تجمع للمصابات بتكيس المبايض والمتأخرات في الحمل .... !!

^
^
^
الله يوفقك يا مجنونة قطر يارب ....
اذا كنت انا خايفة من النتيجة فما بالك انتي ؟!
بس اختي لا تفكري كثير وحاولي تريحي نفسيتك وجسدك ...
وعقبالنا يارب نحمل بس طبيعي يارب .....هههههههه
كم سنة لك متزوجة اختي ؟
عذرا على التطفل بس انا اقترحت على زوجي اطفال انابيب رفض بحجة ان مالنا سنين طويلة
وخلينا نحاول اول بالعلاج مع الحبوب والابر بعدها نشوف ..

ههههههه
تسوين مثلي
انا مره كان عندي موعد وجات وحده تسأل عن نتيجة تحليلها

والله بطني قام يمغصني كني انا اللي محلله ههههههه

انا متزوجه من سنه ووو 9شهور
لكنها كانت حامله بالعلاجات ههههه الحمدلله لك يارب...


وانتي كم لك وايش اسباب تأخر الحمل .؟

بس مو كأنك مستعجلة مرة ؟
يعني ما طولتي بالعلاج ......
انا متزوجة من سنة وسبعة شهور
وبدأت العلاج من كان لي اربعة شهور وكل خاصمني ليش مستعجلة ...
بس الدكتورة نصحتني بالتحليل لان الدورة تأخرت مرتين ورحت عندها اعمل تحليل حمل ...
وطلع عندي تكيس وهرمون الحليب ...
تعالجت من التكيس والحمدلله راح ......
بس الهرمون كل شوي يرتفع ....
واخرتها طلع لي الغدة وضعفت التبويض ......
بس اعراض الغدة مافيني والله محتاااااااااااارة
ومدري ايش اعمل اكمل ولا لأ؟!
الكل بيشكك في الغدة لان اعراضها ما عندي
الظاهر بروح مستشفى ثاني واحلل من جديد انا وزوجي .....
.............
معليه رجيتكم بس والله بجد محتارة وانتو الوحيدين الي تفهموني اكثر لان الحالات مثل بعض ....
الله يرزقنا جميع .....

لا وانا انصح كل وحده تستعجل

انا الحمدلله عمري مب كبير(20 وقريب بادخل 21سنه) بس في بنات لازم مايتأخرون وخصوصا اللي اعمارهم تعدت ال 27

لان كل تأخير يأثر ع العلاج ... وعلى فعاليته ... وحتى عمر البويضه يشيب مثل الانسان ... سبحان الله ...



الله يكتب لج الحمل يارب.... بس اهم شي اكبحي جماح هرمون الحليب لانه سبب في تأخر الدوره وبالتالي تأخر الحمل ...

سلام يا بنات

انا كنت اقرا اخباركم


و ان شاء الله كلكم ترزقزن يالذريه الصالحة


مجنونه قطر شو تسوين على النت


يلا سيري نامي على ظهرك


الله يرزقكم جميع

من فضلكم حد يطمنى انا كان عندى تكييس بالمبايض ولكن سويت عملية لازالتها حد عنده علم بهذه العملية وفى حد مجربها ولا لأ ؟؟؟ وشكررررررا الله معاكم ومعايا

الحمدلله على سلامتج يامجنونه قطر .............

وانشاء الله جريب تبشريا بالحمل اللهم اميييييييييييييين

ويارب ترزق خواتي الي في تجمع وانشاء الله مايمر هالشهر الا كل الي فيه حواااااااااامل

اللهم امييييييييييييييييييين

و انتي معانا يا أم سعودي


الله يرزقك ان شاء الله

مجنونة قطر:
اهليييي نبنات كيفكن انشالله منيحين >>>> عادي عادي من تأثير العمليه خخخخ


شخباركم وووو شمسوييين


انا ولله الحمد للآن حية وارزق ويارب قريبا كلنا نرزق بالولد الصالح ... وفي انتظار النتيجه اللي باقيلها 7 ايام ياويلي...خاييفه ... وكل ما اتدكر هاليوم يطيح قلبي ويمغصني بطني زود ...



الله يجيب هاليوم على خير
لان بصراحه فترة الانتظار طويله ومخيف ومرعبه

تصدقون اني اول يومين من العمليه كنت ادا غمضت عيني اتخيل اشياء مرعبه بس الحمدلله عديت هالمرحله واحرص على الرقيه و القرآن والراحه
والله يثبت لي الاجنه يارب...







[frame="1 70"]اعيد التفاصيل وازيد عليها المرحله الثانيه وهي الترجيع ... .. [/frame]


1-عطوني الابره التحضيريه==== المفروض يعطونها في اليوم الـ 20 من الدوره واسمها ( Decapeptyl )... وانا
لان دورتي مب منتظمه عطوني اياها في وقت عشوائي وصرفوا لي معاها دوفاستون عشان تنزل الدوره ... ومن ثاني يوم رحت لهم ...عشان ابدأ التنشيط .... لكنهم ردوني لان للحين مانزل دم عدل .. وبطانة الرحم كانت سميكه ... المهم انا بديت من الرابع ..

2-بديت التنشيط بأبر ( puregon ) بجرع مختلفه مره 150 ومره 100 لمدة 13 يوم تحت الجلد .. يعني في يدج من فوق .. ... والحمدلله ماشاء الله كان عندي 20 بويضه احجامهم زينه ( عشرين وثمانية عشر ) وبعدها بيوم عطوني ابره تفجيريه في العضل ..

3- في الفتره مابين الابره التفجيريه والعمليه( من يوم الاثنين الى الاربعا) .. طلبت مني الممرضه
* مايكون في اي اتصال بيني وبين زوجي ..
* اكثر من شرب الماي ...
* اصوم من يوم الثلاثاء الساعه 10 عن الاكل ومن الساعه 11 عن الشرب ...
*اجيهم بدري يوم الاربعا اللي هو يوم العمليه عشان يسوون لي كل الفحوصات الاعتياديه ( الوزن-الضغط-ويعطوني التخدير ..واهم شي عشان زوجي يروح يعطيهم العينه )
++ === طبعا ادا كان الزوج من الاول عينته فيها ضعف او لزوجه او او او ... مايخلونه هو يعطيهم ...!! لا ... هم يسحبونها بواسطة ابره من الخصيه .. بس الحمدلله زوجي سليم .. وهو عطاهم العينه بنفسه ...
*دخلوني غرفة التجهيز .... وحطولي ابرة التخدير في يدي ... ( تحت اصابعي بشوي ) وتموا يسألوني عن تاريخي المرضي ... هل كان عندي امراض من قبل و و و و ...
*ودوني لغرفة العمليات .. ومن هناك ... انا تميت اسولف معاهم ..وشكلي صجيتهم لاهم يوم شافوني مصحصه حطولي اكسجين .. ومن اول ماحطوه ... انا اختفيت هههههههه ... صرت مب معاهم .. وهم شافوا شغلهم ....
*طبعا من بعد ما خلصوا بساعتين تقريبا قمت من البنج .. مع شوية الام في بطني .. وتقلصات خفيفه ... وجابوا لي اكل لان جيتهم صايمه .... وبس ....
*قالوا لي انهم سحبوا (ثمان ) بويضات ... مادري ليش ماسحبوا الباقي وفكوني من شي اسمه تكيس ...!!
بس اكيد عندهم حكمه في هالشي ...!!! وقالوا لي اتصل فيهم بكره(الخميس) عشنان اسأل عن البويضات تلقحوا ولا لا ....
*+++++++
* المهم اتصلت فيهم اليوم الثاني الصبح وسألتهم قالوا لي اتلقحوا 4 من الثمانيه ...والحمدلله ....
وطبعا الباقيين تخلصوا منهم اكيد كانوا ضعاف او غير مناسبين للحمل ...
* وقالت لي اجي يوم الجمعه الصبح ارجعهم ... يوم رحت لهم . قالوا لي اشربي ماي قد ما تقدرين عشان يساعدنا نشوف الرحم بوضوح في التلفزيون وفعلا شربت لما قلت بس..... مع اني من النوع اللي اكره الماي عالريق بس قلت كله فداء في سبيل الوطن خخخ

.. دخلوني نفس غرفة العمليات اللي سحبت منها وحطولي مثل السناد حق رجلي الثنتين وفتحوا المهبل بحديده اعتقد يسمونها(بوزالبطه)و طبعا بدون بنج بس مافي الم ابدا ... الا ضغط المثانه من كثر الماي ... تحسين انج تبين تروحين الحمام ..وو سألأت الدكتو قلت له حط لي الاجنه الاربعه ... قالي ماينفع يمكن حملين بـ 4 توائم قلتله مافي مشاكل يادكتور ..قالي ...لا احسن بس ثنتين ... نخاف يصير لج تعب من الاربعه .. وتميت اترجى فيه ...قالي يا ماما انتي 20 سنه ووزنج ما يساعدج ماتقدرين تشلين 4 في بطنك ؟.امسكي الاثنين احسن من انج تخسرين الاربعه

..سكتني بصراحه ..خخخخ ؟؟
. وبس جاب مثل الانبوبه البلاستيك ودخلها في المهبل ومنها دخل البويضات ... وخلاني اشوفها يارب عقبال مانشوف البيبي وجنسه ونسمع دقات قلبه
والله ماتتصورون فرحتي بسم الله ماشاء الله وانا اشوف البويضات يدخلون للرحم زز ماتتصورون شلون صغاااااار وايد صغار سبحان الله .... شفتوا لون الفقاقيع في الماي صغيره ...!!! هالشكل البويضات ... سبحان الله...وبس بعدين طلعوني ... وقالوا لي خلج على ظهرج ساعتين .... عاد انا مصختها تميت ساعتين ونص خخخخ .. عقب رحت البيت بس ماجهدت نفسي ابدا ومن يوم الترجيع لين اليوم ماطلعت من البيت وما اطلع من الغرفه الا نادر عشان الحمام بس ... طبعا هاي اول يومين .. وتدريجيا بديت اروح المطبخ بس بدون ما اسوي شي ...وصلاتي وانا جالسه والله يغفر لنا يارب ويستجيب دعائنا ..
**نقطه ماقلتها ..الدكتور صرف لي تحاميل مثبته اسمها سايكلوجيست 400 مرتين يوميا ... وهي دورها مثل الدوفاستون تثبت الاجنه ووو تزيد سماكة بطانة الرحم .. ونصحني اشرب سوائل كثيره ماء او عصاير..واتنب الامساك والصراخ والجماع ووو الكحه والحركات المفاجئه ...
** وطبعا التحليل بيكون بعد اسبوعين من الترجيع انشالله .. والله يستر لان هالنقطه هي اصعب نقطه الله يثبتنا يارب ... ويثبت الاجنه في رحم كل محرومه يارب....

[frame="1 70"]
انشالله يكون هالرد فخر لي احطه بعدين لين عرفت بأني حامل يارب...في موضوع منفصل عن تجربتي مع اطفال الانابيب ... [/frame]

يالله ياربي ..

ماتخيب ظن بنت بلادي مجنونة قطر ..

وترزقها بالذرية الصالحة .. وترزقنا وياها ..

يالله يارب ..

مشكورين يا بنات على الدعاء لي ويا رب الكل يحمل قبل رمضان

الا بسألكم متى اقدر اجرب الابر والمنشطات مرمه ثانيه لان ريلي يبيني احمل بسرررعه بس انا خايفه من التجربه وقلت ابي اصبر على الاقل 3 شهور منها اريح جسمي ومنها انزل وزني علشان تزداد الفرص

أختي باربي أنصحج نصيحة ةايد أنصحوني بها المسادات والكبار في السن ..
أنتي توج مسقطة .. فرحمج يكون تعبان ولو حملتي على طول بعيد الشر عنج بتسقطين مرة ثانية .. فحاولي تنتظرين 6 ولا 9 شهور وعقب أحملي ..
والله يثبته لج هالمرة ..

أختي باربي أنصحج نصيحة وايد أنصحوني بها المسادات والكبار في السن ..
أنتي توج مسقطة .. فرحمج يكون تعبان ولو حملتي على طول بعيد الشر عنج بتسقطين مرة ثانية .. فحاولي تنتظرين 6 ولا 9 شهور وعقب أحملي ..
والله يثبته لج هالمرة ..

الله يثبتهم لج مجنونة قطر

ياااااااارب

وتبشريناااااااا :)

السلام عليكم ورحمة الله وبركاته

بنات والله تولهت علييكم وايد

مبرووك اختي ضيء القمر ع الحمل

والله يثبته لج ان شاء الله يارب

_____________________________

واختي باربي الله يعوضج ان شاء الله

وقولي الحمدلله ع كل حال

وانصحج لا تستعيليين وريحي عمرج عقب فكري انج تحمليين مره ثانيه

وان شاء الله خير

______________________________

حبيباتي واخواتي


تعرفوون من كمن يوم اتصلت للدكتوره وقلت لها الدوره مانزلت ليين اللحيين وانتي قلتي لي بعد الدفستون بخمس ايام بتنزل بس اللحيين مر 12 يوم تقريبا او اكثر ومانزلت

قالت لي حللتي حمل؟ قلت لها طبعا لا انتظر الدوره تنزل قالت طب اتاكدي وحللي ورحت العياده وحللت

والحمدلله النتييجه ايجابيه بس ماصدقت من الفرحه وفحصت بروحي ف البيت وطلع موجب وبعد ماصدقت سبحان الله

تعرفوون لييش لاني بعد ماخلصت عني الدوره وتاخرت شهر و12 يوم سرت فحصت وسويت سونار بعد طلع ماشيء حمل وخذت دفستون عشان تنزل الدوره

بس مانزلت

والحمدلله واليوم الثاني رحت للدكتوره اللي اتعالج عندها وسوت لي سونار وقالت لي صدق انتي حامل ليش مب مصدقه واستانست والله وايد والحمدلله









الحمدلله الدوره مانزلت

وطلعت حااااااااااااااااااامل

بنات انا فرحانه

واقوولكم من كل قلبي يارب يارب الله يرزقكم عاجلا غير اّجل وتفرحوون مثل فرحتيه واكثر

ويارب ان الله يرزقنا بالذريه الصالحه والمعافاه كلنا يارب


والله يثبت لكل حامل حملها ويسهل عليها ف الولاده يارب

الف الف الف الف مليون مبروك يا ام حمدان وربنا يتمملك حملك علي خير

شخباركم خواتي

انا اليوم من 3 ايام متاخره علي الدوووره ادعولي اكون حامل والله يثبته لي

بكرا ان شاءالله بعمل تحليل وبشوووف النتيجه ادعولي تكمل فرحتي واكون حامل

هلاااااا بناااااات

مبروووووووك ام حمداااااااان

والله يفرحنا مثل ما فرحج

ويفرح مجنونة قطر يااااا رب

انه باقي على الدوورة 6 أيااااام

وعلى الله

ربنا هب لنا من لدنك ذرية طيبة انك سميع الدعاء

الف الف الف الف مليون مبروك يا ام حمدان وربنا يتمملك حملك علي خير


يالله انتي مفصوله من هالقسم مانبي نشوفج هني لو سمحتي ...



يالله بنات عقبال مانطلع كلنا يارب من هالتجمع ويعوض باربي يارب خييير....