التقلب في النوم

انا سمعت هالشي بس ما ادري لو كان صحيح ( من النوع اللي ما أصدق اي شي )

والكل ينصح ان الوحدة اذا تبي تتقلب من جهة للثانية انها تجلس او لوبعدين تقلب >>>>>>>>> سالفة عاد الواحد نايم ومايحس بنفسه

مشكوووورة الغاليه

بس انا مشكلتي قبل ما انام اتقلب يمين و يسار ولا ما اعرف انام

و ما اقدر كل ساعه اجلس و انام و ما اعرف شو اسوي

حاولي تركزين على طريقة معينة واستخدمي مخدة تحت رجلك عشان ترتاحين

ان شاء الله خير بجرب وامري لله

و انا عارفه نفسي مستحيل انام و شي تحت رجلي

عادي حبيبتي كل الحوالم يتقلبون في نومهم وما يخصه الحبل السري بها الشئ، انا سمعت ان اللي تنام على بطنها فعلا يلتف الحبل السري,,
وهذا من الله

يزاج الله خير اختيه

حبيبتي نورة ...

انا بعد نفسج يوم اابا انا اتقلب مليون وخمسمية مرة ,,,

بس اعرفين في حمود وقت الولاده قالولي نبض البيبي ضعيف لانه الجبل السري حولينه ( انا من النوع الي كنت اتقلب وما اهتم) وكانوا بيسوولي قيصرية ..

الحمدلله في اخر لحظه اعتدل وولدت طبيعي ..

ما اعرف اذا السالفه صدق ولالا .. بس حمودي طلع بالسلامه ...

والحين بعد ما اهتم اتقلب على كيفي .. لاني ما اعرف ارقد على اليمين واليسار متعوده انام على بطني او ظهري ,,

مب عارفة شو اسوي ..

لكن اكتشفت طريقه شوي ريحتني ..

اخلي اساند ظهري على ظهر زوجي والحمدلله من يومها شوي خفيت من التقليب على قولت زوجي كنتي تتقلبين مليون وخمسمية مرة ... الحين مليون بس :dd:

[frame="2 80"]هههههه انا بعد اتقلب لاني ما اقدر انام من يصير الليل بطني يعورني وينتفخ ما ا عرف ليش ... والله اني خايقه من سالفة التقلب لانها الدمتوره بحملي الاول على ما اذكر قلت لي مو زين التقلب ... يالله شكلي بسوي مخدة بين ريولي وبربط عمري بالسرير يالله يالله ما اتقلب [/frame]

والله يا اخت bj3a انا ما حسبت كم مرة اتقلب بس الي اعرفه انه وااايد

و انا بعد كنت متعوده اني انام على بطني كنت وااايد ارتاح في النوم

بس الحين طبعا ما اروم فيمكن هذا هو السبب اني واايد اتقلب بس الي

خايفه منه هو الحبل السري الي يقولون يلتف حول البيبي من كثر التقلب

و الله يستر

مرحبا خواتى والله انا هذى مشكلتى انى مو عارفه شلون ارتاح بالنومه وخايفه من سالفت التقلب بس قمت احاول قد ما اقدر انى انقلب بهدوء يعنى اذا انا على الجنب اليمين انام على ظهرى وانقلب على اليسار بس هم يقولون لى انه مو زين والله ما يندرى انزين فى موضوع ثانى ودى استشيركم فيه شنو وضعيات عفوا الجماع اللى ما تضر بالبيبى انا وايد اخاف من هالسالفه ومو عارفه شسوى ممكن اذا احد عنده علم يقولى جزاكم اللله خير

هلا بنات
من فترة طرحوا البنات موضوع قريب لهذا الموضوع وخلاصته ان التقلب مايضر الجنين ومش هو السبب في التفاف الحبل السري،،،وحتى بعض البنات سألوا دكاترتهم قالو لهم ان هاذي معتقدات الأهل ومش صحيحة
واذا لاسمح الله التف الحبل السري فهذا بيكون لان الله كاتب مش بسبب النوم
أنا كمان مثلكم اتقلب يمين ويسار علشان انام،،والواحد مو دايما بيتذكر انه يجلس وبعدين ينام وهو في عز النعس

حبيباتي

انا سألت دكتورتي...قالتلي نامي بالطريقه اللي تريحج....ما يخص الالتفاف و غيره بطريقه نومج...هذا والله اعلم...

مثل ماقالو البنات .. التفاف الحبل السري حول الجنين ماله شغل بطريقه النوم او التقلب

و اللي صادف و التف الحبل السري حول جنينها بتقول انها كانت تتقلب يوم كانت حامل .. طيب حتى اللي جنينها انولد بشكل سليم من غير مايلتف حوالينه الحبل السري هم كانت تتقلب

الشي هذا من الله و يحدث غصب عن اراده الام بسبب حركه الجنين نفسه

انا سألت دكتورتين اللي اراجع معاهم و الاثنين قالو ان هذي مجرد اقاويل و معتقدات شاعت بين الناس و مالها اساس من الصحه

انا الحمد لله انام عالجنب اللي يريحني و اتقلب من جهه لجهه بس طبعا بشكل بطيء عشان ثقل البطن بهالفتره

انا مشكلتي انا ماوعى من النوم الا القى نفسي نايمه على بطني


مادري شسووووووووووي ساعدوني خايفه حيل على البيبي

لكن خواتي النومة على الظهر ممنوعة على الحامل و هذا الشيء اكيييييييييييد لأن يمنع وصول الأكسجين و الغذاء للبيبي ،

و توني سائلة دكتورتي قالت ممنوع النوم على الظهر و نامي على احد الجوانب...........

المرة الجاية بسألها عن التقلب في الفراش ... هل صحيح و الله لا؟

اشكركم خواتي و يزاج الله خير

و بصراحه واااايد ارتحت من ردكم

و ان شاء الله ما يصير الا الخير

شي عادي لا تخافين وتحاتين والله يسهل على الجميع يا رب العالمين ...

السلام عليكم ورحمة الله وبركاته

كيف الحال إن شاء الله دوم بخير ؟

انا بعد وايد اتقلب على الفراش وما احس وانا نايمه هل ممكن اضر الجنين في بداية الحمل ...؟؟؟

الصراحه انا عادي كنت اتجلب والحمدالله ماصار شي..

بس الواحد يحاسب ع الاقل ها الشهور...

الله يتمملج ع خير..