موضوع للنقاش: هل تأخذين شغالتك معاك لما تطلعين برفقة أطفالك؟؟؟

والله الشغاله راحه .... خاصة في مجتمعاتنا الخليجية بصراحة انا عندي شغاله واخذها معي كل مكان بس ماكنت اخلي بنتي عندها وهي صغيرة ... الحين ممكن للمشاوير السريعة لانها تفهم وتقدر تشتكي لو سوت لها شيء

اهم شيء مااجمع عليها الدنيا يعني يا بنتي يا شغل البيت .... انا عندي وسواس من يوم بنتي مولودة انام واقوم معاها كانوا يقولون لي طلعيها للشغالة الصباح بس انا مااقدر انام وبنتي برا الغرفة ... صحيح في البداية تعبت اسهر مع زوجي واصحى مع بنتي مرات متكررة بس هذي ضريبة الامومة ...

على العموم هي مهمة بس بدون افراط المهم اننا ماننسى انهم يساعدونا ما يلغونا في التربية في ناس والله يسافرون اشهر واولادهم مع الخدم في البيت

تحيه وبعد....

انا عندي شغاله... وقت الدوام تكون هي وبنتي عند اهل زوجي....

طول الوقت مع ام زوجي بس ان الشغاله هي الي تغير لها ملابسها وحفاظتها بس تحت نظر ام زوجي...

لأن صعبه اوديها عندها ومن غير شغاله ....

اما من ناحية الطلعات اذا كنت مع زوجي مستحييييييييييييييييل اخذها معاي...

اما اذا طلعت انا واخواتي والا انا وصاحباتي لازم اخذها معاي...

يعني خصوصا بنتي من النوع الصياحه وتجلس تحوسني واستحي اززعج البنات...

اما مع زوجي عادي هو ابوها وانا امها ماعندنا مشاكل...

أحلى عروسة،، الله يحفظها لك،،، بس حرام الي يسافرون ويخلون عيالهم مع الشغالات لوحدهم ، الله يعلم شو يصير...

Bent Cute الله يحفظ لك هالبنوتة،،، صحيح مانقدر نخلي أعيالنا عند أمهاتنا بدون شغالة،، مسكينة كافيتها الدنيا من التعب بعد نحملهم عيالنا،، آنه شغالتي تبدل لولدي وتأكله بس طبعا بإشراف أمي الله يخليها لنا..