توقعج فالمولود او المولوده...؟؟؟

أنا خاطري في توأم بنت وولد ووزوجي بعد بس لحين ما تأكدت من هالشيء، بس ما أعتقد خاصة ان التوأم قليلين جداً في عايلتنا وما شفت توأم في عايلة زوجي، ثاني شي صراحة حابه يسموني أم عبدالله مثلا ما هو سائد في الوقت الحالي الشغل والبيت وكل مكان ينادوني ام عبدالله بس بعد خاطري في بنت احس البنت حلوة عشان البسها وازينها ، ما احس أعرف اتعامل مع الصبي ،، الكل متوقع بنت خصوصاً أهلي ،، الوضع محير ،، في كل الأحوال اللي من عند الله حياه الله أهم شي ان يطلع ولد أو بنت سالم معافى ،، والحمدلله على نعمه بنت أو ولد الفرحة بهم الاثنين نفس الشيء

انا كنت متوقعة بحمالي الاول ولد بس كان بخاطري بنت بس الحمدللة ولدت و جبت ولد مثل القمر والحين احساسي ان بنت والحمدللة سويت سونار و طلع بنت

انا بصراحه لين الحين كل ما يشوفون شكلي يقولون انه بنت
و الدكتورة عطتني موعد بعد شهر عسب تعرف جنسه
و ان شاء الله بخبركم بس لا تقولون لــ حد

انا احساسي يقولي انه ولد

بس كل الي يشوفني يقولي بنت

وفي النهاية الي اي من الله حياه الله

اهم شي سلامة البيبي

مبروكين حبيباتي ... وان شاء الله الله يعطي كل وحده بلي في خاطرها ...

يالله والباقين ...................... يالحمل وينكم .... شاركونا ...

كلكم تتوقعون بنات .. فديتهم الاولاد والله بعد حلوين ..

ااما الاخت الي قالت ما اعتقد اعرف اتعامل مع الصبي ... الطفل طفل مافي فرق بين الولد والبنت .. اما لما يكبر بتكونين متعوده عليه وما تقدرين تستغنين عنه ...

انا الصراحه اتمنى ولد لان عندي بنت وريلي خاطره فولد يسميه على اسم ابوه ادعولي بس والله كلهم نعمه بنات صح انا بنتي بعدها نونو بس نسيت متى ينعرف الجنس اي اسبوع في الحمل

امي كل دنيتي
اظن من نهاية الرابع بداية الخامس

خليها مفاجأة يا حلوة

بما ان هذااااااا اول حمل لي


راااضية بلي الله بيعطيني اياااااااااااااااااااااااااااه



بس احس ريلي يباااا ولد...


لكن اللي من الله حياه الله ..

:salam:انا هذاحملي الأول واحس في بداية الحمل انه بنت :shy:والحين لا تغير
احس انه ولد :cool2:مو مهمم الجنس أهم شي الخلق الحسن .

والله يسهل علي الولاده آآآآآآآآآآآآآآآآآآآآآآآآآآآآآمين

بصراحه هذا أول حمل لي
وريلي ذبحني كل ساعه يقول
آنا أبي ولد مابي بنت
ويكلم اللي في بطني على اساس ان ولد
بس انا احساسي يقولي ان بنت
أهم شي اييني البيبي بكامل عافيته والله تسوى الدنيا ومافيها :shy:

اهلين بنات ..

كيفكم مع الحمل .. بصراحه انا مره تعبانه

بالنسبه للتوقع اتوقع ولد

احس كذا مادري ليه

بس الولد والبنت كلهم حلوين

واللي جي من الله حياه الله

مشكووووووورة على الموضوع الحلوووووووو

حبيبتي أنا في حملي الأول كان أحساسي يقولي ولد وطلع مثل القمر حسوني الله يخليه

وأنا الآن حامل في الثاني رغم أن الحمله هذي غير عن الأولى بس أحساسي يقول أن ولد ...

والله أعلم ...

ذكرتوني بالذى مضى، من حملت وآنه كنت أتوقع ولد مادري شلون إحساس بس، وكنا بالمكتب نطالع الجدول الصيني والبنات يجربون على نفسهم ويطلع صح وكان طالع لي ولد ( أستغفر الله الواحد مايأمن بهالسوالف بس كان يطلع صح) وأهل زوجي كل شوي وقالوا أم عبدالله مادري شنو الإحساس الي عندهم وخصوصا أن أم زوجي يوم شافت الصورة بالألترا ساوند على جهة اليسار قالت هذا ولد،، ماصدقت دخلت الأسبوع العشرين وطيران على الدكتورة وقالت ولد، ولحظتها زوجي معصب أني الغيت طلعته وخليته ياخذني الدكتورة، فاعتقدت ان هم معصب لأن قالت لنه ولد، بس هو كان معصب على الطلعة ومن كثر فرحه بس مايبي يقول لي لأن كان زعلان خذني بيت أهله علشان نبشرهم.. الحين عبود حياتنا ومانقدر نتخيل حياتنه بدونه الله يحفظه ويخليه لنا،، ويرزق كل من يتمنى الذرية الصالحة,,,

الله موضوع حلو :)

الصراحه انا مادري...ساعات احس بنت و ساعات ولد..بس من كثر ما امي وخالتي والناس يقولون بنت...خلاص في بالي بنت..ومن كثر ما زوجي يقول ولد اقول يمكن ولد :)

بس انا و زوجي اتفقنا ما نعرف و نخليها مفاجأه..طبعا هذي فكره زوجي....وحلفني ما اسأل واقول للكتوره اني ما ابغي اعرف عشان ما تغلط و تقول....

يارب يغير رايه ..عشان اعرف شو اخذ للبيبي :)

أنا مب حاسه ابشي....اختي اتقولي ولد وماشالله عليها دووووم احساسها يكون صح.....ريلي متأكد إنه ولد بس اقوله انه البنات احلى عن الأولاد....اللي اييه من الله حياه الله....

بس عندي موعد أول الشهر الياي عسب الدكتورة اتخبرني....والله كريم

بسم الله عليكم .. والعين بعيده عنكم

كلكم تتوقعون بنات

حليلهم الاولاد ..

بس اتصدقووون انا احساسي دايما يكون العكس ..

بنت خالتي من كمن يوم ربت .. ومن بداية حملها واقولها ولد ولد .. ويوم ربت ما شاء الله عليها يابت بنت مثل القمر ...

رانيا البحرينية

فديت عبودي والله يخليه لكم .. اكيد ما تستغنون عنه ياي من بعد عناء وتعب

حلوووة البحرينية

انا بعد احساسي في هالحمل غير ... وايد متعبني بويع الظهر .. في حمودي ما كان اييني هالويع ..

تخيلي ما اقدر انام 24 ساعه اتقلب ... ويع فظيع مع اني توني مكمله شهر

أنا هذا أول حمل لي..
في البداية كان عندي احساس فضيع إن فيني ولد و عقب اختفى و استوى فيني احساس إن بنت و ألحين ما أعرف انعدم الإحساس(و الله أعلم شو بييب بنت أو ولد)

نبض الامارات ان شاء الله تووووووووأم

مرحبا..
انامن حملت حملي هذا وانا متوقعه انه بنت
ويم كشفت طلعت بنوته

اما حملي اللي قبل هذا توقعت ولد وحتى اشتريت لبس ولادي وفي الشهر السادس كشفت وطلعت بنت
والحمد لله المهم انه الوحده تكون بخير هي والبيبي

انا من بدايه حملي متوقعه انه ولد ولما كنت بالرابع قالي الدكتور احتمال تكون بنت بس ما أكدلي مع ان ما اقتنعت بكلامه بالمره
ولما دشيت الخامس قالي بين انه ولـــــــــــــــــــــد :) صحيح ان حملي الاول وما تفرق معاي بس كان ودي بولد والله يبلغني فيه واشوفه يلله هانت انا الحين دشيت شهري ادعولي