خبراتكم في ليلـــــــــة الحنـــــــــاء

بسم الله الرحمن الرحيم
السلام عليكم ورحمة الله وبركاته
أحنا عيلتنا تسوي لازم ليلة حناء بالاول اتسوي الكوشه صغيره تراث وتجلسين على أرتفاعه بسيطه وتلبسين ثوب النشل وأكثر المعازيم لا بسين الجلابيات وعملنا سفره لونها أخضر وتحطي على السفره فواكه والتمر والحلوى وصينيه فيها حناء تتوزع على المعازيم وتزين السفره بالشموع والكسسوارات

اوكيه بنات المنتدى الحلوات من ممكن توفر لي ثوب أخضر للحنا بس تكون مشكوكة اللي عندها ممكن تراسلني عالخاص

احنه في البحرين لازم ليلة الحنه كان في الخطوبه او الزواج
طبعا انسوي تجهيزات واجد
مثل الكوشه انتي تختارينها انه سويت من سعف يعني زي العريش المفتوح من الامام وخليت داخله المساند الخضره الي مطرزه بلون الفضي والذهبي
ويات الحنايه الي هي مرت اخي وحنتني وانه الي حنيتها في خطوبتها وزواجها
وبنسبه للتوزيع طبعا وزعنه الحنه في فخار على شكل اواني قديمه
وفي تحف ثانيه طبعا وفيها الشكلاته انا سويت الفراشه الصغيره وقاعدتها الشكلاته
وجبنه وحده تقرا الجلوه وسبع المشامر هادي طراز قديم بس حلو
وبنسبه للاكل في المعجنات وفيه المكرونه وفيه السمبوسه والكباب والهريس
لانه الواده عزمت الفريج والاهل والحبايب والاصحاب
بس كانت ليله حلوه مرررررررررررررره