ساعدوني>> تزيين غرفة الولادة

الله يقومك بسلامة يا رب ويتمم لك على خير ...

حبيبتي أنت ما حددتي غرفة الولادة في المستشفى أو في البيت أي وحدة ... إذا كانت في المستشفى رايح تاخذين غرفة خصوصي لوحدك يعني حددي لو سمحتين ... حتى أقدر أساعدك .... أنت حامل في بنت أو ولد ...

الحلوه اني

فديتج وحده منا تربي ماتجلس في المستشفى يومين بكثير 3 ونطلع
انا عني فكرت بزين الغرفه ببوكيهات ورد فقط
وحط صواني التقديم واحد مالح وثاني حلوووو
وبسوي طقم البيبي وطقم سريري نفس الشئ

اما التجهيزات العدله بسويها في الصاله بيتنا
وتخيلي بتم اسبوع واكثر ماااحاتي

بزين مدخل الصاله باغصان وفيه ورد محمدي وبنفس الوقت بخليه يعلقلي
على الاغصااان تحف مثلا مرضاعه صغيره مريله مالت البيبي فرشاته ( كلها لقيتها اطقم بلاستك صغيره )
كلها بالون الازرق

وبنفس الفكره بسوي في الصاله غصن معلق كذا في الزاويه والسله نازله منها وفيها توزيعاااااااات
يعني للحين ماكملت الفكره

ولكن راي بالبيت وايد احلى

مشكورين عالرد

الحلووة البحرينية >>> مشكووورة على ردج اني راح ازين غرفة في المستشفى وبتكون غرفة خاصة وانني حامل بولد اتمنى تساعديني عزيزتي ولك خالص شكري

أختي شهد >> فكرتج وايد حلوووة انشاء الله اسويها بالبيت بس اذا تقدرين تعطيني افكار لغرفة بالمستشفى وأريدهاا تكوون كشخة ولك خاص شكري

تحيااااااااااااااتي

هلا حبيبتي

دام هو ولد وغرفة خاصة ...
عندك من باب الغرفة تبدأين ...
تحطين على باب الغرفة من الخارج ورقة بلون الأزرق طبعاً تبين أن مولود ولد ... وباقة ورد مع مجموعة بالونات لون أزرق ...أو بدل الباقة حمالة مكتوب عليها ... This Baby Boy مع البالونات ... هذا طبعاً كل خارج الغرفة ... تجين إلى داخل الغرفة ... أول شي يكون مفرش البيبي أزرق وحولين سرير البيبي بالونات أو دببة... مفرش الخاص بك يفضل أن يكون أزرق اللون طقم كامل .... يكون حوالين الغرفة باقات ورد وبالونات ... وتقديم الحلويات يكون مالح وحلو ... مع وجود تحف مع حلاوة للأهل والأصدقاء الغالين عليك ... ووضع بعض الأورق على حائط الغرفة لبعض صور الأطفال وتبين أن البيبي ولد ... وبعض العبارات السلامة وشكر الجزيل لزيارة ... أرجو أني قد ساعدتك قليل ...

سلامي وتحياتي .....

لكي كل الشكر خيووه حلووة البحرينية على فكرتج الرووعه ما تقصري يالغااالية ويعطيج الله العافية

في انتظار أفكاركم يا عضوات لا تحرموني ارجوكم من أفكاركم

تحيااااااااااااتي

اختي على الباب ممكن تخلين مثل ما قالت الاخت this bsby boy او welcome my baby وتخلين اسمه ويكو باللون الازرق..داخل الغرفة سرير الطفل وسريرج بالازرق..في السقف ممكن تمدين تور او شرايط باللون الازرق والابيض من كورنر لكورنر ثاني وفي الوسط تخلين الاسم مكتوب على خشب او ورق مقوى ويتدلى من الوسط...صينية او ترولي الشاي والقهوة ممكن تزينينهم بعد ابيض وازرق وممكن الدلال بعد....طبعا بالاضافة الى تحف التوزيع راح تكون باللون الازرق والابيض وتكون في شي عدل حاطتها يعني مو صينية....يم الباب برع ممكن تخلين بالونات وايد على شكل دائري مدار الباب (المدخل) وممكن تخلين الاسم بعد.... وبعد اذا رحتي محلات التوزيع اكيد بتشوفين افكار حلوة..هذا الحين اللي يحضر بالي واذا في اي شي برد لج...

على فكرة مب شرط اللون الازرق حق الولد عندج الوان وايد حلوة وتكون محايدة للاثنين..مثلا البرتقالي.. او الاخضر او الاصفر

احنا عندنا محل بالدوحة اسمه رويال فلاورز شفت شغلهم كذا مرة .. جدا حلو وافكارهم جديدة واسعارهم مناسبة ..
لكن ماعرف في البحرين اكيد عندكم محلات ورد ممكن يساعدونج ..
..
بالتوفيق ان شاء الله

تشكري خيوه bent el ba7rain على هذه الفكرة عجبتني وماتقصري عزيزتي

ومشكورة عروس اغسطس على مرورج

تحياااتي

[بعطيج فكرة بسيطة بالصور , الهولنديين يسونها :
تعليق شريط ازرق للولد والبنت وردي , البالونات الابيض و الازرق او الابيض والوردي
حلوى السكاكر باللون الابيض والازرق مثل اللوز وسكاكر الملونة اللى على شكل القلوب
تعليق ملابس البيبي على حبل بالمشبك مثل ما تنشرين ملابس الغسيل , نقي الشغلات الحلوة للتعليق , جميع غرف الولادة معلق حبل الغسيل طبعا للتزين مو للغسيل الحقيقي ههههههه
طائر اللقلاق ولعبة بيبي مع الاسم

طيب لو بزين في البيت
انتو تقصدون انه نفصل مفرش للسرير الكبير مالي انا وزوجي ومثله ومن نفس القماش لسرير البيبي؟؟؟

اعتقد ما منحصل جاهز... لازم تفصيل