الجزء الثالث ... ( تجهيــزات عرايــس قطــ2006ــر)

دوحانيه
التنزيلات بالسلام اللي مقابل الستي سنتر مو المول
وبخصوص شناط السفر انا شريتهم من السلام بالتنزيلات اللي طافت
الله يوفقج ان شاء الله مابقى شي عالعرس :)

روح قطر
مشكووره حبيبتي عالاهداء
وعسى الله لايفرقنا

عرووس فرش
نعم نعم كلنا مرينا بالفتره
الا وهي فتره الاكتئااااب


الصفحه 16 ماقريتها لين الحين

عذاري ..

الله يسلمج , و لا تحاتين فديتج ..

**

عمري قطر ..

حلفي !! انا كانت تجيني هالحالات أحس خلاص بارقد في المحاضرة .. خوفي بس تغط عيني بين الطالبات لوول

**

أم دندون ..

عني أنا مادري باخليه للي تبيه تاخذه ..

بس إعلانات الجرايد فاشلة .. حطي موضوع في ركن التسوق ووايد اللي يبون فساتين زفاف ..

و لا جمعية قطر الخيرية عندهم قسم لتأجير الفساتين .. طلعوهم و لكم الأجر ..

**

أم شيوخ ..

و انا أدور مثلج بعد .. زفة للمعرس .

و بالنسبة للهدية زين عشان تفتكين .. أي يصلح فستان الخطوبة .. و المكياج و الشعر طبي و تخيري شكثرهم ..

حق الهدية أنا ارشح لج آمنة شاهين بس قولي لها مكياج شبسل أو مكياج خطوبة .. و للشعر مرسيدس ..

**

نورة الدوحة ..

تسلمين يا قلبي << شكلها بتغير وجهتها و بتروح السوق ^^

**

عروس قطر ..

الله يوفقج و يتمم على خير : )

هاذي اعجبتني و ارشح لج إياها : جت تمشي شيخة الحفل ..

**
سحابة حب ..

أي اكتشفت سالفة التنزيلات إنها في الفرع اللي عند السيتي مؤخراً =_="

و يوفق الجميع حبيبتي ..

**

هلا عمري قطر شخبارج عساج بخير..
اذا بتطلبين من موقع فكتوريا سيكرت هاى الطريقه
'طريقة الطلب
واتوقع لاسنزا نفس الشي في موقعين حق لاسنزا واحد منهم يوصل لقطر والموقعين عندهم سيل طول السنه
والمقاس يعتمد عليج بس اتوقع ام الشيوخ الغاليه كتبت رد عن القياس شوفيه
(هاااااااااااي قايزات اخبااااركم اليوم جاتني طلبيت فكتوريا بنات اقولكم تره حاسبو الي بتطلب تشوف مقاسها الي هي متعوده عليه اذا هي دايم تاخذ بالuk تاخذ نفس المقاس اما الي متعوده على مقاس ال usaتاخذ اقل يعني برقم اذا رقمج انتي 8 اخذي من عندهم 6 يعني بيكون سمول أظن....انا خذت ميديوم عزبالي انه 8 نفس قياسي باليوأس واليوم جاووني طلعوا باليو كي 8 بس في كمن بجامه اوكي بس وحده امي قالت لي اخشها لأنه كبيره تقولي بتحملين اكيد بتنفعج...المهم وأهم بناتو انا طالبتها يوم 17 واليوم وصلو تخيلوا معنهم قالولي انه بتوصلي يوم 20/3 ....تخيلوا بسرعه بس والله عجيبييييين وقطعتهم روعه ;) ....



ام دندون حطي الاعلان بالجريده وعندج بعد ركن التسوق بالمنتدى



لمار 2 كلهم مكياجهم حلو عبير الوان رسمة العين عندها قويه بس بعد مكياجها يجنن وفاديه بعد مكياجها يجنن وايد مرتب واحلى شي انها تحط لمعه تبرق من بعيد.. بس الناس اكثر شي طايحين بعبير ودينا والشعر نعمات و ام راتب ماجربتهم اكثر شي يمدحون لبنى ومرسيدس



classic2004
اخباري..الحمد الله بخير انتي شخبارج وشلونج مع التجهيزات والجامعه
والتنانير لتفصلينها الحين تو الناس عرسج بشهر 7 باقيلج 5شهور فصليهم ع الاقل قبل العرس بشهرين



نورةالدوحة شخبارج.. وتسلمين يالغاليه



عروووس قطر شخبارج..
احترت والله بس اتوقع هاى احلى شي

جت تمشي شيخة الحفل شحلاها = جت تمشي لعرشها مثل الأميره
الأرض زانت يوم داستها خطاها = وفي خطاها كالظبي لحظة مسيره
الخجل كل الخجل والله أحتواها = بنت أبوها شيخة في كل ديره
هذي عروسنا الزين كله أكتساها = بنت ابوها مابها حسد وغيره
القمر من زينها يطلب رضاها = ومن نفسها الورد هو مآخذ عبيره
من حلاها الكل يحلم في هواها = وكل عين لعينها صارت أسيره
عروسنا شمعه ومنوّر والله ضواها = عروسنا مهره ومابعد عسفت صغيره
فيها خصر ناحل زاد بحلاها = وفيها عيون واسعات ومستديره
ومعرسنا له اليوم موعد في لقاها = معرسنا فاز بقربها دون غيره
وصلوا على محمد في منتهاها = محمد رسول الله صلاة كثيره



اقبلت ياقبلت الله فــــي حـــلاها *** شمعة الدنيا ضــــــــوت ليل العمر
اقبلت والكل يمـــشي من وراها ***وغتنا من زيــــــــــنها ليل الســــهر
هي صبا شمساً تعلت في سماها *** هي ملاذ الارض في وقت السحر
من شذاها تاخذ الدنيـــــــا شذاها *** لا دخون ولا عـــــبير ولا عطــر
ياهــــــنيك فزت والله بـــــغلاها *** فزت باللي نورها شــــمس وقــمر
الـــــــخزاما والنفل ريح لهواها *** لامشت ريــــح البسيــــــطه ينتثر
رب هو اللي وهبـــــها ثم عطاها*** في حلاها وزانها باحـــــلى الصور
عاديه في زينها وفي مسـتواها*** ماتشوف في زيـــنها بـــــين البشر



ام شيوخ شخبارج يالغاليه..
بخصوص الزفه الي يدخل عليها المعرس ماعندي فكره ..
والفستان خلاص خليه حق الهديه .. واذا مضايقج الجيبون شوفي اذا تقدرين تشيلينه
والمكياج انصحج خليه ناعم عندج سعاد القطريه وايد يمدحونها وآمنه شاهين بس للأمانه ماجربت حد فيهم والشعر مرسيدس روووعه


بنات شرايكم بالفراشه حد فصل عنده فستان العرس .. او شفتو حد مفصل عنده من قبل شلون موديلات وتفصيله اوكى او لا

عذاري ..

الفراشة متخصص في فساتين الأعراس .. لكن ما عندي فكرة أكثر عنه ..

عند كارولاين بعد تصاميمهم حلوة وايد ..

تسلمين دوحانيه.. بمر عليهم وبشوف

هلا نورة الدوحه ياهلا فيج حبيبتي معانا والله يخليلج اعيالج وابو عيالج

عروس فريش انا خلاص حجزت عند الوان الخليج شوفي اللي بالنصر عندهم ديجتال فقط ماعندهم عادي والفرع بالسوفتيل عندهم عادي وديجتال

بقولكم الاسعار قالي اللي بسوفتيل لان هذا اللي بحجز عنده لاني ابغي تصوير عاادي

التصوير العادي مع الالبوم 4الاف الى 5الاف وقال اذا تبين ديجتال لازم اخذ البومين الى 3 لانه البوم واحد ماراح يشيل فانا ماادري لاني ابغي عادي مااحب ديجتال اتصليلهم وسئليهم

طبعا شوفي هو قال8 افلام تطلع قيمه 4الى5 لكن لاني باخذ 6 بس يمكن يطلعلي 3500 ريال مع الالبوم وتنسيق وكل شي

سبوت لايت 500

ستي كلر 500

جسر 3000

تصوير فيديو مع شاشتين 3000
======================================================

وطبعا خلاص قررت بحجز عادي مع 6 افلام بيطلعلي حوالي 3الى4

وباخذ جسر الليزر لانه داااش خاااطري وااايد فمااقدر اشيله من بالي الصراحه حاولت لكن مافي فاايدة وتصوير فيديو و2 سبوت لايت لان قاعتي كبيره خلاص هونت عن ستي كلر ماابيه اضاءة كوشه تكفي

عمري قطر اسئلي دلوووعه وام شيوخ هم شرواا من النت

ام شيوخ عادي لبسي الفستان حتي لو نفشه احسن من ينقط بالكبت بس احس تعب عليج لو تسوين الهديه بعد ماترجعين احسن

عروس قطر كلهم حلوووين حيرتيني بس اقولج اخذي زفه جاهزة من نت احسلج ومن اللي كاتبتهم سوويهم طباعه واطبعيهم على بطاايق او على اوراق وحطيهم بطاوله

ام شيوخ ودوحانيه اللحين من صجكم زفه للمعرس انتوا حاجزين انوار وخيريه خلاص قولولهم عن زفه المعرس خلوها عاديه او الزفه العاديه مالت ريايل اللهم صلى وسلم مااعرفها بالظبط بس هاي اللي اسمعه بدخله ريايل

دوحانيه فكي عمري مابقي شي اخذي اي صندل وفكي روحج من عباله جوتي تحت الفستان من بيشووفه وعن شنط اخذي اي شي وخلاص انا لومنج في هالاسابيع مافيني شده حتي افكر

انا باقيلي شهرين ولايعه جبدي من كل شي اشلون انتي باقيلج اسابيع يابنت حلال خلصي امورج وريحي راااسج

والله مايسوي علينا هالعرس اكتئاب ضيقه مليون الف فكرة برااس الواحد ينبطح ومخ شغااال تفكييييييييييييييير

وبغيت اسئلكم عن مسكه من وين بتاخذون واسعاارهم اشلون؟

دوحانيه امانه عليج لاتقطعينا بعد العرس ارجعي لنا بتوحشينااااااااااااااا وااايد

hey girlz ^.^

كلاسيك فديتج same here .. =)
===
فديتكم تستاهلون الاهداء ..
===
ام دندون .. اسمحيلي ماعندي خبره بالمره ..
===
عذاري الفراشه معروف للفساتين وبنت عمي سوت عنده وكان حلو .. وكارولين بعد واايد يمدحونهم وفي انوني بعد وايلي ابي راشد هاي الي اكثر شي يتكلمون عنهم .. وتسلمين ع الدعوه الحلوه فديتج ..
===
دوحانيه شنو نوع الميوزك الي تبينها ؟
===
بجيكم بعدين ان شاء الله .. تشاو =)

هلا شخبااااركم

سالت سؤال من قبل في التجمع الثااني ولا حد رد علي الا كلاسيك جزاها الله خير(حد يعرف وش ماركة كريم اساس اللي تستخدمه ساره امان؟)

بس مو مشكله

الحين ابي موقع مشتريات موثوق فيه على النت طرشوا لي على الخاص
مشكوووووووورين

مشكورة عذاري
جزاج الله خير

انا زعلانة منكم بنات محد رد علي الا عذاري بس .. اشدعوه عاد بس عطونا رايكم من فيهم سمعتوا انها احسن اذا تعرفون

ابرار الوادي.. شخبارج


كريم الأساس ماعرف صراحه


اما المواقع البنات جربوا موقع فكتوريا سيكرت ويمدحونه.. بطرشه لج ع الخاص


وياهلا فيج..

مشكورين قايزات خلاص باتصل حق امنه شاهين انا بعد افكر فيها ميكبها حلوو والشعر مرسيدس ان شاء الله والفستان عاد الحين لازم يتضوق وسع من قلب هههه

قايزات وين توقيعاتنا@@ شنو صار لها ما شوفها ليه؟؟
ومحد عنده فكره عن زفه حق المعرس بليز الي عنده يدزها لي اوجيج ميغسي مقدما

مشكوره عذاري على الرد :)

...........ام شيوخ ..........
والله انج ام شيوخ وبنت شيوخ يالغاليه :)


...........فراولة قطر...............
عروس الشعر والله عجبني الاسم لاني اموت في الشعر:up:


.......دوحانيه...............
العفو ياقلبي والله تستاهلين كل كلمه حلوه
بالنسبه للشنط امي تقول فيه في اللولو اطقم وباسعار حلوه !!
والجوتي صج مشكله بس دوريي عدل ترى حتى في شوق الجبر يمكن تلقين !!

......روح قطر ............
فديت كلامج انا والله بيستانس ريلج عليج خخخخخخخخخ

........عذاري ................
لاتفوتين الحمام المغربي استمري عليه وبتحسين بجمسج يتغير ...وبالنسبه للفراشه مضمون انا شايفه وايد فساتين يسويلج الي تبينه


........مجنونة قطر...............
والله سوالفج تونس خوش مشجعه ضحكتيني يوم قلتي يوم الخطوبه رايحه امتحان هههههههه لهالدرجه عادي زين طمنتيني الله يطمنج

..........عمري قطر ............
ههههههههههههههههههههههههههههههههههههههههههههههههههههههههههههههههههههه
وااااااااي بطني عورني من الضحك شفيج يمه ياتج حالة عبط من قلب حلووووووه ذي غرفة قياس اي حبيبتي اخذي كمبيوترج واضربيه فالارض بتنفتحلج شاشه بس لاتغترين بالوايرات عادي دشي فيها وقايسي ههههههههه>> قمة السخافه
وبالنسبه للحركات بركات ايه فيه في قسم BEUTYبشوفلج اساميهم

..........دوحانيه مره ثانيه (عيزانه ارجع فوق ) ........
تبين ميوزك للزفه ؟؟


........لمار...........
ياهلا وغلا فيج << عبير<<نعمات وام راتب ال2 شغلهم حلو<<<


...........عروس قطر........
جت تمشي شيخة الحفل شحلاها = جت تمشي لعرشها مثل الأميره
الأرض زانت يوم داستها خطاها = وفي خطاها كالظبي لحظة مسيره
الخجل كل الخجل والله أحتواها = بنت أبوها شيخة في كل ديره
هذي عروسنا الزين كله أكتساها = بنت ابوها مابها حسد وغيره
القمر من زينها يطلب رضاها = ومن نفسها الورد هو مآخذ عبيره


جنهم يتكلمون عني !!! سبحان الله وين شافوني ؟؟؟

..........ابرار الوادي.............
ماسمعت عنها حبيبتي والبنات لويعرفون اكيد كان ردوا :)

.............كلاسيك............
ماعندي شي اقوله لج ماسالتي عن شي بس :clap: باصفقلج شدخل ..........:dd:

هلالالالالالالا قايزات ;)
شخباركم؟؟

شفتكم تسولفون عن فكتوووريا

وحيت اقول لكم انا من عشاق فكتوووريا >>>>> احب هالموقع بشكل مو طبيعي
ومجربه كل ي عندهم تقريباً ملابس داخليه ،، قمصان نوم،، شورت جيز ،، نعل،، أبوات،، جلوسات،، شناط
ممممم بعد ماذكر بس كل اشياءهم حلوه وفله .. اهم شي انها مو من قطر >>> يعني كأنج مجهره من برع
والطلبيه بالضبط تاخذ اسبووع لين توصلج البيت مع انهم يقولون من اسبوعين الى ثلاث اسابيع

أمس بعد طلبت
وانطر الطلبيه ان شاء الله الاثنين الياي

صح صح بعد طلبت ألعاب حق اللي معرسين >>احم احم

انا اتوقع لاعت جبدهم مني وحفطوا رقم الفيزا كارد
:)

اهلين

اخباركم

عذاري لا تحاتين الخطوبة ترى يوم عادي .. انا كنت شايفة ريلي بس يوم الملجة والمرة الثانية يوم الخطوبة وكانت عقبها بشهر او اقل شوي بس كان يوم حلو وايد
وكلام دوحانية صح اقري على نفسج وخلي الوالدة تقرا عليج بعد قبل لا تطلعين للناس
تدربي على المشية وابتسمي ..


دوحانية .. شلون يعني ارفع راسي .. بتعورني رقبتي خخخخخ
لا صج يعني اقعد جني وحدة مغرورة رافعة خشمها صح :)

عمري قطر ..
شسويتي بالجامعة .. رقدتي ولا لا


ام دندون ..
من وجهة نظري .. صوري الفستان بس مب كامل عشان البنات ياخذون فكرة عنه واللي تبي تشوفه طرشيه على الخاص ..
ترى سالفة روحة البيت وايد وايد صعبة بالنسبة لي مدري عن الغير

لمار

اممممممم انا ما احب مكياج عبير وايد ارشح فادية
شعر العرايس ام راتب

عروووووووووس قطر
احس هاي احسن شي

جت تمشي شيخة الحفل شحلاها = جت تمشي لعرشها مثل الأميره
الأرض زانت يوم داستها خطاها = وفي خطاها كالظبي لحظة مسيره
الخجل كل الخجل والله أحتواها = بنت أبوها شيخة في كل ديره
هذي عروسنا الزين كله أكتساها = بنت ابوها مابها حسد وغيره
القمر من زينها يطلب رضاها = ومن نفسها الورد هو مآخذ عبيره
من حلاها الكل يحلم في هواها = وكل عين لعينها صارت أسيره
عروسنا شمعه ومنوّر والله ضواها = عروسنا مهره ومابعد عسفت صغيره
فيها خصر ناحل زاد بحلاها = وفيها عيون واسعات ومستديره
ومعرسنا له اليوم موعد في لقاها = معرسنا فاز بقربها دون غيره
وصلوا على محمد في منتهاها = محمد رسول الله صلاة كثيره


ام شيوخ اخبارج
كنت بارشح لج امنه .. وانتي اخترتيها :)


عذاري مرة ثانية :)
انا بخير .. والتجهيزات موقفة لاجل غير مسمى :(
بس باروح الامارات هل السبت واحتمال اقعد اسبوع وان شاء الله اتقضى من هناك

دلوعة قطرية ..
وينج اليوم ان شاء الله تكونين احسن
صرتي كل ما تغطين اقول لا يكون تعبت زيادة
امممممم رحتي الdebate اليوم كان عجيب :)

الحلم الهادئ , عروس فرش .. اشوف اسمكم تحت بس ما شاركتوا اليوم ليش ؟؟


خطيبة الغالي

:clap::clap:

:shy:

سحابة حب ..
اخبارك

احم احم .. وشو هاي الالعاب قوليلي سالفتها

هااااااااااااااااااااااااااي بنوتات مكتئبات ومستانسات << شدخخخخخخخخخخخخخخل


عمري قطر
فدييتج طرشي لي موقع لاسنزا بليز...
وبليز بنات جاوبوا على اسالت عمري قطر ...
لانme 2محتاجه الاجابه خخخخخخخخخخ شنو امتحان هو!!!!


ام دندون
صراحه المفروض تتفقين اساسا مع اللي بيسوي لج الفستان انه ياجره لج بعد
العرس هذي الطريقه اريح...صراحه الجرايد والكيبل طرق فاشله الافضل النت..


لمار2

انا ارشح لج عبير لان فاديه على المزاااااااااااااااااااااااااج ومواعيدها مومظبوطه..
والشعر كلهم حلوووين..لاتحتارين..

ام الشيوخ
والله انتوا معورين راسكم بزفة المعرس والله خلي الطباله تزفه عااااااااااااااااااادي
احنا يالله يالله انحصل زفه لنا الحين بندور لهم....
وعلى الفستان انا اتوقع الفستان مال الخطوبه بيكفي اذا تشوفينه بسيط حاولي تغيرين
في موديله شوي...


كلاسيك
والله فديتج أظن الاكتئاب مرض معدي
وسريع الانتشار..لازم نتحدى هذى المرض
خخخخخخخخخخخخخخخخخخخخخ<<< ماذا شاهدة البارحه؟؟قلبت mbcمو عروس فرش


عروس الدوحه
الله عليج الللللللللللللللللللله عليج
تعالي احبج خخخخخخخخخخخخخخخخ فديتج والله
وفرتي علي اتصلهم...بروح لهم على طوووووووووول
بس انتي شفتي التصوير عندهم؟؟؟
ومن حجزتي لتصوير........

رووووووووووح قطر
فديتج والله وفديت سوالفج تذكرت نفسي قبل حالت الاكتئاااااب<<<<شددددددخل
بس تحمل لاتكتئبين لصرتي عروس
لايحوشج المرض هذا ترى يخرب عليج ............


سحابة حب
يحليلج شاده حيلج...انشالله دوووووووووم
قولي لي جربتي الكريمات الي عندهم؟؟
شنو احلى شي عندهم؟؟


اي والله وين توقيعاتنا؟؟ @_@

بنات من تتبرع وتسوي لنا جدول
كل عروس ويوم عرسها بالترتيب والله وناسه..
انا نسايه والا كان سويته :(

بااااااااااااك يا احلى بنات ..!!


من واقع خبرتي في عالم المنتديات ( خفي ),,.,

هم شالين التواقيع عشان يتسرع التصفح ..
لان المنتدى واييييد بطئ يذكرني ببطاقات ابحار الله يذكرها بالخير ...>>>بالخير ولا عبادي ههههههههه



بنات شسالفة جمعية قطر صج يبون الفساتين ... كبتي متروس فساتين وكلها لبسه وحده واتحداهم يدشون فيني الحين هههههه ...
اذا بياخذونهم بباش مب مشكله اجر ..!!
وفي نفس الوقت اذا بمبلغ رمزي زين بعد

......>>>>لاتنسين الاجر جزاج الله خير هههههههههه

السلام عليكم

شخباركم بنات....سحابه حب شكر..على سؤالج...

حجزت المكياج والشعر....عند منيرة الانصاري....

الصبح ..عند وفاء...
الحنه ..صالون رحاب....وحجزت عند سميره...حق التنظيف....وبسوي حمام مغربي ..مرتين ..فى مركز القمه..انتوا اشرايكم..او المشاطه...

فستان العرس ....بكره عندي موعد عند الفراشه....

الكوشه والطاولات...عند المناسبات..."على المعرس..انا اختارت..."هو يدفع"

بنات...باقى ...اشياء..ووايد صح

آهات ..
بانصحج

ترى صالون رحاب ما عاد مثل اول ...


روحي هلتون والله روعه ... عند زبيده
بس مادري هي الاصليه ولا التايوان ...


تحنيت عندها ومن كثر ما عجب الناس وسألوا امي مين محني بنتج
جاتني عين في يدي
ههههههههههههه وتمت الحنه طابعه فوق في يدي لين اليوم
صار لي سنه وخمس شهور

انا ما قولج جي عشان يصيدج انتي بس سمي على روحج ودشي ... وانشالله ما عليج شر ...