هل انتي اول عروس بمنزلك ؟؟

والله قصصكم حلوه وتخلي الواحد يتاثر :confused::confused:

ماادري نحن في عيلتنا مانحس في هالاشياء

مانحب نظهر حبنا وحزنا جدام بعض

وايد يستحون

الله يوفقكم

Arnobat_ALfreej
مشرفتنا SHREEFA
نوووسه

تسلمون جميعا ع المشاركة في الموضوع .. الله يهنيكم يااااا رب

مشكورين على الموضوع الرائع..

السلام عليكم ..

هلا يا اختي..

أنا أول عروس في بيتنا..

وأول أم بعد..

وأول موظفة بعد..

يعني فار التجارب في كل شي..

زوجي من جيرانا.. أخته صديقة أختي.. زين..

وعلى طول اتهاوش مع اختي.. ما ابغيها تمشي مع بنت الجيران..

جان بنت الجيران تقول لأخوها عني..

وصار النصيب.. زوجي يكبرني بـ 10 سنوات..

وبالنسبة لخطوبتي أهلي سوا الهوايل.. الكل كان فرحان ومستانس..

وكانت مراسيم زواجي 5 ليالي..

ليلة هندية وليلة بدوية وليلة فرنسية وليلة فلكلورية بحرينية وليلة زواجي باربي..

كان عمري 19 ..

والحين عندي ولد..

أما عني ... فبدون تعليق


الله يوفقكم ان شاءالله ويهنيكم ويسعدكم يارب

موضوع عجيب ماما حسون والاعجب منه قصتج الله يخلي لج اهلج ويخليهم لج يا رب، ما احب اذكر قصتي خلكم مستانسين لان اهلي ما فرحوا في حملي لاني مرضت مرة وبعد ولادتي ركدت في المستشفى تقريباً شهر والبنت عندهم فكان وضعنا يكسر القلب الله يعوضني في المرة الثانية يا رب وافرح في الحمل والولادة. ادعوا لي بس مو الحين لين اسى المآسي

حلوووووووو الموضوع مره خلني اقولكم عني

انا ماني الكبير بس البنت الوحيده بين اربع اولاد وترتيبي بينهم 4 بس تزوجت اول وحده

ملكت وكان عمري 17 طبعا كانت ذيك الايام مره وناسه واهلي كانوا فرحانين بس انهم حزنوا علي

لاني صغيره وماعرف شي ..وانا البنت الوحيده واطلع من البيت مايقدرون يستغنون عني مصدقه نفسي لوووووووووول

لا بس اببوي قال لزوجي شرايكم تسكنون عندنا بالبيت بس زوجي مارضى المهم يوم تزوجت وطلعت كانو يبكون عشان البيت

بيصير بدون بنوته :)

بس لسا ماحملت وانشالله الله يرزقني واجيب بنووووووته زي القمر تشبهني:)<<<<واجد مصدقه نفسها لوووووووول

فتوش العسل
نور المدينة
business_girl
أكبر قلب
dlooo3h18

مشكورييييييييييييين على ردودكم الحلوة

يعطيكم العافية بنات على القصص الحلوة

صراحة اختي ماما حسون جا هالموضوع في وقته نغير جو عن هم العمل والزحمة

الله يخلي كل وحدة لأهلها وزوجها ويهنيهم مع بعض ان شاء الله

حلو موضوعوعج ماما حسون .. بالنسبة لي انا البجر بس اخويه الي اصغر مني عرس قبلي فبخبركم قبل عن زواج اخويه (عمره كان 18 سنة) هههههههه والوالد الله يحفظه ويخليه لنا أصدر عليه حكم انه يتزوج والسبب انه كان بيسافر يدرس امريكا وابويه خاف عليه طبعا هو صار جيه :mad2: وبعد المحاولات والمبادرات والاغراءات المادية الي سوتها الوالدة فديتها وافق وتزوج بنت خالتيه اصغر منه ب3 شهور بسسسسسسسس .. هههههههه وكانت مسكييييييييييييينة وهادية وماتدري وين الله حاطنها والله اتذكر لليوم لما خالتيه كانت تكثر عليه بالطلبات يروح عندها ويهزبها ويهددها ان بيخلي بنتها :dd:
وطبعا احنا اربع بنات وانا زعيمتهم :cool2: كنا متخبلات ع سالفة العرس وكنت اعلم اخويه كيف يقول كلام حب حق حرمته !!!(شغل كلككككككككك والله اني اموت من الضحك لما اتذكر شو كنت اقوله يقولها) واختيه الثانية تكتب له المسجات ههههههه ..
المهم يوم العرس طبعا احنا كشخنا ولبسنا ورحنا الصالون وماعلينا من حد ...غطينا عل العروس (r) وبما ان اهليه شوي محافظين احنا بلبسنا كسرنا كل القواعد وطبعا انا كنت العقل المدبر وكان العرس حلو شكل اخويه يضحك ف الكوشة (كان شكله مبين انه ياهل وكل شوي ينادي وحدة منا يهزبها بسبة اللبس واحنا خبر خير مسويين فرقة معلايه ف العرس) وبعد العرس لقينا تهزئ محترم من يدتيه!!! بس اهم شي ان كان ونااااااااااسة .. بس زواجي انا كان شي ثاني بعدين بخبركم عنه

مشكووووووووووورة اثمد ع المشاركة

حياكم الله

مشكوره على الموضوع الحلو

والله يخليكم للأهلكم ولأزواجكم وعيالكم وبخليهم لكم .......

انا مو البكر عندي اخوي واختي اكبر عني لكني اتزوجت قبلهم.. يا حرام رحت واتزوجت بدونهم بس أكيد هم حسو انه في فراغ..

يسلموا على الموضوع الحلو

انا البكر واول وحده تتزوج في بيتنا واول حفيد مني بعد .... اللي صار انهم ارتاحوا مني هههههههههههههههههه

مشكورة ماما حسون على هالذكريات الرائعه

بس طبيعي اكيد كل وحدة الاولى لازم يصير لها كذا

بس حتى لو كانت الرابعة ولا الخامسة اتوقع بيكون نفس الشيء

وهذا يعتمد على حنان الام ودرجة الغلاوة عندهم

ثانكس

دمعت عيني وانا اقرا ردودكم الله يخليكم لاهاليكم ولا يحرمكم منهم
انا اكبر وحدة في بيتنا وعرسي بالصيف ان شاء الله
ابوي ماكان متوقع اني باوافق على زوجي معنه مدحه وايد لانه يعرف اهله بس ماكان ماخ> الموضوع جد ..
خخخخخخخ كنت دايما الاقي عذر عشان اقول لا فابوي متعود على الرفض
حسيته انصدم يوم بدى الموضوع ياخذ طابع الجد
الوالدة نفس الشي بس هي على اخف شوي
خواتي كلهم مستانسين بس ما حبوه وايد اول الايام اللحين لا اوكي
اخوي الصغير فديته هاي انا امه الثانية ويموت فيه بس ما يرضى اني اقعد معاه بروحنا دايما يكون وياي واذا ريلي يبي يحره .. يقوله باخذ كلاسك وياي .. عادي يطرده حزتها من البيت :)
اكثر شي احاتيه ابوي واخوي الصغير ابوي لانه اقرب انسان لي ويعرف كل تفاصيلي وانا اللي يتكلم معاها دايما
امس كنت اقول لريلي انا اقدر نفسي وما اصيح طول العرس بس ما اضمن اني ما اصيح لي شفت ابوي
واخوي لانه متعلق فيني اخاف يمرض .. ودايما يقولي لي عرستي تمي برع لين الساعة 5 عقب ارجعي البيت نامي هنيه

الدلع زاد بالراحة من الوالد بالذات كل شي ابيه وما يسويه اقوله بيه ترى انا كلها كمن شهر واطلع خخخخ الاقي الشي عندي
امي نوعا ما

بس الشي السلبي ان الحفلات اللي تستوي فيها وايد اغلاط عشانها اول تجربة في بيتنا

مشكورين يا بنات كلكم ع المشاركة

الله لا يحرمكم من بعض ان شا الله