اكرهم من كل قلبي

جزاكم الله الف خير بس بغيت اقول حق الي سالت عن ابوي ابوي مشيخني عليهم حتى على اخواني الشباب كل شي بامري تدرون ليه لاني شبيهته ودلوعته حتى يوم اقوم الصبح وشكلي حالة يقعد يغني لي ويضحكني ومرات اسافر انا وياه نروح دبي ولا الدمام بصراحة ابوي اهو الي مفرحني وشايل عني كل شي ولي رجعة معاكم

السلام عليكم ورحمة الله وبركاته

ما شاء الله...بصراحة الأخوات ما خلوا لي كلام أقوله...

الله يوفقك يا رب...و يهديكي إن شاء الله...

اختي اذا ابوج مشيخنج عليهم و مب مخلنج تحسين اب قاصر ليش شاله هموم الدنيا

شو بتسوين لو ابوج كان مثلهم و ياهم ؟؟؟

شوفي الجانب الحلو في الموضوع و احمدي ربج و دايما ادعي اللهم حببني في الناس و حبب الناس فيني

و اهم شي لا تنسين عمرج .. و مصيرهم بيعرفون قيمتج يعني انا ما اتخيلج قبيحه عشان تحسسينا انج منبوذه عشان شكلج و اهمالج لنفسج ...

انتي بس طلعي الحلوة اللي داخلج و خليها تشوف الدنيا و الدنيا تشوفها ...

و المثل يقولج عيال الحبيبه بلوني بمصيبه ..

يمكن امج اللي شاله اختج فوق الدنيا ايي يوم محد يحترمها و يشلها الا انتي و اختج اول وحدة تتخلا عنها ...

حبيبتى والله قطعتي قلبي
سبحان الله هذا اللى الله كاتبه لج
ياقلبي لاتهتمين لهم وادري انها صعبه
لانج عايشه وياهم ببيت شوفي انتى
لاتهتمين اللى يقولونه لج واتحملي امج
بكلامها الله مع الصابرين وحاولي لاتتهاوشين
وياها لان رضا الله من رضا الوالدين سوي هالشيء
علشان ربج والله يفرجنا باذن الله

اللهم يسر لكل من رد علي واشفى صدري بدعاء او برد اوبقراءة اواي شي يسر له الصراط ياذا الجلال والاكرام

حبيبتي الله يعينك ويصبرك على الابتلاء..بس ما بيصير تعملي بحالك هيك.. المفروض تهتمي بنفسك..لا تقطعي شعرك ولا تاكلي اضافرك
حطي زيوت لشعرك خليه يصير حلو.. واضافرك طوليون شوي وروحي علصالون عملي منيكير وبديكير وكل يوم امشي..والبسي تياب حلوين.. وغيري من نفسك ونفسيتك.. البنت هيي الي بتحلي حالا.. وانا ما بعرف ليش عندي شعور انو الله رح يبعتلك نصيب يريحك اكتر من اخاوتك والله رح يعوضك خير العوض.. المهم انك تقومي وتنهضي من الوضع المزري الي انتي حطيتي حالك فيه واهلك حطوكي فيه... صدقيني رح يجي يوم ويركضو وراكي طالبين الرضا منك... وخاصة انك بنت حبوبة على ما فهمت... اعملي الي عم قول عليه وانشالله رح تجي تخبريني اخبار حلوة والبسي فستان حلو وانتي رايحة على اي عرس وسوي شعرك وحطي مكياج وقعدي على قلب اخواتك ولا تردي على اي حدا بيحب يحبط من عزيمتك... وخبريني الاخبار الحلوة بعدين.. تذكري انك لازم تكوني قوية وما تردي على حدا.. اعتبريون غيرانين منك...

انا بصراحة مااعرف شو اقوووول انا ابي اصيح منشانج زالله

عزيزتي سلامة قلبش

لا تقعدين تهمين نفسك
وانا حاسة فيش .. بس صدقيني طنشي
وحبذا لو قالوا لش هالكلام وتبتسمين وكأنه لا شيئ


وهم راحوا ولا جوا هذولة اهلك وما لش بد منهم


بس انا أأيد الاخوات حاولي تزهبين نفسك
تهتمين بروحش اكثر
في اخلاقش
في شكلك
في لبسك
في شعرك

روحي لوحدة عندها خبرة او ذوق تساعدك


ولو لش نية انا ممكن اتحدث معاش عالماسنجر ونتناقش بهذا الموضوع


وعرفي ان كل شيئ يبتدي من الصفر وحبة حبة

وحاولي قد ما تقدرين ما تطولين لسانش عليهم



وخلصي النية لله
في دعائك وصلاتك
وناجيه وادعي من كل قلبش
وخلي ايمانش قووي انه بيده يغير كل شيئ
حتى نفستهم عليش


والله كريم


وربي يوفقش




تحيتي،،

لا حول ولا قوة الاه بالله العلي العظيم
شوفي يا ختية محد يكرة بنته او يكرة اختها صدقيني أهلج يحبوانج بس هذا اسلوابهم أنا ما أنكر أني اشواف بعض التحيز لخواتج الثانيات بس يا ختية المفروظ أنج أتحاولين تكسبينهم باي طريقة هذيلا اهلج وأنتي مالج غيرهم وصدقيني يا الغالية الي مافية خير في هلة مافي خير بناس انتي من كلامج امبين عليج انج بعدج أصغيرة ومب مدركه لشي ألي تقوالينة نحن كلنا كنا مثلج نتحسب أنه أهلنا مايحبوانا بس بعد ماكبرنا شفنا انهم مب مقصرين علينا بشي يكفي أنهم ربوانا يا حبيبتي كل الكلام الي قلتية كان في لحظة غظب وأنا ادري أنج أول ما بتهدين بتردين أحسن من قبل ...............................ونصيحة مني لج حاولي تتقربين من أهلج باي طريقة وخليج واثقة من نفسج محد مب حلو بس يمكن لأنج صغيرة ماتعرفين تظهرين جمالج وصبري غناتي والله وياج أنشاء الله بس ما أوصيج على أهلج تراج مالج غنى عنهم....................

noora qatar:
جزاكم الله الف خير بس بغيت اقول حق الي سالت عن ابوي ابوي مشيخني عليهم حتى على اخواني الشباب كل شي بامري تدرون ليه لاني شبيهته ودلوعته حتى يوم اقوم الصبح وشكلي حالة يقعد يغني لي ويضحكني ومرات اسافر انا وياه نروح دبي ولا الدمام بصراحة ابوي اهو الي مفرحني وشايل عني كل شي ولي رجعة معاكم

يا حبيبتي عندج ابوي شرات هالاب وتفكرين في اللي يضايقج يا حبيبت قلبي سوي شرات ما قالولج الخوات واهتمي في نفسج ولا يهمج غيرج واكشخي واطلعي ولا تهتمين لغيرج واهتمي في نفسج اكثر

يعطيكم الف عافية ابي اقولكم انكم خففتوا عني وايد الله يجزاكم خير انا من الحين بغير كل شي في حياتي بغير كل شي اولا عشان نفسي وثانيا لان عندي اخوات مثلكم يحبون يشوفوني مستانسة والله اني احبكم في الله

الله يعييينج ويصبرج ان شاء الله
علييييييييييج بالدعاء وخلج دووم مع ابوج

ما شالله والله الاخوات ما خلو شي الا ما قالوه لك كل اللي كنت نفسي اقوله قالوه

تدرين انا من كثر ما قريت كلام الاخوات والله ارتفعت معنوياتي وانا مو صاحبة المشكله اصلا ههههههههههههه

بس في جمله مره ما حبيتها منك ليش تقولبن عن نفسك انك ما رح تتزوجين ليه انتي كاهنه وانا ما ادري عالمه الغيب!!!!!!!!!

ما يسيــــــــــــــــــــــــر تقولين هالجمله انتي لسه صغيره

والله ما تدرين يمكن يجيك انسان يعوضك عن كل اللي فقدتيه ترى الدنيا لسه بخير


بعدين في شي رائع في مووضوعك اعجبني كثيييييير وهو ابوكي ما شالله عليه يجنن هذا الاب

احمدي ربك يغني لك ويمدحك وتسافرين معه والله غيرك مو لاقي الحنان من ابوه ولا كأنه اب اصلا

استغلي حب ابوكي لك واتقربي له وكوني قويه بحبك له

واذا اهلك ضايقوك بكلمه تذكري ابوك وقولي الحمدلله عندي اب طيب وانسي الكلام الجارح من اهلك

وتحياتي لك الله يوفقك

طمنينا عليج

حبيبتي والله صج سالفتج قطعت قلبي
شوفي قبل لا أتزوج امي ماتقول عني مو حلوة أو تفضل أي وحده علي لا لا
بس كانت حاطه دوبها من دوبي
ودايما تقط كلام والله أستحي أقوله يعني كلام قوي قوي والله العظيم
يعني لو أقول هالكلام عيونج تطلع من الصدمه
بعدين شنو قمت أسوي أقعد بالصاله واذا تكلمت أو تلفظت بكلام يجرح أو كلام وصخ
ألف ويهي وأضحك
تدرين شنو يصير فيها تقول بينها وبين نفسها انا أجرحها واهي تضحك
تميت فترة على هالحال لين ما يأست وماقامت تقول مثل هالكلام
وتدرين كنت 24 ساعه بالغرفه أرقص شرقي لين ماطلعلي خصر
وشوي بلشت أروح أطلع ساعه أمشي بالممشى لين ما حصلت الجسم اللي أبيه
وبعدين كنت توه في بداية دوامي فحطيت على جنب مبلغ لين ماقدرت أفتح سياره يديده طبعا مو كاش علشان لا أشوف نفسي أقساط خخخخخخخخخخخخ
المهم والله سوي نفسي
وانتي دام دلوعة أبوج كل يوم طلعي معاه
تعال يبه ودني المكان الفلاني وخليهم يموتون قهر
واذا أحد سألج حقريه
وان سمعتي كلام دخلي من اذن وطلعي من الاذن الثانيه
كشخي حق نفسج
وصدقيني مادري ليش احساسي يقولي بتحصلين نصيب
الكل بينصدم ويحسدج عليه بس ربي يبعد عنج الحسد
طيعيني وسمعي كلام البنات تكشخي وحطي الميك أب حتى لو بالبيت وان سمعتي أي كلمه تجرح
طنشي وضحكي
سويلج ماسكات واعتني بأظافرج لاتصيرين صبي ما عندج أظافر
ترى مو حلو
وروحي الصالون وقصي شعرج وصبغيه
غيري طريقة ثيابج ولبسي اللي يعجبج مو بس جلابيات
حتى لو بعدج مو متزوجه شنو المانع تلبسين جنز بالبيت
غيري من ثيابج كلهم اشتري شغلات يديده
خلي الكل ينبهر منج
والله عجبني رد وحده من الخوات تقول كل يوم الصبح روحي عند المنظره وقولي صباح الخير ياعسلترى انا كنت جذي قبل لا أتزوج
لما أروح عند المنظره وأشوف نفسي أقول تبارك الله أحسن الخالقين مع العلم ترى انا مو مقطعه الجمال خخخخخخخخخ
أبي أشوف ردج تقولين سويتي كل هالشغلات الحلوة
أوكي ياحلوة
بااااااااااااااااااااااااااااي

ياحياتي والله العظيم قطعتي قلبي معقوله فيه أم توصل لهالدرجه !!

حبيبتي لاتلومين خواتج عالي يسوونه لانه امج زرعت هالشي فيهم يعني المشكله مع امج مب مع خواتج لان امج لواحسنت معاملتج فهم بيضطرون يحسنونها.......... حاولي تثبتين وجودج بأي شي اخر لان الجمال جمال الروح واذا هم تفكيرهم ناقص انتي مب ذنبج انتي انسانة مؤمنه برب العالمين تقربي من ربج وكثري من صلوات الليل لانها راحة لج ومخرج من كل هم ومشكله..........شدي حيلج في دراستج وتفوقي عالكل .........اهتمي بنفسج وجسمج تعدلي واكشخي ولاتهتمين بالرايح والجاي ....... وقفي جدام المنظره واحمدي ربج على كل حال الله عطاج كل شي انتي لامعاقه ولامشلوله وعندج كل المقومات لاتقولين اختي احلى !! مافيها زود عنج انتي الله كملج بعقلج والعقل زينه للبنت واهتمامج بنفسج وشعرج ومظهرج خليه شي اساسي بجانب دعاءج وصبرج وتفوقج في دراستج .......تعلمي تردين على امج وخواتج برد واحد لولقيتي استهزاء : قوليلهم وانتي رافع راسج الحمدلله على كل حال.........صدقيني قلبي معاج حبيبتي وانتظر منج الاخبار................

لا حول ولا قوة الا بالله العلي العظيم اصبري ما بعد الصبر الا الفرج انشاء الله

غادة اليم الله يوفقج في حياتج صج رفعتي معنوياتي انا الحين بديت اتغير وسويت كل الي قلتولي عليه واحس ان في تغيير حاصل في امي يالله دعواتكم
خطيبة الغالي مشكورة والله يوفقج في حياتج اي الحمدلله على كل حال والله يهدي امي ويسخر قلبها لي
زين
اي والله مالنا الا الصبر والله يوفقج قولي امين

عزيزتي ..... الله يسر لج أمرج ويفرج لج همج ويجعلج ممن أحبهم فحبب عباده فيج

الله سبحانه وتعالى أنعم علينا بنعمه كبيرة وهي الدعاء وأنا رح أذكرج بعض الأدعية اللي ممكن تتخف عنج وتفرج لج همج باذن الله

إذا تضايقتي قولي: ((اللهم أني أمتك بنت عبدك بنت أمتك في قبضتك ناصيتي بيدك ماض في حكمك عدل في قضاؤك أسألك بكل اسم هو لك سميت به نفسك أو علمته احد من خلقك أو استأثرت به في علم الغيب عندك أن تجعل القرآن ربيع قلبي ونور صدري وذهاب همي وجلاء حزني)) وتأكدي إن الله بيبدل حزنج فرح وسرور (( حافظي على ذكر هذا الدعاء فهو مجرب ومهم جدا))

هذا الدعاء احفظيه وقوليه دايما قبل ما تتلتقين باي حد مكن ايضايقج وباذن الله رح يمنع اي حد انه يأذيج بكلامه (( اللهم رب السماوات وما اظلت ورب الأرضين وما أقلت ورب الشياطين وما اضلت كن جارا لي من شر خلقك كلهم ان يفرط علي أحد منهم أو ان يبغي عز جارك وجل ثناؤك لا اله الا انت لا اله غيرك)) وان شا الله مارح تندمين.


دايما رددي ياودود ياودود عشان الله ينزل ودج في قلبهم واكثري من الاستغفار

والخوات ماشاالله عليهم ويزاهم الله خير ماقصروا وأنا راي انج تحطين لج هدف مكتوب وتسوين الاشياء اللي ذكروها البنات واللي تبين تسوينها في خطة مكتوبة.. ليش يا ترى؟؟؟؟

عشان إذا مليتي أو صادج احباط تقرينها وترفعين معنوياتج



ويا ليت تكتبين لج عبارات ايجابية مثل ..

أنا الأفضل

أنا حبيبة أبوها

أنا رائعة

أنا.......

وعلقيها عندج في الحجرة أو سويتها بتصميم حلوة بالكمبيوتر وحطيها في فريمات راقية أو ستاندات حلوة وخليها في مكان تشوفينها فيه قبل النوم عشان يتم عقلج الباطن يرددها وانتي نايمه وأول شي تشوفينه يوم تنشين من الرقاد عشان عقلج يتم يشتغل بها

الله يسر لج أمرج وويوفقج

في نصيحة ثانية .........

النصيحة الثانية تقول......





تقول.........






تقول.........







وبعدين يعني شتقول .............






تقول أنج لازم تكونين مرحة :dd: كيف يعني؟؟




يعني تكونين خفيفة ظل تقولين نكت ، تسوين مقالب خفيفية _ أعيد_ خفيفة &عن الدفاشة :mad2: &
شوفي أفلام أو مسرحيات فكاهية ، اقري قصص فكاهية..


ترى يالغالية المرح والفكاهة وايد تخفف الضغط عن النفس وتحسسك إن الحياة بسيطة وحلوة والأهم من جيه إنها **** تقرب الناس منك وتخليهم هم اللي يطلبون ودج****

استمتعي بالأوقاوت الحلوة اللي تمر عليج مع أبوج وربيعاتج وعيشيها بكل دقايقها وثوانيها ولا تخلين الهموم ميسطرة عليج على الأقل في الأوقات السعيدة ..... وإذا صار الضيق قولي الدعاء واذكري نعم رب العالمين عليج من اب حنون وصحبة جيدة وعافية وعقل



ولا تنسينا من صالح دعائج انتي وكل من يقرا الرد...........................