الجزء الثاني..(تجهيــزات عرايــــ قطر ــس 2006)

دوحانيه طرشت لج رقم سعاد عالخاص

بخصوووص اللي سألت عن التصوير
ان شاء الله تستفيد من هالرابـــط


وبعد اذذذذذذذذذكركم اني ابي رقم ابتسام زري وانوار .. واسعارهم بالنقوط وبدون

جزاج الله خير حبيبتي .. ما قصرتي ..

حاااضرين

هلا بنااات مبروك عليكم الجزء الثاني ويعطيج العافيه خطيبة الغالي

دلوووعه سلامات ماتشووفين شر وننتظر تقريرج لسوق الذهب

سحابه حب انوار تاخذ 3000مع نقوط وبدون نقوط 6000 تبين الرقم بدزه لج وعلى فكرة هي تجيج ومعاها عدتها كامله من سماعات وميكروفونات وتسوي زفه خاصه للعروس بعد ماتدخل تقوم هي وفرقتها ويرقصون للعروس

كلثم شخبااارج مانجوفج واايد ومتي العرس؟

قطريه الله يعين هالشباب روحوا محلات غير ماسيس مايعجبني اسعاره وااايد مبالغ فيها لاتحطين على اخوج هالكثر كفايه مصاريف ثانيه من هديه عروس وشهر العسل وفرش الملحق والخ

كلاسيك فديتج تروحين وتردين بسلامه

هلا فديتج خطيبه غالي نووورتي الموضوع

عروس فرش والحلم الهادي وام شيوخ عمري قطر اشلونكم حبايبي

صح ام شيوخ للاسف جوالي موكاميرا بس بقولج شنطتي شريتها ب45او60والله نسيت مالت مكياج بسوق الجبر اي محل يبيع مكياج تحت موفوق قوليله ابغي شنطه جينز للمكياج منها احجام واشكال لونها ازرق على جينز من داخل اسووود لكنها عجيبه خذت 2 وحده متوسطه للاكسسوارات وثانيه صغيرة للمكياج والله عجيبه اذا شريتيها وعندج جوال كاميرا صوريها ونزليها للبنات والله للاسف مااحب جوالات كاميرا وشوفي كاسريه والله بينزل لج واايد اصغر وحده قالي 30قتله 15 والا بطلع والله يقولي اووكي لكن صدقيني نوعيه ممتازة وتصلح للكراف وعلى ضمانتي والاحلى تشوفينها صغيرة لكنها تشيل واايد من داخل

دوحااانيه الف الف مبروك يالغاليه هههههههههههههه احس راافي خلاص حفظج من كثر مارحتي والحمدالله انج استقريتي وووووزين خذتي وايت لنن بهسعر تدرين انا حاطه حق كل كولكشن 1000 خلاص بروح اخذ من هناك بس شنو مجابل محرار الصرار اسمه جذي!!!! انزين ماتتذكرين اسم محل شوفي خريطه كولكشن يمكن مكتوب ومحل داخل سوق الجبر والا برع ؟ابغي بالظبط بالتفصيل بمر اخذ عطوراتي كلها منه

عن جووتي اقولج اخذي شي بسيط وهادي لان محد بينتبه له من نفشه الفستان انا خذت واحد يجنن بسيط وهادي بعد بسوق الجبر ونفس كلثم فيه لمعه ب120بعد المكاسر اسمه بيلا وهاي بالانجليزيbella وعلى فكرة هو فوق اول ماتركبين درج بتحصلين في ويهج محل قمصان نوم هو على صفه اليسار او اليمين مااذكر خذته على ايام العيد الفطر ماادري اذا اللحين عنده تشكيلات رووعه

هلا عروووس
متأكده 6000 ريال بدون النقوط؟!؟!؟!!؟
ماعليج امر بغيت الرقم ع الخاص

متااكده انا حاجزتها لعرسي ب3000 وبدزلج رقم وكلميها وخلي ريلج يودي مبلغ وياخذ وصل من ريلها اللحين بدزه لج لكن بكره حجزي ترااها فل ماتقدرين تحصلين عندها

يالله انطططططرج

المشكله احنا محتارين بين ابتسام وانوار
ابتسام ماعرف رقمها ولا بكم تجي :(

والله يااختي لاشفت ابتسام ولا سمعتها لكن اقولج نصيحه خلج على اللي شفتيه اضمن لج
وفديتج سحابه ولاتستحين ولا شي طلبي كثر ماتبين على راحتج انا مثل اختج

هلا عروووس ..

ليش كم كولكشن ناوية تاخذين ؟
إذا لين الحين ما خذتي : اخذي 2 بس ,, و عطرين أو عطر واحد فرنسي غير المخلطات ولا تكثرين منهم .. انا كان هذا اللي ناقصني بس ما راح أشتري بعد ..
و المحل يا طويلة العمر .. امممم في سوق الجبر تحت .. لا رحتي هناك أسالي عن محل الصرار و هو محل معروف .. المهم لا وصلتي محل العطورات مقابله على طول .. عطوراته كلها أصلية و كاسريه إذا بتاخذين مجموعة ..
و الله رحت أمس لكن ما لقيت .. شلون شكل الجوتي اللي خذتيه ؟ انا ادور العريض من تحت صوب قاعة الريل و الكعب .. دورت م اااالقيت شي ..


سحابة حب ..
أذكر مرة مجنونة قطر كتبت عن بنت زري مادري شسمها ... لكن إذا أنتي محتارة بين هالثنتين اخذي أنوار .. و إذا تبين غيرهم شوفي خيرية ^^

للمساعدة بس باحط لكم الأشيا اللي خلصت منها :
1- الملابس :
30 قطعة ( بوديات - تنانير - بناطلين - بلايز ... شاملة الملابس المفصلة ) .

2- ملابس النوم :
قمصان النوم = 15
البيجامات= 27

3- الملابس الداخلية = 23 طقم

4- العطورات ( أغلبها هدايا ) :
مخلط بن ثاني - الغريب - غلا زايد - فزاع -عود المسك - عود زايد - عليا - شموخ - العاج - بخور ممسك - كولكشن شوبارد - عطر الياسات - عطر بلاك - بيور بويزن - فرساتشي - مانجو - LO`R تورنتي -كريم دهن العود - تبر العود من القرشي - صندوق عود و مخلطين من القرشي بعد - كولكشن تومي جيرل - وايت لنن من ايستي لودر
مدخن العاج من الشايع + مدخن أكبر من جنيد ..

5- شنط اليد = 12 << أكرفهم ..

6- العبايات = 4 مع الشيل + فصلت شيلتين و بافصل عباية سادة وحدة ..

7- المفارش = 6

8- الجلابيات = 9

9- طقم فيه روب و شبشب و 6 فوط ( هدية )

10 - 8 فوط .

11- 3 فساتين 2 فخمين وواحد ناعم .

12- شنطة مكياج كبيرة ( أدري أغراضي وايد ) ^^

13- الأحذية = 3

14 - المكياج : دينا / الشعر : مرسيدس / الحنا : مركز فنون .

و اللي تبي تسأل عن أي شي أنا حاضرة : )

..

شرايكم شنو الألوان اللي ممكن أحطها للعرس غير الوردي ؟

..

و اللي تبي تاخذ مكياج ,,, تقرا رد أم خالد مارشيمالوز و أحسها ما شاء الله فاهمتني ^_*
" جزاها الله خير "

http://www.3roos.com/forums/showpost.php?p=2046399&postcount=11

15- الطاولات و الكوشة : ماسيس / التصوير كريستال ..

لا طرا علي شي باضيفه ..

هلا فديتج دوحانيه ابغي اخذ 2 واحد خفيف وثاني ثقيل وكم عطر و3دهن عود بس انا ماخذت لحتي اللحين لاني منشغله بسبب خطوبه اختي وعندي كم واحد خاشتهم

بس انتي الله يهداج واايد مكثرة عطورات خلاص سكري هالبند

ومفارش ليش 6 واايد مكثرة لانج لاتنسين كل شهر ينزل جديد وفخم وماراح تستخدمينهم كلهم

وعن جوتي الله يعزج مثل ماقلتي هو كعب لكن عريض انتي روحي المحل وبتلاقينه باذن الله وبمر المحل اللي قلتي عنه

والف الف شكر لج ويارب تتهنين فيهم وبالعافيه عليج

مكياج اقولج لاتتدخلين خلي دينا على راحتها لكن اذا تبين دخلى وردي وبنفسجي على موف بشكل خفيف واسود خفيف

[mklb]صباح الخير على الحلوين بنات قطر 0000[/mklb]
بنات امس رحت عرس والعروس مكيجتها وحده اسمها الهام مكياجها اجنننننننننننننننننننننننننننن راقي وبودرتها روعه مب يص والعروس راااااااااااقيه وناعمه ما شا الله عليها
والشئ الثاني هل العرس كانو حاجزين نديبة وخسست فيهم ولا جات وطرشت رفيقتها بدالها الله لا يوريكم الطق اعل القلب والسماعات من كثر ما اطلع اصوات احس اذني امبطت ورجعت البيت راسي منفجر
ويا بنات بغيت اسالكم شني سالفة بودرة الهواجر والنعيم عند وفاء ؟؟؟؟؟؟؟؟؟؟؟
دوحانية
صج الله يعين هالشباب والله حاسه بخوي مسكين اذا كان المهر 100 والقاعه 40 وتجهيز القاعه على قولتج عادي توصل 100 وفرش البيت والصباحية وشهر العسل ووووو بل الله يعين0000

والعرايس اللي جربو اكسو تيكا اشلون تعاملهم مضبوطين ولا لا والورد والترتيب ومواعيدهم
والبنات اللي اسالو عن مكياج سعاد البحرينية تراه اجننننننننننن ووايد وايد حلو ما يطلعج مهرج مثل عرايس هالايام

بنات نسيت اقولكم غاية الاحلام فتح فرع للسيدات فقط امس مارة من هناك وشفت حلو حق العرايس اصورين هاليام عشان تنحط على الشاشات يوم العرس

هلا اختي قطريــ 75 ـة

ماعليج آمر يالغاليه ممكن ادزين لي رقم سعاد البحرينية وشلون مكياجها،،،

اخوااتي ابغي اعرف شنو لون قاعه سلوي اللي اذكره ذهبي وناس قالولي عناابي

مكياج سعاد اجنن راقي وما فية الخطوط والفنتازيا اللي طايحين فيها هالليومين اساسها اوحد لونج ويخفي العيوب وروعه في التصوير يعني ما اتسحين انج حاطه قناع على ويهج تبرز جمال عيونج بالوان حلوه ما اتكون هادية وايد ولا صارخه انا احس العرايس اللي تمكيجهم سعاد لو اشوفون صورهم بعد 10 سنوات بعد احسون انهم حلوين لكم يتخيل لي اللي يحطون الفنتازيا وهالسوالف بعد شهرين بس لين شافو صورهم بيقولون بسم الله احنا شمسوين في عمرنا وهالشي صار قدام عيني من فترة
ورقم سعاد انشا الله بجيبه لج وبطرشه لج على الخاص

عمري قطر ابي ارسلج رساله موقادرة حذفي شوي يطلعلي ممتلئ

السلام عليكم ورحمة الله

حبايبي بنات بلادي ارسلت لي وحده من المنتدى واطلبت شنطه مع جلال ومصحف وسجاده كاءن اسمها باربي

ورسالتها امتحت من عندي ممكن تقرا هالكلام وتراسلني

خوياتي سمعتوا عن محل للكوش اسمه فلورا اوفلورنسا من هذا قبيل ووين مكانه؟