ريم81:
الغالية أم مهير
مشكورة الغالية علة الموضوع الحلو
انا أفكر أنا و ريلي بالسفر إلى ماليزيا
و عندي شوية أسئلة
شو هو أنسب وقت في السنة لزيارتها ؟
و بعدين انتوا رحتوا بروحكم جي و لا مع شركة سياحة و اي أحسن ؟
و بما انج من الإمارات تسمحيلي اسألج مع رأي شرمة سياحية رحتوا ؟
و بعد سؤال الغالية كم نقريبا تكلفة الرحبة لشخصين مدة 10 أيام ؟؟؟
اسمحيلي ثقلت عليج
ملاحظة
ما أبي أخالف قوانين المنتدى إذا ممكن توجاوبيني على الخاص إذا ممنوع على العام و الصور الغالية ما ظهروا عندي
وعليكم السلام ورحمه الله..
حقيقه اختي الفااضله موضوعج غير مخالف وبالعكس.. تقدرين تسؤلين الى مليون سؤال ولايهمج..
وحااضره لج ..
الجواب:
و هو أنسب وقت في السنة لزيارتها ؟
طبعااا ماافي وقت للزياره .. ولكن ان كنتي تقصدين الجو هنااك.. فالصيف عندهم حرر مثلناا ولكن تمطر يومياا تقريبااا.. واذا مامطرت الصبح تمطر بالليل.. ولكن جوهم حاار.
واحلى شيء بالبرااد في وقت شهر 1 2 3 يكون الجو بارد عندهم ثلج.
اما عن انا متى رحت.. انا رحتهااا كل الصيف.. ولكن اخر مرره سرت بعد رمضاان اللي طااف نهايه سنه 2005 شهر 11
وبصرااحه مكاان حلووو وجوو حلوو.
و بعدين انتوا رحتوا بروحكم جي و لا مع شركة سياحة و اي أحسن ؟
نحن رحناا كبداايه مع واحد يعرف الاماكن... وبلاد ماتضيع.. والرااعي الرئيسي لمايزيا هي شركه الريس للسفرياات يرتبون لك الموضوع بالكامل من حجز فنادق و توصيله بالسياره.
اما دااخلي عاادي بتحصلين ملايين اللي يبغي يخدم ويوصلج ولكن بحساااب.. يبغيله انجليزي تعرفين..
شووفي هالموضوع يطول شووي اذا تبغين تسافرين اختي.. لان اذا اول مره بتسيرين.. لازم تسووين كالتالي:
تحجزين من سفرياات الريس ..
واحجزي الفندق من هني في الامارات.. واحجزي المواصلاات من والى الفندق.
اما عن يوم بتوصلين الفندق هنااك اخذي تااكسي انتي وزوجج عاادي ماايضيع ولكن لازم تعرفين الامااكن اللي بتسيرين لهاا..
بس ممكن تخبريني شو تبغين هنااك بالضبط وين تبغين تسيرين لان ماليزياا فيها الغوص والعاب وسناتر ... رتبي موضوعج وردي لي خبر..
وسوي لج بااكج علشاان السفره..
ترا عندهم سووق على كيفج يبيع كله جنط تقليد من الاصلي انا يمكن يايبه وياااي 10 تقريباااا مثل مال بانكوك جاان سمعتي عنهاا.. ارخص واحسن من بانكوك واضمن.
و بما انج من الإمارات تسمحيلي اسألج مع رأي شرمة سياحية رحتوا ؟
شركه السياحه الريس للسفرياات.. اتصلي البداله بيعطونج رقمهم.
ولاتسيرين باي طيراان الى ماليزي يدلعوونج في الوجبااات.. يعني احجزي سيره ورده بالمالييزي .. لان خدمااتهم روووعه..
شوقتيني والله ارووح الحين..
و بعد سؤال الغالية كم نقريبا تكلفة الرحبة لشخصين مدة 10 أيام ؟؟؟
حبيبتي لازم تقسمين الرحله في ماليزيا وتروحين الامكان:
بيينق. يومين. فيها حديقه الفراشاات والحيوان والفواكه. والهضبه
جنتج. يومين. مدينه العاب كبيرررررررررررررره الفندق حجزه ب 100 درهم.
كولالمبور . العاصمه. فيها اطول برجين بالعالم.
وفيها السناتر والسينماات.
لنكاوي. بحر روووووعه عالغرووب..
التكلفه يعتمد على قد الفلووس اللي عندج.. ولكن اذا عندج تقريبااا :
150000 الف درهم. اذا انتو مب صريفه.. واخذي بطااقه الاتمان الفيزا .
8 الاف يمكن حجز الفنادق والتوصيل والتذاكر.
والباقي حق الصرف.
تراااا في مطااعم هنديه عند الرصيف تحصلينهم مب مطااعم هالكبيره.. والله مايكلفج عالغدااا 6 دراهم يمكن نفرين.
والماكدونالندز 9 دراهم للوجبه.
ونصيحتي تحولون الفلوس كلهاا الى دولارات من فئه 100 دولار وتساوي 366 درهم.
لان محلات الصراافه مب كلها هنااك تحول فلوس اماراتيه .. فالافضل تحولينها دولارات..
اظني واايد رمست.. واذا عندج اي سؤاال حاااضره لج تاامرين انتي ولايهمج اكتبي اي سؤال وهذا عاادي ..
تدرين بعطيج موقع علشاان تعرفين ماليزيا وطبيعهتااا وامكانها ومدنهاا علشاان قبل مااتسافرين ويكون عندج فكره بالضبط.. ا.. واذا عندج اي سؤال ردي لي..
http://go.3roos.com/NtDK6b3eo0R
