شاكه فيه !

الله يكون بعونج ويهدي زوجج

مادري شقول صراحة الموضوع حساس ويأثر على مستقبلج

انا رايي تنسين الموضوع لان اغلب الرجال جذي بس مع زوجاتهم يعني البنات اللي يتعرفون عليهم على اساس تسلية .....استغفرالله الله يهديه
انا انصحج انج تنسين الموضوع لان كلمته لج اذا موعاجبج روحي بيت اهلج والمشاكل اللي كانت راح توديج لطلاق صراحة احس انه لامبالي في الموضوع ومومهتم لج
وعلى ماظن انج انتي نفس الحال يعني مو متفقين

انا اقول عيشي حياتج ونصيبج وعيشي لولدج حتى لو فيه مشاكل الدنيا ماتخلي من المشاكل حتى لوزوجج مايبيج حاولي على الاقل انج ماتقصرين عليه باي شي دلعيه وتدلعي انتي ايي صغري بعمرج بهالحركات والضحك ضحكيه لو علي شغله صغيرة كشخي سوي من هالسوالف لاتقصرين عليه باي شي واهم شي انسي الموضوع ولاتتكلمين فيه مرة ثانية ولاتروحين بيت اهلج ولاتكلمين البنت ولاتكلمين اهله هذا اهم شي لانه راح تصير مشكلة كبيرة الله يسترعليج ويعينج

اختي انسي الموضوع والبنت اللي يعرفها مجرد تسليه واغلب الرجال جذي بس مع زوجاتهم عايشين ومع عيالهم اعرف واحد قريب يكلم صح بس عايش مع زوجته عشان عياله

اختي الطلاق ماراح ينفعج راح تندمين تندمين عيشي حياتج معاه عادي وجيبي عيال باجر عيالج هم اللي بيعقلون زوجج وبيردونه لج صدقيني

واسفة على الاطاله

الله يكون في عونج...الدعاء...لا تنسين
طنشيه ..لا تعطينه هم...بينيله دايما انج سعيده حتى بدونه ....اذا حاول يكلمج...حاولي تشغلين نفسج...اكتبيله رساله ...انك ما توقعتي من حبيبك هاي الغلطه...وهو الانسان إلي اخترتيه من بد البشر عشان يكون معاج كل دقيقه وثانيه..وابو عيالك ...يجرحك بأنسانه ما تسوى ظفر ريلك.............الله يرد كيدها في نحرها....

الله يكون بعونك حبيبتي ويهديه لك ..


اسمعي اصحي تكلميها .. لا خلي الموضوع فجأه كلمي اهلها يكون احسن


بس لا تنسين الأستخاره ...


لي رده للموضوع


الله يعيينك ياقلبي

حببيبتي

أسأليه قولي له انا مقصرةمعاك بشي


قوليله وش الأسباب اللي تخليك تخووني ؟وتكلم غيري

اذا انت شاايف شي فيها موفيني قولي ؟

يعني حااولي تقنعينه ؟

الله يعينج اختي على ما بلاج ,انا من رائي انج تواجهينه بطريقة غير مباشرة ,يعني مثلا لما اتكلم بتلفون وانتي شفتيه وهو كدب عليج ,تقولين له بس انا شفتك بلصدفة انك تتكلم بتيلفون ,بعد اوقفي مثل العظم في بلعومه لا تخلينه ينفرد بتلفون ويتكلم على راحته وقوليله لما ترجع البيت قابلني مب تقابل التلفون مع منو تتكلم ؟جني اسمع صوت حرمة في التلفون تكلمك حتى لو ما سمعتي خله يحس على دمه.

زوجك لج مهما راح حق وحده غيرج مرده بيرجع لج ولبيته ولا تخربين حياتج علشان وحدة ما تسوى شي وتقدمينه لها على طبق من ذهب لآن هالأشكال تنظر مثل هذي الفرصة علشان تزعلين وتتركينه ويصفى له الجو والله يعينج عارفه ان قلبه يحترق لكن رب العالمين يصبرج

لا حول ولا قوة الا بالله

حبيبتي ما عندي كلام غير اني اقول لج تحملي تطلعين من بيتج

قعدي واصبري والله الكريم يفرجها

وان شاء الله تهون

الحل بالمواجهه وعدم الضعف هدول لزلام ما بقدر عليهم الا الأقوى منهم

السلام عليكم ....
الله يعينج اختي على ما ابتلاج....
بس انتي لازم تواجهينه و هوطبعا راح ينكر هالشي ...
انتي سوي نفسج مصدقته ولا تبينين له انج شاكه فيه ....بيني له انج واثقة فيه
ذيك الساعة راح تكبرين في عينه وان شاء الله انه بيحس بالذنب وبيترك بنت الحرام هذي .....
بس حطي في بالج ان زوجج يحبج ويداري خاطرج ... والا ماكان انكر هالشي او يتخشش وهو يكلم
وان شاء الله تكون هذي فترة يمر فيها ريلج وتعدي....

بس طبعا خلي عيونج مفتحة

ونسيت اقول لج شي مهم
اذا بينتي انج مب واثقة في ريلج ممكن انه يدور الثقة عند وحدة ثانيه ... فقد ماتقدرين خلج هادية ورايقة

بسم الله الرحمن الرحيم

مرحبا اختي الله يهون عليج ومن شاف مصايب الناس هانت عليه مصيبته حاولي انك ماتكبرين الموضوع

والمشكله حبيبتي مالها غير حلين الاول يا انك تحسبين الاجر عند الله وتصبرين وتكملين مشوارك معاه وتدعين

له بالهدايه اوووووووووو

الثاني انك تروحين لاهلك وتقدخلين احد من اهلك مثل اخ لك او اب يكون له قدر واحترام عند زوجك

وتخلينه يتفاهم معاه بالموضوع

لان وحده من العايله صارت لها نفس مشكلتك ببداية زواجها مع بنت من عايله لها اسم كبير بالدوله

ودخلت من بينهم ام زوجها وجاتها فتره جلست عند اهلها بين انصلحت الامور والان بعد ثمان سنوات

زوااج مازالت تشك بزوجها ومستحيل يخليها تمسك موبايله وهي عارفه ان فيه شي بس وحده قالت

لها لو انتي انسحبتي راح تنتصر هي مع انها صديقته متزوجه وهي اصرت تكمل ومصير زوجها بيرجع لها

ادعيله وخليه يحرص على صلاته فالصلاه تنهى عن الفحشاء والمنكر ووفقك الله حبيبتي

والله شاقولج رياييل اخر زمن بس المفروض ماتخلين وحده مثل هذي تخرب حياتج يعني قعدي معاه بكل هدوء قعده رومانسية تمام تكلمي معاه عن الطفل وتصرفاته المضحكة وعن حياتكم بدونه قبل ودشي معاه من مدخل انك تغيرت احس ان بحياتك شئ وخاشه عني كلميه بكل لطافه وشوفي شنو رده ولين حسيتي انه ما عطاج اي رد يريحج قوليلة الله يهديك يا حبيبي وسكتي عنه صدقيني راح يتأثر بكلامج بس شرط لازم الهدوووووووووووء التام لما تكلمينه

عزيزتي شهرزاد

انا مع الأخت

أم شهد ومريم

تريثي ...و لا تهدمين بيتك بأيديك

يمكن أكون صريحة وايد

بس فعلا الرجال ما يبتعدون عن زوجاتهم الا اذا كانت الزوجة مقصرة في شي

حاولي انك تاخذين لك مدة يعني شهر او شهرين ..غيري اسلوب تعاملك معاه

حتى ولو تحسين انك معصبة على اساس انه يكلم وحدة ثانية بس انتي أخذي الموضوع بشكل

هاديء ولا تخربين اعصابك...قولي له كلام دلع ...عطيه حنان ...حسسيه انك انت موجودة حاولينه

دايما ...وانك مو مقصرة معاه في اي شي ..وحاولي دايما تسألينه : ((محتاج لشي..قصرت معاك في شي ؟؟))..

يعني بطريقة دلاعة وبدون عصبية ..وانتي وحدة متزوجة ..وتعرفين شنو تسوين ما يحتاج اقول لك !!!

وانصحك انك ما تهدمين بيتك بأيديك علشان وحدة ما تستاهل ...وفكري في ولدك ...

والله ولي التوفيق

مع محبتي

hawralain

الله يعينج بصراحه

والله لو انا جان مت من الصياح

ودموووووووووع اربع اربع

بس الله يعينج وفكري قبل لاتسوين اي شيء

اختي مااطول عليج ولا أبي اضيق خلقج بس أقولج اياها تداركي زوجك وحطي حد لهالموضوع كلمي اهلج واذا والدك يقدر يتدخل خليه علشان يوقفه عند حده ، وخلي أهلك يكلمون هالسافله ويكلمون اهلها بالذات علشان توقف عن حدها واضاهر اهي اكبرت وماعندها زوج ولقت زوجك اهو المصيده لها
باجر زوجك يتمادى في هالحركات وبهالهبل وسوالف المراهقه ويجيبلك هالبنت ليه عندك ويقولك انا احبها وشاريها وليه فات الفوت ماينفع الصوت
وعلى قولتج فيه من هالاشكال واايد الله يكافينه وياكم شرهم

شوفي حبيبتي ...بقولك شي ...من خلال تجربتي

انا مريت بنفس الموقف ولله الحمد انه ماضي وانتهى لكن انا ماوصلت ان زوجي يكلم وحده لا بس صار مايهتم فيني مثل اول وصار كله برى ونفس الشي اتصالات ومسجات وحركات تقهر وانا بطبعي غيوره بس لما جبت سليمان الله يخلي لي اياه انشغلت بالحيل عن زوجي صدق اطبخ له واهتم بلبسه وكل شي بس جلساتنا مع بعض خفت بحكم طول الوقت مع ولدي ولما يجي زوجي بيجلس معي اجلس شوي وانام ترى حبيبتي الرجال مثل الطفل يبي الدلع الحركات اللي تحسسه انه كل شي بحياتك ويكرررره انك تسالينه وين رايح وين جاي والا وش هالرسايل وش هالمكالمات ... وكان زوجي يوصي ربعه يرسلون له رسايل غزل ويتصلون ويقفلون ....وكنت انقهر من هالشغلات وحسيت ان في بنت بالسالفه خاصه اني سمعت صوتها تقولين شلون انا اعلمك عند زوجي صديق يقلد صوت بنت وموصيه يزعجه علشان يثير غيرتي ....لاحظي بس عقولهم لاتذكرت السالفه اموت ضحك عليه ولما واجهته انكر وطنش وجلست مثلك بدوامه وبعدها جلست معه نصحته وقلت وش انا مقصره فيه والله وكيلك مابغيت الا نفسي عطاني تهزيئه جامده وطلعت انا الغلطانه وكلم صديقه وخلاه يقلد صوت بنت قدامي علشان اتطمن والحمدلله من هالسالفه وانا ماشيه عدل

نصيحتي اختي تقربي من زوجك وحتى لو يعرف بنت حطي ببالك انتي الاصل وانتي الاساس بس انتبهي انتبهي تتصلين عليها وتهددينها او تتصلين على اهلها لانك كذا تخربين بيتك ولاتنسين الدعاء في الصلاه وشيلي من راسك ان زوجك مستغل وظيفتك او اي شي ثاني خلاص انتو الحين شركاء

الله يهديه ويسخره لك حبيبتي

لا تواجهينه لانج بتندمين
حاولي تسوين نفسج مب فاهمه علشان يحس بالذنب
ادري انه شعور صعب بس هذي الطريقه الاضمن علشان يتغير للاحسن

انه حاسة فيك ومقدرة شعورك عدل

ادري انك تحسين بطعم المر بحلقك... بس الحل صعب واحيانا النهاية تكون مش سعيدة,

انتي في حرب نفسية ما يعلم فيها الاربك.... اول شي تواجهي مع نفسك هل انتي زوجة مثالية بغض النظر عن الجمال... هل انتي موفرة لزوجك كل سبل الراحة؟؟؟؟؟

هل عندة إشباع بيتي ؟؟؟

اذا كل إجاباتك بنعم ( النعم الأكيدة ) اذا الخلل عندة هو زير نساء وعينة فارغة...

اذن انتي امام طريقين وكل طريق طعمة امر من الثاني

يا انك تعزمي وتتركين الجمل بماحمل.
او انك تجاهدين وتصرين علىإرجاع زوجك لحضنك

اياك والمواجعه ... الزوجة لما تواجة زوجها تخسر كل شي

اياك والإتصال ببنات الناس لأنه وبكل بساطة مالك حق عليهم ولا تقدرين تعدلين من بنات الناس انما لك حق على زوجك فقط
إياك ان تفضحي زوجك عند الناس او عند اهلة لا تنسين انه ابو بنتك وممكن يرجع حق صوابة في يوم من الأيام

صيري انتي المعالجة النفسية احتويه عوضيه عن كل القصور.......

وللحديث بقية.......

السلام عليكم ورحمة الله وبركاته
عزيزتي شهرزاااد مشكلتك نفس مشكلتي بس انا اكثر منك تخيلي اخذت رقمها وكلمتها وكانت تحلف بالله بانها ماتعرفه وصدقتها وكانت تقول لي شوفي اذا كان زوجك موجود لاتكلميني قلتلها ليش قالت لا بس عشان ماحرجك وظلت تدق وتكلمني وهو موجود ولا كان يقولي صرت زي الهبلة لانها حلفت بالله وواجب علي ان اصدقها وبعدين واجهت زوجي واعترف لي بان صاحبه يعرفها وهو دوره يخرب بينهم تخيلي يخرب بينهم برسايل الحب لها مادري كيف صارت وانا لحد اللحظه هذي وانا اكلمها ابي اعرف ايش علاقت زوجي بها وتقولي ماعرفه مادري شو اسوي معها لاعرف العلاقة
بالله ساعدوني صارت حالتي النفسية سيئة والله العظيم

بسم الله الرحمن الرحيم ...............خواتي انا صار لي نفس الحكايه بس عدت تبون تعرفون ايش سويت اقول لكم............. بما ان زوجي عصبي جدا جدا لدرجة انه يضرب لاتفه الاسباب وصارت بيننا وايد مشاكل بدايه زواجي استغليت غلطته اخذت رقم المرة اللي يكلمها و حفظته من غير ما اكلمها لاني اذا كامتها بتقوله وبياخذ حذره وانتظرت لما رحت عند اهلي نتغدى عندهم طلبت منه جواله وقلته اني محتاجته لاني ماعندي جوال واتصلت عليها قدامه وواجهته قدام اخوي وقلت له اني ما ابي اروح معاه البيت وان كل اللي بينا انتهى ودخلت وما وريته ويهي وهو طبعا انحرج من اخوي و طبعاراح البيت معصب وما اتصل وانا ما اتصلت الى ما اتصلت اخته وقلت واصريت على رايي واني ماراح ارجع لليبت الى ما مر شهر الاخ اشتاق لولده وبنته وحس انه خسرني حتى نفسيته صارت زفت ورجع عزوبي وحسسته ان اللي يكلمها ما فادته بشي غير انها خربت بيته طبعا بعدها كلمني واعتذر واكد لي انه ماكلمها وماراح يكلمها وهذا شي انا متاكده منه لاني كلمت اهلها وطبعا مارجعت البيت الى وهو منفذ كل طلباتي حتى الشقه كنت ابي اغيرها وغيرها لي............وبس