أخت ريلي المراهقة والنت

لا تضغطون عليها .. الضغط يولد الانفجار انصحوها على اساس هي كبيرة..
هي من نفسها بتعقل .. اختي قبل ما أتزوج كانت جذيه وكان عندها كلية وكانت تنام الفجر وتروح الكلية مسطلة .. كانت تنام معاي في نفس الغرفة.. كنت اصحيها دايما" عشان تروح الكلية بس مرة طفرت منها وسكت عنها وما صحيتها رواح عليها الباص وتتحراني بوصلها وما وصلتها .. بعدين قلت لها انتي كبيرة نامي مثل تبين واسهري على كيفك.. بعدين كان عندها امتحان نص السنه وهذا مهم في الكلية وكانت سهرانه عالماسنجر بعدين انا ما صحيتها وخليتها نايمة والحبيبة قامت الساعة 1 الظهر والامتحان بدا الساعة 9 ورسبت في الامتحان وعادت الكورس ومن ذاك اليوم حرمت تسهر وما تدخل الماسنجر وايد..
انت المهم خلوها تتحمل المسئولية..

غلا دبي
جناين
جن جنوني
لب الفؤاد
ملاك الورد
busnies- girl
فجر الليل
الحلم الهادىء
شمس أبوظبي
شكراً للنصايح ريلي متفهم و الحمد لله بس دوم كان يطلب مني أراقبها بدون ما تعرف ولا تحس
و حاط في باله إذا لعبت وعاندت بيمنع النت من البيت ،بس أنا ما أريده يمنع نهائي ،و لا أريد حد يسأل ليش هذا الشيء صار ،ما أريد تطلع رمسات فاضية عند أي حد.
فكرة إن النت يكون في الصالة صعبة شوي ، لأن حريم إخوانه إذا بيستخدمنه يبن ياخذن راحتهن ((يعني مثلاُ أنا أستحي أتم عداليهم داخله النت إبي أطالع مواضيع تهمني كمرأة ولا إريد حد يراقبني وين دخلت شو قريت ، أستحي من خوانه حتى حريم إخوانه الثانيات أتصور بيحسوا نفسي و إلا أنا غلطانه))
راح أسمع كلام الخوات و بحاول أقنعها تقرا كتب بمواضيع تناسبها مثل تعلم الفوتوشوب أو الإنجليزي بحاول أقنعها تسجل في دورات
و الله كريم

أنا أقترح بأن تشترون بطاقة النت الاسلامية الصراحه مأعرف أسمهاالبطاقه
ولكن لاتمنعون النت عنها لان لو منعتوها راح تلجأ لاشياء أخرى ممكن أشد منها
وتعرفوا على صديقاتها....................................
وحاولو أدخلونها في دورات عشان ماتحس بالفراغ

أؤيد الاخت على انه اجهاز يكون في الصاله ولازم تحسموا ها السالفه ترى والله النت خطر على في سنها لان في شباب في الدردشه هوايتهم يرسلوا افلام وصور اباحيه الله يحمي شبابنا

الله يكون بعونج أختي،وبإذن الله توصلين للحل المناسب..

الانترنت مشكلته إنه يسحب الوقت بدون مانشعر،والمشكلة الأكبر

لما يصل الأمر إلى حد الإدمان عليه..

أخت ريلج مشكلتها إنها تتعامل مع النت بطريقة خطأ،وماأقصد إنها إرتكبت خطأ

يخوّف لكن تحتاج توجيه،تقولين إنه مشاركاتها وصلت 10000 في ست شهور،

هذا دليل إنها تعيش تنافس مع صديقاتها المراهقات،ومن تكون مشاركاتها أكثر

من الثانية حتى لو كانت المشاركات سطحية ومالها معنى،ويمكن يكون نوع

من لفت الإنتباه، لفت الإنتباه أمر طبيعي،مو بس عند المراهقات،عند الكل،

لذلك علاج المشكلة أختي يبدأ بتخفيف ساعات النت،كلميها بهدوء قوليلها

دراستج تأثرت ومستواج نزل،قوليلها صحيح إنه الانترنت حلو وعالم جميل

وواسع لكن من الخطأ نخليه يستحوذ على حياتنا كلها وتفكيرنا،إبدئي معاها بمشكلة

كثرة المشاركات،إسئليها شو نوع مشاركاتج،وطبعا طريقتج في السؤال لازم

ماتكون كاستجواب وتحقيق لا،كوني عادية معاها لأن أسلوب التحقيق و

المراقبة الملحوظة تولد الإحساس بعدم ثقة الاهل فيها،وإنها مش قد الثقة

ماراح تنظر للموضوع على إنه خوف وحرص عليها..إذا جاوبت جواب مش

مقنع قوليلها،خسارة الوقت يضيع على مشاركات مالها معنى،وجهيها للمواضيع

المهمة والمميزة،ممكن تتسلى وتشارك في المواضيع المسلية لكن

قوليلها الحياة مش كلها لعب وتسلية،لو قالت ليش شوفيها،صديقاتي كلهم

نفس الحالة،وأنا أحب أشاركهم وأكون معاهم في الجو الوناسة والضحك

والسوالف،قوليلها ماعليه ممكن تشاركين،ماقلتلج لا لكن شوفي الوقت

اللي يمر على الخرابيط ماتلاحظين إنه حرام الوقت يضيع جذيه،قوليلها

مافي أحلى من إنج تعطين لكل شي حقه،اللعب والسوالف لها وقت،المذاكرة

والدراسة لها وقت،الاهل لهم وقت،وطبعا العبادة لها وقت..قوليلها كوني

أحسن من صديقاتج،الأمر الآخر أختي صراحة أشوفكم متساهلات في موضوع

دخولها غرفكم والساعات الطويلة اللي تقضيها في النت اللي في حجركم..

لازم تكون لكم كلمة،الحين بنت صغيرة ماتقدرون تقولولها الغالية خلاص

طولتي وأنا محتاجة الغرفة الحين،لازم يكون عندكم سلطة وكلمة مسموعة

لأنكم الأكبر..

صراحة الكلام يطول في هالموضوع لكن لضيق الوقت أقولج إنصحي زوجج

يتعامل معها بهدوء،ومايهددها بقطع النت،لأن البنت بعمر تحتاج فيه للتفهم والمراعاة

صح لازم تخافين عليها لكن لاتخلون خوفكم يتحول لشك وريبة وعدم ثقة،أنتوا

راقبوها بس بطريقة غير مباشرة،حاولي تقربينها منج،حسسيها بالأمان،لاتذمين

الانترنت جدامها وايد،بالعكس قوليلها ها شو كتبتي اليوم،وبعد عرفيها على منتديات

تقدر تستفيد منها،الأمر الآخر خوفيها بطريقة غير مباشرة قوليلها أخوج يريد

يلغي الانترنت،لكن أنا منعته،بس لو شاف درجاتج نازلة هالفصل،بيلغي الانترنت..

لذلك إهتمي بدراستج وعندج ساعتين في اليوم (مثلا) للإنترنت..

سامحيني أختي طولت عليج،والله يعينج على علاج هالمشكلة..آمين يارب

في أمان الله

والله مادري شو اقولج ..........البنات ما قصروا

انا اقوول لو تخلونها تستخدم النت جدامكم احسن عن تستخدمه من وراكم و ما تخبركم .. بس انتوا حددوا لها وقت معين تستخدم النت فيه ... و لا تحرمونها من النت لان كل البنات في زمنا هذا عندهم نت و مسنجر و ايميلات و كل شي

حبيبتي، انا نصيحتي لك لااااااااااااا تحرمينها من شيء، ولا حتى تراقبونها، خليك صديقتها عشان يصير كل حاجه تسويها تقلك اياها.
احنا عندنا في البيت كل واحد عنده جهازه الخاص و مشبوكين مع بعض بشبكه و نظام اتصال الانترنت DSL يعني 24 ساعه مشبوك
اختي الصغيره عمرها 12 الحين و هي تدخل على النت من يوم ماكان عمرها 9 سنوات، و الحمد لله لانه علاقتي باختي مره قويه "ما شاء الله" فهي كل شيء تسويه تقلي اياه حتى لو كان غلط! و انا بهدوء اعلمها انه الي سوته غلط. لانه لو منعتيها من الشيء بتصير الا تبي تسويه لانه كل شيء ممنوع مرغوب!!!!!
احنا حاطين الكمبيوترات كلها في صاله كبيره خاصه بالكمبيوترات، كلنا مع بعض (احنا 4) فطبعا مافي مجال احد يسوي شيء غلط او حتى يفكر يفتح مواقع مو كويسه لانه مكشوف جهازه للجميع.

انا بس نصيحتي، خليكي قريب منها، و قوليلها ما توثق باحد من النت حتى لو ايش ما كان، ولا تعطي رقمها لاحد، قوليلها اوكي تكلمي بالماسينجر و بس غير كذا لا. لانه المراهقين الا ما يبون يتكلمون و يكتشفون اشياء كثيره. انتم بس حطولها حدود و بتشوفون كيف بتصير تمام ان شاء الله :up:

و اذا على الادمان هي كلها سنتين و بتطفش صدقيني :shy: المهم لا تحرمونها من النت لانه مااااااااااااااااااااافي احد في الدنيا الا و هو داخل بالنت، لانكم بعدين بتحسسونها انها غير الناس و هذا حرام :down: