تجمع للمصابات بتكيس المبايض والمتأخرات في الحمل .... !!

اشكركم بنات والله يسمع منكم ...



مملكة حياتي ..

طريقة الاكواب حلوه ومريحه .. وفي كثير ماشالله جربوها وحملوا من وراها .و هي فكرتها مثل فكرة الحجامه وخاصه انها تندرج تحت انواع الحجامه ...

يبالنسبه للطريقه اللي جربتها ...

المرأه جابت 3 كاسات ( عريضه شوي .) وحطت فاين(كلينكس) وحرقته داخل الكاس وحطته على ظهري من صوب المبايض ... طبعا حطت الثلاث كاسات ..

ونفس الشي على البطن ..

لكنه مايألم بالعكس بتحسين بشد الهوا للخارج ...


الله يرزقج يارب ...

بناااااات انه للحين ما يئست من رحمة الله

ولا افكر وااااايد في هالمسألة

يمكن اتضااااايق فترة وارد انسى

الحمد لله ماني شاغلة نفسي وحياتي

كلها في هالموضوووووع

لأن ادري اذا مو هالشهر الشهر اللي عقبه

واذا مو هالسنه انشاء الله اللي بعدها

بس اللي يخليني افكر في نفسي

انه اذا وحده تزوجت بعدي وحملت على طووول

اتضااايق اقول ليش هي حملت وانه للحين

الحمد لله ضروفي احسن منها ومن هالحجي

وعقب اوتعي واستغفر ربي انه كل شي بيد الله سبحانه

وكل تأخيرة فيها الف خير :)

وقت ما رايد يعطيني بيعطيني له الحمـد

خالتـــي ظلت 11 سنه تحمل وتسقط مسكينه

والحين عندها ولد عمره 3 سنين وحامل في الثاني

وهي الحين في الشهر السابع

وبنت خالي اللي ما انجبت طول 14 سنة وعقب

عدة محاولات في عملية اطفال الانابيب جابت

بنت قمررر قممررررر الحمد لله

وهذا اكبر دليل على ان الله ما ينسى عبده

وانه يمهل ولا يهمل

اصبروا وبنات وانه صاااابرة معاكم

:)

بيجي يوووم وبتنفرج

الحمد لله يا بنات أمس بدأت اسوي رجيم عشان اخفف من وزني وإن شاء الله يخف التكيس عندي يااااااااااااااااااااااارب وما احتاج حبوب ولا شي .

ما جاوبتوني بنات ..
ما مساؤى الكلوميد ؟؟ وشلون يكون متعب ؟؟

الله ايشافيكم وايعافيكم ويفرحكم ويرزقكم بالذرية الصالحه يا رب
يا رب ما ايمر هالشهر الا اتكونن حوامل وتفرح قلوبكم ..... الله يرزق كل محرومه .

اكثروا من الاستغفار ومن الدعاء ........والله يرزقكم وتنضمون للحوامل في المواضيع الثانيه .

مشكورين بنات على مساندتكم لي..والحمدلله سويت العمليه
وتوني طالعه من المستشفى
طبعا للحين فيني دوخة البنج بس الحمدلله على كل حال ...


بكره يتحدد ادا البويضات صالحه ولا لا لاقدر الله ...

يارب تكون اوكي ويرجعونها لي بعد ماتتلقح قولوا آمين ..

يارب يكون صالحات ...............وتحملين باذن الواحد الاحد

الله يعطيك الولد الصالح يااااااااااااااااااااااااااارب وكلنا معاج قادر يا كريم ..

آمين يارب ...

نقات تجربتي للفائده ..


اطفال الانابيب..السبب... تكيس المبايض ... وضعف التبويض. .


ترى الحمدلله كانت سهله بس احنا لازم نخوف نفسنا..باقولج التفاصيل من الاول ... عشان انشالله يارب ان نجحت باحطها في موضوع بروحه ..

1-عطوني الابره التحضيريه==== المفروض يعطونها في اليوم الـ 20 من الدوره واسمها ( Decapeptyl )... وانا
لان دورتي مب منتظمه عطوني اياها في وقت عشوائي وصرفوا لي معاها دوفاستون عشان تنزل الدوره ... ومن ثاني يوم رحت لهم ...عشان ابدأ التنشيط .... لكنهم ردوني لان للحين مانزل دم عدل .. وبطانة الرحم كانت سميكه ... المهم انا بديت من الرابع ..

2-بديت التنشيط بأبر ( puregon ) بجرع مختلفه مره 150 ومره 100 لمدة 13 يوم تحت الجلد .. يعني في يدج من فوق .. ... والحمدلله ماشاء الله كان عندي 20 بويضه احجامهم زينه ( عشرين وثمانية عشر ) وبعدها بيوم عطوني ابره تفجيريه في العضل ..

3- في الفتره مابين الابره التفجيريه والعمليه( من يوم الاثنين الى الاربعا) .. طلبت مني الممرضه
* مايكون في اي اتصال بيني وبين زوجي ..
* اكثر من شرب الماي ...
* اصوم من يوم الثلاثاء الساعه 10 عن الاكل ومن الساعه 11 عن الشرب ...
*اجيهم بدري يوم الاربعا اللي هو يوم العمليه عشان يسوون لي كل الفحوصات الاعتياديه ( الوزن-الضغط-ويعطوني التخدير ..واهم شي عشان زوجي يروح يعطيهم العينه )
++ === طبعا ادا كان الزوج من الاول عينته فيها ضعف او لزوجه او او او ... مايخلونه هو يعطيهم ...!! لا ... هم يسحبونها بواسطة ابره من الخصيه .. بس الحمدلله زوجي سليم .. وهو عطاهم العينه بنفسه ...
*دخلوني غرفة التجهيز .... وحطولي ابرة التخدير في يدي ... ( تحت اصابعي بشوي ) وتموا يسألوني عن تاريخي المرضي ... هل كان عندي امراض من قبل و و و و ...
*ودوني لغرفة العمليات .. ومن هناك ... انا تميت اسولف معاهم ..وشكلي صجيتهم لاهم يوم شافوني مصحصه حطولي اكسجين .. ومن اول ماحطوه ... انا اختفيت هههههههه ... صرت مب معاهم .. وهم شافوا شغلهم ....
*طبعا من بعد ما خلصوا بساعتين تقريبا قمت من البنج .. مع شوية الام في بطني .. وتقلصات خفيفه ... وجابوا لي اكل لان جيتهم صايمه .... وبس ....
*قالوا لي انهم سحبوا (ثمان ) بويضات ... مادري ليش ماسحبوا الباقي وفكوني من شي اسمه تكيس ...!!
بس اكيد عندهم حكمه في هالشي ...!!! وقالوا لي اتصل فيهم بكره(الخميس) عشنان اسأل عن البويضات تلقحوا ولا لا ....
*ومن بكره بنشوف الموضوع انشالله .... قولوا يارب تتلقح ويرجعون لي بويضاتي حبيباتي ^_^...


انشالله بكره باكمل لكم الموضوع لان القصه ناقصه خخخخخخ ....

الحمدلله على سلامتج
و باذن الله تجربه ناجحه و نسمع البشاره قريبا

:)

الحمدلله ع سلامتج اختي مجنونه قطر

وان شاء الله مايصير الا كل خير ويارب بويضاتج يرد لج

والله يرزق كل محروومه يارب عاجلا غير اّجل

فوانيس وام حمدان

اشكركم فديتك وانشالله الله مايضيع تعب اي وحده

ماشاء الله العلاج لو وين كاااااااااااااان كله نفس الشي
مجنونة قطر انه توني من شهر مكمله اطفال الانابيب بس ماحملت يالله الحمدالله

المهم مثل ماقلتي بضبببببببببط بس انه خذوو مني 3 بويضات بس مافيني اكثرررررررررررررررر

ويم الثاني صاروو مو ثلاث لا بس 2 ,,


وانتي على حالتج اذا 8 يمكن 6 او يمكن كلهم يصيرون يهال وناااااااااااسه تحملين ب 8 توام عااد اول واحد لي باحجزه من الحييييييييييييييييييييييييييين

مجنونة قطر..ان شاء الله تكون تجربة ناجحة 100%


ذكرتيني بأيام الأبر اللي تحت الجلد و اللي بالعضل..

والله انا بعد كانت قصتي قصة..بس ما احب اقولها عشان ما أبكي ههههههه..لكن شكلي بقولها

بس بقولكم اشكثر صارلي ما حملت و شنو سويت بعدها و أنعم علي ربي بالحمل..عشان يستفيدون البنات باذن الله و ادعولي بأن ربي يثبته لي..


انا صارلي 3 سنوات و نص من تزوجت..و سبحان الله ماصار حمل..لأن كانت دورتي متلخبطه و عندي تكيس..

و كنت استخدم كلوميد لكن ماكان في منه فايده..

استخدمت كلوميد و ابر هم مافي فايده..

يبت مرا تمرخني..مافي فايده..

بعدها قريت قصة عن زوجين..صارلهم اكثر من 10 سنوات ما ينجبون و ما بقى مكان بالعالم ما تعالجوا عشان ينجبون..لكن مافي فايده من العلاج..

اتوقع اغلبكم قاري القصة و اذا مو قارينها راح أكتبلكم اياها بالتفصيل اذا طلبتوها المره اليايه باذن الله..

لكن باختصار..الزوج كان قاعد في المسجد حزين و ياله امام المسجد يساله عن حزنه و قاله قصته..فقاله أما سمعت قول الله تعالى: " وقلت استغفروا ربكم انه كان غفارا ،يرسل السماء عليكم مدرارا ، و يمددكم باموال و بنين "

تخيلوا بمجرد الاستغفار يمددكم باموال و بنين..

فبالنسبه لي قعدت انتظر مواطن الاستجابه و اتوقع كلكم تعرفونها..متى..و كنت ادعي و استغفر مرات باليوم 1000 مره..

و بالسجود ابكىىىىىى و ادعي ان ربي يرزقني بالحمل و اعاهد ربي سبحانه اني اربيه تربيه صالحه..

لأن مع الاسف الابناء الفاسدين كثار..فلم توعدين ربج و تكونين صادقه بدعائج انج تربين ابنج او بنتج التربية الصالحه بيكون اثر الدعاء مختلف..

و كنت اطييييييييييييييييييييييييييييل السجود و الدعاء..

لأن اقرب ما يكون العبد لربه بالسجود..

و قلت اول ما اعرف اني حامل..اول دعاء بدعيه يا ربي ترزق كل محرومه..لأني جربت هالشي و عششششششته..

و ياما بنات من اهلنا تزوجوا بعدي و انجبوا أكثر من طفل..

لكن مع هذا ما يأست أبد لأن رب العالمين يقول في الحديث القدسي انا عند ظن عبدي بي..فليظن بي ما شاء..

و فعلا الحمدلله رب العالمين بعد الاستغفار و الاكثار من قراءة القرآن و الدعاء..

ربي استجاب لدعائي اللي كنت ادعيه في جوف الليل و بحرقه و حملت..

و ما كنت مصدقة..

و فعلا بعد ما شفت نتيجة الحمل و عيوني كلها دموع..اول دعاء قلته يا ربي ترزق كل محرومة الذرية الصالحة..

و رحت سجدت سجدة شكر..

و هذي اهي قصتي.. :)



طبعا لقيت متاعب في الحمل..لكن الحمدلله على كل حال..

الطفل ماكان ثابت و كان في اجهاض منذر..و كان في نزيف و الحمل مهدد..فكنت حبيسة المنزل و عديمة الحركة عشان لا يطيح..

ادعولي ان ربي يثبته لي..

و يا ربي ترزق كل محرومة و تفرحها بالذرية الصالحة قولوا آميين..


أدري طولت عليكم..لكن للافادة..و ان شاء الله اكون افدتكم..

مجنونة قطر ناطرين النتييييييييجة باجر ان شاء الله و اكثري من الدعاء و الاستغفاار..


طبعا نسيت اقولكفي حلقة مفقودة بالقصة..ان مع كل اللي كنت اسويه ما تركت العلاج..

كنت كل يوم أبره حسيت جسمي صار كله خروووم..لكن الحمدلله على كل حال..:)

يعني الدعاء مع بذل الاسباب..

بنات اليوم الدوره نزلت علي :(

والله بكيت بكي موطبيعي لدرجه اني نمت بدون لا احس من كثر البكي نفس الصغار

والله العظيم كنت حدي متضايقه بس من قريت سوالفكم وقصصكم حسيت براحه

وتعوذت من ابليس ....

الله يعوضنا على صبرنا ويرزقنا بالذرية الصالحه يارب

-------------------------------

مجنونة قطر بشرينا عنج وعن بويضاتج :)

ليالي الريم كلامج واييييييييد ريحني :)

ام فروووحه الله يثبت لج حملج حبيبتي انتي بس لاتتعبين حالج :)

الله يرزقني واياكم جميعا بالذرية الصالحة

احيانا التكيس يكون حسد فانصحكم تشربون مويه مقري فيها كثيييييييييييييير

وتقرون على انفسكم

ربنا لاتذرنا فردا وانت خيير الوارثين

[grade="00008B FF6347 008000 4B0082"]أم حمودي ...((صبر جميل والله المستعان)) ..الله يرزقج انشالله
مجنونة قطر.......يا رب يا كربم انشالله اليوم نسمع ان البويضات كلها صالحه انشالله ...واتبشرينا بع اسبوعين بحملج يا رب
أم فروووحه ....الله يثبت حملج انشالله ...والنعم بالله ...
ليالي الربم ...الله يرزقج ويرزق كل محرومه يا رب ..
ربنا لا تذرما فردا وأنت خير الوترثين
ربنا لا تذرما فردا وأنت خير الوترثين
ربنا لا تذرما فردا وأنت خير الوترثين
سبحانك أستغفرك لا اله الا أنت وأتوب اليك
سبحانك أستغفرك لا اله الا أنت وأتوب اليك
سبحانك أستغفرك لا اله الا أنت وأتوب اليك[/grade]

ام حمودي
لاتيأسين حبيبتي ... وواصلي في الدعاء

خلي نفسيتج اوكي .... والله يعطيج على قد نيتج يارب...







ابشركم يابنات
الحمدلله وماشالله ... تلقحوا عندي 4 بويضات ... وبكره الترجيع انشالله ..
ادعولي يابنات ...