ارجو من الجميع الدعاء لأمي الحبيبه.....اللي دخل موضوعي واللي مادخل

السلام عليكم ورحمة الله وبركاته


اهلين بالجميع....انا لي زمان ماكتبت في عروس..!

بس جيتكم الحين وانا في امس الحاجه الي دعائكم لأمي اللي هي اغلي من روحي

طول عمري اشوفها قويه وفيها عزيمه وايمان ماشفته في احد..كفايه انها متحملتني...<<<<ماعندها سالفه

من حوالي ست اشهر الكل لااحظ نزول وزنها بطريقه سريعه وغريبه...هي كانت تعاني من الغده الدرقيه وكانت تاخذ ادويه مستمره لها......بس الاسبوع اللي فات سوت منظار للمعده (عشان نزول الوزن) والدكتور كان شكله مايطمن ورانا صور فيها اورام حول المعده وقال ان عندها انسداد تام في المعده وهذا الي مخليها ماتقدر تاكل وان اكلت مايجلس في بطنها شي....

بس الي الحين الدكتور ما قال شي بشكل صريح ..قال النتيجه تطلع يوم الثلاثاء

من جد احس كل يوم يعدي كانه سنه وودي يجي يوم الثلاثاء عشان اطمن عليها خصوصا انها في بلد وانا في بلد

كل اللي ارجو منكم انكم تدعولها بان اله يقومها بالسلامه ويخليها لي..لان من غيرها انا ولاشي واذا في اي احد منكم سمع او يعرف اي شي عن حاله تشبهها يطمني الله يستر عليكم

ودمتم سالمين والله لا يحرمنا ممن نحب....قولوا امين

اختكم الحزينه روز