سؤال من غشيمة بالبخور

حبيباتي معقول كلكم خبرة في البخور ما وحدة منكم تنصحني

السلام عليكم ورحمة الله وبركاته

مرحبا عزيزتي ..

بصراحه العو والبخور أنواع كثيييييييييييييييييييييرة منها الغالي ومنها الرخيص

وكل واحد وذوقه ...البعض يحب الدخون العربي والبعض يحبه بالعطر الفرنسي

والعود أنواع شي معطر وشي طبيعي وبعد شي منه غالي ورخيص وفيه الي سعره معقول

ولكل مناسبه نوع يعني العود المعطر للأعراس والبخور للملابس والبيت ...ووو.


بصراحه البخور عالم ثاني ما يتلخص في كم نوع ....


وبالأخير الذوق هوالحكم...أرجو إني أكون عطيتج فكره ولوبسيطه..


أما المسك ..في منه السائل وفيه الحجر ...وفيه البودره

وأنا بصراحه أحب مسك العروس وهوسائل وموجود عند عبدالصمد القرشي

وعنده بعد الحجر ..

تسلمي يا توتة
الله يجزيك الخير على المعلومة ,الأن أقدر أروح لبائع البخور وعندي فكرة عشان ما أبين غشيمة
ألف شكر لك عزيزتي
دمت بخير

موفقه الغاليه

و لو عندي فكره كنت افدتك

اختي الدخون يعتمد على مكوناته وعطوراته وزي ما قالت الاخت فيه انواع كثيرة منه الغالي ومنه الرخيص

العنبر بعد في النوع الاصلي اللي يجي على شكل قطع صغيرة سودة وهذا ينباع بالجرام وهو غالي شوي
وفي العنبر القطع وهذا رخيص
وفي العنبر السائل الاسود(دهن العنبر) وسعره يختلف على حسب جودته في غالي وفي رخيص

اما المسك فهو نوعين نوع ابيض بودرة ( المسك الابيض ) وافضل نوع انا اخذه من عند اجمل الكيلو ب 60 تقريبا
وفي المسك القطع وهو لونه مائل للاصفر وريحته حلوة

وفي المسك الاسود البودرة وهذا غااالي وينباع بالجرام
وفي عطر المسك الابيض
وفي عطر المسك الاسود

واما العود فانواع الاصلي منه معروف بريحته الحلوة
وفي الانواع الرخيصة

والعود المعطر اشكاال وانواع وروايح مختلفة وينباع بالتولة وفي الرخيص وفي الغالي حسب نوع العطور اللي فيه


وفي عندي انواع من البخور والعود المعطر والمخمرية والعطور والمخلطات وباسعار حلوة ومناسبة للجميع

تقبلي مني خالص لتحايا

مابزيد أكثر على الغاليات لأنهن كفن ووفن

لكن حبيت أقول لج إن البخور والعود والعطور العربيه في تجدد مستمر

حالهم حال العطور الفرنسية وبين كل فترة وفترة تطلع لنا روائح عجيبه وحلوة

اللي عليج تعرفين المحلات المعروفة في بلدج

مثل عبد الصمد القرشي - أجمل - الحرمين - رصاصي - الياس وشغل البيوت روعه بعد وغيرهم <<طبعا بالنسبة لدولة الإمارات

وتزورينهم وتسئلين عن أفضل وآخر الأنواع عندهم وتختارين ع ذوقج ما فيها شي الغاليه

ويمكن وقتها انتي بتخبرينا عن بخور أو عطور يديدة نحن ما عرفناها

^_^

تسلم ايدكم بنات على الردود الغالية
وأن شاء الله ربي ينولكم إلي ببالكم