تخبرني بامورها الخاصة

[grade="00008B FF6347 008000 4B0082"]حبيبتي اان صارت لي نفس السالفه ....

لما كنت مسافره تعرفت على وحده ... اهي حرمه ربيع ريلي ...

واهي تتقرب مني وايد وترمسني بكل شي بينها وبين ريلها ...

فالبدايه كان عادي عندي بس بعيدين قمت استحي انا احسها تقول مواضيع ما تنقال وسوالف ريلها ...

ومثل ما سوت ربيعتج اهي قامت تستفسر عن سوالفي اانا بعد وانا مابي اقولها لانه خصوصيات ...

واحيانا كنت مثلج اضطر اقول بس ما اوضح وايد واغير السالفه بسرعه ...

وفي يوم من الايام تعبت وكانت اهي زعلانه من ريلها وقعدت ويايا وتقول كل شي عنه .. زين وشين ...

فكلمتها بهدوء وقلتلها مثل ما انتي معتبرتني صديقتج ونحن هني فالغربه .. انا بعد اعتبرج اخت مب بس صديقه ...

وواجبي اني انصحج ومحد يزعل من الثاني وقلتلها ( العتاب بين الحبايب )

قلتلها انتي وايد ترمسين عن امورج الخاصه وهالسوالف المفروض محد يعرفها ؟؟

قالتلي لاا والله خصوصياتي انا وريلي محفوظه بينا ...

قلتلها انزين فكري بروحج شو هاي الخصوصيات اللي ما قلتيها لحد للحين ؟؟

تمت تفكر واهي ساكته ومحتاره بعد لان فعلاا اهي ما خلت شي ما قالته لي ...

قلتها شفتي انج غلطانه وحتى ما رديتي عليا ....

قالتلي صدقج ...

قلتلها حلاته لما تكون خصوصيات بينج وبين ريلج محد يعرفها ...

بالعكس انتي شي تحافظين على بيتكم وزواجكم ....

قلتلها مب كل وحده ترابيعنها تكون مثلي ...

تخيلي كلمتي اي وحده ثانيه وخذت الرمسه وخبرت غيرها وغيرها ....

استحت ربيعتي شويا وكلمتها بصراحه قلتلها ادري كلامي يزعلج بس والله لمصلحتج

ولو ما اخاف عليج اصلاا ما كنت بقولج هالرمسه ...

وقعدت ارمسها عسب ما تنحرج وانسيها السالفه ...

ومن عقبها واهي ترمسني بكل شي الاا خصوصياتها وريلها .. يعني نرمس بسوالف عاديه ..

وللحين بينا اتصالاات وانا بصراحه اعزها وايد واهي تموت فيني هههههههههههههههه ...[/grade]

عزيزتي ليش المجاملاااات

عادي قولي لها هالشي مب زين اليوم تكلمتي جدامي باجر تتكلمين جدام ناس ثانيين بياخذون عنج فكره


ليش اطولينها وهيه قصيره



مالله كلفج تسمعين هالنوع من السوالف




مع التحية

حاولي تقولينلها ان هدا الكلام حرام

وانصحي زوجك انه مهما حصل مايقول شي لان

الرجال غير الحريم يحبون يتفاخرون قدام بعضهم بهدي الاشياء

نبهي علية انة ما يتكلم لو ايش حصل وهو يحاول يقول لصاحبة

انة عيب وحرام يتكلم في هدي الاشياء

مافي شي اسمة يستحي منة عشان هو صاحبة

لو يستحي منة عشان صاحبة طيب المفروض يستحي من الكلام اللي

صاحبة يقولة يعني لازم ينصح صاحبة هدا

لا حياء في العلم ولا حياء في الدين

انا مع اختي مون لايت والله يوفقكم

اختي انا قريت موضوعك البارح ومارديت لاني شفت البنات كفو ووفو بس اليوم صار موقف بالدوام تذكرتك على طووووووول
سبحان الله تخيلي انتي وين وانا وين
المهم
كنا مجموعه جالسين بالمكتب فقامت وحده تسولف بموضوع معين طلع بالتلفزيون الموضوع عن
بسم الله لا اله الا الله بسم الله علينا وعليكم
عن الجن
بسم الله لا اله الا الله بسم الله علينا وعليكم
المهم قامت وحده من الموجودين قالت لا تكفوووووون ما احب الكلام بها المواضيع ابدا لا تتناقشون فيه رجاااااااء غيرو الموضوع
ففيه وحده لئيييييييييمه بقوه تخيلي قامت قالت لها يافلانه تصدقين مره حضرت وحده كان فيها اللي اعوذ بلله منهم وكانت مسترسله بالحكي وتوجهه لخويتنا اللي طلبت تغييير الموضوع فبكل وضوح وصراااااااااامه قالت خويتنا قدامنا كلنا
يا؟؟؟؟؟؟؟ لو سمحتي انا قلت لك ما احب الكلام بها المواضيع فليه توجهين لي الكلام فيها رجاء اسكتي اوكلمي البنات الباقين او طلعت من المكتب
فجأة سكتت البنت ولاعاد فتحت فمها بالموضوع
الزبده كوني واضحه وصارمه
يا ام فلان لو سمحتي هذي مواضيع انا والله ما احكي فيها مع امي و اخواتي فارجوك ما ابي احكيها مع اي احد ولا اسمع فيها ويااااااااااكثر المواضيع اللي نقدر نتكلم فيها <<<< جالسه اتخيلك تتكلمين مع الحرمه اللي مضايقتك
شكرا

الظاهر ان المشكلة ذي منتشرة للاسف عند البعض ...
انا بعد وحدة من اعز صديقاتي كانت تقولي خصوصياتها قبل لا اتزوج وكنت مرة انحرج منها ....
وبعد ما تزوجت زادت وتعمقت بخصوصياتها وكمان تسألني عن خصوصياتي ....
بس خلاص قررت اني اقولها بصراحة عن الحكم الشرعي لذي المسائل ....
لان التهرب والتعذر ماينفع راح تعيد الموضوع مرة ثانية لازم الصراحة ....
الي يطلع خصوصياته للناس مثل شيطان لقي شيطانه في الطريق فجامعها والناس ينظرون والعياذ بالله
وفعلا هذا دليل على احساسها بالنقص من الناحية ذي والله اعلم

مشكورين بنات على ردودكم وتعليقاتكم ..

بس المشكلة ان علاقتي بها مو قوية .. يعني لو كانت وحدة من اقرب صديقاتي او كانت وحدة من الاهل كنت اكيد بصدها وما بخليها تفتح هالمواضيع مرة ثانية ، وانا من النوع الخجول نوعا ما وكنت اتحرج ان اسكتها .

اما عن زوجها فمثل ما قلت لكم ان زوجي حاول معاه كذا مرة يلمح له وغيره بس...........

الله يهدي الجميع ان شا الله

قولي لها بأسلوب زين مو انتقاد
يعنى انا مع الناس مااقول لهم كل شي
لي خصوصيات مااحب احد يعرفها وانصحيها
قولي لها في ناس لوقلتي لهم ان زوجج يحبج
بيغارون ويحسدونج على اللى انتى فيه فلا
تقولين كل شي وبجذي راح تسمع الكلام

لا حول ولا قوة إلا بالله العلي العظيم

ما ادري ليش فيني رغية اني أصفعها كفففففففففففففففففففففف يطير ضروسها

بس زوجها نفسي أفجر فيه قنبلة ما يستحي هذا

الله يهديهم بس

حياتي فيه ناس الابتعاد عنهم نعمة

ليش تقلقي راحتك وتسويلها سالفة

اقطعي معاها التواصل اذا مو قادرة تعطيها بصريح العبارة

طنشيها وصدقيني بالاخير بتبتعد وسبحاااااااااااااان الله فعلا الطيور على أشكالها تقع اذا زوجها كذا يعني ما الومها الله يهديها

اقص يعملوا قصتهم فلم ينعرض بالسينما الله يهديهم

والله يعينك أحيانا الواحد تمر عليه نوعيات بشر فعلا لاتطاق

هلا ماما حسون

ذكرتيني بحالي..

والله اشباهها وايد في الحياة..


الزبدة..
.
.
.
.
.
.
...



اني قطعت علاقتي فيها خير شر.. لأن علاقتي فيها ما كانت ذاك الزود عشان اقول لها في وجهها مابي اتكلم في هالمووضوع !

والحمدلله الحين مرتاحة !

مشكورين بنات على مشاركتكم

قطعت علاقتي فيها خير شر.. لأن علاقتي فيها ما كانت ذاك الزود عشان اقول لها في وجهها مابي اتكلم في هالمووضوع !

يا ريت جمانة اقدر اقطع علاقتي بها .. المشكلة ان زوجها يشتغل مع زوجي يعني اذا انا تهربت منها ما بيقدر زوجي يتهرب من زوجها لانه يشوفه كل يوم .