..
..
شلونكم يا أغلــى عرايــس في أحلــى منتـــدى
طبعــاً كلنا عندنا هالزوارات يوم الاربعــا ولا الخميــس وقعدات الاهل والبنات وكلنــا نبي نلبس شي حلو ومرتب ويكون عالموضه وانا وحده احب كل شي يديد يناسبني وبيني وبينكم مسوينها منافسه ازياء انا وبنات خالتي نطلع حرتنا بالبيوت (r)
علشان جذي اليوم يبت لكم معـاي موضوع وايــد حلو ومفيــد لنـا كلنـا واهو الموضـه الدارجه لعام 2006 من موديلات وألوان
حصلتـــه في موقــع أجنبي قريته وترجمته بالخليجي :cool2: وخذيت منه النقاط المهمه يلا نبتـــدي مع بعض ...
بشكـــل عام الموضـــه تتجـــه نحو الستينــات وهذا شي واضح بالاسواق لما تروحيــن مع الوالده - الله يطول بعمرها - وتقول ..هذا نفس اللي قبــل كنا نلبسهــمولا هالنفنوف اول عندي نفســه
ولا تشوفين فلم ابيض واسود قديم ولا شبه ملون وتقولين قميص شاديه ولا سعاد حسني نفس اللي ذاك اليوم شفته بالمحل الفلاني
تصير معاكــم اكيد ... والحيــن خلونا نلقــي نظره على موديـلات الستينــات
والحين خلونا نحلل الموديلات مع بعض ....
الموديــلات اغلبهــا فساتيــن قصيــره المخصـــره او اللـــف
مع امكانيــة استخدام الاحزمــه على الخصر مو على الوسط مثل السنه اللي فاتت، ونشوف التيورات نفس الشي تقريباً
هذا غير ان التصاميم تتســم بالبســاطه والانـاقــه وحتى الخامات اغلبيتهــا ساده او فيها سومات بسيطــه.
والحين اخليــكم مع هالتشكيــله من الفساتيــن اخترتها لكم كامثلـــه من Next
هذا فستان ابيض واسود نلاحظ بساطتــه وطريقة الحزام من نفس الخام
هذا نفس الشي تقريباً بس ياي مثل الجاكيت نقدر نلبسه مع بنطلون
هذا الفستان اللـــــــف مع بنطلون بعد وايد حلو
تابعيـــني
