مدرسة النور العالمية اشرايكم يا بنات البحرين؟؟؟

والله في ناس يمدحون وناس يذمون،،، هو منهجهم مطابق لوزارة التربية بإستثناء منهج اللغة الإنجليزية،،، بس مشكلتهم عدد كبير من الطلاب في الفصل،،،
عن تجربة مدرسة المعارف دراستهم قوية،، بس عيبهم إن الإدارة مو متعاونة مع أولياء الأمور،،،

مشكوره يالغالية على تعاونج معاي وياليت البنات الي عندهم خبرة مع هالمدرسة يخبروني.

مدرسة النور عيبها على ما اعتقد انها ما تركز وايد على اللغة العربية لان خالتي ودت بنتها هناك وبعدين ردت نقلتها لمدرسة حكومية وللاسف بنتها تأثرت هناك وصايرة اضعف شي الحين في اللغة العربية ودايما درجاتها فيها اقل من باقي المواد مع ان ودوها معهد غير ان امها وايد تتعب معاها لكن ما في فايده وهذا دليل على انها ما درست اللغة من الاساس كما يجب ..

حماتي تودي عيالها مدرسة النسيم " في الرفاع " .. واااااااااايد يمدحونها ومن كل الجوانب ، حتى ان زوجي يفكر يودي حسون هناك لما يكبر ان شا الله ..
بس مصاريفها وايد غالية اعتقد 1500 دينار للطالب ..

وفي بعد مدرسة في عالي اعتقد ان اسمها بوابة المعالي .. يقولون زينة بعد ومناهجها قريبة وااايد من المناهج الحكومية ..
وفي بعد مدرسة في سار اسمها المهد يمدحونها وايد ..

اتمنى اني اكون افدتج ان شا الله

سمعت عن المهد يمدحونها،، بس أن تدوري أكثر من مكان أفضل،، الله يعيني على ولدي مادري وين بادخله لين كبر....

ما عندي فكرة عن هالمدرسة
بس مثل ما قالوا البنات مدرسة المهد أوكي بس مشكلتهم ما يركزون على اللغة العربية و لو حبيبتي بعدين تنقلينه لمدرسة حكومية راح يواجه مشكلة كبيرة في اللغة العربية

هلا اختي ...

احنا جربنا مع بنت اختي بمدرسة المهد ... كبداية المناهج مناسبة للطفل بس المشكلة في المدرسات ... كلهم هنوود عدا مرسات العربي ... بتلاحظين النطق عند الطفل ياخذ مثل الهنود ... وبعدين وديناها مدرسة النور .. والحين اهي بالصف الرابع ... والبنت بالقسم البريطاني ... يعني المدرسة عندها اكثر من نظام ... عندها نظام الدارسة بالعربي في القسم العربي ... وباللغة الانجليزية بالقسم البريطاني ... وكان في قسم ثالث بس مو متاكدة ...
وبالنسبة لادارة المدرسة ... الحمد لله .. ما لقينا منهم اهمال للطالب او تقصير ... ومتابعة يومية ... ولو في شي يتصلون بولي الامر ...

بس اني عندي ملاحظة .... المدرسة منهجها مكثف وتلاحظين ان الطالب يكون عنده حصيلة علمية كبيرة ... بس للاسف لما يرجع البيت وما يتابع الدروس بشكل يومي مع الاهل تكون المادة صعبه وما يقدر يمشي فيها ... طبعا لانها باللغة الانجليزية وكلمات جديدة ...


بالنسبة للمدارس الاخرى ما اقدر اعطيش كلام عنهم لاني ما جربتهم بطريقة مباشرة ...

بالتوفيق اختي .. ولو تبين تفاصيل اكثر ... حياش لا تستحين

اختي مثل ما قالت الاخت بير عسل ان المدرسة عندها اكثر من نظام وانت اللي تختاري الى نظام تفضلي ابنج يدخل سواء العربي او البريطاني ولما تروحي حق التسجيل يعطونج معلومات وافية عن كل نظام وانت لج حرية الاختيار ورسومها مناسبة، اما مدرسة المهد اني احس ان عيبها ان الطفل من يصير في صف الاول يصير دوامه الى الساعة 4 عصرا ، فيكون الدوام مجهد للطفل ويتملل بسرعة من الدراسة. ودمتم سالمين

يعطيكم العافية يا بنات على تجاوبكم معاي بس انا انشاء الله بدخل ابني على النظام العربي ولما يوصل لصف السادس بحوله حكومة ايش رايكم هل هذا بيكون لصالحه لاني ابيه يتأسس صح وبعدين يتخرج من مدارس الحكومة . فارجوكم لا تبخلون علي بالمشورة.

والله اني سمعت عن مدرسة المهد والمجد وبوابة المعالي يمدحون فيها

انا صراحه بنت في مدرسه بوايه المعالي كلش مو مرتاحة من المدرسه بس ممكن اعرف كم اسعار المدرسه النور

السلام عليكم ...

من وجهة نظري اذا النظام العربي في مدرسة النور مشابه للحكومة ... فما اعتقد الافضل يدخل الطفل المدرسة الخاصة ... واذا كان التأسيس الصحيح ... فالمتابعة اليومية مع الطفل تساعد على تقويته بشكل طبيعي .... وبالنسبة للغة الانجليزية فالمعاهد والمؤسسات الخاصة كفيلة بتهيئة الطفل بشكل يقن من خلاله اللغة .... طبعا هذا في حال تطابق المنهج العربي بالحكومة ....

وبالنسبة للرسوم ... أعتقد انها بحدود 60 للشهر ... بالنسبة للقسم البريطاني ... بس مش متأكدة ...

تحياتي ...

أختي العزيزة بسأل لج عن النظام العربي، من احد ثقة وبرد عليج اذا يصلح لو لا. والله يقدم اللي فيه الخير

مرحبا خواتي ...........

انا بتكلم عن تجربتي ويا ولدي في النور ...

انا ما حبيت اوديه مدرسة حكومية علشان لا يتاثر بالأولاد اللي فيها ( عيال منطقتنا معروفيييييييييييييييين بشطانتهم ),,

قلت خلني اوديه النور .. رسوم التسجيل في البداية 130 دينار تقريبا شهريا 40 دينار طبعا القسم العربي ..

تفاجات مع مرور الأيام باللي كنت خايفة منه ..قام ولدي يتلفظ بألفاظ وسخة يسمعها من زملائه واكثر من مرة يرجع ازرة قميصه مقطوعة ..

واللي اعظم من هذا كله ان في مدرسة من المدرسات سطرته وخلته يكره الدراسة والمدرسة , رحت يوم ثاني للأدارة وكلمت مدير القسم العربي وابدا ما اتخذ اي اجراء .

مرة رجع البيت وقال ليي ماما اليوم معلمة الرياضيات ( ) قالت لنا يا اولاد الكلب ....تخيلوا


المواد كثيرة ما تلحقين تدرسينه والتركيز على العربي بسيط

اكبر مشكلة في هالمدرسة مشكلة الباركات يبغي لج ساعة كاملة علشان تبركنين وتروحين تستلمين ولدج ...

رسومهم زادت طبعا السنة هذي علشان المبنى الجديد اللي قاعدين يبنونه ...

مافي تعاون وتواصل بين الأدارة واولياء الأمور تخيلي علشان اعرف مستوى ولدي كنت اذا اروح استلمه من صفه اسأل مدرسته عنه وهي مربية الصف وتدرسهم مادة وحدة بس وهي العربي اما بقية المدرسات ولا عمري شفتهم ,,, في بداية الدراسة سووا حفلة تعارف وكنت مسافرة لعلاج وما حضرتها لكن بعدها لا يوم مفتوح ولاهم يحزنون,,

كره ولدي المدرسة وتعبت نفسيته بسبب معلمة الأنجليزي ( ) ومعلمة الرياضيات لأنهم ماكانوا يعاملونه عدل مع انه كان شاطر وكل درجاته ممتازة.


تعبت نفسيته لآخر درجة وكل يوم يقول لي ماما ما ابغي اروح ودوني مدرسة ثانية ,,

السنة هذي نقلته مدرسة حكومية بس تدريس مدرسات وفي كل المواد ممتاز بس العربي جيد جدا بسبب النور .


الي يفهم يفهم لامدراس خاصة ولا شي واذا كان على الأنجليزي المعاهد شكثرها في البحرين والله اني متاسفة على كل دينار اندفع لهالمدرسة .

بصراحة معظم المدارس الخاصة أحسها فاشلة، همهم الفلوس،،، أخوي في مدرسة المعارف الي بالجفير،، الصراحة المديرة ماتدري بالدنيا، زوجها مسئول عن كل شي،،، مافي تعاون بيت أولياء الأمور والإدارة،، مع أن المدرسيين الأجانب جدا شطار بس محد يدري عنهم،،،، ضغط كبير بالمناهج بس دراستهم قوية،، طبعا عيال دلع كل شي يبون،، الرسوم زادت كثير عن أول مافتحوها،، يعني تخيلوا القسم الإعدادي صار بـ 145 شهرياً....

بنات حراااااااااااااااااااام عليكم عطوني حل وين اودي ولدي ابي مدرسة تفيده حاليا ومستقبلياً.

جربو مدرسة كانو يقولون عنها اوكي

أختي احسن شيء تسوينه انك تروحين للمدارس اللي حاطتهم في بالج و خذي فكره عن كلها وعقب قرري وين بتحطين ولدج ..

بس اللي ما فهمته اذا ودك تحولينه للحكومه ليش تحطينه في الخاص من البدايه؟ خليه على نظام واحد احسن ما يضيع الولد ..

خوفتوني من المدرسة
انزين احد جرب مدرسة الشرق الاوسط

up
up
up