صديقتي حالتها صعبة؟؟!!

شكرا حبيبتي الجوهرة على نصايحج الروعة

تعرفين هيه البنت كانت في قمة الالتزام ومحترمة جدا جدا بس تغيرت حياتها في هالست شهور ووايد اشياء تغيرت في حياتها ماكانت فيها وايد حيوية خلال هالفترة وما كانت نشيطة مثل اول

وتتكاسل عن الاشياء اللي المفروض تسويها حتى في بيتهم كانت من النوع اللي تسمع اشرطة وتحضر محاضرات ودورات ثقافية ودينية

والحين عقب ما ودرته كله تصيح وتصيح بتوقف شوي وعقب بترد مرة ثانية للصياح

اقول لها استهدي بالله واسمعي قرآن تقول انها تزيد اكثر وما عندي حماس وايد للصلاة تأديها تأدية عادية مب مثل اول بهمة ونشاط

كانت وااايد تتصدق قبل وخفت خلال فترة الست الشهور والحين مرة ثانية شوي رجعت للتصدق

بس شو اسوي لها عشان تخف من هالصياح لانها كل ما تذكر السالفة او تسرح تلاقين دموعها على خدها ودوووم تتصل لي واعرف انها يالسة تصيح بس تبا تسولف عشان تنسى وهيه من هناك اسمع حتى قلبها يصيح وصوتها تعبااااان وحالتها يرثى لها واهلها ولا يدرون بالسالفة وكله مسكرة على عمرها في الغرفة

اللهم خفف عنها يارب ياكريم

اختي انتِ روحي لها مايكفي التلفون
انا اقصد يوم قلت لك لاتخلينها بروحها بالتواجد مب التلفون ، التلفون مايكفي
روحوا حدايق عائليه
روحوا بيت اخوها والا اختها المتزوجين والا اختك والعبوا مع اليهال
جربوا اي شئ
المهم كوني معاها
والله يصلح الحال
واكثروا من الدعاء
وجزاك الله خير
نادر اللي مثلك الغاليه

هلا حبيبتي الجوهرة وشكرا على مرورج مرة ثانية على الموضوع

ويزاج الله الف خير على نصايحج الروعة وان شاء الله بحاول معاها اكثر والله يقدرني عشان اصلح حالها وترجع مثل اول البنت المرحة والملتزمة

بنات ادعولها الله يخليكم

تبغي الصراحة عزيزتي
هي الي جابت لنفسها من بدايتها ما كانت تنشئ علاقة محرمة
لانه ممكن تتم وممكن ماتتم فليه وجع الراس والقلب ؟؟؟
وبعدين لو انها استمرت معاه وش كان يضمنها انه ما يستمر في محادثاته للبنات لانه يشوف ذا الشئ عادي ....
وبعدين من الاعيب الرجال انهم يتفقوا على الزواج وكل التفاصيل كمان عشان يقدر يقنعها وتستمر معاه ويتمكن منها ....
تدري .....
في بنت تعرفت على شاب واتفقو على الزواج وبالفعل راح وخطبها رسمي من اهلها وبعدها وثقت فيه وطلعت معاه تدرون وش النبيجة ؟؟؟؟

بعد ما حملت منه تركها ...........
والحين تندب حظها وتحذر البنات بس بعد فوات الاوان
وصديقتك خليها تحمد ربها ان العلاقة انتهت على كدة ولا سار شئ ثاني تندم عليه
وخلها تكثر من الصلاة وقراءة القرآن و وقول لا اله الا انت سبحانك اني كنت من الظالمين
ووالله ان همومها راح تخف بس تكون صادقة في توبتها
والله يوفقها ويجزيك خير اختي

مشكورة حبيبتي (أمة الله) على مرورج وردج على الموضوع



كلامج صحيح وانا احاول دوووم اهديها واقول لها هذا درس والحمدلله كشفتيه على حقيقته لانه لو تزوجتو ممكن تصير لكم مشاكل ووووااااايد بسبة هالشئ

واحاول اخليها ترجع مثل اول للصلاة والقرآن والمحاضرات والدورات بس ادعو لهااا

وبعدين هيه الحين تفكر في الانتقام!!!!! تخيلوا؟؟!! اقول لها استهدي بالله وخلي الريال يولي تقولي ليش يسوي فيني جيه انا اقدر افضحه عند حرمته ولا في دوامه

اقول لها الريال لو سويتي فيه شئ ما بينساها لج وبتمين زايغة منه انه يفضحج ولا يسوي فيج شئ عند هلج ولا يوم بتعرسين

والله ما ادري شو اقول لها احاول معاها تكون هادية وفجأة تغير اسلوبها

الله يهديها ويقويها

الله يهديها ويثبتها على الطريق القويم ويبعدها عن طريق الحرام

وابد وابد لا تفكر فيه مره ثانيه ولا في غيره ولا في هالمواقع

كل شيء نصيب ورزق من الله

وعدم الزواج ليس نهاية الحياه

بس سالفة انتقام تشيلها من بالها

لانه ممكن هو بلحظه يفضحها ويشوه سمعتها او انه يفقدها شرفها لا سمح الله وهو
ماراح يخسر شيء طبعااا
بل في النهايه هي الخسرانه واهلها

الله يهديها

هلا حبيبتي نوووسة مشكورة على مرورج وردج على الموضوع

وبحاول اقنعها انه ما تفكر في الانتقام لانه بيضرها هيه اولا واخيرا هو ما بيتاثر

والله يهديها ويهدي الجميع ان شاء الله