من غير روب وهكذا..

وبعدين انتي لو عيزة تزودي براحتك

رورة حبيبتي

شدي حيلك

مستنين المكياج و أدوات المطبخ

وكمان مستلزمات حجرة النوم

بسأل ليش كلمن يقول بعد الزواج يزيد الوزن ذي كلام فعلي ولا كلام مال عيايز يعني خرافات

حبيبتي جين

الكلام صحيح.. بسبب الحمل والولادة.. وغير هذا فإنه من المعروف ان الهرمونات تلعب دوراً فعالا في زيادة حجم الجسم بعد الزواج
وهذا يختلف من امرأة لأخرى..

شكرا على الموضوع الرائع والمتكامل

السلام عليكم
انا قريت انك عايزه تمشى بس الموضوع هناك اتقفل كلنا محتاجينيك يا روره لو سمحتى ما تمشييش انا طابعه كلامك فى ورقه وبنزل اشترى بيه انا عايزه اقولك حاجه انا كل اخواتى اجوزوا وما حدش فاضى لى وقاعده مع بابا فما بلقاش حد يقولى الصح من الغلط واهل جوزى مش سهلين عايزه ادخل بجهازى صح زى الناس لما اختى الكبيره قالت لى ننزل سوق الثلات نجيب الحاجه قلتلها لما روره تقول ايه الحاجات والله العظيم مستنياكى تقولى عشان انزل اجيب انتى عارفه انا فرحى فى شهر 6 فاذا كنتى بتحبى ربنا خليكى معانا وملفك ده هيساعد كل العرائيس مش انا بس

اختك جومانه

تسلمين.

الاخت الحبيبة راعية الشوزن.. بارك الله فيكي على المرور..

جومانا.. انا هكمل ان شاء الله بقدر المستطاع عشان عيونك وعيون كل الأخوات..

والله المستعان..

ادعولي يابنات ربنا يكتبلي أجر الموضوع دة في ميزان حسناتي

تاسعا: أطقم الحمام

من المعروف ان ما يضفي الصورة الجميلة على ملابسك هي الأكسسوارات التي تتزينين بها.. فذلك ما يزيد من جمال صورتك وملابسك..
ومن المعروف أيضا ان كل شيء وله اكسسواراته..

وانا قد رأيت العديد والعديد من أكسسوارات الحمام الملونة والمنوعة والجميلة.. بخامات مختلفة.. وذلك ما يميزها.. (الخامة) وليست مثلا الألوان..

فقبل ان تفكري بطقم او اي اكسسوار للحمام.. مثل (الصبانة مثلا) وهي مكان وضع الصابون.. فلا تنسين انه من المهم جدا ان تكون مصنوعة من البلاستيك..

فابالرغم من العديد والعديد من الأشكال الجميلة.. والرائعة والخامات الجيدة مثل السيراميك او الزجاج.. إلا انني لا انصحك به ابدا لسهوله كسره.. فلا تنسي انكي لن تدخلي وحدك إلى الحمام.. فإذا كان الإنسان الكبير لا يستطع المحافظة على الشيء .. فما بالك اذبالطفل الصغير.. الذي يشده اي شيء شكله جميل او غريب.. وما ان يمسكه حتى ينهال على الأرض متحطما..

لذلك قبل كل شيء .. فكري ان هناك بعض الأشياء التي لا يجب ان تفكري فقط في شكلها.. وإنما في خاماتها ايضا..
واذا كانت الخامة بلاستيكية أو خشبية فأعتقد اذا ان السعر لن يكون باهظ..

فالنبدأ معا.. والله المستعان..

1- طقم كامل يباع بالأسواق مكون من (ستارة حمام بلاستيكية - صبانة - علبة لوضع فرش الأسنان وأداوت الحلاقة - كوب فارغ ليوضع فيه الماء الذي تغسل فيه فرش الأسنان او فرشة الحلاقة - علبة التنظيف ومعها الفرشة الخاصة بتنظيف الحمام - سلة مهملات - كيس كبير لوضع الملابس المتسخة - علبة لوضع الصابون السائل بمكبس ضغط من الأعلى - 3 عليقات توضع في باب الحمام من الخلف او بجانب الحوض لتعلق عليه الفوط - قدمين كبيرتين من القماش يوضعان أمام حوض الاستحمام على الأرض لتجفف فيهم القدمين مباشرة بعد الخروج من حوض الاستحمام

هذا الطقم يباع في الاسواق في علبة كاملة او مفرد علا حسب حاجتك.. فإذا أردتي شرائه مفرد ولا تستطيعين شرائه كاملا فلا بأس .. اما اذا اردتي شراء الصندوق كاملا فالله معك لأن سعره باهظا جدا..


2- عدد 2 صابون سائل و2 صابون استحمام و 2 سائل استحمام و2 صابون للوجه
صابون سائل = احضري واحدة برائحة الليمون مثلا والأخرى برائحة العود او خشب الصندل.
صابون الاستحمام = فا بالليمون رائعة وايضا لوكس
صابون الوجه = انصحك بلوكس ولايف بوي وديتول
سائل الاستحمام = ذكرت منه الكثير من الأنواع في كل ما يخص الجسم.. فا - بالموليف - دوف - جونسون - وهناك برائحة الفروالة والمانجو وهكذا..

اذا اردتي شراء مجموعة كاملة للحمام فيها (صابونة + سائل استحمام + صابون سائل + شاور جيل)
ستجدين منها الكثير والكثير في إيفون او اوريفليم..
عدد مجموعتين كافي جدا.


3- لا تنسي ايضا فقاعات الحمام الجميلة .. هناك بالباونج - الفانيليا - الفراولة - المانجو..
الكثير والكثير من الروائح التي تعطي احساسا رائعا بالاسترخاء

وقد رأيت في بروموشن إيفون لهذا الشهر سائل للفقاعات جديد جدا ورائع برائحة الشوكولاتة.. وانا قد اشتريت من هذا النوع بالفانيليا..

نوعي ولا تحددي.. ولكن نظرا لغلاء ثمن هذه الفقاعات من ايفون.. فأنصحك بأن تشتريه من السوبر ماركت .. علبة كبيرة جدا بثمن علبة صغيرة من فقاعات الاستحمام من ايفون او اوريفليم..
يكفيكي من فقاعات الحمام عدد 2 او ثلاثة فقط.

4- شموع صغيرة ملونة انشريها في حمامك..

5- شماعات صغيرة تعلق على الباب اذا كنتي لن تشتريها ضمن المجموعة المذكورة أعلاه.

6- لا تنسي ستارة الحمام الذهبية القماش للعرائس .. تعلق فقط في اليوم الأول او الأسبوع الأول نظرا لأنها ليست عملية بالمرة ولكنها تعلق للشكل فقط.. وانصح بتبطينها من الداخل من ناحية الدوش ببطانة بلاستيك لتحميها من الماء.. وياتي معها فوط جميلة للوجه واليد تعلق بجانب الحوض.. وايضا لونها يكون عادة ابيض او ذهبي

7- فواحة برائحة جيدة. وهي التي يخرج منها العطر بالضغط اشتري منها عدد 2 كافي جدا.

8- مناديل.

9- زرع او ورد بلاستيكي او مجفف زيني به حمامك .. واذا اردتي طبيعي فهناك انواع معينة من النباتات تعيش بالحمام.. اسألي عنها البستاني.. وليكن حجم الزرع او الورد صغير وليس كبيرا حتى لا يأخد حيزا كبيرا

10- علبة ديتول للتنظيف - كلوركس - واذا اردتي ان تشتري مسحوق غسيلك الذي تفضلينه من الآن فاشتريه حتى يكون حمامك جاهزا ولا ينقصه شيئا.

11- ادوات تنظيف الحمام (مساحة - فرشة سيراميك - اسفنجة)

12- وأخير لا تنسي ان تهتمي بنور الحمام.. الذي عادة ما يكون اللون الروز الهادي.. مع نور بسيط على المرآة يعطي هدوءا وجمالا لحمام.

هذا ما استطعت ان اتذكره لليوم فمن تذكرت شيء فالتتفضل لنستفيد.. ومن أرادت السؤال عن أي شيء انا في الخدمة
واعتذر حبيباتي عن الـتأخر..

والمرة القادمة ان شاء الله سنتحدث عن:
غرفة النوم..
ما الذي ستحتاجينه..


والله المســـــــتعان

ربنا يخليكي لينا يا رورة يارب

ومتسبيناش أبداً

ومتخافيش أبداً كلنا معاكي

ومتستسلميش للأحباط
دا أنتي اللي بتشجعيني يارورة



جي جي

متخافيش يا جي جي أنتي كمان كلنا معاكي
إحنا بنكتب في الموضوع التاني بتاع الجسم والشعر

وفي موضوع بتاع بنوتة أسمها هنيا بتقول عنها خبرة كويسة في التجهيزات
وإن شاء الله الموضوع يبقى حلو
ورورة الأمورة أه رجعتلنا تنورنا تاني


:flower:

تايتو ربنا يخليكي يارب انتي وبقية البنات.. انتو الي شجعتوني.. وانا عشان مليش خبرة اوي في جهاز العروسة بتاع غرف النوم والمطبخ فياريت كلنا نتعاون مع بعض..

انا زي مقلت في اول موضوعي خالص.. انا هكتب العدد الكافي والي عيزة تزود يبأة من عندها..

اهو كده الكلام يا روره حد برده يسيب بنات زي العسل زينا وتجهيزات الحمام تحفه بس كنت عاوزه افهم منك اايه الرغوه اللفافون ديه ومتعرفيش نزلت عندنا ولا لا وسعرها كام وبتقولي الرغوه بتاعة السوبر ماركت قوليلنا انواعها يا ريت واسعارها لاني مش عارفه فيهم ولاقيت الفاوريفليم ب80 ج فحرام
وانا ليه ملحوظه انك متكلمتيش على بورنص الحمام وده بيبقى طقم العروسه والعريس ونزل منه على شكل فستان حلو قوي وكمان الفوط وعددهم وفوط العنايه الشخصيه وفيه بودرة العنايه بالمنطقه الحساسه انا مقريتش غير عن بتاعة اافون فلو حد يعرف انواعهم
ورايي اننا نحاول نحط فالحمام دولاب رفيع او حتى حاجه شبه الكونسول على حسب مساحة الحمام علشان نحط فيها الفوط والفوط الصحيه والصابون وادوات التنظيف بحيس ان شكل الحمام يفضل مرتب

رورة روح قلبى انا مش قادرة اوضفلك إنبساطى قد ايه يا عمرى والله لان انا لما قريت رسالتك اتخنقت قوى وبجد كنت عايزة ابعتلك على الخاص ولو أقدر أكلمك ومعايه رقم ليكى كنت كلمتك فى وقتها بس ملقتش اى حاجة معايه ولا حتى إيميل المهم انا عايزة اقولك انك تخلى بالك من نفسك قوى واستعينى بالصلاة يا جميل والدعاء عشان ربنا يحميكى من اى ضرر أو حسد وخاليكى قوية واوعى تستسلمى لاى ياس او إحباط وربنا يحفظك يا جميل انا بجد مش قادرة اوصفلك فرحتى برجوعك لينا وربنا ميحرمناش منك ولا من دخولك ولا من لمتنا الحلوة دى يا رب يا جميله وحياتى عندك اوعى تعمليها تانى يا رورة عشان انا مش قادرة اقولك انى بجد لحد دلوقتى رسالتك ماثرة فيه ازاى ووالله العظيم حاسة انى عايزة اعيط فلو سمحتى متعمليهاش تانى يا توته والنبى انا محبش احب حد ويبعد كده خال بالك من نفسك قوى ومستنين ارائك يا قمر

الحقونىىىىىىىىىىىىىىىىىىىىىىى انا خلاص زهفت الحساسيه عملت علانات مش عاوزه تروووححح انا اعمل ايه فى الى انا غى محدش حاسس بيه