تجمع للمصابات بتكيس المبايض والمتأخرات في الحمل .... !!

اللة يعطيكم العافية على الرد الحلو
والله يا بنات ان الامل كان جدا ضعيف حتى
الدكتورة كانت مثل حالتي بس كانت تصبرني
وكانت تحاول اني اكمل وازيد من العلاج
بس انا تعبت لئني انا مااتحمل
والحين عمر بنتي سنتان وماحملت على اني
مااكلت حبوب لكن راح اقول كلمة لكم لازم تدعون
وتكثرون الدعاء
وخليكم متفائلين
والدعاء في السجود واخر الليل لئنها مستجابة
واتمنى من كل قلبي ان الله يرزقكم بالذرية الصالحة
والسلام

الله يرزقنا الجميع



بنات و ين التواقيع مو قاعدة تظهر !!!

{بنا يكرمك ان شاء الله يا مجنونة قطر و الله انا ما قرات اخبارك من فترة لان من فترة لم ادخل لان نفسيتي محطمة كالعادة بس اماني بالله و قدرته كبير نحن ننتظر اخبارك و ندعو لكي حتي تكون بشرة خير لنا

حبيبتي ريم يمكن انتي شايله خاصية اظهار التواقيع ..

شيكي عالخيارات وحطي صح على التواقيع وان شاء الله تطلع لج :)

-------------------------------

شمس شمس الله يعوض صبرج بالذرية الصالحة يارب

السلام عليكم شحالكم .........................

طمنوني عليكم ................................


مجنونة قطر وييييييييييينج من يومين مختفيه طمنينا عنج الغاليه شو سويتي سونار

انا البارحه سويت سونار والبويضات الحمد الله وايد زينه واليوم اخذت ابره التفجييير .......... وان شاء الله خير (دعواتكم )


اللهم لاتذرني فردا وانت خير الوارثين

الله يرزقج ام سعودي

هلا خواتي ومشكورين كل اللي سألوا عني...

رحت السونار بس للحين البويضات صغار....

وزاد لي الابر يومين ..
يقولي ما اقدر ازيد لج الابر بكميات كبيره لان عمرج صغير ... :(

هلا والله مجنونة قطر .................. ان شاء الله هالمره يكونن البويضات كبار يارب ........... وتكون اخر مره تاخذين فيها هالابر ........... والله يسمع منج يا بنت السعوديه

ويرزقج بالذرية الصالحه ويرزقنا اجمعييييييييييين اللهم امييين .................

خواتي
الله يرزقكم بالذريه الصالحه و يفرح قلوبكم

و انشاء الله بعد كم شهر الاقيكم في تجمع الحوامل كل وحده منكم تشتكي..... اللي تقول الوحام ذابحني و اللي تدور على ملابس للحوامل و من هذا القبيل

اهم شي يا خواتي تذكروا ان هذا امتحان من الله عز و جل و صبروا الصبر مفتاح الفرج
و الله يفرجها عليكم

ام سعودي الله يرزقج بالحمل هالشهر ان شاء الله :)

مجنوونة قطر شدي حيلج حبووبه وان شاء الله بعد هالابر تكبر بويضاتج :) :)

----------------

بنات انا باجر عندي سونار نشوف حجم البويضات زاد او لأ واذا زاد باخذ ابرة التفجير

دعواتكم لي وللجميع بالذرية الصالحة ....

ان شاء الله تكبر البويضات و تحملي هالشهر

و ام سعوي و ام حمودي و الجميع ان شاء الله

أختي مجنونة قطر ايغى اسألك .....
الحمدلله انا بعد ما تعالجت من التكيس شافت الدكتورة المبايض وقالت ممتازة بس ماصار حمل .....
ووانا الحين الحمدلله مافيني شئ بس قالت لي استخدمي كلوميد وقعد ت عليه شهور وما في نتيجة
يصير آخذ ابرة تفجير على طول اذا ما كان عندي شئ .....؟
ولا لازم يبيلها كشف وحكاية ؟؟؟؟
خلصت العلاج و تعبت منه ....

اشكركم بنات عالتفاعل >>


مع العلم ان بويضاتج ما تفاعلت ...!!! تصدقون

مادري شفيها بويضاتي خفيفه

شنو خفيفه ؟!


لا


قصدي ما تبي تكبر بسرعه .... احسها مب مثل كل شهر...
الشهر اللي راح استخدم المنشط بس كانوا يكبرون اسرع من الحين

اتوقع الابره اللي خذتها في اليومـ الـ 20 من الدوره لها دور في هالشي ..لانه تخلي البويضات صغااااار عشان يتحكم الدكتور فيها بالمنشطات ...


بس اليوم صار لي لي 11 يوم من المنشطات ولاراضيه تكبر...!!!!!

مشكووره حبيبتي ريم :)

والله يرزقنا جميـــع ..

-------------------------------

حبيبتي مجنونة قطر الله يوفقج يارب وتكبر البويضات

انتي بس لاتيأسين واللي كاتبه ربي بيصير وان شاء الله كل تاخيره وفيها خيره :)

------------------------------

الحين اخباري انا :)

سويت سونار اليوم وحجم البويضات زين وخذيت ابرة تفجير وان شاء الله خير

بس والله الحين حاسه بآلم مكان الابره احس رجولي متخدره من الالم مادري السبب من شنو:(

الحمدلله انج وصلتي للابره التفجيريه كله من فضل الله

وعن الالم تحمليه حبيبتي او اخذيلج شاور ماي دافي ....وانشالله كلها كم اسبوع وتاخذين نتيجة الحمل يارب

والنعم بالله ....

الظاهر اني بسمع كلامج واخذ لي شاور وان شاء الله يخف الالم :(

مع ان هذي ثاني مره اخذ ابرة التفجير بس الاولى ماصار معاي هالالم مادري شالسبب

يمكن لان الاولى كانت بعد الكلوميد وهذي لانها بعد اسبوع ابر !!!

الله يستر بس ....

[align=justify]مرحبا بنات انا وحده اعاني من التكيس سنتين ونص ابي احمل وما صار وعندي بنت وما كشفت ابد يوم تاخر الحمل رحت افحص قالو فيك تكيس بالمبيضين والله العالم كم علاج كليت حتى الطب العرب جربت كل شي وما فاد الحين غيرت الدكتوره وقالت كلي حبوب ياسمين منع الحمل شهرين متواصله واذا جت الله يكرم السامعين الدوره تنزل معاه وانا هذا اول شهر توني ادعولي تروح الاكياس واحمل يارب والمشكله مع التكيس طلع عندي قرحه في عنق الرحم واتهابات عيت تروح والله يعين ويشفيني ويشفي كل مسلم اللي سمعت يابنات ان حبوب ياسمين تفيد للتكيس تطمني الله يرضى عليكم شكرا

( أمة الله ):
أختي مجنونة قطر ايغى اسألك .....
الحمدلله انا بعد ما تعالجت من التكيس شافت الدكتورة المبايض وقالت ممتازة بس ماصار حمل .....
ووانا الحين الحمدلله مافيني شئ بس قالت لي استخدمي كلوميد وقعد ت عليه شهور وما في نتيجة
يصير آخذ ابرة تفجير على طول اذا ما كان عندي شئ .....؟
ولا لازم يبيلها كشف وحكاية ؟؟؟؟
خلصت العلاج و تعبت منه ....

لا حبيبتي شلون تاخذين ابره تفجيريه من غير متابعة الدكتور ...!!

لازم تستشيرين الدكتور اول ..

كله ولا علاج الحمل يبيله متابعه ..!!

رحت للدكتور واستغرب ان البويضات لم تحرك ساكن ....يقول ما اقدر ازيدج ابر عشان عمري صغير (20 سنه )
حتى ما يصيدني انفجار المبايض ووقفني يومين عن الابر واليوم عندي معاه موعد ...
انا كثير مستاءه لان الدكتور قال احتمال نأجل الدوره الشهر الجاي مع الدوره الجديده ... بس زوجي ما وافق .... :(
قال خلاص هذا اخر شي بالعلاج ...!!! انا ابي اعالج .. حاولت اقنعه بس يقول لا لا لا :(....

انا صحيح تعبت من العلاج .. حتى دوامي استقلت منه عشان العلاج ..اهلي ابتعدت عنه عشان العلاج .صرت ما ازور احد عشان العلاج ..
حتى عزاء خالي من يومين ما رحته عشان نفسيتي انه بيوقف العلاج ...



واليوم حرارتي واصله مليون ....:(

لاحول ولا قوة الا بالله ان لله وان اليه راجعون ...

حبيبتي مجنونه قطر الصبر جميل , واذا مو هالشهر الشهر اللي بعدة , واذا مو هالسنة السنة اللي بعدة

انتي بعدج صغيرة والامل موجود انشالله , ان الله مع الصابرين والله بيرزقج انشالله بس انت ادعي واستغفري وانشالله الله بحقق

مرادج .

اللي بيسمع مشكلة غيرها بيهون مشكتها ,,,,

اليوم رحت للدكتور و قاللي البويضات نوت كود , يعني مو زينين , قلت اكو امل احمل قال بالمعجزة

يعني ماكو امل

الحمد لله رب العالمين