السلام عليكم ورحمة الله وبركاته
حبيت أقدملكم اليوم طبخة وااااااااااااااااو مو صعبة ولا بدها وقت " ما عدا وقت سلق المعكرونة "
ومن العنوان اكيد عرفتو شو هيه الأكله :)
نبلش على طوووول !!
المقادير : -
كيس معكرونة
زيت زيتون
ملح
مـــاء
علبتين تونة
نصف كيلو بندورا "طماطم"
ملعقتين من الطماطم الكثيفة " معجون طماطم"
الطريقة : -
أول شي نسلق المعكرونة بإضافة الملح والزيت " عشان ما تعجن" و طبعا بدها تقريا ساعة ثم نصفيها من الماء
تاني شي بنفرم البندورة مكعبات
تالت شي بنحط علبتين التونة مع زيتهم بطنجرة " قدر" ونخليهم على نار هادئة او متوسطة مع التحريك لحد ما يتفتفت التونة
رابعا نضيف البندورة للتونة و نقلبهم على النار لحتى تذبل و تستوي البندورة تماما ثم نضيف بعض الملح "حسب الرغبة"
خامسا نضيف المعكرونة الى خليط البندورة و التونة و نقلبها على النار قليلا ثم نضيف ملعقتين معجون الطماطم و نحركها على النار جيدا جيدا جيدا ونتركها قليلا حتى تسخن !!!!!!!!!!!
أخرا وليس اخيرا :- نسكبها بطبق التقديو و ممكن تزيينها :)
وهاي صورة عملتها هلأ على السريع علشان تشوفوها :)
وصحتين وعاااااااااااافية على قلوبكم
