شو تشورون عليه ؟

nooosa
thank u dear :) i will change my number i will try my best

bj3a
thanks dear for passing by... wala if i can change my number i would of changed it before getting married ... i will try my best

اختي البنات ما قصروا نصحوج وعطوج الحل

بس انا بتطرق لشي انتي ذكرتيه وهو انج ما ترمسين ابوج..........اتقى الله في اهلج ولا تنسين قوله تعالى ( وبالوالدين احسانا)

مهما صار حتى لو يغلط عليج ..........هذا ابوج وواجب عليج تحسنين معاملته

اللة يفكلج من كربتج

السلام عليكم ورحمة الله وبركاته

يا هلا بيكي أختي...

انا عمري 18 و طالبه و احين متزوجه و كملت 7 شهور و الحمد حملت ...

بالنسبة لمشكلتك...فما بقول لك الحين و ألومك على اللي صار...بس خليه في بالك لما تجيبي البيبي الجديد إن شاء الله...من الأول إحتويه و إحتضنيه...و خلي كل مشاكله معاكي...علشان ما يصير معاه نفس ما صار معاكي...الله يقومك بالسلامة...

بس قبل العرس كنت ارمس واحد اكبر عني و هو الصراحه انسان جاهل و غير مثقف و غبي يعني كل المواصفات الي اكرهه في الريال ... و الى هذا اليوم انا ماعرف كيف كنت ارمسه

تكرر شتمك لهذا الشخص أكثر من مرة أختي في مشاركتك...مهما كان...ما يصير نهين شخص بهذه الطريقة....اللي ما نرضاه لنفسنا ما نرضاه لغيرنا...

و انا الصراحه خبرت ربيعتي عنه و قلتلها انا شاكه ان حد مسولي شي

لا يا أختي ما حد مسويلك شيء...إنتي لازم تنتصري على نفسك...مش كل مشكلة الواحد يصادفها يقول حد مسويلي عمل..صحيح كنتي ترتاحي بعد ما يقرأ عليكي مطوع..بس كنتي راح ترتاحي أكثر لو قرأتي إنتي القرآن و قرأتي على نفسك...لأنه فيه راحة للقلوب و الأبدان صدقيني...

و حتى ريلي كان يرمس وحده بس مايحبهـا و رمسهـا لأنهـا هي فرت عمرهـا عليه ... تراا المشكله ويييين ... ريلي نفس حالتي بالضبط و يوم انا كشفته قالي نفس الرمسه الي انا قلتها حق ربيعتي ...

و هذا أخطر شيء أختي...زوجك كمان يكلم واحدة ؟؟ و أحسك تتكلمي عادي عن الموضوع...

بس أختي مش عايزاكي توصلي لمرحلة إنك توافقي زوجك على إنه يكلم واحدة لأنه و كما يدعي أحد عامل له عمل يكلم واحدة...بحيث لو كشفك في يوم من الأيام ...تقولي له أنا كمان أحد عامل لي عمل !


أختي...انفضي عنك غبار الأعمال و السحر و ما إلى ذلك...و أصلحي من نفسك و حياتك...قبل كنتي صغيرة...بس الحين خلاص كبرتي و بتصيري أم قريب إن شاء الله...

أصلحي زوجك...و خليه يبعد عن طريق البنات...و شيلوا من بالكم فكرة الأعمال هذه...

و مثل ما قالوا لك الأخوات...توبي إلى الله تعالى توبة نصوحا...و عاهديه و إلتزمي بعهده إنك لن ترجعي لهذا الطريق مرة أخرى...و غيري رقمك و اقفلي إيميلك...

هداكي الله و إيانا إن شاء الله...

مااعرف شو اقولج....................

أحسن حل لك أنك تغيرين الرقم تلفونك والأيميل تبعك ...

حتى تقطعين عليه أي حبل يوصله لك ...

مرمووووم

مشكووووووووره الغاليه على النصائح و ما قصرتي
و اسمحيلي اذا غلطت على الريال بس الصراحه كل كلمه انا قلتها الله يشهد انها صحيحه
و زوجي اصلا كان يرمس وويوم انا عرفت قلتله اني ماباه خلاص و لدرجه خلاص كنت بخليه و بروووح ارمس خالتي ... بس لان هو يحبني كان يصييييح و قال والله مابرمسها و جدامي يوم اتصلت قال لو سمحتي ماباج تدقين فاهمه و بند... و الله يعلم شوكان دار من بينهم لانه قالي هي ربيعت ربيعه و دقتله عشان هو يصلح من بينهم و عقب هي حبته و خراااابيط و انا اعرف انه يجذب عشان اغير راي و اتم ( اتعودت على جذب الاولاد)..... بس انا ماقدر امنعه من انه يرمس بنات لانه في جامعه خاصه و هو مجبور انه يرمسهم و يتعامل معاهم ... و لان يوم كنا صغار لين الاعداديه كنا في مدرسه مشتركه ... و انا الصراحه اغار بس بعد انا كنت في المدرسه اتعامل مع اولاد و كنا مثل الاخوان( و ماكان في اي نوع من الحب اوهالخرابيط) ... يعني ماقدر امنعه يرمس بنااااااات ... لانه بيقول انتي قبل انجبرتي تتعاملين وياهم في المدرسه و بأمر من المدرس و العلاقه تكون علاقه دراسه بس !!! و الصراحه كلامه صحيح و ماقدر امنعه من شي البرفسور طلبه و اذا انتي تجوووفين ان في طريقه ثانيه اقدر ارمسه و افهمه اني اغار و ما اثق فيه بس بصوره حلووووه ههههه ( ماظني في صوره حلوه) فأنصحيني

ههههههههههه فلم هندي .... بس حبيت اشرح الموقف عدل

good mother

انا اعرف هالشي و اعرف ان لازم ارمسه عشان يرضى علي

بس انا ماقدر اقول ليش انا علاقتي بأبويه انقطعت بس بقولج شي
يوم عرف اني حملت قال : انا ماعترف بها الحفيد و اذا جافني عادي يأذي الي فيني
و ابوي مأذى والدتي وايد ... هو ما يقصر علينا و يصرف علينا بس يحب انه يلعب مع الحريم و لا يحترم امي الا يوم يطيح في مشاكل و ما يحصل حد يوقف معاه يرجع لها ... و انا وايد جرحني يوم كبرت مع اني يوم كنت صغيره كان يحبني وايد و يعاملني معامله غير عن خواتي و اخواني .. بس تغير مره وحده لدرجه كل صبح كان يوعيني بالضرب و كنت انش اسير الحمام اصيح و ماشكي حق اي حد عن همومي .... و الحمد الله انا احسن عن غيري و انا صغيره اعتمدت على نفسي و الي يومج هذا اعتمد على نفسي

صح احيانا ارتكب اغلاط ... بس انا انسانه و لازم بي يوم ارتكب فيه غلطه ... بس ابوي انا ماقدر اكلمه و صدقيني حااااولت اصلح الامور بس هو اتغير واااااااايد

الحلوه البحرينه

فديت هالبيبي الحلوووووووو ههههههههه ماشاء الله عليه
مشكووووووووووره الغاليه على المرور
ادعيلي ان زوجي يوافق اغير رقمي لانه عنيد و مزاجي و اليوم بيقول عادي غيريه و باجر بيقول مافي داعي

الله معاك اختي

واللحين على شو رسيتي شو اتخذتي من القرارات؟؟ طمنينا ؟؟

وعن سالفة ابوج انتي لازم تكونين احسن عادي لو زيارات سلام وخلاص اذا كنتي تخافين منه

بس ابد لا تشيلين حقد في قلبج تجاه ابوج او امج لانه الاعمال بالنيات

والله يهدي ابوج ويبعده عن طريق الشيطان ويحبب قلبه فيكم

هلا نوووووسه

والله فتحت لي ايميل يديد
و رقمي على ماهو و الحمد الله لاتصل لاهم يحزنون و انا احس انه مايعرف رقمي لانه لو يتذكره كان بيتصل فيني
و ماشي الحال على ماهو ... قبل كنت احس بضيييج بس بعد ماشكيت الحال حقكم ارتحت وايد لاني احس ان في منكم دعالي .. مشكووووووووووووووره الغاليه على المرور و ان شاء الله الله يهدي الوالد و الله اني اتمنى هالشي من قلبي .. بس مب كل شي نباه نحصله