تابعوا معي مزاد الشنط الاصلية المتجدد

بسم الله الرحمن الرحيم


بنات شو صاير ؟؟؟

انا مافي قلبي شي


وعمري مابحتر عشان شنطه اذا البنت تبى الشنطه ماعندي مشاكل تاخذها


انا من صوبي مافي اي شي في قلبي



بس صاحبة الموضوع مايخصها ..\يعني اسلوبها مايخصه



بس ليش البنت حطت في بالها اني محتره .. يعني هذا مب مزاد ولا شو السالفه !!!


مزاد يعني اكيد في حد بيي بيزيد السعر وهل كل من يبي يزيد السعر محتر !!

البرنسيسة عزيزتي انتي ماسويتيبي شي وانا احبج فالله .. لانج ماضريتيني في شي فلا تحطين في بالج اني مب حابتنج ... الدنيا ماتسوى ترا اخرتها الانسان ينلف بقطعه بيضا .. واذا خاطرج في الشنطه خلاص تفاهمي مع بنت الصقوور وانا شليت الشنطه من بالي

لا حول ولا قوة الا بالله

سبحان الله وبحمده * عدد خلقه ورضاء نفسه وزنة عرشه
ومداد كلماته .
سبحانك الله وبحمدك * لا الله الا انت استغفرك واتوب اليك .

اختي جناين والمياسه والبرنسيسه

اللي بيرتضي منكم السعر النهائي ممكن نتفاهم على الخاص وانا انسحب

من الموضوع ومن السوق كله

هذي آخر مشاركة


اسمحوا لي على القصور

انتي مااتعديتي على حد..

ولكن انتوو قاعداات تبيعون بالفااظ وكله غير لائقه..وين قاعداات انتوو؟


وبعدين نقاشااتكم لازم لهاا اصول مب كل وحده تقل ذوقها بالكلاام كذاااا..

ونحن مافتحناا القسم الا انكم تستفيدون..

هالاسلووب مب اسلوب نااس تبغي تبيع..


ولله حقيقه حتى اسلووبك معااي بالرد لو انها المره الاولى ابداا مب شيء لي...

عتااب جنج تطلعين حرت البناات فيني اناا!!

يعنتي جنه انتي من زماان فيج حرره وطلعتيهاا علي رغم اني ماذيتج.. وبالعكس الموضووع المشااركه انا اصلاا حاطتنهاا علشاان البناات ماايطلعوون بر الموضووع وانتي مااتخسرين..

ولكن هذه جزاتناا

سويت فيج خير انا وحبيت اوقف هالالفااظ دون ماتخسرين.. ولكن الله يساامحج فيه..



وانا ماقلت اتريجين علشاان اخلي الموضوع مفتووح..

وانا ارسلت للاخت مرموم رساله بذلك وهي بتشوفن الموضووع هل يستااهل انه ينغلق او لا.. وعلشاان ماابغي اظلمج فيه..

ولااحسبه خلااف شخصي بيني وبينج مثل ماانتي اعتبرتيه..


وشكراا

اختي انا ما ارعرفج ولا تعرفيني ولا بيني وبينج اي اخلاف

والبنات كلهم حبايبي وليش اطلع حرتهم فيج

وانا بنت ناس وبنت عز مش محتاجه الممنتدى علشان اترزق

والرزاق رب العالمين

اشكرج على كل كلمه

واشكر القائمين على المنتدى

واسمحي لي ما اقدر اجاوب على باقي كلامج

ردودي للبنات بتبين لج وللمشرفين مدى خطأ كل منا


وجزاج الله كل خير في هذا اليوم المبارك

يااختي مايحتااج هالكلااام اللي انتي قااعده تقولينه..

ومثل ماقلتي مابيني وبينج شيء علشااان شيء..

الموضووع كله ان العضواات يجب ان يحترموو صااحبه الموضوع في البيعه.. واللي يبغي يشتري.. يشتري.. ولكن البعد عن الكلام الغير الاائق..

ولكن انتي خرجتي عن نص الموضووع ..


وماايحتااج تعرفيناا على نفسج..


ام مهير

[size=9][size=9]السلام عليكم و رحمة الله و بركاته

اختي ميااااااااااااااااااااااااسة انا ماكان قصدي شي بس لان الموضوع كان من زمان مطروح و انتي كانت الشنطة جدامج بس لما انا حطيت السعر انتي رحتي و حطيتي بعدي سعر ثااااااااني انا و الله مب زعلانة و هذا مزاد , انا اللي حز في خاطري اني حسيت انج ماعرف...... المهم اختي انا مب حاطة في خاطري منج و بالعكس انا ها المنتدى حبيته واااايد من عضواته و اتمنى ان نكون صديقات و سوء التفاهم ان شالله انه راح.

بالنسبة للاخت بنت الصقور السموووووووووووووووووووووووووووحة و ماكان قصدي اني اخرب عليج و الله اذا كنتي فعلا من محبين المنتدى انج اتمين و ما تحرمينا من مشاركاتج الطيبة.. و انا اذا جديدة ياجماعة لاتاخذوني لاني بعدني ماعرفكم زين.. بس لاحظت من رد الاخت مياسة بالنسبة للشنط كيف انها تحترمج و تقدرج و هذا حال كل عضوات المنتدى.. و هذا راي انا بعد.. فاتمنى اللي صار مايكون ضر حد او زعل حد .. انتوا جميعكم اخوات فالله و هذا المنتدى من شغله انه يجمعنا ما يفرقنا....

السموووووووووووووووووووووووووحة مرة ثانية ...

اتمنى من كل قلبي انه مافي حد يكون شال في خاطرة مني شي او من اي عضوة شي.....

<-----موفاهمه شئ!!


بس سؤال؟ فيه ردود انحذفت في الموضوع؟


تحياتي...

هلا عزيزتي البرنسيسة

انا ماكنت ارفع السعر عليج لاني انا مب حابتنج او شي .. بس لان هذا مزاد ومش معقول بيلس ازايد على عمري .. يعني لازم حد ايي بعد يحط سعر وانا احط سعر


ونتريا الاخت مرموووم


مع التحيه

السلام عليكم و رحمة الله و بركاته

هلا بكم أخواتي الغاليات...

أولا أحب أشكر الأخت صاحبة الموضوع...لأنها أول واحدة تطرح فكرة المزاد في ركن التسوق...:)

و أحب أشكر الأخوات اللي شاركوا في المزاد...:)

و أشكر الأخت ام مهير. على متابعتها للموضوع...:)

لكن أخواتي....المزاد بهذه الطريقة لم يكن صحيحا...لأنه في عضوات زايدوا على عضوات...و إحنا كلنا أخوات...و ما نريد أحد يزعل...و يحط في خاطره...

يعني الآن...علشان نكمل الموضوع...بقترح عليكم شيء ثاني...

فكرة المزاد زعلت البنات...و إحنا ما نرضى على زعلكم أبدا...

لذلك...الشنط مفروض تكون معروضة بسعر معين...و الأخوات اللي يحبوا يشتروا الشنطة...يتفاوضوا مع الأخت صاحبة الموضوع على الخاص...إذا كانت تحب تنزل لهم السعر يعني...المهم يتفقوا فيما بينهم...سواء راح تشتري الشنطة أو لأ...و يبقى كل شيء من معاملات الشراء على الخاص...مش عايزين حد يزعل...

و بالنسبة لفكرة المزاد...أنا مش شايفة العضوات شجعوها كتير...و العضوات يشجعوا أكثر السعر الثابت...و ممكن يتم التفاوض عليه عبر الخاص...

لكن هي فكرة جديدة...و جميل إننا نراها على الركن...

ياللا أختي بنت الصقور...من غير زعل....ضعي الشنط بأسعارها الآن...و صورها...و كل واحدة عايزة تشتري بتتواصل معاكي..

لو تحبي ضعيها الآن في موضوع ثاني...علشان الكل يشوفها على الركن...

شاكرة لكم حسن تعاونكم معنا (f)

السلام عليكم و رحمة الله و بركاته

و نقطة ثانية أحب أقولها لكم...

أزعل لما أشوف أحد يقول أريد أطلع من المنتدى...أو أنسحب من المنتدى :(

المنتدى هذا قائم بكم...و كلكم أخوات...ما حد يرضى على زعل أخته أبدا...

و لازم الواحد راح يلاقي صعوبات...و إختلاف وجهات نظر...

لكن لازم التاجر يتحلى بالصبر...لأنه يشوف أشكال كثيرة من الزبائن...كل واحد له طبع مختلف...

و أتمنى نظل كلنا أسرة واحدة محبة (f)

موفقين ان شاء الله

عزيزتي بنت الصقوور


ياريت ترجعين ولا تحطين في خاطرج

ترا والله العظيم انتي مسويه نكهه خاصه في ركن التسوق و حطيتي شي جديد في هالركن

والاخت مرموووم تفضلت وكتبت ردها على اللي صار وماقصرت


وياريت تحطين موضوع يديد فيها الشنط من اول وجديد



مع التحيه

يسلموو اختي مرموم عالمدااخله..

انا كاان قصدي من غلق الموضووع والله يشهد ان اخت بنت الصقور تفتح موضوع ثااني ولكنهااا سبقتني بالكلاام ومااخلتني اتكلم حتى..

وبالعكس موضع حلوو .. ومانببغي الا كل خير لكل بائع.

وان شااء الله تفتح موضوع جديد بالصور الجديده واذا حتى انا عجبتني بشتري وادخل المزايده..