مشاكلك لها حل عندنا بإذن اللــه =-=-=-= >>>

هلا ملاك الورد


ان شاء الله تلقي حل لمشكلتي


انا بنت حلوة وجسمي مخصر حلو



بس المشكله ما فيني ارداف ومؤخرتي صغيرة جدا هل من حل يكون الحل بسيط مو معقد



لانه ما عندي وقت عشان احظر الاغراض والطريقه





سلملم

السلام عليكم


انا سمعت ان الثلج يغلق المسامات
وحبيت اسالك اختى ملاك الود
هل صحيح اذا قمت بغسل وجهي بصابون طبي وبعدين اخذ ثلج وامررة في وجهي انة يغلق مسامات الوجة؟؟
لان وجهي دهني واحيانا يطلع فية حبوب ، وقليل زيوان في منطقة الانف
ياريت تقولين لي رايك؟؟

أختك: وردة الثلج:)

هلااا فيكم أخواتي واسفه على التاخير .....:o

هلا فيج اختي ايثار2000 والله يعافيج يارب ...:smile:

الحبوب هذي تطلع لاكثر من سبب ... لكن غالبا تطلع بسبب حرارة الجسم ..
في ناس حرارة جسمهم دائما مرتفعه نوعا ما ومع زيادة تعرضهم للشمس تزيد ... وايضا الملابس لها دور في زيادة هالحبوب لذلك يفضل دايما تلبسين القطن لمنع الاحتكاك بالملابس الغير قطنيه فيتتحول الحبوب لبقع ...

لذلك انصحج اولا تنظفي جسمك يوميا بصابون طبي سيراميد او نيروترجينا وغيره شوفي حسب طبيعة جسمك .. وثانيه تبتعدي عن الاماكن الحاره وتلبسي قطن ...

وجربي تستخدمين عسل مع مطحون الحمص والقليل من عصير ليمون نصف ملعقه تقريبا وشوي سكر خشن وافركي جسمك فيهم بشكل بسيط لمدة 5 دقائق واغسليه بمار بارد ....
======================

هلاا فيج الماسه الزرقاء ....:smile:

نعم مغلي البابونج مفيد للبشرة الدهنيه .. وفي ناس تعجنه مع العسل بعد السلق ....

بالنسبة للرؤوس السوداء فهي تحتاج لتنظيف بشرة عميق .. اولا تزيلين الخلايا الميته بواسطة المقشر وبعدها تحطين ماسك الطين افضل لتنظيف البشره ويتم ذلك يوميا لين تروح عنج الرؤوس وهي عادة ما تطول يعني خلال ايام بسيطة تروح ..... وهي تطلع بسبب تراكم الدهون ...
======================

هلااا فيج اختي :::لجين:::

في بعض اثار الحروق ممكن تتخلصين منها اذا كانت بسيطه من خلال مقشر الجسم او استخدام كريم ريتين أ كل يوم مرة واحده لكن في حروق تتطلب طبيب وجراحه تجميليه للتخلص منها .... وهي تعتمد على درجة الاثر ....
======================

هلااا فيج اختي كيفي متسببه .......:smile:


الحل بسيط ... انج تزيدين كمية الاكل لكن بشرط اعملي تمارين للجزء العلوي فقط وانتي جالسه على كرسي ... والجزء السفلي خليه فترة لين توصلين للحجم المعين وبعدين خففي الاكل عشان تحافظين على الشكل المطلوب ... هالطريقه تعتمد على حرق دهون الجزء العلوي واللي بالحركه ينزلها للجزء السفلي ...
=====================

هلاا فيج اختي وردة الثلج .......:smile:

نعم الثلج والليمون وبعض الماسكات تغلق المسامات خاصة بعد استخدام المقشر والبخار ..

بالنسبة للصابون الطبي وبعده الثلج فهو شيء عادي .. لان الصابون الطبي مهمته ازالة الاوساخ من البشره والدهون والرواسب .. فمب شرط تستخدمين بعدها الثلج ما يحتاج ..

لان عادة الثلج مثل ما ثلت والليمون وماء الورد والقليل من عصير الاناناس يستخدم بعد المقشرات والخار اللي يفتحون المسام فهالاشياء الثلج وغيره يساعد على اغلاق المسامات ...


تحيـــــــاتي ........:up:

السلام عليكم ورحمة الله وبركاته
اختي الحبيبة ملاك الورد كيف حالك

انا بإذن الله بيكون عرسي بعد 5 أشهر واباج تعطيني من نصايحج الثمينه
اولا عندي مشكلة في وجهي انه دهني من الجبة والأنف وااذقن وتطلع لي حبوب صغيرة حمراء
ثانيا بشرتي حساسة وايد وأخاف قبل العرس اشل الشعر اللي في ويهي تلتهب والشعر مش كثير
ثالثا طالعة لي حبوب داخلية كبيرة في اماكن حساسة من جسمي وهي عالعموم تطلع في ويهي بين فترة طويلة خاصة إذا اتضايجت من أي شي
رابعا شعري يطيح وايد من أربعة أشهر وكل ما أقوم الصبح أشوف كمية منه طايحة عالمخدة شو الحل
أدري اني تعبتج بس مشكلتي مشكلة والعرس ماباقي لي الا هالكمن شهر ابا اكون جاهزة مجهزة وماتقصرين يالغالية
ورد :pain:

أختي أشكرك كثير على الرد :)

كريم ريتين أ هل هو مفيد ومايسبب أضرار..
أنا إن شاء الله رايحه اشتريه..

والآثار اللي بالظهر طيب وشاسوي لها..:( :(

والسواد اللي حوالين العين كيف يروح..:( :(

معليش ثقلت عليك بس تحمليني.. :)

هلااا فيج اختي الوردية .... وألف مبرووووك مقدما واله يوفقج يارب ....:smile:

1- بالنسبة للبشره الدهنيه فرا تحتاجين لعلاج يومي واسبوعي وشهري ...
اولا العلاج اليومي يكون عن طريق التنظيف .. عن طريق وضع ماسك معين وأنصحج بهالماسك ولكن لاتضيفين زيت الزيتون فيه ... وهو مساك للجسم كله وللبشره ... تستعملينه بشكل يومي اول الاسابيع .. وبعدين تبدين تخففين ..

http://www.3roos.com/forums/showthread.php?s=&threadid=32302

2- بما ان بشرتج حساسه فيفضل انج تشيلين شعر الشنب والذقن بالخيط اما الباقي فتشقرينه بمشقر طبيعي او مخفف بكريم مرطب .. وانا افضل تروحين عند وحده مختصه تسويلج افضل ...

3- بالنسبة للحبوب فممكن تستخدمين الماسك اللي ذكرته لج للجسم .. او تسوين حمام بخار مرة في اليوم لانه مفيد جداا في فتح مسامات الجسم وازالة الاوساخ ... وبعد ما تخلصين ردي واشطفي نفسج بماء بارد عشان ترد المسامات تغلق ....

4- بالنسبة للشعر فاظن عندج توتر او قلق من شيء يؤدي لتساقطه لدرجة انج تلاحظينه على المخده ... فاولا اقولج ما في شيء يستاهل العصبيه وغيره وثانيا ابدي من الحين بعلاج شعرج عن طريقه زيت جوز الهند اسمه C.B.C Brand علبته معدنية خضراء واخلطيه انا بمطحون الحلبه او ماء سلق الحلبه واستعمليه يوم اي ويوم لا راح تلاحظين تساقط بالشعر او اسبوع او اسبوعين لكن لا تخافين هذا الشعر الضعيف ...

اذا كنتي ما تحبين الزيت فعندج عصير الجرجير ممكن تحطينه كماسك على شعرج ... لمدة 3-6 ساعات .......
===================

هلااا فيج اختي :::لجين::: ,,,,,,,,,,,,,:smile:

كريم ريتين أ هو كريم موضعي يعني تحطينه فقط مكان الحرق ويفضل تحطينه مرة واحده قبل النوم وهو كريم مب طبيعي فيمكن او تلاحظين تقشربالمنطقه لكن لا تخافين شيء طبيعي .. ولما تحطينه لا تتعرضين للشمس ابداا او استخدمي واقي الشمس ,,,,

اما السواد حول العين .. فعندج كل يوم تحطين كمادات شاي مثلج لمدة 0 دقائق على العين .. او تسوين مساج للعين بواسطة زيت اللوز الحلو . وايضا عندج جل خاص بمحيط العين من ماركة يولاي فعلا ممتاز استخدميه مرتين باليوم .... وان شاء الله يروح ....


تحيـــــــــــــاتي ........:up:

السلام عليكم ورحمة الله وبركاته
اختي ملاك الورد
ما تقصرين على ها النصايح الغالية ووووووواااااااااااايييييد احس اني بستفيد وايد وطبعا بنفيد الكثيراتز
والله يفتح لج ابواب رحمته ورزقه
ورد الورود:shy:

بسم الله الرحمن الرحيم
هلا بيك عزيزتي ملاك الورد وفكرتش وايد حلوه ومفيده وأنا أول مره أشارك وعندي مشكله وهي عندي حبوب سوداء في الساقين وصار لها زمن وما أني عارفه شسوي علشان تروح ؟

عيوني يا ملاك الورد ياحلوه مشكوووووووووره على هالمعلومات بس

بغيت استفسر عن زيت للاطفال baby oil شرايك فيه ؟؟بالنسبه للشعر

وبالنسبه للمنطقه الحساسه :o :o (( فيها حبوب توجع مره ،،غير الحكه )) :o :o :) وش رايك ،،الزيت يخفف

وجزاك الله خير

هلا ملاك الورد..

أنا رحت اليوم شريت كريم ريتن A
اللي قلتي عليه.. ومتخوفه منه..
ومكتوب بالورقة إنه لحب الشباب..

أحطه عادي على آثار الجروح والحروق..
وفيه جروح بعد طازه :confused: أحط عليها مايضر ولا شنو الحل؟؟

وعذراً على الازعاج شكلي دوختك..

:p

:clap::clap::clap:

ملاك الورد إنتي :up:

أشحالج عساج ابخير المهم أن مشكلتي في أديه........

أنا في الفروسيه وأنتي تعرفين لازم أيود الجام وأكون لابسه القفازات أو بدونهن...أنا الصراحه دايما أتم بدون قفازات وألحين أديه خشنه وااااااااايد تلوع بجبد غاديه أديه شرات الريايل .... وأنا دايما أحطلها كريمات بس ماشي فايده والله دخيلج ساعديني...:sad: :cry: :sad:

السموووووووووحه على الأطاله غناتي

هلااا فيج اختي الوردية ولا شكر على واجب ابداا :smile:
============

هلاا فيج اختي هندوانه .... :smile:

بصراحهاختي هندوانه ياريت تقولينلي عن سبب هالحبوب اذا عندج فكرة .. لاني ما فهمت عليج كيف حبوب سوده ؟؟‍‍

============

هلاا فيج اختي 33 .......:smile:

زيت الاطفال ينصحج فيه للجسم فقط يعني الشعر ما ينفع ..
بالنسبة لحبوب المنطقه الحساسه فلها اكثر من سبب منها الحراره والتعرق ونوعية الملابس وغيره .... وتزيد خاصة بالصيف بسبب زيادة التعرق ...

لو بقيتي تخففين منها فلازم تهتمين بنظافتها يوميا واتيبين قطة ثلج ومن وقت لاخر تمررينها على البشره عشان تبرد الجلد وترطبه .. او ممكن اتيبين كريم مرطب مثل كريم مرطب الجسم من ماركة " جرجنز " وتمررين عليه الثلج وبعدها تزيلين الكريم بمنديل افضل ....
=============

هلااا فيج اختي :::لجين::: .......:smile:

كريم ريتين أ مب بس لحب الشباب فهو ايضا للبقع الناتجه عن حب الشباب والحروف وتششقات الجسم البسيطة جداا .... فلما تستعملينه راح تلاحظين تقشر بالجلد بعد كمن يوم وهذا شيء طبيعي لانه يشيل الطبقة الخارجيه ........

لكن بما انج قلتي ان عندج جروح ما اندملت فأفضل تبتعدين عن الكريم في هالحاله لانه بيضره ... حطيه فقط على اثار الجروح القديمه واللي ما تعور ولا تحرق فقط تركت اثر .. انا اي جروح مفتوحه او للحين ما جفت فامتنعي عن استخدام الكريم عليها ...

وممكن تروحين للصيدليه ويعطيج دواء للجروح هذي عشان تندمل بسرعه عزيزتي ... ولو تشوفين ان الجروح والبقع وايد فافضل تستشيرين طبيب جلد .......
==============

هلااا فيج اختي بنوتة دبي ..... عندج نفس هوايتي :shy:

ياريتج لو التزمتي بالقفازات لان اللجام معروف فيه اطراف حاده نوعا ما .. وكثرة امساكه يؤدي لجروح وتقشر بالكف ....

عالعموم جربي تستعملين نصف فنجان زيت زيتون دافئ مع 3 قطرات ليمون يوميا خليه تقريبا ربع ساعه على ايدج وبعدين اغسليه عادي بدون صابون لانه يجفف الايد .. استخدمي بداله صابون طبي سائل ...

وعندج ماسك لليد عباره عن العسل مع القليل من زيت الزيتون وهذا نتايجه افضل ينعم اليد وااااااايد ,,,,,,,

والافضل تلبسين قفازات .......


تحيــــــــــــــاتي ........:up:

مشكوره اختي وجزاك الله خيرا:) :) :)

اهلين حبيبتي

ابغى اسالك عن طريقه طبيعيه لصنفرة الوجه

ومشكورة

وابغى فوائد الصنفرة

مرحبا يا ملاك الورد،

عندي مشكله وهي عندما أزيل شعر وجهي بالشمع تظهر بعد يوم جبوب بيضاء وإذا لمستها بيدي تسود. هل عندك طريقة لكي لا تظهر هذه الحبوب مثل كريم أو خلطة.

وجزاك الله خيراً

Mashkooreeen walla 3ala hal ashyaa ...wayed tfeedo0o0nna..yzaakom allah alaf 5air:) :)
e5etkom الفريحيه:cool:

حبيبتي يعني ذا الزيت زين (( زيت الاطفال))

طيب سؤال الله لايهينك

السواد في المنطقه... كيف ممكن ازيلها ؟؟

اختي ملاك انه يديده على هالمنتدى ولفت نظري موضوعج وبصراحه وااااايد عجبني لانه مفيد للكل....مشكوره والله يعطيج العافيه على مجهودج الاكثر من رائع...
انه عمري 15سنه وبشرتي مختلطه واعاني من الحبوب السوداء(الزيوان) واستخدم صابونqvمن قبل وصفه من طبيبي....
مرات احط لها الروب ومرات العسل..لان نصحوني انه يفيد لتصفيتها..ومرات احط حليب..فأنتي شتنصحيني بالضبط لبشرتي لانها وايد حساسه وما احب احط شي يأثر عليها بعدين...فياريت ماتبخلين علي بنصايحج..وشنو الاقنعه اللي تفيدني لها..
واذا ماعليج امر بعد ابي قناع لتبييضها شوي

ويعطيج الف عافيه انشاءالله.....

اختى ملاك الورد موضوع أكثر من رائع ومتميز

انا عضوه جديده ولفت نظرى موضوعك الرائع وبسألك سؤال وأتمنى إنك ما تفشلينى :o

السؤال يخص وحده صديقتى تعبانه جدا من هذا الموضوع

هي ظهور حبوب مرررررره صغيره على كتفها ولكن مستويه مع البشره ولكن شكلها شبيه بالنمش ولكن ما تدرى الصراحه كيف تتركها تزول مع العلم انها ما تعاني من الحبوب ابدا في اي منطقه من مناطق جسمها بالعكس بشرتها صافيه

أرجوا إنك ما تحرجينى مع صديقتى :o