اريـد حـلاً ( يرضـي الله ) قبـل ان ( يرضيـني )

مرموم

هلا بك اختي
ومشكوره اختي على النصيحه الثمينه هاذي اللي اكيد راح اعمل بها واحطها في بالي دائماً :)

وبالنسبه لخالي ...
انا وخالي علاقتنا ولله الحمد قويه جدا ، وهو يعتبرني مثل بنته بالضبط

واذا قلت له السالفه ممكن يسوي شي من هالشيئين :

- انه ينصحني بكتمان هذا الموضوع في حالة انه ما يقدر يسوي شي فيه او يساعدني فيه

- انه يعمل بالمقوله : ( اخطب لبنتك ولا تخطب لولدك ) ، كأن يلكم الرجال و يلمح له بالزواج بي او انه يعرض عليه الزواج بي بكل صراحه

بس اختي المشكله فيني انا :o
انا بصراحه شوي خجوله :o ، وما اعتقد اني راح اقدر أتجرأ وأقول لخالي اني احب فلان الفلاني واتمنى الزواج به

صعبه شوي عليّ :(
وبصراحه انا ما اعرف شلون اكلم خالي ، وما اعرف شلون اصيغ له الموضوع ، ولا اني عارفه شلون ابتدي معاه ، مادري فاهمتني ولا لا ؟! :(

ريم81

تسلمين يالغاليه على المرور

وصدقتي اختي ، هالسالفه بتظل في باله ، لان مثل هالسوالف صعب على الانسان انه ينساها سواء كانت بنت او رجل

شاكره لج :)

حلوووة البحرينية

تسلمين اختي الغاليه على النصيحه
وانا لله الحمد أقرأ القرآن ( كل يوم ) ، وايضا مستمره على الدعاء
ونسأل الله الاجابه والتوفيق ان شاء الله

ومشكوره عزيزتي على المرور :)

الله يوفقج اختي دنيا وآخرة بس لا تخلين مجال للشيطان واستخيري ربج دايما ولا تفكرين اتسوين شي يمكن تندمين عليه عقب

نصيحتي لج خليج على طبيعتج من غير تلميييييييييييييييح ولا غيره


لنه اصلا في مجتمعاتنااااا البنت تستحي تكلم الشاب ويكون عندها نوع من الخجل ....... كيف عاااد اذا تروح تلمح له بانها تحبه غلط واكبر غلـــــــــــــــــــــــــــــــــــــــــــــــــــــط ..............

الله يكون في عوووون الجميييييييع والسموحة منج الغالية وربي يوفقج ويسعدج باللي فيه الخير

طلوع الفجر

مشكوره اختي على المرور والنصيحه
انا استخرت ربي ، بس بعد راح استخير زياده :)

تسلمين :)

أثيــر

مشكوره اختي على المرور والنصيحه
وطبعا بالنسبه لي انا شايله فكرة اني اروح اكلمه او المح له من بالي بالمره

تسلمين يالغاليه :)

عزيزتي شبيهة القمر


اولاً احب أهنئك على إختيارك لعنوان الموضوع،،

وبارك الله فيك،،

عزيزتي البنات تطرقو الى مسأله مهمه في العلاقه بارك الله فيهم ووصلو لك الصوره الحقيقيه الهادفه،،

اما أنا فأستطرق الى بعض الأمور التقليديه (الإجتماعيه ) الواجب معرفتها قبل كل شيء وهي :

1- هل هناك توافق كبير بين عائلتك وعائلتهم ؟ بمعنى هل لو خطب رسمي وجهة أهلك بتكون الموافقه أم الرفض والعكس صحيح (هل انتي واثقه من موافقة أهله عليك) في بعض الأحيان يكون هناك فااااارق كبير يمنع الزواج حتى لو كان هناك حب مثل فوارق أصل أو مستوى إجتماعي معين ، والخ،،،،،

2- هل إتخاذه قرار انه لن يتزوج مبني على أسس معينه كمثلاً خطبه او زواج فاشل حصل؟ إذا نعم، فتأكدي بأنه يبحث عن شيء معين وإن إتصفتي به فهو من سيأتي لمصارحتك!!!

عزيزتي،،،

لا تبادري أبداً بإبداء الإعجاب لان الرجل يأخذ في نفسه مقلب انه جذب البنت الفلانيه،، حتى لو كان بينه وبين نفسه،، وانتي شيضمنك انه ما يلعلع ويتكلم،،،

وأرجع وأقول ما لك الا الدعاء بالصالح والله يجيب لك كل ما فيه خير،،،



إختك / سفيرة فوق العاده

أنا ما أقدر اقوالج غير ...................
الله يرزقج بالي تتمنينه أنشاء الله ويستر عليج دنيا وأخرة.:........................

سفيرة فوق العاده

هلا بج يا الغاليه :)

بالنسبه لسؤالج الاول :
احنا الاثنين من عوائل شريفه والحمد لله ، والحمد لله مافي اي فوارق بيني وبينه من ناحية الاصل او الناحية الاجتماعيه ، فكلانا عيال اصول ومن مواخيذ بعض مثل ما يقولون :)

بالنسبه لسؤالج الثاني :
لا مافي اي تجربه فاشله سابقه ، وقرار عدم الزواج هذا ماهو قرار أبدي ، يعني ممكن نقول عنه انه ( مأجل ) مسألة الزواج ومب ( لاغيها ) ، انا سمعت مره احد زملائنا في العمل يقول له متى ناوي تتزوج ؟ ، فهو يرد ويقول لهم : تو الناس

يعني فكرة الزواج ليست ( ملغيه ) وانما ( مؤجله ) فقط

واكيد انا ما راح اكلمه في الموضوع ، لاني لا اضمن ردة فعله ، وماني ضامنه اذا راح يسكت او ينشر السالفه :(

ما لنا غير الدعاء ، ونسأل الله الاجابه ان شاء الله

وتقبلي فائق احترامي

لب لفواد

مشكوره يالغاليه على الدعاء الطيب والمرور الكريم

:)

انصحك تستخيري اذا هو نصيبك ان الله يحببه فيك واذا العكس يمسح حبه من قلبك-وانشغلي ب الاستغفار والله يقدر لك السعاده

لاتحاولين تلمحين له ابدا...ترى الرجل الشرقي مايحب الانثى اللي تركض وراه ومتى ماحس بهالشىء ممكن نظرته لج تتغير من عادي الى سيىء ! هذا رايي

وانا اشوف انج تتصرفين بطبيعتج وماتفكرين بالموضوع وايد لانج بتتعبين ! وماتدرين يمكن الرجال مرتبط او له متلطلبات معينه بالزوجه ! وهالامور ترى نصيب يعني حتى لو حاولتي..يمكن مايكون نصيبج ولا يصير شىء مهما حاولتي

ثقي بالله وادعي ربج وخلي الموضوع بيد الله......واذا لج نصيب بتاخذينه

جوان الجزيرة

مشكوره اختي على النصيحه ، وانا استخرت بس ناويه اني استخير مره ثانيه

والله يكتب اللي فيه الخير ان شاء الله :)

الحلم الهادىء

مشكوره اختي الغاليه

انا ثقتي بالله كبيره ، وان شاء الله يكون لي نصيب وياه :)

دعواتج لي اختي :o