العبايات اللي دارجــه هالايام..موضه الحين خلونا ندخل ونشووووف ؟؟؟

العبايه الدارجه عندنا في السلطنه عباية الفراشات بس انا ما
حبيت اسويها لانها حلوه على الطويله والنحيفه

خواتي وين اقدر افصل العباه الرومانيه ؟؟؟

أما الفراشه مو وايد اقتنعت فيها يعتمد على حسب شكل التطريزفيه بعضهم يكون تطريز دفش وايد ويخلي شكل العبايه بشع
أما الرومانيه عيبتني وايد وداشه مزاجي وناويه افصل مثلها ان شاء الله

[grade="4169E1 FF1493 4169E1 FF1493"]هلاا ريح النفل وتسلمين على ردج .. اختي عبايه البشت تختلف عن عبايه الفراشه .... يعني كل وحده بديزاينها هذا على حد علمي ...

نو الايمان تسلمين على مرورج وكلج ذوووووووووووق ...

شقاوة اطفااااااال .. عيبتج العبايه الرومانيه .. حبيبتي شوفي محلاات العبايات المشهورة تراهم يسوونها بكل مكان الحين تقريبا ...

عاشقه المستحيل صدق لما قالوا الناس اذواق وان شاءالله تفصلين العبايه الرومانيه وتتهنين فيها يا رب ... [/grade]

هلا بناااااااااااااااات انا فصلت العبايات الجديده كلها وراااااااح توصل عقب اسبوع باحطها لكم كلهم
وبخصوص الخفاش وسيعه من الخصر واليد بس شيقه من اخر اليد
بس مو نفس الصوره اللي انتوا حاطينها تجنن
طبعا عبايات من البحرين ومن الاماارااااااااااااااات
باعرضها لكم قريب

وين فصلتي عباياتج اختى pink_pixy

العباة الرومانية ما عجبتني شو ها مب شي .انا عندي الفراشة والخفاش وايد حلوين ويسترون على الجسم ما يبين الوحدة فيها ضعيفة او متينه وها الشي عندي مهم وايد.

الرومانيه مول مو شي ... ماعجبتني بالمره :eek2:

عباه اشوفها الفراشه و حلوه بس بعدني ما سويت..يمكن اسويها قريبا
والله العبايه الرومانيه ما عيبتني موووول

[grade="00008B FF6347 008000 4B0082"]pink-pixy تسلمين حبيبتي على تفاعلج وبنتريااااااااااااا الصور ... مشكوووره يا حلوة ...

رمز المحبه يا مرحبابج اختي .. نورتي ...

عيون وساع تسلمين على مرورج يالغاليـــــه واحسن شي في العبايات انهم يكونون ساترين للجسم وما يبنون تقاسيم الجسم .. وتهنين بالعبايات اختي .. [/grade]

[grade="00008B 8B0000 00008B 8B0000"]ماروكو ... وانا بعد ما عيبتني بس لاا تنسين انها تعجب غيرنا وفالنهايه الناس اذواااااااااااااااااااااااااق ...

روضه مشكورة حبيبتي على مشاركتج وفعلاا الكل عيبتهم عبايه الفراشه ....

شكلنا بنسوي تصويت بعد شوووووووووي هههههههههههههههههههههههه ... [/grade]

عباياتي في الفيرست جويز اللي بالاند مارك
والجداد الموديلات في ريم الاماارات بس قلت له مايعرضهم لاحد
بس عشانكم باصورهم وباحطهم لكم قريب

[grade="00008B FF6347 008000 4B0082"]هلاا اختي بنك ... ياااااااااااا ريت لو تعجلين اختي ... وتسلمين مرة ثانيه يا عسل ..[/grade]

طحت عليـكم اجتماعات من وراي يلا ماشي ماشي :eek2:
المهم حبيباتي شخباركم متجمعين على الخيـــر يارب
العبـــايه يا العبــــــايه والله الموديــلات والقصات كثـــرت وانا اسمع باسماء وااايد

انــا عادة كل سفره البحرين اشتري عبــاة اخر وحده خذتها اللي يصير الظهر مشكوك واااايد انيقه باللبــس مع شيلتهـــا حق المناسبات تهبـــل
وحق رمضــان سويت اللي تصير Low-west خصر واطــي وتكون بليسيــه وفيها حلقة فصوص
باللبـــــــس وااااايد حلوه وتصير مثل النفنوف يعني حق الدوام اوكي وهذي صورتها بس اتمنى تكون واضحه ...


هذي كاملـــه طبعاً اهي كسرات تحت بس لانه سوده الصوره مو مبينــه


وهني شفو حلقات السترس بالجم والخصـر

الخيــاط مع الخام كلفنــي 20دينار بسسسس وباللبس مرتتتتبه
يلا بنـــات الل يعندها موديـــــــلات توارينا خل نستفيد

يعطيج العافيـــه حبيبتي MOON LIGHT على الموضوع

تحيــــاتي
الغاليــــــه

[grade="00008B B22222 00008B DC143C"]هــــــــلاا الغاليـــــــه .. نورتي الموضوع كله فديتج ..

ولاا عاش ما يجتمع من وراج ...

ومشكوووووورة عالصور وفعلاا تصميم انيق ومرتب وهادي بنفس الوقت ...

يالله كل وحدة تصور عباتها وتنزل الصورة حتى لو مب موضه الحين بس المهم تكون عايبتها ومقتنعه فيها ...

نتريااااااااااااااااااكم [/grade]

وين الصور خاطري اشوف الفراشه

fa6ame:
وين الصور خاطري اشوف الفراشه

[grade="00008B FF6347 008000 4B0082"]فاطمـــــه تريي شوي الين ما ينزلون صورتها وتسلميــــــن ... كلناااااااااااا نتريا ...[/grade]

هذي الموضوع السنع

بالبحرين عندنا العبايات الدارجة هي:



[الفراشه: تكون مثل البشت وتتسكر من الأمام بطقطق ويركب على الأطراف خيط قيطان وناس يحطون خيطين ويركب قطعه ثانيه قد شبر على اليد تكون ضيفه شوي وينقشونها تطريز وبعضهم يحطون نفس التطريز على الظهر.



الوطواط: وهي مثل الفراشه لكن تكون مخصره وتكون أطرافها مفتوحه مثل الوطواط وينحط خيط قيطان حواليها والأيادي تكون ضيقه وطولها شبر ونص يعني لي المفصل، واللي يحب يطرزها، وفي منها نوع مغلق بالكامل ويكون له كلر ياباني ومن الخلف لها جرار صغير عشان يساعد في اللبس، وفي نوع وطواط بدون أيادي يعني تصير الوحده طايره بها.



الرومانيه: وهي النوع اللي يكون مثل الوطواط مغلقه بالكامل ومن الخلف جرار صغير لتسهيل اللبس، بس الخلق يكون من الأمام مثني مثل اللي شايل ثوبه :dd:

وعلى فكره

إذا شفتي العباية حلوه على ناس وناس لا فهذي مو معناته إنها مب شي
لا هذي معناته إن الخياط اللي سواها ما يعرف يضبطها

وعن نفسي إرتحت وايد للوطواط فخمه ومحترمه وايد وتصلح لكل مكان ومسويه 2 وطواط وحده مفتوحه والثانية مغلقه وعندي بعد وحده فراشه ناعمه وايد.

قطاف:
هذي الموضوع السنع

بالبحرين عندنا العبايات الدارجة هي:



[الفراشه: تكون مثل البشت وتتسكر من الأمام بطقطق ويركب على الأطراف خيط قيطان وناس يحطون خيطين ويركب قطعه ثانيه قد شبر على اليد تكون ضيفه شوي وينقشونها تطريز وبعضهم يحطون نفس التطريز على الظهر.



الوطواط: وهي مثل الفراشه لكن تكون مخصره وتكون أطرافها مفتوحه مثل الوطواط وينحط خيط قيطان حواليها والأيادي تكون ضيقه وطولها شبر ونص يعني لي المفصل، واللي يحب يطرزها، وفي منها نوع مغلق بالكامل ويكون له كلر ياباني ومن الخلف لها جرار صغير عشان يساعد في اللبس، وفي نوع وطواط بدون أيادي يعني تصير الوحده طايره بها.



الرومانيه: وهي النوع اللي يكون مثل الوطواط مغلقه بالكامل ومن الخلف جرار صغير لتسهيل اللبس، بس الخلق يكون من الأمام مثني مثل اللي شايل ثوبه :dd:

وعلى فكره

إذا شفتي العباية حلوه على ناس وناس لا فهذي مو معناته إنها مب شي
لا هذي معناته إن الخياط اللي سواها ما يعرف يضبطها

وعن نفسي إرتحت وايد للوطواط فخمه ومحترمه وايد وتصلح لكل مكان ومسويه 2 وطواط وحده مفتوحه والثانية مغلقه وعندي بعد وحده فراشه ناعمه وايد.

[grade="00008B FF6347 008000 4B0082"]تسلمين اختي على مشاركتج ومشكورة على توضيحج ... [/grade]

السلام عليكم ورحمة الله وبركاته

بنات شرايكم نفتح هالملف للعبايات الجديده اللي ذابحتنا هاليومين "للعشاق"
انا الصراحه كل يوميين مفصله عبايه


وياريت كل بنت تحط صور عباياتها اذا مافي اي كلافه

واللي ماعندها تكتب رايها على الاقل
والي سويت اي عبايه تقول لنا

وتقول لنا خبراتها بالمحلات الزينه
تفيدنا واحنا بعد بنفيدها



ابتدي انا


اول عبايه طلعت من الخياط
الرومــــــــــانيه
عبايه عجبتني بـــــــــــــــــس للمناسبات
فصلتها بالبحرين عند الجوهره السوداء بالمحرق

هذي الصوره من جدااااااااااااااااااام







وهذي من الخلف




شكـــــــــــــــــر خـــــــــــاص للمصـــــــــوره qshark