عانس.............!!!!.... مستحيل!!!!

يا بوية أنا متزوجة

وما شفت من الزواج إلا عوار الراس والتعب والضغط اللي ياني وتوني ماكملت ال25

الله يستر على عباده الزواج بلاه الله لا يبليكم فيه قولي آمين

الشيء الوحيد اللي لاقيته من الزواج الكتكوتة والكتكوت اللي عندي بس بس شيء ثاني لا

MOON LIGHT
تقولين :-

(( حبيبتي والله ما فيه احلى من الزواج ...

حلاته ريلج يكون عندج طول الوقت يحس فيج وتحسين فيه ...

كانكم روح في جسدين ...))

والله لي ثلاث سنين معرسة ولا مرة شفت أو حسيت بها الشيء أي روح وأي خرابيط ههههه

هههههههههههههههههاي

ابي اتزوج وماابي اتزوج خخخخخخخخخخ

والله انكم اتحيرووون الواحد

بس اعتقد هذا مكتووووب من عند الله

ومافي بنت مااايكون لها نصيب مهما كبرت في سن

الا حاله استثنائيه في بنات يكبرووون ويموووتون وهم غير متزوجااات

يالله يااارب يرزقنا بزوج صاالح في دنيا والاخره ياااارب

امين

الله يسعدكم وينولكم اللي في بالكم.............

وان شاء الله بنات المنتدى كلهم يعرسووووووووووووووووووووووووووووووووون

شو بنسوي كل شي مقدر ومكتووووووووووووووووووووووب
وعلى قولة القايل
اجري جري الوحوووووووووووش غير رزقك ماتحووووووووووووووش

والله كريم يابنات الله كريم وان شالله جريب عليكم بالدعاء..........
والله يفرحنا ويسعد قلوبنا ويفرحنا بشوفة ذريتنا

مشكوره على طرح الموظوع للنقاش اختي

مشكوره حبيبتي على موضوعج المفيد 0

بس اسمحيلي كلامج نصه غلط يعني الوحده تبينها تشيل فكره الزواج من بالها وتقعد بيت اهلها معززه مكرمه وبس وظيفه 0

لالا عيوني منو قالج اهلها بيساعدونها وبيكرمونها لا بالعكس بيذلونها ومعاير ويالله اشتغلي والله الزوج ارحم بوايد 0

اخذه واعدله واسنعه احسلي من مجابل اهلي 0


كاسكو

عيبني كلامتج الغاليه ...بس عندي تعليق واسمحيلي لو بيضايق...
الغاليه اذا كانت نسبه العوانس اتزيد في الامارات فلا اتقطي اللوم على الشباب ..الكل مشترك فيها ..الاهل والبنت ووالمجتمع ..وكل حد ...
بغيت اقولتج موقف الغاليه...عن اهلي انا اخوي ملتج من فتره وكان مالتج من قبل كم سنه بس الله ما وفق بينهم وتم الطلاق بس لاحظي مادخل على العروس بس مجرد ملجه...شو صار بعدين حب يكمل دينه ويلاقي الزوجه المناسبه ..هذا وهو ريال مايعيبه شي..
اتصدقين كل ماراح يخطب وحده ايردوا عليه بالرفض لمجرد انه كان مالتج من قبل ... انزين بالاول افهمو شو سبب الانفصال وبعدين احكموا...وحده اتقول انا ما اريد واحد شاف وحده قبلي ..والثانيه اتقول مستحيل اقبل بواحد اختار وحده قبلي ومن هذا الكلام التافه..بعني القبول والرفض ماكان مبني على اساس الصلاه ..الدين ..الاخلاق..لا مبني على اسباب تافه وافكار متدنيه...شو اتقولي في ها الفئه ..هذا الي خلى الشباب ما يفكرون بجديه في المواطنات..ولا غير المهر والزهبه والعرس ووووو. ماسمعوا حديث الرسول اقلكن مهرا اكثركم بركه....اسمحلي الغاليه كلامتج مب منطقي..
وبعدين ليش اتعممي الفساد في كل الازواج ..الحمدالله عمره ريلي ماطالبني بفلس احمر ...وانا لو عطيت بعطي لبيتي وعيالي اولا واخيرا..
ليش الفلوس بس للاسواق واللعب...ولله الحمد مب تعبانه لا في البت ولا مع عيالي..ولافي سكر ولا ضغط ولا شي
الغاليه مب الكل فاسد او الكل طمعان فيه الطيبين الي يدوروا الطيبات الي يقدروا يعتمدوا عليهم في تربيه الابناء ..
ما اقول غير الله يسامح الى كان السبب والي سمح للعماله الفسدانه تدخل بيوتنا وتتحكم فينا ...الله يسامح الي فتح المجال لغلا المهور والطلبات الي مالها حدود...الله يرزقتج بولد الحلال الله يستاهل دره مثلتج ويرزق كل وحده بالانسان الطيب الي يستالها ان شالله

مشكوره عزيزتي

:cool2:

الله يرزق كل بنات المسلمين ازواج صالحين ويستر عليهم امين

ليش يسمحون للمواطنين يتزوجون اجانب لازم انتو فالامارات تشتكون في وايد حرمته الاولى مواطنه ومتزوج عليها مغربية او روسية لا وعنده عيال بعد؟؟؟؟ احنا عندنا بصعوبه يسمحون للمواطن يتزوج اجنبية ولازم يكون عنده اسباب يشكلون لجنة ويمكن يعطونه موافقة او يرفضون

والله اختي الزواج قسمه نصيب والوحده تصبر باللي يكتبه لها رب العالمين..................والصبر مفتاح الفرج...................يانها تعرس وتكون مرتاحه...................او تعرس وتكون تعيسه...................او ماتعرس وتكون راضيه...................او ماتعرس وتكون كئيبه ليش ماعرست..................ولكن اللي تصبر تنيل الخير والله يرزقنا جميعا زوجا صالح غير عاجل........................والله يسعد الممتزوجا ويرزقهن بالذريه الصالحه.....................ويصلح الازوجا للزوجات.......................والزوجات للأزواج..................

تصدقين توني كنت ابكي والحين لما قرات موضوعك ضحكت بس ما ادري ليش ..!!

نجي للمهم ..

1- المعرسه تعبانه من شغل البيت والكراف والطبخ وظفورها صفر ويحليلها شعرها يطيح ....أما العوانس فشابات جميلات امعززات امكرمات لا يشتغلن في البيت لا شيء وان اشتغلن بكيفهن هب غصبن عنهن.

انا اكبر وحدة في البيت وتجي علي ايام الشغل ما فيه أكثر منه يعني حالي وحال غيري مثل اللي عندها بيت

2- المعرسه لازم اداوم عسب تصرف على عمرها وعلى بيتها ..... أما العوانس فمعززات امكرمات ويالسات في بيت اهلهن ولو طاحت هلها بيشلونها وما بيقصرون فيها.

اغلب اللي حوالي متزوجات وقاعدين من دون وظيفة وآخر الشهر يستلمون الراتب من الزوج ومن دون تعب

3- المعرسه مريضة اكثر من العانس ..... كله من ريلها اللي يرفع الظغط ..... العوانس ما فيهن أي مرض لأنه محد في البيت يرفع ضغطها.

مين قال ..!!! العانس أمراض نفسية لا تعد ولا تحصى ..اكتئاب ..وعزلة ..وانطوائية ..شديدة الحساسية ..الخ ..بينما المتزوجة وهذا الشي أكده علماء النفس والاجتماع ..(طبعا مو كل المتزوجات )....الاستقرار النفسي والعاطفي

4- وااااااااااااااااااااااااااااايد مقارنات بس هب متفيجه.

في هذي صدقتي...ويقولون ما يحس بالنار الا اللي واطيها

مشكورة اختي على الموضوع

سلاااام

نسبه مخيفه عن جد


بس أختي بالغوا لما قالوا من عمر الـ 15


ما أعتقد تسمى عانس

الله يكون بالعون

ونطلب الستر والعافية

خخخخخخخخخخخخخ تسلمين اختي خواطر عل موضوع

فعلا كلامج في محله

اختج
روح البحرين

النسب المرتفعة مو بس في الامارات بل في اغلب الدول العربية و الخليجية و الله المستعان

والله لا يبلى المسلمين و المسلمات يا رب بهالأمر ..


وبصراحة حجة غلاء المهور حجة واهية خلاص الناس تثقفت وصارت واعية

وهذاهم ياكثر اللي ما يعني لهم المهر شي وفاتهم قطار الزواج

يعني لا أحد يقعد يتحجج بكلام ما لأمه سنع !

وغالبا ما يقول هالأمر صراحة الرجال

لأنهم والله موقد المسؤولية إلا ما ندر

و الله الرجال اللي ينرفع فيه الراس صار شي نادر نادر

ليش طيب ليش!

انا ما أبرئ ساحة البنات بس خلونا نفكر بعقل

كخليجيين الرجال هو اللي يجي و يخطب

هو اللي يدوّر..هو اللي يتقدّم ..يعني البنت ما بيدها حيلة غير انها تقعد تنتظر ..

وتنتظر هذا اللي ما تدري متى بيجي!!

والرجال حضرته يتسكع في ارض الله الواسعة !! .. هل تلاحق وراهم تكفون تعالوا اخطبوني ..!!!!!

لا تقسون عالبنات _ وإن كان فيه كثير منهم يستحقون التأديب و القسوة أحياناً _ لكن كونوا منصفين و فكروا بعقل ..


أسأل الله إنه يرزق كل أيّمه الزوج الصالح اللي يسعدها و يعينها على طاعة ربها ويصك حلوج الناس عنها ..

وبس !