في خاطري أنانااااااااااااااااس عادي ؟؟

شوتقولوووووووووووووووووووون انا توني ماكله نص اناناسه بروووووووووووووووحي

كيف جذيه خوفتوني واحس بطني بيذبحني00مادري صدق والا اتوهم من قريت الموضوووع

بس والله ماكملت ربع سااعه من وانا ماكلته

الله يستر

لاحول ولاقوة الا بالله ..

يا بنات انتوا حوامل

لازم تقرون عن كل شي يضركم ...!! عشان ما تجنون على نفسكم ..!!!


انشالله مافيج الا كل خير يا فطامي..!!

يانشالله يكون اللي فيج وسواس لا اكثر...!!!

الف مبرووووك المياسه على الحمل والله يتمم لج على خير

انا بعد في بيت زوجي تقريبا كل جمعه يقطعون اناناس طازج و طبعا من الطبيعي اذا شفتي هالمظنر ما تقتدرين

انج تقاومين و انا كل ما كنت ابا ما كانو يخلوني و انا كنت خلاص في حالة اني ما اقدر اقاوم فــ كنت اقول لهم

اذا طلع في ويه ولدي شي فانتو السبب و طبعا خافو و عطوني حبه وحده صح اني ما شعبت بس المهم اني كلت عن خاطري

angel eyes:
الغاليه

الف مبروك اولا

ثانيا

انا طحت في الاناناس طيح.....من الشهر الاول..ولين الحين اكله وانا بدخل الخامس...بس اقل عن قبل...ادمنت المنجا اكثر :)
دكتورتي يوم سألتها عادي اكل اناناس ..قالتلي كلي كل اللي في خاطرج....قلتلها بس يقولون في اشيا تسبب الاجهاض ..قالتلي هذي كلها معتقدات وخرافات تناقلوها الجدات بس مالها اي اثبات علمي...يعني ما منها مضره...

ولاحظوا الاجانب ما عندهم هالسوالف..وياكلون كل اللي يبونه و ما يستويبهم شي..

انتي لا تخلين في خاطرج شي..بس لا تكثرين اذا كنتي خايفه...واسألي دكتورتج

والله يقومج بالسلامه

RoOoOmy_M:
أكل يسبب اجهاض !!
واكل يخلي البيبي حلو

كلها خرافات ... سبحان الله هذا اكل

كلها خرافات وشائعات مالها اي اساس من الصحة ... واذا الحوامض تسبب اجهاض شتقولون عن اللي تتوحم على الليمون طول فترة حملها وما شاء الله تولد والبيبي مافيه ولا شي

!!!!

كليه ولا تخلي شي في خاطرك .... بعدين تطلع في ولدك لو بنتك شامة ( ولو انها خرافة ثانية بعد )

الله يتمم لك بخير

ما أعتقد أنها معتقدات خاطئة مثل الأخوات ما يقولون....ومش الحوامض بشكل عام هي اللي تسبب إجهاض، لكن في أكلات معينه تأثر على أشياء معينه......
مثلا اللي فيه قولون يقولون له لا تاكل بقوليات.......
اللي فيه إمساك (الله يعزكم) يقولون له لا تاكل موز ولا تشرب منبهات......
اللي فيه مغص يقولون له اشرب ينسون..........
..........................................الخ،،
الفكرة هني أن في مواد تزيد تقلصات الرحم وبالتالي يحدث الإجهاض، والا ليش القرآن وصانا بالرطب؟؟؟ أكيد له تأثير على الرحم ويساعد على الطلق.......
نفس لبشي الوحدة بعد ما تولد يقولون لها إشربي حبه حمرا، وحبه سودة وقرفة.........الخ، ليييش؟ لأن ها الأشياء لها دور في تنظيف الرحم، يعني تحفز الدم أنه ينزل أكثر..........
بعد ها السالفة الطويييييييييله العرييييييييضة، الخلاصة: نعم، ممكن يكون الأناناس مضر للحامل،
وسلاااااااااااااااااامتكم :)

انتبهي من الاشيا الحارة على الجسم مثل الاناناس والزعتر

وانتبهي بعد من الباذنجان ...

بس تبين الصراحه انا كلت مرتين من عفت اني حامل ..... بس حبه وحده

تيك كير

يابنات انا سويت هالتجربه انتو خليتو في خاطري الاناناس ,, وارحت نور وخبرت زوجها ايب لها اناناسه .. حجم صغير وقصصتها وكليتها كلها ........ ونمت والصراحه طعمها رائع وهي حامضه ...لا صار شي ولا هم يحزنون .... امي تقول كله شلخ في شلخ .. اذا اليهال الله حاط فيه الخير بيتم واذا اليهال فيه شر بيطيح .... وانا مقتنعه بكلامها واكلي ولا عليج

اختي Aryam مجرد تعليق

القرآن غير ... والمعتقدات اللي تنتقل للأجيال من الأجداد شي ثاني

الرجاء عدم الخلط فيه خرافات كثيرة مثل اللي تتوحم على فراولة ولا تاكل يطلع شكل الفراولة في البيبي هذي بعد صحيح ؟؟؟

سبحان الله ... عندنا عقول نفكر فيها ومتعلمين والحمدلله ... ليش نستمر بهالخرافات

اللي الله كاتب لها تكمل حملها على خير اكيد بتكمله
في النهاية كل شي بيدا لله سبحانه وتعالى

انا من النوع اللي ما احب الخلطات والاعشاب ... وامي الله يخليها لنا ولا عمرها شربت لا حبة حمرا ولا زرقا ولا حتى فسفورية !! ما عليها الا العافية
كل شي يعتمد على ايمان الانسان بربه ... سبحان الله اكل يسبب لي اجهاض واكل يخلي البيبي جميل !!! ... زوجة خالي من كثر ما اكلت اناناس طول حملها لدرجة يوم انقطع موسمه صارت تاكله معلب .. الكل قال لها سمي بنتك انانسة .. كملت التسعة شهور كاملة

احيانا الوحدة تكون اساسا معرضة للاجهاض لسبب طبي او لسبب مجهول اصلا .. ويصادف تاكل شي يمكن يحفز انقباضات الرحم ( مثل ما تقولين ) ويؤدي للاجهاض بس في النهاية مستحيل يكون فيه اكل يسبب هالخرابيط .. فيه ناس ما تتحمله اصلا سواء كانوا حوامل او لأ ...

اذا الاخت خايفة منه بلاش تاكله عشان ما توسوس ... بس للمرة المليون كل شي بارادة رب العالمين

لا تعليق .. والحمدلله على النعمة

يا جماعه لا تنسون ان في شي اسمه طب (مب طب الامريكان .. مالت) .. والواحد ياخذ على كلامهم كتحذير .. والاحتياط واجب ...

ومثل ما قالوا الخوات ان يادي الي انقباض وتقلصات في الرحم (طبعا اذا اكلت الوحده بشكل مبالغ فيه )

بس انا سالت الدكتورة عن هالشي قالتلي هو احيانا يسبب الاجهاض بس الافضل ان ما تاكلينه في اول 3 شهور لانها مرحلت الخطر ...

فصح مثل ما قالت الاخت كل شي بارادة رب العالمين... بس الحذر واجب

يغلق الموضوع لوصول الفائده للأخت السائله