جاوبوني بأسرع وقت ممكن ؟؟؟ بلييييز

[grade="DEB887 D2691E A0522D"] اشدعوه ردوا علي لا تخلوني احاتي !!!!![/grade]

الله يكون في عونج يا الطيبة

بالنسبة لهاي المشاكل اللي يعانية ان شاء الله ما تكون مشاكل

بس لازم تراجعين الدكتورة او الدكتور

انا وقت تطعيم ولدي كل مرة ادخله عند دكتورة /
وتسالني اسالة ..

يقول ماما بابا
يحرك راسه

فكنت الاحظ كل شهر لها اسالة خاصة

فلو تدخلين عند دكتور افضل يا اختي

لان كل طفل غير عن الثاني


ومسالة الغيرة الله يعينج

انا حاليا حامل الله يسهل على الجميع
ولدي عمرة سنة ونصف الله يحفظة اذا شاف طفل صغير .. على طول ينخش عندي
يعني الحبيب في طور الغيرة

فالى الله ما اعرف كيف احل المشكلة

ان شاء الله اسال واخبرج
واذا عرفتي قبلي قولي الله ونفعيني

بالنسبه لمشكلة الكلام

اهم شي ما تقارنين طقلج مع غيره
لانه كل طفل غير عن الثاني

دامه طبيعي الحمد لله و بخير ما عليج منه لاحقه على الكلام باجر بتقولين له اسكت حشرتني :)

ان شاء الله بيتكلم بس انتي لا تغثينه

و بالنسبه للغيره

انتي عوديه لما تتجهزين تقوليله يالله نروح نشتري للبيبي و اخذي له هو في نفس الوقت شي
و لا اضطريتي تطلعين بروحج و انتي راجعه هاتيله هديه و قوليله هاذي اخوج اللي جاي بالطريق بعثها لك
و شوي شوي قوليله تعال نام جني و قول قصه لاخوك اللي ببطني
بيتقبل الوضع و بس تولدين بيحبه وايد بس لازم تحاسبين عليه من انه يمسكه او يشيله

و الله يقومج بالسلامه

moya:
[grade="8B0000 FF0000 FF7F50"] بسم الخالق الوهاب أبدأ ...


بنات عروس شلونكم وشخباركم اتمنى تكونون بأحسن حال وانتوا تقرون الرسالة ....
المشكلة وما فيها انا عندي ولد عمره 11 شهر وليما الحين ما مشى وكل ما حاولت امشية مايرضى وحاول اساحلة وحطله العاب او بالرضاعة علشان يمشي يمشي خطوتين ويقعد بس !!

المشكلة الثانية ان ولدي ما يتكلم بنت صديقتي بنفس عمره ما شاءالله عليها تتكلم وتسولف وانا اذا سولف ما يقول غير ( ماما / ابابا / ديدة ) ما ادري حالتة عادية ولا لأ لأني خايفة يكون السانة ثقيل مثل ابوه !!

المشكلة الثالثة شلون احل مسألة الغيرة بين الاطفال لأني حامل بالشهر السابع وبديت اجهز ملابس البيبية وولدي كل ما يشوفني اجهز اي ويعفس وحاولت العبة بلعبة يعني بيبي ياخذها ويعضها ويطقها أخاف يسوي بالبيبي نفس الشئ !!!


أدري طولت عليكم بس تكفون فيدوني ولكم الاجر !!!!![/grade]

وعليكم السلام ورحمة الله وبركاته

بنسبه للمشكله الاولى فهي طبيعيه ولا خوف عليها حبيبتي.. كل طفل وقدراته ولا ترغمي الطفل وتجبريه على شي.. طبيعي في اطفال يمشون بسرعه ما شاء الله عليهم وفي منهم يخافون.. مثال بنتي ما شاء الله كملت سبع وهي تحاول تمشي وتتعثر وتحاول وانا اخاف عليها وامي تقولي دعيها لا ترغميها ومشت ما شاء الله بسرعه مقارنه بولد اخو زوجي كمل سنه وشهر وحتى الان لم يحاول الوقوف!؟ يعتمد على الطف وقدراته فلا خوف على الشي.. باذن الله بيمشي.. انتي فقط اشتري له مشايه ودعيه يمشي لوحده متى ما يريد.. وايد لا تجبريه..

المشكله الثانيه نفس الشي لا ترغمي الطفل.. هو وقدراته.. دعيه يحاول معك ولكن لا تجبريه على شي..

المشكله الثالثه طفلج مازال صغير على الفهم.. باذن الله لما تولدين وترجعين بالسلامه لا تركزي اهتمامج على الطفل الجديد.. بل حاولي تحببينه بالطفل الجديد.. ساذكر لك قصه عن آخر خواتي.. كانت اختي ع عمرها سنه واختي الآخر العنقود مولود جديد.. فكانت ع تغار كثيرا من أختي آخر العنقود لدرجه انها كانت تذهب خارج المنزل وترجٍع وتقول لامي انه هذه الطفله الجديده تلوع بالجبد بالاشاره اتخيلي!؟ ومرضت ومع الايام كانت امي تحضر حلويات وتضعها على صدر آخر العنقود وتقول لاختي ع تعالي انظري ماذا احضرت لك دادا.. ومع مرور الايام احبتها.. وكل تركيز امي كانت على ع حتى لا تعطيها المجال للكراهيه..

لكل مشكله حل باذن الله فلا تفكري كثيرا بالموضوع اهتمي اكثر شي بنفسك حبيبتي وربي يرجعج بالسلامه..

[grade="00BFFF 4169E1 0000FF"]مشكورين للي ردوا علي ويعطيكم العافية والله يسهل عليكم[/grade]

السلام عليكم ورحمة الله وبركاته

ينقل لركن التربية و الطفل...

حبيبتي:
لا تخافين على ولدج ما فيه غير العافية/ انا خذ1ت درس ان كل طفل غير عن الطفل الثاني، مثلا ولدي البارح مكمل السنة وما يمشي، انا عارفة ليش لأنه اول شئ خديج ثانيا ضعيف ( من نظرتي) ويقول عادي بابا ودادا بس ما يقول شئ ثاني، طلعت له بسم الله ما شاء الله اربع اسنان مرة وحدة وبنت عمه اكبر منه باربع شهور ما طلع لها غير سنين سنين..يعني ابتدت بسنين اول شئ
يعني عادي لا تخافين الله يبارك بعيالنا يا رب

عادي اذا ما مشى الطفل قبل السنه أو تكلم .... بنتي الله يحفضها ما مشت الا و عمرها سنه و ثلاثة أشهر .... و ما تكملت الا بعد ذلك شوي شوي ... و للحين أحس لسانها شويه ثقيل على النطق السليم لمخارج بعض الحروف... بس الحمد لله ... أحسها أفضل من غيرها..... و هذه بحذ ذاتها نهمة من عند رب العالمين ....

أما بالنسبة لموضوع الغيره .... فأنا حامل و لي شهر+ي التاسع و بنتي الحين قريب بتكمل السنتين ... و أنا خايفه جدا من موضوع الغيره... وياريت الليي عندها خبره من قبل تفيدنا....

و في موقف صار أكثبر من مره ... لما أجهز أغراض البيبي قدامها ...أشوفها تاخذ اليها حاجه مثل اللحاف و تلف روحها به... و ما ترضى تتركه و خاصه لما أقول اليها هذا مال البيبي!!!!

اللي أفكر اسويه أني أجيب اليها حلاوه من الحين و أخليه داخل ثيابي و أقول اليها هذا من عند البيبي أخوش .... و بعدين لما يجي أسوي اليها الحركه هذه و أنا في المسشتفى.... يعني أخلي الحلاوه في فراشه و أعطيها اياه علشان تحبه من البدايه ... يعني من أول ما تشوفه وياي على طول......

أما بالنسبه للهدايا أحسها للحين ما تفهم عدل الا لبعض الألعاب و لازم أجهز بعض الألعاب من الحين لأنه في فترة النفاس أكيد ما بقدر أطلع من البيت ....و أقو ل اليها هذا من عند البيبي .... ايضا.....

البنات ما قصروا وفعلا كل طفل غير الثاني حتى بين الاخوات تلاقين طفل يجلس ويحبي ويمشي بسرعة واخوه اواخته يتأخرون

بس لو عندكم مشكلة في النطق او شي وراثي انصحك تعرضيه على اخصائي بدري عشان تطمنين بدري

هلوووو




اختي ... ولدج ما عليه شر ان شاء الله ... بالنسبة لموضوع المشي ... عادي جدا ان الطفل يتاخر ... بس انتي لا تحاولي تانبيه او تضغطي عليه حتى يمشي ... يعني لما يمشي خطوتين صفقي له وشجعيه حتى يحس بالثقة ويتخلص من الخوف .... وحاولي تمسكيه من يده وتساعديه ... وعندي طريقة جربتها مع ولد اخوي والحمد لله نفعت معاه ... صرت احبي واخليه يمسكني من كتفي ... وشوي شوي صارت رجله ماخذه على طبيعة الحركة بشكل طبيعي ... الى ان صارت عنده ثقة كاملة ... والحمد لله الحين ما يجلس بمكان ...

وبالنسبة لموضوع النطق ... كثري من الكلام والسوالف معاه خاصة في وقت السباحة والاكل ... واثناء اللعب ... اعطيه وقت خاص فيه لوحده ... ولا تعطيه مفردات كثيرة ما بيقدر يحفظها مع بعض ... يعني كل اسبوع حاوليه توضحي له شيئ معين ... وبتلاحظي انه قاعد يستجيب معاش ... وفي شي ثاني ... اذا تناديه باسمه او شي ينتبه لج او لا ؟؟ ... لو لاحظتي انه ما يرد عليش ... احتمال عنده مشكلة بالسمع عشان جذي يتاخر النطق .... او احتمال ثاني وهو البلاعيم ... ولاحظت بعد انش قلتي انه ابوه نطقه ثقيل ... فالافضل الكشف المبكر ... حتى لو لا سمح الله طلع على ابوه ... تقدري توصلي لبرنامج علاجي من الحين ...

وبالنسبة للغيرة ... تراها طبيعية ... وكل طفل عنده حركات غريبة ... بس انتي حاولي توصلي له فكرة ان في طفل جاي ,,, والانتفاخ اللي ببطنج هذا بيبي ... وخليه يمسح عليه ويبوسه ... تراهم يحسون لذا الشي... واذا عندج احد قريب عنده بيبي صغير ... خليه على رجلش شوي ... ولاعبيهم مع بعض ... حتى يحس بالفرح لوجود بيبي صغير ...


هذا اختي اللي قدرت اقوله لج من خبرتي مع عيال اخواني ... وعلى فكرة اني مشيت وعمري سنتين ... :)

ما شاء الله عليكم كفيتوا ووفيتوا

يعطيكم الف عافيه :)

بسم الله
أولا أقولج إختي أنا كنت قبل مثاجة أحاتي وايد و أفكر وأقارن بين اليهال إذا حد مشى قبل عيالي إذا حد تكلم قبل إذا حد سوى حركات قبلهم أنقهر وبقولج عن تجربتي عندي ثلاث عيال الأولى ولدت فيها وبنفس الوقت اخت ريلي ربت معي والكل قام يقارن والله بنتج تبسمت قبل بنتج انقلبت قبل بنتج يلست قبل والله بنتج مشت وتكلمت قبل حتى كنت أخاف يحسدون بنتي من كثر ما يمدحونها الحمدلله والثانية بعد ربيت فيها وكانت مرت أخوي مربية معي نفس الوقت وبدت المقارنات ولدها تبسم ولدها اتكلم ولدها مشى وأنا كنت بموت من الغصة والثالث بعد أخت ريلي كانت مربية معاي والمقارنات بدت بس الحمدلله متساويين في كل شئ لين الحين عمرهم سنة وشهر والحين بدوا يتخطون .
والكلام لا تستعجلين عليه إنت دربيه يتكلم حطيه مع مجموعة يهال قوم سنتين وثلاث سنين وبيستانس عليهم وبيحاول يقلدهم.
والغيرة ما أقدر أقولج عنها بنتي عمرها خمس سنين تغار من إختها أربع سنين .
أتمنى أكون ما طولت عليج وتعم الافادة.

اختي عادي انا اختي ولدها توبدا يمشي بروحه عدل وهو عمره سنة وشهرين طبيعي التاخير

اما الكلام فعادي ايضا بس انت دايما عودي وكلميه خليه يقلدج

اما عن الغيرة

تو الناس صغير 11 شهر مايفهم

بس انتي خليه يمسك بطنج بس انتبهي لايطقج وقوليله دادا حبه ومن هالكلام واذا في عيال احد من العايله اصغر منه شيليهم عشان يتعود عليج

انا بنتي 8 شهور واذا شافت احد بحضني تقعد تطالعني مستغربه وبعدها تطالع اللي بحضني واطول وهي تطالعه ماتشيل عينها الا لما أأشر لها وناديها وقتها تضحك لي وتلتهي بأي شي

و
والله يخليلج ولدج

ويسهل عليج ولادتج

لا تحاتين أختي،، مو شرط الطفل يمشي قبل السنة في أطفال يتأخرون بالمشي الى سنة وكم شهر،، آنه ولدي مشى قبل مايكمل السنة بكم أسبوع ومع أنه ماحبى بالمرة كان كسول ،، بس ماشاء الله عليه الحين عافس الدنيا..

بخصوص الغيرة، الله يكون بالعون،، آنه مو حامل ولا شي وولدي من أمسك طفل صغير يلصق فيني بس مايسوي شي ولا يمسك الطفل،، هذا لو أجيب له واحد ثاني شو بيصير فيه،، حاولي لما تولدين تعاملينه بمثل الثاني والي تشترين للثاني أشتري له بعد..

بخصوص النطق،،إذا كانت عندكم مشكلة وراثية ، الأفضل تستشيري أخصائي،، بس أحيانا ما يكون في الطفل شي ،، يتكلم متأخر وهذه طبيعته،، لأن أخوي ماتكلم الا سنة وكم شهر، الحين ماشاء الله عمره 12 سنة وماكلنه بلسانه الله يحفظه...