كبف واجهت أول تطعيم لطفلك

أشكرك على مرورك bridetobe وحكايتك مع أول تطعيم

بصراحة ذكرتوني بالذي مضى ...حسين بعد قلبي هو الحين عمره سنتين و11 شهر .. كان أول تطعيم له يوم كان عمره شهرين ... بصراحة مأساة رحت بروحي محد وياي ... عطته الممرضة نقط في فم وبعدها قالت لي جودي يديه وصدره حتى لا يتحرك ... ظل فوق النصف الساعة وهو يصيح ما نام من شرب الحليب ... نام من كثر الصياح ... بعد ما رجعت البيت مباشرة عطيته بندول ... لكن سخن لمدة ثلاثة أيام ... وهذا هو المنوال كل تطعيم يسخن بين ثلاثة أيام إلى خمسة أيام ورجله تورم عليه ... ولما مشى بعض التطعيم ما كان يقدر يمشي منه الألم ... ويظل يزحف أو يعرج على رجله ...

سلامي وتحياتي لصاحبة الموضوع

ا عندي وعندكم الخير 5 بنات ولد الله يحفظهم قولوا امين عاد
يعني صار عندي خلفية كثير منيحة
اعطيكم خلاصة التجربة لعلي افيدكم فيها انشاء الله
اول ماتجين من المستوصف اعطية فيفادول وادهني حول مكان التطعيمة فكس اكيد كلكم عارفينة لاتحطين على التطعيمة نفسها لكن حولها واعملي لها كمدات من الماء الدافي او الثلج اتمنى اني افدتكم

هلا إختي السهل الممتنع أشكرك على مشاركتك معنا

بس بالنسبه للفكس يوم والدتي أخذت ولدي للتطعيم كانت هناكإمرأه مع إبنها بعد ماطعمته الممرضه على طول حطت فكس حوالين مكان التطعيم ويوم شافتها الممرضه هاوشتها وصارخت عليها وقالت لها مافي فايده راح مفعول التطعيم كأنك ماطعمتيه كان سألتينه قبل ماتتصرفين .
هذا الكلام منقول من عند الوالده يوم كانت في المستشفى وهذا إلي صار.

وسلامتكم

الله يستر انا بكرة موعد تطعيم بنتي الاول
ونصحوني بالثلج والله يسهل

انا واقرا الموضوع وفيني الصيحه
واول مره طعمت بنتي بعمر الشهرين كنت مع ابوها
بس انا الي مسكت رجولها لانها كانت في الفخذين
وهي تصيح وانا اصيح والدموع اربع اربع
وحتى لما طلعنا من غرفة التطعيم وانا لسا اصيح
والحاله حاله
ورحت بيت اهلي وفيني الصيحه وامي تضحك علي
بس الحمدلله اخذت الدوا وماسخنت
بس الاربعه شهور كانت الابره حاره ويومين مسكينه تعاني من السخونه
وعدت على خير والله يعيني على تطعيمة الست شهور الجاي

ينتي انا مسكتها ما أمن حد يمسكها غيري اول ما تخلص اي تطعيم ألمها على صدري

واذا كانت تبكي ابكي معاها

الإسبوع القادم موعد تطعيم ولدى الله يحفظه الرابع ياربي كل ما اتذكر تجينى غصة في بلعومى حبيبي الود ودى ما اوديه بس شن سوى مجبورين .......

ما ترى شو صار...

الموضوع وايد حلو.... عاد أنا أقوي عن أمى ماشاء الله عليه.... كنت أدخل مع أخوانى وأمى تنتظر برع ياحافظ عليها...
ولما يتنى حصوص أنا أدخل معاها... والحمد الله خلصت ...

والسموحه