العقم المؤقت

بنات عندي بعض الاستفسارات عن العقم المؤقت.. اذا احد عنده فكرة يا ريت يجاوبني خصوصا ان عندي شوية مخاوف بهالخصوص ..

كذا مرة اسمع عن امهات عندهم عيال يمنعون الحمل فترة حتى لو كانت طرق طبيعية " مثل القذف الخارجي " .. لكن لما ترغب بالحمل بعد فترة ما تحمل ..
لييييييش ؟؟

عندي مسكينه زوجة خالي عمرها الحين 28 سنة اول ما تزوجت جابت ولد وعمره الحين 8 سنين ومنعت الحمل طبيعي لما كمل ولدها 3 سنين وبعدين رغبت تحمل مرة ثانية وحملت بعد 3 اشهر وجابت ولد .. ولما كمل ولدها الصغير 3 سنين بعد حبت تحمل لان خاطرها في بنت بس الله ما كتب لها تحمل مع انها كانت تستخدم طريقة القذف الخارجي لمنع الحمل والحين صار لهم تقريبا سنة ونص ولا صار حمل ..

وعلى فكرة هالشي مخوفني شوي .. يعني انا صح ما عندي رغبة اني احمل الحين الا ان احيانا تصير بعض الاغلاط " اثناء الجماع " ونتوقع ان يصير حمل خصوصا انها تصير في فترة الاخصاب واقعد على اعصابي الى موعد الدورة ولما تنزل ارتاح .. الحين صار لنا كذا شهر يغلط فيه زوجي وما يصير حمل وحتى هالشهر يوم الخميس جتني الدورة ولما قلت لزوجي قالي انا قلت يمكن يصير حمل لان صارت غلطة بس ما حبيت اقول لج لا تقعدين تحاتين وتفكرين نفس كل مرة ... بس ساعات افكر هل هذا عقم مؤقت ولا شنووو ..

طبعا انا مثل ما قلت لكم ان ما ابي احمل الحين لان ولدي توه بيكمل سنتين وانا ادرس .. لكن مشكلة زوجة خالي تخليني اتخوف من الموضوع .. لان بحملي بولدي صار بسرعة وكنا نستخدم نفس المانع لان كنا نبي نأجل الحمل فترة بس الله كتب وصار الحمل من اول شهر ، والحين اخاف لما ارغب في الحمل مرة ثانية ما احمل ، وفي نفس الوقت ما اقدر اترك نفسي " تجربة يعني " ويمكن يصير حمل ..

اتمنى من اللي عندها معلومات بهالخصوص تفيدني ولها جزيل الشكر ..

واللي عندها نفس المخاوف انتظر مشاركتها ..