الجزء الثالث ... ( تجهيــزات عرايــس قطــ2006ــر)

صبااح الخير "عمري قطر .. ام حمد"
قمت اصلي الفجر وقلت اشووف شخبار بنات قطر
يالله بانام مره ثانيه تصبحون على خير

حبايبي بنات قطر الف شكر لكم وانا حاضره

الغاليات عندي طلبيه سكري مع ذهبي تحسين بارد
الي مسويه نفس اللون تكسره بلون ثالث علشان يكون اشرح

ممكن عنابي او احمر او ماجنتا الي بين الوردي والبنفسجي او برتقالي الغامق

صباح الخير معاكم خطبطب ((عجبني الاسم)):dd: الساعه الان تشير الى 7 والنصف صباحا.......الحلوه عندها محاضره ومتفرغه داخله النت وشكلها بتتأخر وبيحطونها غياب بس بصراحه ماقدرت اقاوم شكل الكمبيوتر خخخخخخخخخخ.................

الحلم الصغيره واحلام هادئه >> كيفي باعكس ...........عادي لاتقولون طافنا شي دشوا عرض في أي وقت ترى مانستغني عنكم.................

عروووووووس فرش حياتي قطر اليجنت في شارع سلوى هذي اسعارها يعني توصل خمسين الف بس قالتلي ممكن تصمملي كوشه بالسعر الي أبيه وتكون اول مره طالعه (( تقول عاد مادري صاجه ولا)) واوركيد مقابل الرويال فلاورز بس يقولون غالي .......... مادري شوفي على حسب ميزانيتج.................

دوحانيه انشالله اليوم برسل لج ميوووزك امس خزنتهم واول مارجع من الجامعه ولاييهمج..................

ويييييييه بنات تاخرت يللا سي يو رايحه الجامعه ................

شرايكم بمكياج ناديه اليهري او شريفه شريم

شريفه شريم وااااااايد يمدحون شغلها

دوحانية
لاتقولين ليش اشفيها فادية اشوف التهمة ثابتةعليها محد تم ماتكلم عن مواعيدها

ترى بروحها العروس توها حاجزه وشكلها اطمنت انها افتكت من الماكياج بتصيح البنت لو درت

ان فادية ممكن تتأخر عليها

عروس الدوحة شكرا على ردج

بنات ماقلتولي متى آخر يوم للتنزيلات

عمري قطر ..

مشكورة يا عمري ..

**

خطب طب ..

تسلمين يا قلبي .. ما تقصرين .. أنتظر الميوزك ..

**


لمار 2..

خلها تغيّر إذا لقت وحدة ثانية .. فادية هاذي ابطرت و اشبعت .. رفيجتي حاجزتها يوم حناها .. تقول لها ابي جذي تقول لا مب حلو .. و شتقولها بعد : روحوا اشتكوا اذا تبون وقولوا ان ما عندي تصريح أو شي جذي .. ابي أتسفر انا !!! << و بعد تامة على حجزها ؟!

و تتأخر وايد سوتها فيناااا تخلينا على أعصابنا لحد ما تجينا .. و يوم عرس رفيجتي تخيلي حاجزتها حق أمها و أختها .. اتصلت لهم

قالت انا ما اقدر أجيكم !!!!!!!!!!!!! و هقت العرب .. " تستعبط و قسماً بالله " ..

اوبيه شنو هاي .. شفيها فاديه جي تحر .. !!

سوري نسيت اسلم عليكم .. مساااكم الله بالخير ..

دوحانية نفس ماقالت لج عمري قطر .. واذا رحتي قولي لهم ابي البودره المنفصله عن العلبه .. انا ناسبتني c30 و c35 بس خذت الاغمق..35

عذاري والله ماعندي خبر اتصلي عليهم واسألي عشان تتأكدين ..

بالنسبة لشريفه شريم وناديه مادري ولا مره جربتهم ..

شخباركم بنات..



RoO7 QtR شخبارج..
تسلمين يالغاليه بمر على الفراشه اليوم..


لمار 2
العفو حبيبتي واذا بغيتي اي شي انا حاظره


خطيبة الغالي.. شخبارج مع الجامعه..
للحين ماجربت الحمام المغربي خاطري اجربه قبل الخطوبه بجربه وباقول لكم عن النتايج..واليوم بمر على الفراشه وباقول لكم شصار معاي


ابرار الوادي
العفو حبيبتي واذا بغيتي اي شي انا حاظره


classic2004 شخبارج
تسلمين يالغاليه والله كلامكم ريحني كنت خايفه..ودوحانيه الغاليه ماقصرت فديتها بسوي اللي قالت لي عليه


آهات قطر
الحمد الله شخبارج
اهم شي انج خلصتي الحجوزات مكياج وشعر وحنه والفستان مابقى الا التجهيز عاد سويلج ميزانيه جيبي دفتر وقلم وكتبي كل اللي تبين تشترينه وخصصي لكل شي مبلغ .. انا سويت جذي وحطيت الدفتر بالشنطه عشان مانسى شي صدقيني والله بيفيدج وبترتاحين والله كل من رحت السوق اتذكر دوحانيه فديتها وادعي لها تستاهل والله
هاى موضوع دوحانيه فديتها وايد ساعدني شوفيه يمكن يساعدج
طريقتي في تقسيم و صرف المهر أتمنى تفيدكم


ام حمد القطريه
جزاج الله خير ..


دوحانيه شخبارج يالغاليه
بنات ضروري جاوبوا على أسألتي :

** المكياج و الشعر .. الساعة كم أقول لهم يجوني ..
يبدون من 6 اول شي الاستشوار عقب المكياج بعدين التسريحه لان يبيلج وقت حق التصوير

مع العلم إني بادخل بعد التسع .. و مرسيدس بتجيني انا محد معاي ..

** اي بودرة مضغوطة ترشحون و تصلح للمناسبات " ثقيلة " : ماك / كانيبو ؟ و البودرة بعد ..
كانيبو للمناسبات وايد روووعه والصبح ماك لانها خفيفه

** المنى .. للدي جي .. كم ياخذون للعرس ؟
ماعندي فكره

** و إذا وحدة سألت عن القروب فور بكم يجون ؟
ماعندي فكره

** تهقون 11 دقيقة تكفي للزفة في الجيوان ؟ ولا لا ؟ << بليز قولوا اي خخخخ
خليها 15 دقيقه اضمن لج

****

باركوا لي أخيراً اعتمدت زفتي و عدلتها و عندي السي دي .. بس لا تنسوني بالميوزك الله يخليكم .. لان عادي أقدر أغيرها ..
الف مبروووك والله هم وانزاح ^_^ شنو نوع الميوزك اللي تبينها


لمار 2
شنو نوع المكياج اللي تفضلينه.. وانا برشح لج
اكثر البنات يعتمدون على دينا وسعاد ناعم وعبير شوي ثقيل الوانها قويه


آهات قطر
التصوير مادري خليته على اهل ريلي بس انا بعد نفسج افكر بالوان الخليج
اذا تبين نصيحتي اخذي طقم واحد حق الهديه لان الاطقم ماتنلبس وايد والباقي اخذي سلاسل وخواتم وشغابات


البطه المشتطه مشكوره يالغاليه


-%-سحابة حب-%- مشكوره يالغاليه


سحر الشرق والله خرعتيني احترت انا الحين


أم شيوخ ..اذا تحبين الناعم جربي فاطمه العازمي او سعاد القطريه اشوف البنات يمدحونها


الحلم الهادىء و أحلام صغيرة شخباركم وشلون التجهيزات معاكم احلام الله يعينج على الجامعه


RoO7 QtR تسلمين مره ثانيه خلاص باتصل لهم وباشوف

مساكم الله بالخير << ما مست عليكم مساعة ^^

..

عذاري ..

الله يوفقج .. فرحني كلامج :

كل من رحت السوق اتذكر دوحانيه فديتها وادعي لها تستاهل والله

تستاهلين الخير أنتي وكل البنات : )

جزاج الله خير ..

اممم بخصوص الوقت ثنتينهم 6 ؟ ^^

..

و الموسيقى فديتج أبغيها هادية و تصلح لزفة و أهم شي طوييلة ..

**

اي صج بنات .. ترى محل فلنسيا اللي في المرخية منزل صنادل حلوة .. أمس خذت من عنده صندل نحاسي وااايد حلو .. و عنده

خصم 15% على البضاعة الجديدة..

**

و تهقون أحصل سي دي موسيقى في محلات التسجيلات ؟

أنا أهقى <<< حلوه

هههههههههههههه حلوة ^^


امممم أدري كثرت بأسألتي .. بس استحملوني ..

ابي دفتر كبير أوراقه مب مسطرة .. << باخليه دفتر تواقيع للمعازيم .. طبعاً بعد ما يتدكور << يتزين ^^


وين أحصل ؟

قايزات على طاري الزفه.....
شكثر دقايق الزفه حق سلوى؟؟؟
اوكي اذا كانت 9 دقايق تقريبا لأنه الي لقيتها جي
شرايكم!!!ولا شكثر لازم تكون الزفه حق سلوى؟
وبنات اخلي دينا الخوري ونجوى مالت الشعر تجيني الفندق الساعه كم يعني ؟؟
بنات ماااااااااالي خلق طلعه ابي اناام مع اني توني قاعده خخخخخخخ امي تقولي قومي تحركي نروح المسكه نضبط الوانها وحركاتها وانا اوف مالي خلق بنات خاطري انام وايد خخخخ

هلااااااااااااااااااااااااا
سووووووووووووووووووري بنات بس تعرفون سالفتي مع الدراسه والمرض
ومشكوريييييييييييييييييييييييييين لانكم سئلتوا عني
وانا الحمدلله الحين احسن وانشالله برد عليكم رد يبرد القلب بس مش دلوقتي عيزانه

ام شيوووووووخ مبروك انتي حامل !!!

اقصد حامل مرض النوم >> اف بدا العبط................


قومي تنشطي سوي مسكتج ماعندنا بنات يتكيسلون :mad2:

دوحانيه بجيب لاب توبي وبرسل لج الميوووووزك ...........

دلوعه ترى توحشينا عاد عن الدلع وطرشيلي رقم امج عالخاص ابيها في موضوع << لاتستانسين مب خاطبتج باقولها تأكلج عدل خخخخخخخخخخخ

هلا دوحانية الحق ينقال والله تستاهلين اكثر من جذي يالغاليه..
ماتدرين شكثر الميزانيه ريحتني وايد حتى نفسيتي مرتاحه الحين ماحاتي شي
والله لولا ربي وموضوعج واختي الغاليه لانها ساعدتني بعد جان انا الحين متبهدله و100 شغله براسي..
الله يهنيج ويتمم لج على كل خير ..تسلمين ع الدعوه يالغاليه
عاد..لتقطعينا بعد العرس بنشتاق لج والله ^_^


اممم بخصوص الوقت ثنتينهم 6 ؟ ^^
لا شدعوه..اول شي الاستشوار تبتدي الساعه 6 عاد يعتمد على طول شعرج امم خليها ساعه
الساعه 7 تبتدين المكياج وعقب التسريحه..


الموسيقى فديتج أبغيها هادية و تصلح لزفة و أهم شي طوييلة ..
اوكى ولا يهمج بطرش لج مواقع..بس انطري علي شوي


اي صج بنات .. ترى محل فلنسيا اللي في المرخية منزل صنادل حلوة .. أمس خذت من عنده صندل نحاسي وااايد حلو .. و عنده
امم شفتي عنده صنادل هابطه شوي لاني ماحب العالي وايد


و تهقون أحصل سي دي موسيقى في محلات التسجيلات ؟
اي اكيد


امممم أدري كثرت بأسألتي .. بس استحملوني ..
افا عليج اسئلي باللي تبينه كم دوحانيه عندنا.. خل اندلعج شوي قبل العرس ^_^


ابي دفتر كبير أوراقه مب مسطرة .. << باخليه دفتر تواقيع للمعازيم .. طبعاً بعد ما يتدكور << يتزين ^^
اتوقع بمكتبه جرير امم اتصل لهم وسئلي


أم شيوخ هلا يالغاليه

شخبارج..

شكثر دقايق الزفه حق سلوى؟؟؟
اتوقع 10 دقايق تكفي
هالموضوع بيفيدج وبيفيد البنات بعد شوفيه
بنات قطر اشلون اوقت الزفه على مشيتي لين الكوشه

وبنات اخلي دينا الخوري ونجوى مالت الشعر تجيني الفندق الساعه كم يعني ؟؟
اول شي ابتدى بالشعر الساعه 6
والساعه 7 المكياج عقب التسريحه.. بس ماقلتي متى دخلتج ؟ لان يعتمد عليها


دلوعه قطريه شخبارج يالغاليه وشخبار الجامعة معاج..

أنتظرج حبيبتي ..

و ننتظر ردج دلوووعة ^^

..

دلوعه ترى توحشينا عاد عن الدلع وطرشيلي رقم امج عالخاص ابيها في موضوع

لوووول قريت هالجملة قلبي طاح في بطني ..

@@ فال خير دلوووعة .. يا رب أسمع خبر خطوبتج قبل عرسي ..

ام شيوخ قاعة سلوى مب كبيره بس انتي اعملي حساب المشيه والتصوير وغيرها فأعتقد ربع ساعه افضل وقت لأي قاعه
ولاشرايج؟؟؟؟؟؟؟ :yes:

هلا عذاري ..

اي والله يختي انا مثلج بصراحة وايد مرتاحة أحس جذي تتنظم أكثر و أقدر أركز و شنو اللي آخذه و شنو اللي ماخذه .. بس بصراحة أنا ما خذت كل شي .. حاجات وااايد مخليتها لفترة جدام .. مكتفية باللي عندي ..

الله يسلمج و ييسر دربج و يسهل امورج .. أنتي و باقي البنات و العرايس : )

..

اممم اي شفت انا اللي خذته مو عالي وااايد .. هابط مثل ما قلتي .. خذت لفة سريعة أول واحد شفته و عجبني خذته على طوول ..

..

تسلمين على الرد يالغالية ..