لحقوا عليه... محتاجة مشورتكم, ضروري و بأسرع وقت ممكن...

انا مع البنات واجهيه وقوليله كل شيء

بس بهدوء وحلي مشكلتك بنفسك وخليه يقولك كل شيء عنها

عشان تلاقي حل انت واياه

يعني هذا شيء شفتيه بعينك محد قالك عشان ينكر

وان شاء الله انه مايسير الا كل خير

صااااااااااااااااااااااااااااااااااااارحي بس مو بالضرابه والمشاكل واتمنى انج اتسامحينه

خليك قويه و لا تنهارين!!! واجهيه، ما تدرين يمكن هذيك الحرمه كذابه و انتي جالسه تحرقين بدمك صح؟؟

الله يكون في عونك... و طمنينا عليك

السلام عليكم ورحمة الله وبركاته


أختي الكريمة (XXX2005)

الموضوع مو سهل علشان يبقى مغلق.. لازم الموضوع ينفتح وتعرفين شلون تتصرفين..

أول شي، يا ليت تطبعين الإيميل علشان يكون الدليل بيدج ولا تقولين له انا قريت الإيميل

هالشي مو كافي.. وإذا ما تقدرين تفتحين إيميله تقدرين تلقين الإيميل عن طريق الHistory

اطبعيه وأختاري الوقت المناسب علشان تفتحين الموضوع.. قبلها صلي صلاة الإستخارة

وأستخيري الله في فتح الموضوع أو إغلاقه فرأي الله أعلى من آراءنا جميعاً..

وبعد صلي ركعتين صلاة الحاجة وأستعيني بالله وأسأليه أن ييسر أمرك ويعينك على فتح

الموضوع والتحدث فيه بدون مشاكل.. بعدها توكلي على الله وأفتحي الموضوع لزوجج..

بس راعي أمر مهم وهو عدم التحدث معاه بصوت عالي.. تحدثي معه بالهداوة وبطولة بال..

خلي الحب على جنب وكل شي، كلنا نحب أزواجنا بس بمواضيع مثل هاذي لازم الحب ما يتدخل

ولا العاطفة لأن تأكدي لو الموضوع كان العكس وزوجج مسك عليج شي ما راح يسكت

وما راح يفكر بالحب ، على طول بيتكلم وإحتمال كبير يعصب والله العالم شنو راح يسوي..

والموضوع حبيبتي مو موضوع خيانة بس ، الموضوع وراه طفل جاي بالطريق يعني فكري بعقلج

مو بقلبج.. وحتى لو تقولين زواج عرفي.. أصلا في مشايخ أكدوا بطلان الزواج العرفي!!

اقعدي معاه وحطي الإيميل قدامه بكل هدوء، قولي له الله أراد أني أكتشف هالشي

وأبي التفسير منك.. شوفي شنو راح يقول لج وشلون راح يبرر موقفه.. وإذا صليتي

إستخارة والحاجة صدقيني ما راح يصير إلا إللي الله كاتبه وما راح يصير إلا الخير..

لكن من رأيي لازم الموضوع ينفتح مع زوجج



والله ييسر لج أمورج ..


و السلام عليكم ورحمة الله وبركاته

همـــــــــس القلووووووووووب ما شاء الله عليج :clap:

انا مع همس القلوب اولا صلي استخاره وحاجه

وعقب واجهيه ..................... هذا شكله ماينعطى وجه ويمثل عليج

وافضل انج تستشرين امج اذا اهيه اهل ثقه ومب مطلعه السالفه......

وبعدين مب هين انه يعرف وحده ويجيب منها ولد لا وبعد تدافعين عنه اصلا الأسيوين ماعندهم زواج عرفي ؟؟ وحتى لو

عرفي بعد حرااااااااام

انصحج تكونين شديده لان شكلج انتي البريئه واللي ماعندج خبره بالحياه كلش وهو قاص عليج عالأخير

الله يعينج صراحه ويفرج عليج هاي من اول سنه علاقات وبلاوي

لازم تفكرين بعقل لان الللي يمشى بهطريق مايتوب بسرعه لازم تخوفينه من الامراض اللي اتجي من هالأشكال....


أختى استشيري احد له خبره في هالموضوع حتى لو استشاري نفس جاسم المطوع على الأقل بيقولج شتقولين بالضبط


والله يفرج عليج ويهديه لج

أنا ما ادري هذيل الرياييل شو يبون بالضبط .. حبيبتي لازم تواجهينه عسب تعرفين منه شو السالفه

اعتقد زوجج ما ترك الايميل سهواً!!!


يعني تعمد يترك الايميل - المسنجر عشان ما يكلف نفسه عناء شرح الموضوع و يصدمج و لقى انج تعرفين بنفسج يمكن أهون عليج..

و بعدين خبر مثل هذا مو سهل فمعقول راح يتهاون في اخفائه عنج بنسيان بريده مفتوح؟؟
و الله اعلم

عموماً زوجج محصن - متزوج- فزلته لا تغتفر....

والله يسويه اللي فيه الخير و الصلاح

اختي لازم تواجهينه لان ما بتقدرين تنامين وتفكريج بكون بس بهاي المسالة وها الشي بأثر على حياتج وصحتج بعد وما بينفعج حد بعدين,قوليله الصج وخله يعرف انج تعرفين,لا تدخلين حد من برع بس انتي وزوجج عشان تكبرين بعينه اكثر واكثر

الله يهديك بس

الحين خايفة على زعله ولا خايفة على زعلك ؟؟

وترحمينه وتشوفين فيه براءة وماترحمين نفسك ؟؟

وتخافين تجرحينه وهو ماجرحك ؟؟

غريب امرك والله

اختي لازم تواجهينه وضعفك هذا وحبك له بجنون وبصريح العبارة اقسم بالله يخليه يسوي كل شي وهو مرتاح لأنه عارف انه مهما سوا اكيد بتضعفين بلحظه وبتتنازلين عن كل شئ خوفا منه وحبك له اللي يخليك ضعيفه وماتواجهينه

وانتبهي انتبهي من كلمة ( انا ماقدر اعيش بدونك ) خليه هو يقولها لك عشان انتي تظمنين نفسك مو هو يظمن نفسه وللمعلومية زوجي قال لي عادي المرأة كل شي تقوله لزوجها الا هالكلمة لأنه ممكن تجر وراها اشياااااااااااء مو زينه خصوصا الشيطان يجري بدم البني آدم وبيخليه يغلط بكل شئ وهو مرتااااح لأنه خلاااااص ظامن الطرف الآخر بهالكلمة

خليك جاده بالكلام ولاتضعفين يمكن بكلمه او كلمتين يقولها لك خلاص تخليك تقتنعين وتسكتين وهو بيستمر بالغلط

بيني زعلك وخليه يعرف غلطته

وبقول لك نصيييييييييييييييييييحه اذا جااااااااااا يهاوش ويقول شلون تجرأتي وقريتي الايميل

قولي له لا تطلع من الموضوع عشان تلبسني الغلط وتنسى غلطتك خلاص انا قريت الايميل واللي صار صار الحين جرأتي على قراءة الايميل ماتنغفر وغلطك ينغفر لها على طول لاااااا يافلان مشكلتك اعظم من قرآءة ايميل وتطفلي عليه وقولي سبحان الله كأن الله اراد ان امرك ينفضح وتنسى كل شئ مفتوح

هذي نصيحتي لك لاتخلينه يقلب الموضوع عليك ويتهرب من الموضوع ويحط كل شئ عليك خليك واقعيه وقويه شوي

والله يوفقك ان شاء الله ويهدي سركم ويطمن قلبك يارب