مشاكلك لها حل عندنا بإذن اللــه =-=-=-= >>>

يعطيج العافيه اختي ملاك الورد ومشكوره على هالموضوع والله يجزيج الله خير....

انا مشكلتي مشكلة:confused:
طالع لي نمش في جبهتي صاير جنه وحمة(شامه) مع العلم ان انه بشرتي بيضاء وصاير لون النمش بني فاتح والي يعرفوني اول والحين يشوفوني يقولون لي خير شفيج محترقه:confused: انا اقول ما ادري يمكن من الشمس لان من رحت الجامعه طلع لي وانا الحين خلصت جامعه بس المشكله للحين فيني
ورحت حق طبيب جلد بس ما قالي السبب بس عطاني ادويه بس كلش ما نفع معاي وما تغير شي...ما ادري اذا عندج حل لمشكلتي او لأ؟ واكون لج شاكره...
بعدعندي مشكله ثانيه..اعتقد ان بشرتي جافه لان هالاسابع الاخيره على جنبي الانف عندي متقسر اشوي وصاير احمر..ما ادري بشنو تنصحيني احط على ويهي لان ما احط شي على ويهي من اقنعه لان اخاف احط شي بعدين يعتفس ويهي..ما احط الا كريم واقي للشمس اسمه سوبر سن بلوك وهذا وصفه من الطبيب...سامحيني اذا طولت عليج وقلت قصه حياتي:o

اختى ملاك الورد
الله يعطيج العافيه إشالله على تعبج ويانا

حبيبتى انا مشكلتى في بشرتى
انا أحس انه بشرتى باهته او ممكن اقولج يعنى مش مورده اتحسيبها جافه

اتعرفين انا قلت يمكن البشره باهته لانى ما اسوي هذا التقشير الخفيف وخذت من فتره دوا مدحوه البنات ايقشر اللى هو RDL واستخدمته فتره بس يوم شفت كيف ويهى اتقشر بصراحه خفت ووقفت وما حسيت انه عطانى نتيجهلانه اصلا بشرتى ما اتعانى ولله الحمد من كلف او حبوب او بشره دهنيه او اي شي الحمدالله

انا بس ابغى احس انه بشرتى صافيه نقيه
احيانا اسمع عم المقشرات الخفيفه اللى هي مثل السكراب
حبيبتى انا عروس بعد شهر عرسي والله صدقينى مب عارفه كيف اخلى بشرتى أحس اتعرفين احس بها تعباااانه

وبصراحه انا ماأستخدم أي شي لها

هلااا فيج عزيزتي العين الساحره .. :smile: الحين فهمت عليج ههههههه

بالنسبة للحبوب فهي اعتقد تكون عادة صغيره وفوق الجلد
وما تخلف أي اثر .. وتكون غالبا في الجبهه وعند الصدغين ..

وفي هالحاله تحتاجين للتقشير عشان تزيلين الطبقه الخارجيه
للجلد لان هالحبوب مكانها فوق الجلد غالبا .. بس مثل ما قلتي
عندج البشره الجافه .. فهني راح تحتاجين للتقشير في صالون
لأن التقشير في البيت ينفع للبشره الدهنيه لكن الجافه تحتاج
لعناية خاصة من خلال الكريمات والمرطبات الخاصة .. فهني انصحج
عزيزتي بزيارة اي صالون متخصص للتقشير بطريقة مثاليه ... وكبدايه
استخدمي كريم الاسكرب او الصابون مثل كريم الاكسرب بالليمون
من ماركة ( كارا ) متوفر في الصيدليات ...

بالنسبة للرموش ينفعها زيت الخروع وزيت الزيتون ,. انا انصحج
بزيت الزيتون اللي تكون علبته معدنيه بلون أخضر وهو زيت زيتون
اسباني .. استخدميه كل ليله فقط تمسحين على رموش مسح خفيف
.. وفي ماسكارا انا اشتريتها من بودي شوي وهي ممتازة من حيث
تكثيف وتطويل الرموش .. وهو لونه شفافه ويحتوي على فيتامين E
أنصحج فيه ...

ولأي استفسار لا تترددين عزيزتي ...
==========

هلاااا فيج عزيزتي Mrs Chocolate :smile: ويعافيج ياااارب .. لا شكر على واجب ..

عزيزتي اللي تعانين منه مب نمش انما هي بقع تطلع بسبب التعرض
للشمس غالبا وخاصة حق اللي بشراتهم جافة ( مع اني مب متاكده
اذا بشرتج جافة او لا ) .. وعلاجها بسيط غالبا اذا تعالجت اول باول ..
وهي تروح بالتقشير .. طبعا مب من اول مرة.. تحتاجين لجلسات ..
وتكون عند اخصائي بشرة .. انا انصحج ما تلعبين فيها .. لكن كبداية
جربي انج مرتين يوميا تمررين قطعة ثلج عليها .. وتبللين قطنه
عصير ليمون مخفف بماء الورد وتمسحين فيه المنطقه .. عشان الليون
يساعد في تخفيف الاماكن الداكنه ..

بالنسبة لتقشر الانف ما يحدد نوعية بشرتج .. لان هالشيء موجود
في كل البشرات تقريبا .. وهو يكون اما بسبب جفاف الجو او حرارة الجو ..
واحيانا غسل الوجه بالصابون بكثرة .. و احيانا جفاف البشره مثل ما قلتي
لكنه بعد لا يعتبر عامل لتحديد نوعية البشره .. لان تسببه عوامل خارجيه..
وهي تروح ببساطه بمسح المنطقه بكريم مرطب جربي كريم مرطب ( جرنجز ) الخاص بالبشرة الجافه .. راح يفيدج عزيزتي ..
==========

هلااا فيج عزيزتي العنقاء .. :smile: الله يعافيك اختي لا شكر على واجب ..

اولا ألف مبروووك حبيبتي وان شاء الله تكونين احلى عروس ..
واكيد تحتاجين تعتنين ببشرتج خاصة وانج الحين عروس ..
شيء حلو انج تخافين على بشرتج لكن الاهم انج تهتمين فيها ,,,

شوفي اختي في اشياء فعلا تورد البشره وتعطيها الاشراق ..
لكن مع المداومه بما يناسب بشرتج .. ومنها :

ماء الورد
الحليب
الخميره
الاسكرب
زيت اللوز

وتستخدمينها بالطريقة التاليه .. مثلا يوميا ..

اول ما تقومين الصبح اول شيء اغسلي بشرتج بماء الورد او امسحيها
بماء الورد قبل استخدام الماء العادي .. وبدها استخدمي الاسكرب
وعندج صابون الاسكرب Pixy وعندج كريمات الاسكرب مثل كريم اسكرب
من مجموعة ( كارا ) وانصحج فيه لانه بالليمون وموجود بالصيدليات ..
وبعدها اغسلي بماء عادي .. بعدها اشربي مزيج روب ( لبن زبادي ) + ملعقة عسل .. لان نظافة المعدة مطلوبة في حاله بهتان البشره ..
ودايما اشربي كوباو كوبين حليب ابيض او عصير فراولة مفيد جدااااا
ودايما تناولي خضار وفواكه ..

سوي قناع بسيط وهو عبارة عن الخميرة + ماء الورد ( تحملي ريحته ) تخلينه ربع ساعه او 20 دقيقه وتغسلينه .. بس لا تحطينه على منطقة الانف ... أو حول الفم و حول العين واغسليه عادي .. وبعدين خذي شوية حليب بودرة واخلطيه مع ماء الورد وحطيه تحت العين و على الشفايف وحول الفم والانف .. وخليه لين يجف واغسليه ...

بالليل قبل ما تنامين امسحي مسح خفيف بزيت اللوز على البشره ..
والصبح اغسليه بصابون عادي والافضل يكون طبي ...

قناع الخميرة و الاسكرب استخدميه بس 3 ايام في الاسبوع يعني مب كل يوم ...

وكإضافه بزيت اللوز سوي مساج للبشره عشان الدم يتحرك في الوجه
كل يوم ...




ولأي سؤال حاضره ...:up:

مشكوره اختي ملاك الورد والله يصبرج علينا وعلى بلاوينا

وانشاء الله بجرب الي قلتي لي عنه وانشاء الله يفيد..لكن اخاف استخدم جرجنز يعني اخاف يكون معطر وانا بشرتي حساسه وجافه.

بعد عندي مشكله نسيت ما قلت لج عنها..ان حواجبي فيهم قشور ..مع العلم ان سابقا شعري فيه قشور ولكن استخدمت له الحناء ممزوج بزيوت والحمدلله الان اختفت القشره من شعري:smile:. ولكن الحواجب ما ادري شسوي لها علشان اتخلص من القشره الي فيها.

مشكووووووووووورة الله يعطيج العافية.....اي نسيت اقولج اني احس ويهي دايما حار وهذي من اعاض الحبوووووب



ومشكوووووورة وايد اللله يخليج للمنتدى :clap::clap:

السلام عليكم

أختي ملاك الورد

هل في علاج طبيعي لحساسية البشرة لأني مليت من الأدوية ولا استفدت منها


وهل فيه قناع حلو ايناسب بشرتي مع العلم إنه بشرتي حساسة ودهنية ؟؟؟ بس اشوفها من فترة صايرة جافة واستعملت مرطبات طبية ولا استفدت شي

وشكرا

ايش رايك في ماركة لابراري يا اختي

هلاااا اختي Mrs Chocolate .. :smile: لا شكر على واجب عزيزتي ...

بالنسبة لمرطب جرنجز فلا تخافين هو فيه انواع للبشرة الدهنية
والجافة والحساسه .. وهو مب معطر ..

اما الحواجب فأعتقد عندج هالمنطقة جافة فالبشرة تتقشر عندج بسهولة
وحلها بسيط .. مع استخدمي زيت اللوز على منطقة الحواجب بس مسح
خفيف كل ليله .. وان شاء الله راح تنتهي المشكله ..
==========

هلااا فيج اختي العين الساحره .. :smile: .. العفووو عزيزتي لا شكر
على واجب ...

الحراره ممكن تخففين منها عن طريق تمرير قطعة ثلج 3 مرات يوميا ..
وانتبهي انج ما تطلعين تحت الشمس وايد او تتعرضين للهواء الجاف
او الحار.. واكثري من اكل فاكهة البابايا و البطيخ الاحمر ..
==========

هلاااا فيج عزيزتي عزلة الورد .. :smile:

حساسية البشرة شيء طبيعي .. لأن البشرات انواع دهنية وجافة
ومختلطة وحساسه ..

طبعا البشرة الحساسه تحتاج لعناية اكثر من غيرها من البشرات ..
خاصة لو كانت مختلطة مثل بشرتج ذكرتي انها حساسه-دهنية ..

وعندج عدة نصائح لازم تاخذينها بعين الاعتبار ...:

ابتعدي عن تناول المنبهات مثل الشاي والقهوة .. ابتعدي عن بعض
بعض الاطعمة اللي تؤدي للحساسيه مثل الموز والكاكاو و المانجو ..
واهم شيء عدم التعرض للشمس وللهواء الحار او البارد جداا .. كوني
دايما في جو معتدل عشان تقل الافرازات الدهنيه ..

بالنسبة للقناع .. فتستخدمينه مرة وحده اسبوعيا ..

عصير جزرة متوسطة - ملعقة عسل

يخلط عصير الجزر مع العسل ويفرد على الوجه لمدة ربع ساعه ..
وبعدها تغسلينه بالماء الدافئ ...

ومن فترة لاخرى امسحي البشرة بماء الورد ..
============

هلااا اختي عروسة للأبد ...:smile:

اسمحيلي عزيزتي لكني ما سمعت عن هالماركة من قبل ..




ولأي سؤال او استفسار حاضرة ..:smile:

السلام عليكم ورحمة الله وبركاته

مرحبا بكل الخوات الموجودات فالمنتدى ..

هاي اول مشاركة لي في هالقسم ..

وياريت احصل مساعده منكم ..

انا عرسي قريب .. وما اعرف اي شي عن استعدادات العروس من تنظيف ونعومة الجسم والوجه والاشيا الباقية .. بس سمعت عن الليفة والصابونه المغربية


.. فاتمنى من ملاك الورد وكل المتزوجات انهم يعطوني المعلومات الكافية ويعلموني كيف تكون تجهيزات العروس قبل ليلة الدخله

ويزاكم الله الف خير

هلااااا فيج اختي العزيزة bj3a...:smile: والف مبروووووك مقدما ..
والله يوفقج ويسعدج يا رب ..

عزيزتي في مواضيع كثيرة في المنتدى تتكلم عن استعدادات العروس
راح اعطيج الروابط وان شاء الله راح تستفيدين منها .....
وتقدرين تراجعين استفسارات البنات في الصفحات السابقه في الأشياء
اللي تهمج وتستفيدين منها .... وهي من أفضل المواضيع اتمنى انج تراجعينها ..


http://www.3roos.com/forums/showthread.php?s=&threadid=59916&perpage=15&pagenumber=1

http://www.3roos.com/forums/showthread.php?s=&threadid=14668

http://www.3roos.com/forums/showthread.php?threadid=40284

http://www.3roos.com/forums/showthread.php?s=&threadid=32495

http://www.3roos.com/forums/showthread.php?s=&threadid=32382

http://www.3roos.com/forums/showthread.php?threadid=18286

http://www.3roos.com/forums/showthread.php?threadid=25823

:up::up::up:

السلالالالالام عليكم

أختي ملاك الورد

طيب ويش فايدة قناع العسل والجزر للبشرة؟؟


وشكرا

وعليكم السلااام ...
هلااا اختي عزلة الورد ..:smile:

قناع العسل والجزر يعتني في البشرة الحساسه ..
وهو يغذيها ويحافظ عليها .. ويعطيج النضارة مع الاستعمال
المتكرر .. ممكن تستعملينه لما تحسين ان بشرتج مرهقه
او شاحبه ..

:up:

السلام عليكم ورحمة الله وبركاته


مشكورة اختي الكريمة وجزاك الله خير على مساعدتك للبنات

اختي انا لي استفسار عن كريم الاساس واللي مافي مرة اشتري واحد الا ويكون غير مناسب لي :s2 واتمنى احصل النصيحه عندش

أختي انا لون بشرتي يشبه لون بشرة المطربة الاماراتية ريم المحمودي.. ياريت تقولين لي شو لون الاساس اللي يناسبني..

شكرا لك

هلاااا فيج اختي sadlove .. تسلمين حبيبتي لا شكر على واجب ..:smile:

عزيزتي في عدة طرق لازم تتبعينها قبل اختيار كريم الاساس ..

1- مراعاة نوعية البشره :
يعني هل بشرتج دهنية او جافه او مختلطة او حساسه
وعلى اساسها يتحدد هل يناسبج الاساس المضغوط او السائل ..
ونوعية الكريم ...

2- لون البشرة :
لون البشره لها أرقام تحددها كريمات الاساس
اا ما كنتي تعرفين شو لون بشرتج ممكن
تسئلين الخبير في محل المكياج وهي تقولج
( مع ان الارقام تختلف من ماركة لاخرى )

3- لون كريم الاساس :
قبل اختيار لون كريم الاساس جربي شوية منه على ايدج
او على الرقبه .. لازم يطلع تقريبا بنفس درجة لون بشرتج

4- كيف تختارين الماركة وهالمهم :
طبعا في وااايد ماركات تحتارين شو تاخذين ...

ومن افضل ماركات كريم الاساس ..

جيرلان
كفرديرم
ماك
كانيبو
لانكوم
ناج اوليري

وايضا يفضل تاخذين البودرة من نفس الماركة ..
واحيانا يكون عندهم كريم مثبت تحطينه قبل كريم
الاساس .. اذا ما لقيتيه عندهم بتلقينه في بودي شوب ..



:up:

السلام عليكم ورحمة الله وبركاته


:clap: شكرا لك اختي.. وما قصرتي..

ولي سؤال اخير بخصوص الكونسيلر... انا اختي عمرها 26 وتشتكي من وجود خطوط اسفل عينها ولما تحط كونسيلر هالخطوط تظهر اكثر وبوضوح مما يسبب لها احراج وتبدوا كانها عجوز.. فهل نوع الكونسيلر له علاقه..

واذا ما فيها تعب ياريت اختي الكريمة تعطيني ماركات فيها كونسيلرات كويسة.. تحل هالمشكلة

اسفه لأني زودتها باسئلتي :rolleyes:

هلاااا عزيزتي .. sadlove :smile: عادي عيوني لا تعب ولا شيء ..

الكونسيلر يعتبر مثل كريم اساس ولكنه لبعض المناطق مثل تحت العيون
والاماكن الداكنه في الوجه ولتغطية العيوب او الحبوب...

ونوعيته طبعا تاثر وايد .. لذلك انا انصحج بكونسيلر من نفس ماركة كريمات
الاساس اللي ذكرتها لج فوق ..

واهم شيء ان لون الكونسيلر يكون افتح من لون البشره بدرجة واحده ..
يعني لو كان رقم كريم الاساس 3 تختارين لون الكونسيلر رقم 2 ...
عشان ما يكون الفرق كبير بين الكريم والكونسيلر ..

طريقة وضع الكونسيلر بعد مهمه جدااا ...

* يوضع الكونسيلر قبل كريم الاساس .. وحاولي تكون الكميه على قد
المشكله يعني لا تكثرين منه بدون داعي عشان ما يعطيج نتيجة
عكسيه .. * وثانيا افردي كريم الاساس وبعدها البودرة .. وحاولي ما تكثرين
البودره تحت العيون عشان البودرة تحدد التجاعيد تحت العيون وايد ...
ويفضل قبل ما تحط المكياج او الكونسيلر تمرر قطعة ثلج عشان تشد
البشره وتغلق المسام ...



ولأي سؤال حاضرة ....:smile:

ملاك الورد مشكورة يا عيوني

بس عندي مشكلة عويصة ما هي راضية تنحل

مرة غلطت وشلت الشعر الي بجبيني

لان وحدة قالت لي يعطي الوجه اتساع

وقعدت فترة اشيله مرة بالخيط ومرة بالملفط

ومرة بالشمع الي يتوفر بس اكثر شئ بالملقط

لانه هو اكثر شئ متوفر دايم المهم المشكلة

ان الشعر بطل يطلع وصار تحت الجلد ومن برا كنه

نقط سوداء بجلدي والله شكله يجيب الهم

وما هو راضي يطلع تكفين عطيني الحل لهلمشكلة

الي معقدتني وكل من يشوفها يقولي انتي حالقتهم

بالحلاقة علشان مسوين نقط سوداء زي لحية الرجال

شفتي القهر والتريقة (u)

هلااا اختي العزيزة دموع ... :smile:


الأفضل لما تشيلين الشعر من أي مكان بالجسم او الوجه
تكون بطريقة وحده .. ممكن الغلط انج استخدمتي اكثر من طريقة
وهذا سببلج خلل في المسامات اللي تطلع منها الشعر ...

لذلك عزيزتي ومثل ما قلتي ان الشعر نابت تحت الجلد فبذلك
انتي ما تقدرين تسوين شيء في البيت .. فلازم تتوجهين لطبيب
جلد .. وغالبا راح يكون العلاج بالليزر لكن هالشيء يحدده الطبيب
لج .. وانا انصحج تروحين لطبيب مختص وممتاز خاصة عند استخدام
الليزر لان مب كل حد يعرفله ..

لكن اصبري عليج شوي ممكن الشعر يطلع لخارج الجلد ساعتها تقدرين
تزيليه (( بالخيط فقط )) ..

واذا ما طلع توجهي لطبيب الجلد ..


وان شاء الله تنحل مشكلتج يااا رب .. :up:

مشكورة وما قصرتي(u)

حبيبتي الف شكر على مجهوداتك فعلا مذهله ماشاء الله عليك
انا عروس زواجي بعد شهر لكن اعاني من مشاكل كثيره اول شي
عندي سواد داكن جدا في الكوع والركبة والمنطقه الحساسه رحت دكتورة جلديه وصفتلي مقشر لكن استخدمته غلط لاني كنت افرك الجلد المقشر بالليفة بقووووووة والحين صار السواد اكثر من اول وربي بموووووت قهرررررررررر متحطمه ومتفشله كرهت اني اتزوج ويشوفني زوجي بهالمظهر المشكله خلاص ماعاد فيه وقت عندك نصيحه اوخلطه او اي حل بس يكون مضمون وسريع
وكمان وجهي كله حبوب تطلع وتختفي واثار وبقع وهالات وحالته حاله
اما الجسم فحدث ولا حرج الحمدلله بس وش تقترحين علي لان عندي خطوط بيضاء جسمي كله خرايط ولونه مو موحد والجسم كله مترهل لاني نحفت بدون رياضه خاصه الصدر نفسي شوي يكبر وينشد لانه مترهل مره ويفشل
مشكوره عيوني واسفه طولت عليك لكن بالله عليك هذا منظر عروووووس؟؟؟؟
والله مقهوووره من نفسي وش اسوي ساعديني باللي تقدري عليه واوعدك لك اغلى دعوه من عند الكعبه

(u)