هل انت تتجملين اذا خرجت الي السوق؟؟؟

بصراحه انا احب اتكشخ واتزين

بس للسوق لا .... شكلي اهم شي يكون مرتب ونظيف وغير مبالغ فيه

بس الزيارات العائلية والمناسبات اكشخ بزيادة لأن هذا طبعي ...

ومشكورة على الموضوع الحلو

اللي تتجمل في السوق تعرض نفسها للفتنة

وهذا يستوجب العقوبة

الله يستر علينا والمسلمين

انا مااحط مكياج في السوق والله فاضيه انا بروح اتسوق مو العرس

ولا مكياج العزاء هذا صراحه شيء مو طبيعي اذا الوحده ما تقدر تستغنى عن المكياج بلاش تعزي

والله اني استغرب من كثير اذا راحوا الاسواق كنهم رايحين اعراس فل ميك اب وريحه العطور

مخلين الاسواق ماكن تمشيه

انا والله يجني الهم اذا شفت مثل هذي الاشكال

اذكر لكم مره كنت في دورات المياه (اعزكم الله)

وعند المرايه ثنتين مكياج كامل ويوم خلصت قامت ورشت العطر قلت يابنت اش رايك تنصحينهم

والله وربي عطاني الشجاعه وسلمت عليهم وقلت لهم يا اخوات ما تعرفون حكم الي تتعطر وتخرج

انا انصدمت من الرد:eek2:

قالت لي ايوه نعرف انا توقف الكلام في حلقي ماعرفت اكمل سلمت عليهم ورحت

يعني عارفين الحكم ويجاهرون بالمعاصي لا اله الا الله

اسفه على الاطاله بس والله مايبغاله رد بكله ولا اثنين

الحمد لله الذي عافانا

بالله أكشخ حق السوق؟؟؟؟؟؟؟؟

أنا زين منى أكشخ حق الاعراس والحفلات

بس في السوق طلعه ودخله وروحه وجيه وبعد مكياج!!!!!!!!!!!!!!!!

أنا أصلا حتى أفضل لما اروح السوق البس بوت او صندل

انا لمن اروح السوق البس عباية على الراس و نقاب، يعني مافي مجال للمكياج ، بس صراحه زمان كنت احط مكياج اذا طلعت اي مكان
بس الحمد لله ربي هداني..

انا ما اسير السوق بدون غشوه بس شيء نفس لنفسي احطط مرطب وجحال داخل عيني بس محد يشوفه بس لي

اما اذا مكان حريم اتعدل ليش لا....

[frame="9 80"]قال تعالى في محكم تنزيله : ( يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين وكان الله غفورا رحيما)
وهذا يكفي عافانا الله وإياكم , وهدانا لخير الصلاح , جزاكِ الله خير أختي الفاضله سحر2005[/frame]

الصراحه البارحة قعدت أفكر بالموضوع ولقيت أنه لما تروحين السوق أو غيره وأنت متستره هذا توفيق من الله

الله يهدينا جميعا و يستر علينا و يطهر قلوبنا

أختكم،
حبر وورق

الحمد لله الستر زين،، والواحده مافيها شي لو تجملت لزوجها او بين أهلها وصديقاتها،، آنه الصراحة آطلع بحجابي وعباتي وبدون مكياج بس أحط آي لاينر ضعيف بعيني،، مادري يمكن تعودت عليه، بس مثل ماسمعت الكحل إذا مايلفت النظر بالعين مافي مشكلة والله أعلم ماقدر أفتي بس إن شاء الله يجي اليوم الي نترك فيه كل شي...

اهلين
اول مرة اسمع عن مكياج للعزاء

انتي رايحة يعزي والا رايحة عرس

تسلمين حبيبتي على الموضوع


مكياج خاص للعزاء :think: اول مره اسمع عنه بس ما اتمنى اشوفه:no:


انا الصراحه ما احب المكياج الا للمناسبات ... و حتى لو كنت اجب المكياج مستحيل اني احط مكياج للسوق خاصه اني البس نقاب يعني بيكون ملفت للنظر ... و بالنسبه للعطر عندي عبايتين او ثلاث مخليتهم للسوق يعني مافيهم ريحه العطر ....


بس انا فعلا لما اروح السوق او اي مجمع استغرب من البنات الي اشوفهم والله كأنهم في عرس كل عبايه احلى من اي فستان سهره و طبعا تكون محدده الجسم و العطر تشمين ريحته من بعيد .... و الله اني وايد افكر فيهم و دايما اذا شفت وحده من هالنوع اقول الله يهديها ان شاء الله


الله يهدي الجميع

لا طبعا مااحط مكيااج لا للسوق ولاالعزاء

الله يهدينا جميعا و يستر علينا و يطهر قلوبنا

تسلمي اختي على الموضوع الحلو

الحمدلله ما أحط ميك اب حتى للدوام اللهم الا مرطب وكحل اثمد وبس

شكرا بنااااااااات على تفاعلكم الحلو

مكياج للعزاء اول مرة اسمع
بس انا لما اطلع مجمعات احط ميكب خفيف ما يبين اني حاطة بس عشان شكلي ما يبين مريضة

الصراحه نا ما احط مكياج الا لمناسبه خاصه واااايد

وانا يوم اشوف البنات اللي يحطون مكياج في السوق ويتعطرون اقول الله يهديهم
الله يهدي الجميع ان شاء الله

اتزين للسوق بس مو لدرجة اني اروح الصالون لاني بروح السوق :eek2:

لكني اكتفي بشوية بودرة وروج وبس

وما اقدر اقول السبب

حلوة دي وين جالسة
انا الصراحة اتلثم واحيانا البس برقع
بس مستحيل احط
ميك اب بالسووق
بس اي طلعة بيت صاحباتي نسايبي عادي احط
بس بالسوق مااحط
لأنه ماله داااعي اصلن ولممييين احط
حق الصيع الأولاد الي هناك
اتخسي الا هم والله

طبعا ما أحط لا كحل ولا روج بس فير آند لفلي .....وبعدين أحط النقاب طبعا ..هذي زينتي أنا شخصيا

السلام عليكم ورحمة الله وبركاته




أنا الصراحه ما احب المكياج احس شكلي غلط وريلي ما كان يحب احط لو مهما كان اذا احط يضيج لو حقه



ومشكوره اختي عالموضوع