السلام عليكم ورحمة الله وبركاته
اخواتي
انا ابغا اقول لكم عن اللي مكدرني لاني من جد محتاجه مساعدة..
الحقيقة انا من زمان كان ودي اصلح بيتي و اخليه احلى و احلى
لكن زوجي مو مساعدني ابدا
كل ما قلت له شي قال ما نبغا نصلح ببيت ايجار مو ملكنا ندفع عليه فلوس
بدل ما نجمعها لبيت الملك ان شاء الله
و كل مره انا اسكت و ارضى لكن الظاهر انه بيت الملك مطووووووووووول
و الحين انا حامل و اعاني من اكتئاب الحمل و لا ابغى اخذ مهدئات
عشان كذا كثير نصحوني احاول اغير الروتين اطلع و اغير في البيت لانه مسوي
لي اكتئاب فظيع مليـــــــــــــــــــت من شكله البايخ
انا بديت احاول اغير في البيت لكن النتيجه صارت عكسيه
قلت لزوجي اول شي ببدا بغرفه ولدي قال انا اعرف واحد قال بيكلم واحد يعرفه يصلحها
باختصار كنت ابغا اصبغها لكن قالوا لي ان لازم الجدار يكون ناعم
وانا الجدار اللي عندي محبحب يعني خشن
كل البيت مصبوغ كذا من قبل اسكن
بحاول احط لكم صورة عشان تعرفون قصدي
المهم قال لازم يصنفر الجدار عشان يصبغها
و طوووووووووووووولوووووووووا اكثر من شهر و لعبوا علينا بقوووة
لاننا ما نعرف شي عن الموضوع
اخرتها ما سوى اللي اتفقنا عليه كنت قايله لهم يسوون رسمات معينه
بالصبغ و قالوا ايه
اخرتها سوى لي شي سخيــــــــــــف لدرجه اني بكيت يوم شفت الغرفه
كان المفروض كل تقريبا شبرين فيه رسمه بسيييطه قلم رصاص و مره قلم و مره
مساحه و هكذا بالوان هاديه تناسب غرفه الولد اللي هي الجدار سماوي فاتح
و الاشكال تفاحي فاتح و اورانج فاااتح
راح صبغ الجدار سماوي و رسم باللون البني الغامق ايه البني الغامق !!
على كل جدار رسمه وحده !! الجدار الاول قلم
الثاني كوخ بايخ
الثالث مسطره
و الرابع شي والله للحين مدري وشو لا هو كوخ و لا جسر الصراحه
مضحك مبكي
و المفروض انهم بيعطوننا سعر مغرري جدا اللي هو:
1500 ريال
هل هذا السعر معقول؟
انا ما اعرف بالاسعار بس حسيت انه غالي جدا على شغل بااااايخ جدا
عشان كذا انا صارت بيني و بين زوجي مشاكل كثيره زادت من حالتي
النفسيه السيئه اللي هي
انا ابغا اصلح و هو الحين رااافض الفكره و يقول انه ماراح يعجبني شي
و اللي حصل اني امس رحت لبيت وحده ماشاء الله لاااا اله الا الله
بيتها اجار و سكنت بنفس الوقت اللي سكنته لكن روووعه و الله ايش تعتيق
و فخامه بكل شي لدرجه اني صرت ما ودي ارجع لبيتي الكئيب
هم ميزانيتهم احسن بكثير مننا ماشاء الله
عشان كذا جتني ضيقه صدر من بيتي و فكرت اني ابغا اصبغ الجدران بنفسي
منها تغيير و منها اوفر بالميزانيه يعني بسويه من راتبي انا
لان الشركات و غيرها يخدعون بالاسعار و شغلهم عوار راس
و من بعد غرفه ولدي قلت لو انا صبغتها كان طلع احلى لكن
ما كان عندي الثقة الكافيه بنفسي
الحين حاسه اني ابغا اصبغ الجدران و اعتقها بنفسي
و ابغا استشيركم لاني ما عندي الا الله ثم انتم
و الله يجزى كل من ساعدتني بحرف بقصر في الجنة
و يفرج لها دنيا و اخره
يعلم الله حابسه دموعي بس عندي احساس انكم بتساعدوني
ان شاء الله
انا عارفه اني طولت الكلام و كثرت الهذره
لكن حبيت تعرفون ظروفي عشان تساعدوني
اللي ابغا اسألكم الحين:
1- هل السعر اللي قالوا 1500 ريال معقول؟
لاننا للحين ما دفعنا لهم و انا بشوف اذا كانوا معهم حق او لا
ملاحظه: احنا كنا متفقين معهم على السعر على اساس بنحط ورق جدران
و بعدين غيرنا للصبغ
انا اعتقد ان ورق الجدران اغلى عشان كذا طلبوا هذا السعر في البدايه
هل صحيح انه اغلى؟ لانه لو كان اغلى بيحق لنا نخفض السعر.
2- و هذا السؤال معور قلبي:
هل اقدر اعتق بنفسي الجدران و هي مو ناعمه؟؟؟؟
و لا لازم تصنفر ؟؟؟
انا الحقيقة ابغا شي مرتب يغير شكل المكان مو بالضروره اكشخ شي
على اساس انه بيت ايجار زي ما قلت
فهل راح يطلع بايخ و لا ممكن يطلع حلو؟؟
3- كنت ابغا اسأل عن انواع الصبغ و اسعارها لاني ما ادري
عن اي شي بالطلاء مدري السعر ميه و لا 500 و ممكن ينضحك علي بكل
سهوله
4- هل اقدر اصبغ الابواب بنفسي؟
الله يغمر اللي ترد علي بالصحة و العافيه و الخلف الصالح و راحه البال
يا ليت انكم تقولون لي الاسعار اللي تتوقعونها لكل شي ادري ممكن يختلف بس تقريبي....
عشان كذا حبيت اخذ فكره منكم لاني ناويه انه بعون الله اولا
ثم بمساعدتكم يا خواتي في منتدى عروس اني احاول اصبغ و اغير
لان زوجي ما راح يسوي اي شي و لا عندي اي احد هنا حتى اهلي
بمدينه ثانيه
انا بالسابع الحين وودي اني اشتغل الشهرين اللي باقيه بشي مفيد
لنفسيتي و يشغلني و يفيدني بعد ما اولد بعد ان شاء الله
اتمنى انكم ما تطولون علي بالاجابه لان يوم الجمعه العصر الوقت الوحيد اللي ممكن يوديني
زوجي لو بغيت اشتري اي اغراض فلو ما رحت اليوم بضطر انتظر اسبوع كامل
و سااااااااااااااااااااااااااامحوني على عوارالراس
جزاكم الله الف الف الف الف خير