جربتي الأمومة أول مرة ؟؟ ....... شلون تتصرفي لو ... ؟

الأخت رومي
جرّبتي تتعالجي نفسياً .. أحس اللي فيج يبيله علاج
لأن الإنسان فينا طبيعي راح تصادفه مواقف صعبة و خطيرة ومرّات دامية
بعطيج مثال .. في يوم عيد من أعياد الأضحى .. يدّي كان يفرز اللحم ويقطعه والسكاكين حوله
تعرفين الحطبة اللي يقطعون اللحم عليها !!! يدّي سند السكين عليها بشكل طولي وبدون مقدمات أخوي الصغير نقز عليها
ودخلت السكين لحد النص في باطن القدم من تحت ، و نزف بصورة مو طبيعية .... في هالموقف ماينفع الصراخ
الوالدة ذكرت الله ونادت أختي ( عندها خبرة في الإسعافات الإسعافات الأولية ) وتم إيقاف النزف
كل شيء تم خلاص أقل من دقيقتين والفضل لله ثم للحكمة والهدوء في معالجة الأمور
ألف سلامات لأبو العيال ومايشوف شر
تحيتي

هلا والله ام حسون .....

صحيح انهم احيانا يعصبون الواحد ويخلوه يطلع من طوره بعد ... بس مايعني انك قاسية ..
الله يخليه لك هو وابوه اللي اكيد مو احن منه عليك

والله معاك حق انا لو مكانك يوم اختي تحمل ولدي كنت بنجن ... انا حتى انقهر من امي اذا عطت اختي وهي صغيرة للأطفال تقول خليهم يتونسون ... ولا حتى للكبار ما أحب .. لو بكيفي يظل البيبي في حضني وبس

تشوفيه معرس ان شاء الله

صراحة..أنا أخاف بشكل غير طبيعي على صهيب..لأن وقت حملي كنت بأفقده جاني نزيف 3 مرات

ووقت الطلق توقف القلب عنده لمدة 17 دقيقة .. ووقتها لو تشوفون كيف حالتي ..نسيت الطلق والألم وكل شئ وكنت بس أصيح ولدي مات ولدي مات.:confused:. والدكتورة تهدي فيني وتقولي لو مارجع النبض بعد شوي بنعمل قيصري....

لكن الحمدلله رجع النبض.. مع ان الولادة كانت متعسرة وعملوا لي بنج كامل.. لكن أول ماصحيت قمت اقول النونو فين؟ طيب؟.. والدكتورة تطمني وانا مو مصدقة لين اعطوني صهيب وحضنته:shy:

أترعبت رعب ماله مثيل وكنت بس ابكي مثل المجنونة .فقدت عقلي تماما

والحين كلما صاح أقوم وأفز ...وصراحة ينام بجنبي ماتخيله يغيب عن نظري :confused:.

اخوي هـــادي

العلاج النفسي مو عيب بس اهم شي اكون احتاجه !! هالشي طبيعي وغريزة في كل انثى ..وفيه رجال قلوبهم اضعف منا احنا ... بس فيه ناس ما شاء الله قلوبهم قوية وتقدر تقول قاسية ما يهزها شي

انا ما اتحمل منظر الدم ... حتى لو في التلفزيون ما أحب اشوفه على طول ادوخ

شلون لو كان مثلا ولدي طايح ومتعور !! مرة كنت في المستشفى تعبانة وشوي وانتظر في غرفة الانتظار .. شوي وجت وحدة ومعاها طفل يمكن عمره 5 سنوات ركبته متعورة وينزف
هو يصيح وهي تقول احسن تستاهل ... قلت لك لا تلحقني
عساك من هالحال وأردى !!!

هذي قساوة
صحيح يمكن هي طفاشنة منه ومن شطانته بس شلون قلبها يطاوعها ما تهون عليه وبعدين اذا صار زين تلومه وتقول له ان اللي سواه غلط

شفت الفرق !

انااا خوافه من صرخته


:)

انا في البداية كنت مثلك اختي رومي على بنتي، حتى مرة ركبت على السرير وقامت تركض وطاحت، صادتني هستريا، تخيلي قومت زوجي من النوم اقول قوم بنتي ماتت( اسم الله عليها) من الصدمة اغمي عليه، وبعدين هزأني تهزيأ مو طبيعي :o ومنها صرت املك اعصابي قدر الامكان وافكر اشلون اتصرف بدل ما اصرخ، ( يعني عقلت وصرت حكيمة :dd: والله ذكرتيني بمواقف لين اذكرها الحين احس روحي كلللللللللللش ( ما ابغى اقول)

أم صُـهـيـب

من حقك تخافي وتموتي خوف بعد

تعب تسعة شهور وترقب بعدين احس اني بفقط طفلي بعيد الشر

لو مكانك ولا اصيح ولا شي ... يكم أموت على طول

الله يخلي كل طفل لامه وهو سالم غانم ( حلوة الدعوة صح )؟

اسعدني مرورك

السلام عليكم ورحمة الله وبركاته

RoOoOmy_M..

هلا يا اختي..

الكلام اللي قالوا البنات وافي ولله الحمد بس طبعاً يختلف من واحج ل واحد..

يعني لأنا بالنسبة لي........ صراخ علي عادي..

من بداية ما ولدت تعذبت كثير واياه.. عذبني ما يبي يرضع مني..

وانا تعذبت من نفس.. جرح وخياطة وصدر مليان حليب ووحلمة ملتهبة

والتهاب بالبول..

والم في العصعص .. يجيني مرة وحدة ما اقدر أتحرك.

وولد مايرضع ...

تشوفينه شحلاته .. بس أقربه من صدري تقولين حد ضربه على وجه يصرخ بشكل غير طبيعي..

كنت أبكي وياه وأصيح من الألم اللي بيا وخايفة عليه ..

أقول ولدي بيموت وبيروح من ايدي..

ووزوجي يلزم علي لازم ترضعينه صناعي لأنه بموت من العطش..

وأنا متألمة نفسياً ولدي حبيبي ما يبي مني..

واتوقع كل الأمهات يعرفون يعني شنو إذا ولد ما يبي أمه..

والهرمونات متغيرة.. اووووووه الحاله حالة..

المهم انه كانت الحالة شنعه.. هذا كان أول شهرين .. بس من صار علاوي في الثالث..

هدا شوي وأنا الحمد لله انحلت كل اموري ..

بقى شي واحد الرضاعة.. بس حسيت بالامومة اهني..

أذكر لمن طهرنا ولدي( الختان) اخخخ .. شكثر صحت عليه ..

وقلبي تقطع .. وما كنت اقدر اغير الحفاظ .. وابتلشت امي..

أدري طولت عليكم ..

بس ولله الحمد احس ردات فعلي متزنه.. مرة أفز.. ومرة أطنش شوي.....

ولمن يطيح اشيله بس ما احسسه بخوفي عشان ما يصيح..

ومرة أخليه مع ابوه..

والحياة ماشية..

لمن اله يرزقك الولد وتعيشي معاه راح تفرقي وتعرفي متى تصرخين ومتى تطنشين..

والله يرزق كل محروم من الذرية..

[CENTER]يعطيكم العافية اخواتي على مشاركتنا بتجاربكم

والله يعطينا طول البال وقوة القلب عشان نتحمل هالمواقف

انا احب الاطفال واموووووووووووووووت عليهم لمه كنت بنت قبل الزواج كنت دوم ادلع اي طفل من العائله وكانوا هم بعد نفس الاحساس

وكنت احب اهتم فيهم وابدل لهم واطعمهم وفي نفس الوقت ما اعرف اشلون اتصرف معاهم لمه يبكون

ولمه تزوجت اول طفل كنت ما اعرف له ابداااااااااااااااااااااااااا وكان لمه يصيح ولدي يوسف كنت ماعرف اشيبي وتم دلوع وحتى ما عرفت اضبطه واخلي اسلوبي حازم معاه

وبعدها مع الوقت تعلمت لأنه شفته صااار دلوع كثيرررررررررررررر وما يحب اي اوامر نفرضها عليه والحمدلله اللحين صرت خبره اعرف

اتصرف مع اعيالي ولمه يصيحون اعرف اشيبون واضبط نفسي لمه يصير فيهم شيء صح اتلخب وخلاص وشوي بصيح بس احاول قد ما

اقدر اضبط نفسي عشان اعرف اتصرف لنه لوتميت اصيح او لخبطت عمري الولد او البنت بيروحون فيها وانا جالسه اطلعهم بس

حبيبتي رومي حطي بالج قد ما تقدرين حاولي تضبطين احاسيسج قدم الطفل عشان تعرفين تتصرفين معاه وانتي مبين عليج انج حساااااسه وعاطفيه

كثيررررررررررررررررررررررررررررررررررررر

ويارب يارب يا رب

يا رب ترزق رومي الذريه الصالحه وطولة البال وان شاء الله مع الوقت ببتعودين وبيصير عندج الامر عااادي :)

وأشكرج عزيزتي موضوعج هااااااااااااااااااااااااااااااااااام

يوم بنتي كان عمرها 7شهور كانت توها تحبي

وجلسنا الصباح انا والبنت وزوجي من النوم

وقلت مادام زوجي في الحمام خليني اخد غفوة قصيرة

مع ان زوجي منبهني اني انتبه للبنت

وغفت عيوني وما أسمع اللي صااااااااااااااخ

واقوم افز من النوم وقامت البنت تصارخ وانا متخوبلة مو عارفة شو اسوي

ويوم طلع ابوها من الحمام قالي وش بها وانا خايفة وقلت له انها سقطت من السرير

وقامت الشتائم وانا ساكتة مسكرة حلقي

وعاد الى المغرب وهي تصارخ وديناها المستشفى واخذوا اشعة على جسمها طلع عندها شرخ في الرجل

قلت الحمد لله شي بسيط

بس والله يوم كملت السنتين وجى الشتاء كل تصارخ من رجولها وماتقدر تمشي


قمت وطالعت صورها وهي صغيرة اي رجل اللي انشرخت وطلعت نفس الرجل





وعذراً على الاطالة

النوري

ياعمري يا ام يوسف ..... تسلمين على الدعوة الحلوة

صحيح صياح الطفل عن دلع مقدور عليه بس الخوف شنسوي

الله يعطينا ونجرب

تسملين على المرور الحلو

الله يرزقك اختي عزف منفرد وتجربين الامومة وحلاوتها