افكر اني اطنشها واطرشلها مسج والبسها واغير رقمي

اختي لا تسلفييينهااا ولا ترى كلنا بنزعل منج ,, منتدى عروووس كله بيزعل ,,,:angry:

صدقيني اختي تراها ما بترجع لج فلوووسج حتى لو سلفتيها مره ثاانيه ,,,

[grade="00008B 0000FF 4169E1 4169E1 00008B"]صدق الله يعينك على ناس زي كذا! بس المفروض انتي ما تنحرجين!! هذه فلوسك و انتي حره تبين تعطينها ولا لأ و من حقك انك ما تعطينها لو ما تبين

بس فكرة المسج و تغير رقم الجوال مو حلوه، انا اتمنى لو تكلمينها بالجوال لو ما تقدرين تواجهينها وجها لوجه و تقولين لها انك محتاجه الفلوس و ما اقدر اقرضك، و قولي انا اصلا محتاجه فلوس اكثير ( قولي المبلغ الي اعطيتيها اياه من اول) و قولي انك محتاجتها و اطلبي منها تدبرلك اياه بعدين سوي نفسك تذكرتي و قولي ايييييه مو انا قد سلفتك هذا المبلغ!!!! تقدرين تبدريلي اياه و تجيبينه؟؟؟ :shy: قوليلها يوم سلفتك كنت ماني محتاجه المبلغ و ما طلبتك بترجيعهم لاني ما كنت محتاجته لكن الااااااااان ابيهم :cool2:


سهله مررررره، بس يبيلها شوية جرأه :up: و خليك جريئه لانه فيه ناس كثير ما يستحون و يستغلون الطيبين!!!!! :down:[/grade]

بدون تردد لا تعطيها حتى لو كان المبلغ صغير(لانو الها سوابق)

هلا والله اختي با الصراحة انا ويا خواتي لا تعطينها ولا فلس ومثل هالاشكال المصلحجيه ما دواها الا تقوليها اسمحيلي ما اقدر ،ظروفي ما تسمح ، ولا تغيرين رقمج ولا شي خليها هي اللي ادق وقوليلها اياها كاش . والله لو ناس ذوق بتقولين على عيني وراسي بس مثل هيلا لا والله اسمحولي .
والسموحة

انا اقولج لما ويها جدي لوح لا تعطينها

المفروض اطرشيلها مسج او اتكلمينها اتقوليلها وين بيزاتي الي سلفتلج اياهم انا محتاجة ما فيها شي اتحججي باي شي

انتي سالفتج نفس سالفة ربيعتي

قالتلي ابا بيزات سلف وبردهم لج وكان المبلغ كبير ويمكن ثاني مرة تطلب مني واسلفها وكانت محتاجة

مرت الشهور وانا اشوفها كل يوم تشتري شي يا ريت اشياء محتاجتنها وانا اطالع واشوف وفي قلبي اقول متسلفة بيزات عشان تشترين هالخرابيط

واتصلت فيها وقتلها يا فلانة انا محتاجة بيزات ضروري

وعطتني اياهم بعد طلوع الروح وكاني اشحت منها

وعيبتها السالفة واخر مرة يت عندي محتاجة بيزات وهي تدري ان عندي بيزات قتلها اسمحيلي عندي وايد مشاريع ابا اسويهم ما اسلف حد

والله زعلت عليه واتكلمني من ورا خاطرها يوم اتشوفني يعني نست يوم كانت محتاجة ووقفت وياها

[grade="FFA500 FF6347 008000 4B0082"]لو انا مكانج ما راح اغير رقمي ولاا شي .. بخلي كل شي عادي وبرمسها فالموضوع بهدوء خلها تختشي على دمها عل قولت المصريين ههههههههههههههههههههههههههههههههههههه ....[/grade]

الغاليه Crystal_tears

انا مع خواتي العضوات في كلامهن....وانا مأيده كلامهن من واقع تجارب عشتها انا...واللي ادت بي اني انعزل عن العالم
...واعيش من غير صديقات... بسبب هالانوع من الناس...

انا كنت مثلج...ياما سلفت ناس....و ياما وقفت معاهم....مع انهم يقولون سلف لمدة اسبوع و تمر شهور وما يردون
....ويقولون شهر و تمر سنه...ولا حياة لمن تنادي....
والقشه اللي قصمت ظهر البعير...اني انا مريت بضائقه ماديه...وما كان عندي حل الا اني اطالب الناس اللي سلفتهم...
ولاني استحي ما اتصلت بس طرشت مسجات و شرحت لهم ظرفي...واني محتاجه انهم يردون فلوسي...حقي ما ابغي زياده درهم واحد..
اللي اتصلت بي و قالت..والله فلوسج بنردها...وما بناكلها بس حاليا ما عندنا...واللي قالت اذا انتي عندج عطيني..مع اني اطلب منها اللي عطيتها مب زود...واللي قال لي اي فلوس؟....تخيلي....!!!!
قلت لهم الحل الاخير ابا نص المبلغ اللي عطيتهم مش الكل....ولا حياة لمن تنادي...
كرهت نفسي ....يوم اني وقفت معاهم.....والحمدلله الله ما يضيع تايه و لا مظلوم...والحمدلله حصلت مبلغ محترم...من شي انا كنت مسوتنه و ناستنه...

و طرشت لهم..مسج....وقلت خلاص لا تحاتون....الحمدلله....حصلت فلوس وماني محتاجه للفلوس اللي سلفتها لكم...ضائقتي انحلت...ولقيت ضعف المبلغ اللي محتاجتنه بمرتين....لا تحاتون...ولا تتعبون نفسكم وتتسلفون او تسسون شي عشان تساعدوني..

اتخيلي اتصلوا فيني و كل حد متمسكن و يطلب السموحه..لانهم رواحهم يمرون بضائقه....انا فهمت الموضوع انهم يبون فلوس بس ما عطيتهم مجال...و قلت لهم مشغوله واللي طرش مسج طنشته....

خليج واثقه من نفسج....و لا تغييرين رقمج و ولا شي.....واللي يقول لج سلفيني ردي عليه بجمله وحده بس و قولي ...اذا انت عندك عطني....واذا حصلت لك لا تنساني....وضحكي بس.....روحهم بيستحون على ويههم...

ربي يعينج و ويفقج...وما يوصلج للحاله اللي انا وصلت لها...

قوليلها انج ما تملكين هالمبلغ إلحين؟؟ وغيري رقمج عشان ما تعور راسج

عزيزتي بصراحة هالنوعية تمر علينا واااااااااااااايد :down: وانا اتمني ان طيبت قلبج ماتاثر عليج وتخلي الناس تستغلج ومثل ماكانت عينها قوية يوم طلبت منج الفلوس اتمني انج ماتنحرجين لانج صاحبة حق وتطلبين منها المبالغ اللي تسلفتها منج والا تعطينها شي ولا تغيرين رقم تلفونج لان اللف والدوارة ماراح تفيد صارحيها وارتاحي لا باتصال بعد مب بمسج .

انشالله كل الي تقولونه تنفذونه يا رب ....وصراحه اله يبعد عنا وعنكم هالنوعيه من الناس ...انا ابتليت ب ثنتين...وتميت لا صديق ولا رفيق ...لما ظهرت وحده في حياتي ...سبحان الله يبى يعوضني ..تشتريلي كل شي غالي وتهدينين اياه...والله قلت لعمري الله يبى يعوضني بربيعه زينه خيرها مغرقني الله يخلينا لبعض ...

أسفه أختي لكن أشوف إنك ماتعطينها وجه أحسن .. لأن هذي صاحبة مصالح وإستغلاليه..
ومن الناس اللي يأكلون أموال الناس بالباطل ..والله يسامحني إذا كنت ظالمتها ..

Crystal_tears

كانج تتكلمين بلساني ..

انا اواجه نفس المشكله من كمن سنه ..

واظن ان البنيه نفسها لانها تطلب من كذا وحده والمشكله انا اعرفهم كلهم ... وهي كانت ويانا فالكليه ...

ما تتصل الا يوم تبا فلوس الا مرة امي فالمستشفى بيسوولها عملية ويمعنا وناقصتنه 2000 والا مرة الكلية اطالبني قسط الاب توب هالشهر 500 وانتي سايرة ..

ولا ما تطلب مبالغ هينه ..

واخر مرة حظرتها ياية تطلب مني وهي تشتغل .. وكم تبا 4000 نرفزتني ما عرفت شو اقولها ...

بنت موبايلي اسبوع ويوم فتحته ماشاء الله 100 مسج منها ... قمت وغيرت رقمي والحمدلله مرتاحه منها .. كانها كابوس واختفت من حياتي ... كان الارض بلعتها ...

الغالية
انا بعد

وحدة من اعزهم

تطلب دووم
وانا ما اشتغل
و تسلفت من اخوي

و ما رديتلي 3 مراات عطيتها

و عقب قلتلها من ويين عندي

(قلتلها ما عندي انا اعرف انه ضرووفج صعبة لانه 3 مراات الي تسلفتيهم ما رديتيهم ايااه ، و انا بعدنيي اتريااج ترديينهم
لانه اخواني و ربعاتي الي تسلت من عندهم يطالبووني
و انتي تعرفيين انه ما عندي و اسمحليلي و يووم تحصليين لا تنسيية رديهم

لانج وعديتي انج تريدينهم بس ادبرلج)


من هييج اليووم ما اتصلت ولا ردت علي

تعرف انه عليها ديين

تراه ناس فيهم مرض نفسي

و شي


طرشيلها مسج

و ريحي عمرج

بتحسيين عمرج مستحية بس سالهم بيزوول عنج


ربي يسهل علييج المهمه

حبيبتي انا كانت عندي صديقه او كنت معتبرتها صديقه نفس الشي

ما تسال الا لما تكون في ضيقه والا باقي الايام ما تسال ولو بمسج

وانا لما احتاج لها ولا مره وقفت معاي في اي موقف

حتى في العيد لو مو محتاجه لي مو شرط فلوس ما تبارك بالعيد

وانا لاني كنت اعزها واستحي اردها مثلج اسكت ومتى ما تصلت رديت عليها ووقفت معاها

بس لي متى ؟؟ بصراحه تمللت ولاعت جبدي لانها مصلحجيه بكل ما تحمل الكلمة من معاني

حتى مو كلامي انا ,, كلام الكل

وبس والله قمت من بين 60 اتصال لها ارد على مكالمة وحده

وقطعتها وابتعدت عنها

ولي يومج تبي ترجع العلاقات وتطرش مسجات

بس ولا كنها موجوده

ولا اغير رقمي ولا شي علشانها

قولي لها اسمحيلي يا اختي ماعندي او ما اقدر

مافي شي يجبرج

والله يعينج بصراحه حاسه فيج

الله يهدي الجميع