الى حبيباتي بنات عروس

السلام عليكم كيفكم ياعروسات انا طبعا عضوه ماني بجديده ولا قديمه يعني وسط يتلخص وضعي في المنتدى الرد والتعليق شاركت مره او مرتين يعني مامني فايده حبيت اقول اني قبل ماعرفكم كنت ضايعه بين التلفزيون والتلفون وكنت ادخل النت نادرا بس اتصفح الجرايد لانه عكاظ ماتكفي احب اقرا كل الجرايد الموجوده وفي يوم من الايام دلتني وحده جزاها الله الف خير على منتداكم في البدايه قرايه بس وشوي شوي قلت لزوجي حبيبي لازم تشركني ماعرف كيف اشترك اشتركت ولله الحمد واعتقد ان زوجي ندم على ذي الخطوه لان وقتي سار كله لمنتدى عروس حبيت كل شي فيه حبيت البنات وخفه دمهم حبيت المواضيع سرت دايم مبسوطه ولما اكون متضايقه اول شي اسويه ادخل على المنتدى ولما حملت ولله الحمد لقيت من معايه يشاركني في احساسه وتجاربه لقيت الأخت الكبيره اللي استفيد منها والأخت الصغير اللي افيدها سرت مطمنه واحس اني في بيت كبير مليان اخوات لي من كل مكان تعجبني لهجاتهم وافكارهم وخبراتهم وطريقه حياتهم وبس اسفه على الاطاله بس حبيت اطلع اللي في قلبي وهو شي بسيط من اللي احس فيه وانا دايم اشكر ربي على انه خلاني اضيع وقتي في شي مفيد ينفعني في ديني ودنياي:yes: