شوفو شو يبى زوجي اسويليه يوم دخلتي!!!!!!!!!

صج طلب غريب بس ذكرتني بقصة اللي طلب من زوجته تسوي له عشى بليله الدخله
و اخر شي طلع متراهن من ربعه او اذا زوجته سوت العشا بيعطونه مبلغ ماتذكر جم كان
واهيه مسكينه سوت لهم العشا و اخر شي الفلوس عطاهم زوجته لانها مافشلته جدام ربعه

انتي حاولي بكل الطرق انج ماتطبخين و اذا مانفع توكلي على الله بعد شتسوين ليله و بتعدي
احسن مما تكبرين السالفه و يزعل زوجك من اول يوم

لاتصيحين ولا شي بس انتي طمنيه انك بتطبخي وخلاص

هذا اذا ما أقتنع بعدم طباخك ليله الدخله




أسمعي ياأختي ..

خلك فترره أطول بالحفل تبعكم
واذا قرر يقوم قوليله أنك فرحانه بهالليله ولا يعكر عليش بسرعه القيام
وقوليله اني من الصبح لغايه ماوصلت الحفل وانا بالصالونات وبكل التجهيزات عشان
فرحنا يبقى أحلى وبتخربها علينا بسرعه قيامنا


لما توصلي البيت خليه يساعدك بفك التسريحه ههههه طبعا ولا بعد ساعه يخلص
خليه يساعدك بفك الفستان وراح ينسا الطبخه الي يبيش تسوينها
تمددي على السرير وقووليله تعبااانه حيييل وبدي أغمض عيني وأنااااام



واذا ذكرك بالطباخ قوليله انش راح تطبخيله طول العمر بس يعفيك من هالليله الطباخ



وبالتوفيق بحياتك الجديده يالغاليه

اختي انا مابي اخرب بينكم

بس انا احس انه يبي يكسر راسج من اول ليلة او انه على قولتهم يذبح قطوة ويخرعج بها " نسيت المثل بالضبط " .. لو انا ما رضيت اسوي جذي...

انتي صارحيه قولي له ليش تبيني اطبخ عشان تفوشر على اهلك وتسوي روحك سي سيد؟ ترى الرجوله مب جذي
وووو وقولي له كل اللي في قلبج وزعلي :D وشوفي عقب يمكن يراضيج ويحن قلبه ما تدرين


بس ترى انتي تعرفين طبعه اكثر شوفي شنو ينفع معاه الدلع او المصارحه او اسلوب ثاني


وتحياتي لج

من اوولها عااد

الصراحه

ماعرف شو اقولج

بس حاولي وياه عااد مب حلووه من اولها
واذا اصرر عالاخرر قوليله بسوييلك الريووق :)
ههههههه


الله يعيييينج حبووبه

للاسف الشديد اغلب الرجاله بيقولوا احنا ناس متفتحة بنحب الصراحة ولو صدقتيهم بتقعى فى مأزق كل كمة قلتيها فى لحظه صفا وصدق بتتحسب عليكى ومع كل موقف صغير او كبير بتلاقى الموضوع اتقلب على اللى قلتيه زمان وعموما يمكن يكون عريسك من الرجاله اللى بتحب الصراحه وانتى تعرفيه احسن مننا اقولك على حل سيبيها على الله وشوفى الامور هتوصل لغايه فين

عزيزتي

بصراحه لو انا في مكانك بقوله من عيوني الثنتين واساساً اهله مب مخلينك تدخلين المطبخ ولا اعتقد بيوافقون هذي فرحة ولدهم ويبونه يستانس من اول يوم بعروسه المتعدله الكاشخه له،،،

يعني المسأله مب محتاجه ذي كله ولو الزمك ما فيها شي واكيد امه وخواته وحريم اخوانه بيساعدونك وبيسون كل شي عنك،،

لا تنسين انك عروس،،، والكل يبي رضاها يوم عرسها



سفيرة فوق العاده

والله ريايل آخر زمن

أصلا هو بيكون ياي شبعاااان ولا بيفكر في الأكل

بس مادري ليش يقولج هالكلام؟؟

انتي حاولي تعرفين منه

واذا ما طااااع .. خلاص سويله سنوديج جبن.. وبالعافية عليكم

انا ابي اعرف انتي وياه ليش مستبقين الاحداث

اصلا ليش تتناقشون شنو بيصير في ليلة الدخلة ؟؟

يبه كل شي في وقته حلو

لما تجي ليلة الدخله خله يفكر شنو بيسوي

لا تستبقون الاحداث
مثل ما يقولون لكل حادث حديث باجر يمكن ينسى الدنيا اذا شافج

واذا لزم ومانسى

لا تشيلين هم مثل ما قالو لج البنات اهله بيساعدونج في الطبخ


:)


والله يوفقكم ويهنيكم يا رب

هلا اختي,

ياحبيبتي وش يوديكي البيت ليله الدخله واهله كثار
قولي ابي فندق او هدديه قولي ابشر من عيوني
الثنتين اطبخ بس ابي شئ منك واحرميه نفسك
اسبوعين خخخخخخخخخ

جد ترى الرجال ماينفع وياهم الطيب
او قولي مابي سفر انت تربط سعادتي وياك
بشهر عسل؟
او حل احلى قولي ليله فرحنا اول ليله اجلس وياك
مابي افرط فيها عشان سفره وخرابيط
طبعا كذا بيتلخم ويسوي الي تبين :D

الله يعينك بجد...

ههههههههههههههههههههههههههههههههههههههه

انا ما اشوف ان فيها شي حبيبتي
بالعكس بدل ما اشوف ان السالفة من الجه السلبية

بشوفها من الجهه الايجابية وبفاجاة بسوييييت حلو او طبخة فنانة


وتحياتي

حبيبتي مثل ماقالوا البنات لاتكبرين الموضوع.. انا معاج انها مشحلوة و ماتنقبل أبدا..
بس أكيد هو يبا يعرف ردة فعلج و يشوف اذا كلامه يمشي عليج ولا من أولها عناد...
انتي قوليله حاضر من عيوني.. و لو مااعرف أطبخ بتعلم أطبخ بس عشانك.. و من هالكلام الزين.. لاتزيدين العيار عشان مايشك انج بس تاخذين بعقله حلاوة مثل مايقولون.. و ليلة الدخلة انتي ماتضمنين كيف بيكون الوضع.. اول شي تأخري قبل ماتطلعين عالقاعه.. ولما تطلعين عالقاعه كوني متفقة مع اخواته او اخواتج انهم يخلونكم تطولون بالقعده و هو ذاك الحين بيستحي طبعا يطلع بسرعه.. خلوا المصورة تاخذ راحتها بالتصوير .. و ان شاءالله مابترجعون الا متأخر و ذاك الحين اذا رجع و ياب سيرة الطبخ قوليله والله مب ناسية من عيوني بطبخ لك بس خلني ارتاح دقايق و بروح اطبخ.. و خذيلج غفوة ساعتها بيحس انج صج هلكانه و منهدّ حيلج..
و بالتوفيق الغالية..

حل سريع البسي قميص نوم وطيحي على الفراش اونج يترقدين ....هههههههههههههههههههههههههه والله ما بيخليج تتحركين شبر من الحجره................ وقوليلي شو صار ههههههههههههههههههههههه شكله يسولف وياج يبى يخوفج ,,,,

حلوه سويله معطرونه بالباشميل ...ههههههههههههههههههههههههه بتفظين تقطعين بصل ...هههههههههههههههههههه بس اذا ثاني يوم ما عليه سويله سندويشات ههههههههههههههههههه

ههههههههههه الله يعينج والله صدق وهقه...........اقولج تأخري في كل شي ......يعني لا تبدلين بسرعه ولا تفتحين تسريحتج الا بعد 3 او 4 ساعات وبعديييييييييين هو بيمل وبيرقد واذا ما رقد بعد هالتأخير كله.........سويله بيض مقلي :dd:

ههههههههههههههههههههههههههههههههههههههههههه

والله موقف ما تحسدين عليه

شكله صج متراهن مع حد لانه مصررر على رايــه

ولا يبي يخليج على اعصاااااابج ليلة الدخله

بصراحه مثل ما قالوا الاخوات انا احس انه قاعد يراهن

والمفروض يكون عقله اكبر من كذا


لكن انتى لا تعصبين ولا شيئ
قولي له انى بطبخ
بس اول اسبوع العروس ما تدخل المطبخ


واصرررري ولا ترضين
ما قاعدة اعصيش على ريلش

بس الي يطلبه ما وحدة سوته


إلا إذا انتوا عايشين لحالكم بنقول ماعليه
2 واسرارهم مع بعض


لكن مع اهله ويطلب منش شذي
!!!!!!!!


لاااااااااااا لا ترضين



وحلش انش تصري على موقفك
اسبوووووووووع ما تدخلين المطبخ

وهذا اقلها



وذكريه ان الشرع ما يحل له انه يجبرش على الطباخ من اساسه
لانه المرأة مو ملزمة شرعاً امام الله بالطباخ والغسال والنفاخ في البيت



الشيخة

معقوله تدخلين المطبخ اول ليلة


لالالالالالامستحيييييييل اكيد يتغشمر ويااج

شووو رايج اذا شفتيه مصر ع رايه تعطينه منوم ويروح ف ساااابع نومة خخخخخخخخخخخخ

هههههههههههههههههههههههههههه

الله يعييييينج

ما اقدر انصحج .. لان لو انا جان دخلت المطبخ و طبختله و يوم بخلص بقوله الحينه ودني بيت اهلي و لو ما وديني و الله بتصل فيهم و بقول انك سبيتني و سبيت اهلي ( ترى اسويها عادي) ههههههههه

و قبل ما اطلع بقوله تهنا بصحنك و نام وياه

هههههههههههههههههه

هلا حبيبتي بصراحة لو انا مكانك والله لو فيها طلاقي بليلة الدخله ماطبخت له

ليييييييه ياسلاااااااام جاي يتفشخر قدام اهله فيني

واذا صدق صدق انه متحدي مع اخوانه او اهله بصرااااااااااااااحة ماله داعي لأنه بيحطمك على حساب تحدي

عشان كذا ارفضي وخليك مصره حتى لو كان قصده بيختبرك بكيفه اهم شئ انتي تصرين على رايك لأنك ماتدرين عن الغيب هل هو يختبرك او لا

والمصيبه اذا وافقتي بس عشان تسكتينه على اساس انه يمزح واخرتها مايصير يمزح انواع الوهقه صدق

حااااااااااولي بشتى الطرق انك ماتطبخين له لازم تعرفين السبب منه

اصلا متى يمديك تطبخين صدق فااااااظي الوقت بيكون متأخر والتعب مسيطر عليكم والنعاس ومتى تغيرين عشان تطبخين ؟؟ ومن ريحة عطورات وبخور الى ريحة طبخ حرااااااااام والله

ليه مايرحم

طالعوا تحت


عدد المتواجدون في هذا الموضوع » 30 , عدد الأعضاء » 17 , عدد الزوار » 13
بنت أبووووها, Missuae, (بنت البقيشي), سويركو, كوكب الشرق, غلا نجد, مجنونة قطر, ام فتون و غروب, الوردة الزرقاء, ماسة دبي, ليالي الحب, جبال الهيمالايا, ~اصايل~, عاشقه الاسلام, بنـ الليالي ـت, loo_ool


ههههههههههههههههههههههههههههههههههههه

كلنا جينا نحاول نحل مشكلتك

تعرفي درجة حرارتي صارت 99 شو تطبخيلو من أول ليله؟؟؟؟؟؟؟؟؟؟؟؟؟
يعني عشان يحكي هيني راكبها من أول ليله أصلا لازم تقعدي شهر اذا مو أكتر بدون شغل وخاصة انو البيت ملان جبيها الو على بلاطه قوليلو مستحيل هدا عزمان جدودنا أما احنا لأ ومية لأ شو تطبخييييييييييييييييييييييي؟؟؟؟؟؟؟؟؟؟؟؟ تعرفي أنا مصدوم أنا قلت أبصر شو طالب خليني أدخل يعني هيك طلب بصراحه عمري ما سمعتو ولا راح أسمعو الا منك شو مش قادره تقنعي هاي شغله تافهة بالنسبه للي راح يواجهك بالحياه اذا عهاي مش قادره تقنعي كيف بالأصعب هدا معناتو تلغي شخصيتك وتضلي تقولي حاضر!!!!!!!!!!!!!!!!