المسانجر مايفتح معاي

انا اللي عندي اصدار 7.5
وابا انزل 7 ولاحصلته:(

ادخلي على الرابط الي فوق راح تلاقينه انا نزلته بس ماشتغل معاااي
والله يعين

ماطاع يفتح الرابط اللي فوووق:(

جربي هذا اختي
http://go.3roos.com/F5oV7P0b3nO

عزيزتي فراولة الحلوة
بالنسبة لجدار الحماية احذفيه الخاص بالماسنجر فقط لان لو كان جدار الحمايه عالي جدا يسوي لج بلوك على الماسنجر
اختي ليدي دريمز انصحج تحذفي الاصدار 7.5 وتحملين الاصدار السابع من جديد من الموقع اللي حطيته لكم باعلى الصفحه الثانية

وطمنونا عليكم.

مشكورة اختي المها
شلون احذف جدار الحماية الخاصة بالماسنجر لو تكرمتي تعلميني

عزيزتي فراولة
روحي للسكيورتي عندج بالجهاز وشوفي الفاير وار او الحمايه بذاتها لو عاليه حطيها وسط لان مرات الحماية العاليه تحجب الماسنجر
بتحصلين 3 خيارات ميديم,منخفض, عالي حطي الصح على ميديم او متوسط
بعد شوفي اعدادات الحماية والسكيورتي عندج لو شفتيه حاط علامة صح على الماسنجر شيليها عنه
ما ادري انتي شنو اتصالج عزيزتي. بس الخطوات عامة نفسها روحي للسكيورتي عندج وشوفي الخصائص لها
ما اذكر الاشكال او وين ممكن تحصلينه لان جهاز البيت اللي عندي غبي ما يفتح الكنترول بانل ولا ايقونه على الديسك !
بس مثل ما قلت لج امسحي الاصدار 7.5 من عندج لان الاغلب يشتكون منه
وطمنيني عليج

هلا اختي
سويت الي قلتي الي عليه بس ماتغير
فيه ناس قالوا انو الوقت والتاريخ لازم يكونون صح وانا التاريخ الهجري عندي متقدم بيوم بس عيا يتصلح مدري من فين
راح انتظر ردج علي اليوم اذا ماشفته راح يكون يوم الثلوث او الربوع لاني راح اسافر اليوم عشان دراستي

طيب
هل المشكله معاج بس بالماسنجر؟ ولا في مواقع ما تفتح معج بعد؟
انا صارت لي مرة والسبب كان الانتي فايروس منتهيه صلاحيته!!!
تاكدي من الانتي فايروس معج
وابيج تتاكدين من الاسم والباوورد خلي احد ثاني يدش من نفس الجهاز عندج بايمليه الخاص وشوفي وش النتيجه؟او تقدرين تتاكدين من الاسم والباسوورد انج تدشين الماسنجر من جهاز ثاني وشوفي وش بيعطيج

السلام عليكم ورحمة الله وبركاته ...

اخواتي اسف جدا لتأخري بالرد لأني كنت مسافر ورجعت اليوم بس ... وأشكر اختي ومشرفتنا المها لإفادتها لنا بهذا الموضوع ...

أخواتي بالنسبة لجدار الحماية فهو مهم جدا ولهذا السبب قامت شركة البرمجيات Microsoft بإدراجه كبرنامج اساسي مع نسخة ويندوز XP الاخيره المدمج معها حزمة تحديثات SP2 .... لاكن ف بعض الاحيان قد يتسبب هذا الجدار الناري ببعض المشاكل والسبب لأنه يقوم بعض الاحيان بأبعاد بعض برامجنا الاساسية اللتي نستخدمها كالماسينجر من قائمة الاستثناءات لديه ... ويجب علينا التأكد من هذه النقطه ....

الطريقة هي كالتالي :

ابداء ( START )

اعدادات ( SETTING )

لوحة التحكم ( Control Panal )

جدار حماية Windows

ثم ستظهر معنا قائمة فيها علامات تبويب عددها 3 .. نختار منها استثناءات ( Exception ) .... ثم ستظهر لنا قائمة فيها البرامج المستثناة من الحظر .. نبحث عن اسم البرنامج اللذي نريد الغاء الحظر عنه كالماسينجر ونجده بهذا الاسم MSN Messenger ونضع في المربع اللذي امامه علامة صح ... وإذا كان البرنامج غير موجود في القائمة اللتي أمامنا نقوم بإضافته وذلك بالضغط على زر إضافة برنامج ( Program Add ) ثم ستظهر لنا قائمة بجميع البرامج اللتي بالجهاز ... نبحث عن البرنامج المراد ثم نضغط عليه لتتم اضافته لقائمة الاستثناءات لجدار الحماية ...

وبشكل عام أتضح ان برنامج الماسينجر الاصدار 7.5 يوجد به مشاكل كثيرة لحد الان والدليل على كلامي هذا هو التحديثات المستمره للبرنامج لتصليح المشاكل الموجوده في البرنامج ....

بالنسبة للتاريخ فليس له اي علاقة في توقف البرنامج عن العمل ... ولتعديل التاريخ .. نذهب للوحة التحكم ثم نختار ( التاريخ والوقت ) وبعد ذلك ستظهر لنا قائمة التاريخ والوقت .. نقوم بالتعديل عليها ثم نضغط على زر موافق ...


ملاحظة :-

بالنسبة للآخت فراولة الحلوة ... تأكدي أختي من حذف الاصدار 7.5 للماسينجر قبل تنصيب الاصدار 7.0 اللتي وضعت رابط التحميل له مشرفتنا الفاضلة المها جزاها الله كل الخير وجعله الله في ميزان حسناتها ...

وأتمنى في أخر كلامي أني اكون أفدتكم وسامحوني على القصور والتأخير .. وأي حاجة مو واضحه اتمنى اخباري ..

فمان الله .......

هلا اختي المها
طلعت النتي فايروس منتهي صلاحيته
ألحين أعمل اله تحديث ولا أحطه من جديد عندي؟
ومشكورة على اهتمامك

...................
أخوي unprofessional
أنا حذفت الاصدار 7,5 ونزلت 7 ونفس الشي وكمان حتى القديم الخامس مايشتغل بالأيام وأحيانا يفتح
جربت الي قلت الي عليه وبرضه مافتح معاي
ومشكور

اختي إذا ممكن انك تعطيني نص الرسالة اللي تطلع لك في الماسينجر أو تحطي صورة للرسالة إذا امكن علشان نقدر نحدد من وين المشكلة بالضبط ...

فمان الله .....

هلا اخوي
هذا الي يطلع الي
فشل تسجيل الدخول الى MSN Messenger لأن الخدمة غير متوفرة مؤقتا . الرجاء المحاولة مرة أخرى لاحقا . 81000314
ومشكور على اهتمامك

عزيزتي فراوله الحلوة
لان الانتي فايروس منتهيه مدة صلاحيته فيحجب عليك مواقع ممكن تكون منها ثغرات ومن الاساس الماسنجر ينحط عليه حجب الا اذا غيرتي اعدادات الحمايه فاللي لازم تسوينه الحين سوي تحديث للانتي فايروس عندج وكل شئ بيكون تمام بعدها بعون الله تعالى.
واذا تبين البرنامج نفسه من اول وجديد تقدرين تدشين نفس الموقع اللي عطيتج اياه بالرابط في الصفحه الثانيه وبتحصلين فيه البرنامج وتقدرين تنزلين اخر اصدار من الانتي فايروس.

مشكورة خيتو راح أنزل الأنتي فايروس وأرد الج خبر

فضلاً وتكرما منكم أريد المساعدة

فأنا أعاني من نفس المشكله التي تعاني منها أختنا العزيزة (( فراولة الحلوة ))

والعباره هي نفسها اللي طلعت لي

أرجو مساعدتي عاجلا

وشكراً لكم سلفاً

أختي ممكن تقولي لنا عن اسم برنامج الحماية عندك ؟

لأن فعلاً مثل ماقالت اختي المها بعض برامج الحماية تسوي Block لبرنامج الماسينجر افتراضيا ولاازم انك تشيلي عنه الحظر .. وكل برنامج وطريقته بالاعدادات فعطينا اسمه وراح نحاول نقولك كيف تلغين الحظر ... وتأكدي برضوا ان البرنامج مو منتهي يعني لساته شغال ولو كان عكس كذا حاولي انك تنزلي نسخه جديدة منه وتكون كاملة أو معها سيريال نمبر أو كراك ....

حاولي قبل ماتشغلي الماسينجر انك تفتحي المتصفح وتفتحي اي موقع مثل جوجل أو ياهو أو اي منتدى حتى تتم عملية الربط بالبروكسي لأن كثير من مشاكل الماسينجر تتعلق بالبروكسي ولا يشتغل ويعطيك رسالة وكأنك مو متصله بالانترنت .. فحاولي انك تفتحي اي صفحه بعدين سوي تسجيل دخول وجربي ...

من اعدادات الماسينجر روحي لأدوات بعدين خيارات بعدين الاتصال بعدين اعدادات متقدمة بعدين بتفتح لك قائمة عناوين البروكسي والملقمات ... شوفي اخر خانة تحت مكتوب عندها ... ( وكيل HTTP ) وتحتها اربع خانات .. اكتبي بروكسي الاشتراك تبعك في الخانة الاولي اللي هي ( الملقم ) وهذا البروكسي ( proxy.saramco.net ) وفي الخانة اللي جنبها اكتبي رقم المنفذ ( 80 ) .... وبعد كذا جربي وان شاء الله بيشتغل معاك ... وخبرينا اختي عن اللي يصير معاك ....

فمان الله .........

مرحبا اخوي
انا استخدم المكافي ومكتوب عندي انتهاء صلاحيته جربت انزل واحد جديد بس برضه ماتغير الكلام عن انتهاء الصلاحية
آخر طريقة مافهمت وين اكتب الملقم مع العلم اني نزلت الاصدار السابع الحين وكمان البروكسي الي عندي ارقام؟ هذا الي كتبته كان عندي من قبل الحين غيروه!!

يعني سويتي تحديث للانتي فايورس وبعده الماسنجر ما راضي يفتح؟

انا نزلت واحد ولمن رحت اشيك عليه كتب منتهي صلاحيته فمدري شلون؟
والماسنجر برضه مافتح