تجمع حوامل شهر سبتمبر واكتوبر0يعني رمضان 00حيااكم

اغتراب حبيبتي

تقدرين تحصلين الكرز في الجمعيات الكبيرة يعني الراقيه كلش احنا مثلا عندنا المخازن الكبرى وكارفور والجمعيات الخاصه

عين الحياة لا تحاتين حبيبتي

ما ودي اخوفك وأقولك انه هالالتهابات ممكن تأثر
وأكيد الدكتوره هي ادرى بحجم المشكله وعلاجها

اشربي ماي وااايد وما عليج الا العافيه

كيفكم يا بنات اشخباركم انشاء الله طيبين
وين باقي البنات لهم فتره غائبين عساهم بخير

ان شاء الله انا موعدي اليوم عند الدكتورة والله اني ماصدقت على الله متى يجي هذا اليوم لكن
تصدقون اني ميته من الخوف مادري ليه الله يسعدكم ادعولي ان يكون كل شي تمام

صباح الخير لاحلى حوامل

كيفكم يا عرايس وش اخباركم؟؟

يلا بنات مين عرفت جنس البيبي تقولنا ؟؟؟؟

اخر مراجعة لي كانت في نص الشهر الي طاف و موعدي القادم في نص هالشهر تقريبا

سوتلي الطبيبة صورة للبيبي و فحص للظغط و الوزن و اخذت عينة بول ما اعرف ليش!!!!

الله يطمنك على البيبي يا نورهان

صراحة انا بعد صرلي فترة احاتي وااايد عالييبي.. ما اريد اخوفك لاني بروحي زايعة بس احس مراجعة وحدة من شهر للثاني فترة طويلة

بخاطري اسير لطبيبة ثانية

بنات حبيت اخذ رايكم في شي

لما كنت في الاسبوع السابع ورحت للدكتورة علشان تشوف نبض البيبي .. عطتني موعد في الاسبوع الـ 12

قالت لي انهم يسوون فحص للحوامل اسمه الفحص المغولي .. علشان يشوفون الطفل في هذا الاسبوع بس يبين اذا راح يكون

مغولي او لا .. من القياسات ماراح يبين في اي اسبوع ثاني .. وهذا الفحص كانوا يسوونه بس للي يعدون الثلاثين بس الحين

يسوونه حتى للي في العشرين لان اكتشفوا حالات في العشرين بعد ..


المهم .. بصراحه انا ماودي اسوي .. قالت لي تبين او ماتبين براحتج بس هو اطمئنان لكل الحوامل .. بصراحه مابي اروح احس

اللي الله كاتبه بيصير ولا شرايكم انتوا يعني مافي فايده حتى لو راحت اي وحده ثانية واكتشفت هالشي يعني شبتسوي

بتنزل الجنين ( استغفر الله ) ؟ الحمدلله على كل حال

شاريكم انتوا .. بتسوون هالفحص او لا ؟

ابي اعرف رايكم ؟

الي اعرفه انه سبب الطفل المنغولي يكون من الرجل الكبير في العمر و ليس من المرأة الكبيرة او الصغيرة في العمر ... هذا الي درسناه

ولكن بكل الاحوال، صعب اني اتخذ هالقرار بروحي ... و لاتخاذ القرار لازم اتفق مع زوجي و اسأل شيخ .. او دار الفتوى في هذا الموضوع .. و الي بقولولي عليه بسويه

و انا شخصيا بسأل طبيبتي و ما عندي مانع اني اسوي الفحص

lolyta

من اسباب ولادة طفل مصاب بمتلازمة دوان ( اي طفل منغولي ) هو حمل المرأة بعد الثلاثين هذا اللي قريته في الكتب ..

وبالنسبة للفحص هو فحص عادي يعني تلفزيون بس

تدرين مثل ماقلتي لي لازم انتي وزوجج تفكرون فيه .. انا زوجي قال ماله داعي كل شي من الله نحمده عليه

هلا بنات شو اخباركم من زمان ما شاركت كنت مشغوله بدورة الكمبيوتر اللي خذيتها

بنات انا تعبانه وايد نفسيا

اعيش حياه صعبه انا عايشه في بيت اهلي وتوني متزوج من قريب مسوي لي ملحق برع في بيتهم.. اهل طيبين امه وابوه بس المشكله خالته اللي عايشه وياهم نكد في نكد والله ما جذب عليكم 24 ساعه اتضارب ما تحترم اي حد هي عود في السن بس تهم احسن مني هي عندها ولد بس مب زين انا من الحمال صايره عصبيه ما اقدر ايلس 24 ساعه في الملحق ملل اضطر ان ايلس معاهم مب بس هاي المشكله ولد اخته مول مب محترم هو صح ياها 13 سنه بس كلامه اكبر منه ما يحترم لا غريب ولا يحشم مول يعني محد اقوله شئ ما عاده زوجي اخاف منه ويوم ما يكون موجود يستهزء منه جدامه وجدامه شرات الفار يستوي

انا وحده والله هاديه وايد وما احب الحشره والضرايب ولا احب اعيش جو الضرابه بس من الحمال صايره عصبيه وايد ودي لو اعيش في بيت روحي والله ارحم بوايد لولا انه زوجي ظروفه صعبه جان ما يلست عندهم وبعد ما اقدر اخليه يترك امه وابوه لانهم اكبار ومالهم غيره ما اعرف شو اسوي

كل يوم تيبون لنا خرعات ...... خوفتوني من الطفل المنغولي

ما عندي فكره عن هالشيئ ... وما اريد اعرف شيئ ... خلي الامور بيد الله
وكلنا تحت رحمته .. واللي يجي من الله خير


الظاهر كلنا نفس التفكير .. ودنا يكون موعدنا عند الطبيبه كل يوم مو كل شهر مره
عسب نطمن ..

انا بصراحه كرشتي بعدها صغيرووووونه .. ما ادري هل هذا طبيعي والا شو ؟
كل مره امسح على بطني وادعي ربي يرزقني هالبيبي وهو بخير وعافيه ..

الله يبعد الشيطان ووسواسه عنا .. ما شيئ تاعب اعصابي غير هالوسواس ..
البارحه كان عندي حرقان ولوعه واايد لدرجة اني ما ودي احد يكلمني
لا عيالي ولا زوجي .... دخلت الحجرة وتركتهم يتعشو بروحهم ...
الله يسامحني لو كان هذا الشيئ يغضب زوجي .. بس الحمدلله هو متفهم ويحاول
يريحني قد ما يقدر .... بس عيالي كاسرين خاطري .... امتحانات وواجبات وانا
مو كأني عايشه بينهم ولا لي علاقه بدروسهم .. ما فيني خلق لأي شيئ ..


يااااااااارب هون علينا واعطينا القوة والصبر ... آمين





اختي فساتين
الله يكون بعونك ... استحملي حبيبتي .. واجرك عند الله ما يضيع

[CENTER]كيفكم حوااامل

كيفك أختي birdy123 ان شاء الله بخير ...انا معك نخلي الأمور بيد الله والله يرزق الجميع اللي فيه الخير.....

أما عن الإلتهابات قالت لي الطبيبه اشربي ماي كثييير مثل ماقلتي ...والحمد لله أشرب كويس مو مثل الشهرين اللي راحو ماأشتهي الماي...

الله يعينك أختي فساتين ماعليه تحملي مع ان الوحده مع الوحام ماتتحمل شي بس تحملي وأجرك عند الله

أختي نورهان طمنينا عنك وعن البيبي ولاتخافين ان شاء الله كل شي تمام

أختي roseqatar ... أنا عن نفسي بخلي كل شي على الله وان شاء الله يكون الجنين معافى ومافيه شي والجميع ياااارب ...

هلا أختي lolyta ...أنا لسه ماعرفت البيبي ولد ولا بنت ....ماتعرفين متى نعرف ؟؟؟

بنات .....إذ عرفتي جنس الجنين ناويه تخبرين مين .. ولا بتخليه مفاجأة ؟؟؟؟

أنا مابخبر إلا زووووجي وبخليها مفاجأة للباقي .........

أخييييييييييييييراً راح نلتم من جديد

كيفكم حوامل شخباركم من بعد هالغيبة الطويله

ان شاءالله الجميع بخييير

اهلييييييييييييييييييييييييييييييييين اخيرا رجعناا

هاه كيفكم ؟؟

وفي اي شهر صرتوا؟؟؟

واكيييييييييييييييد بين معاكم جنس الجنين


انا عرفت ابشركم :)

عقبااااااااااااااااااااااالكم

السلام عليكم

الحمد لله على سلامة المنتدى

واخيراً بنرجع مثل اول

الله لايفرقنا ابد

شارعيه هلا فيك .. انا الحمد لله تمام

انتِ وش اخباركم ياحواملنا

اغتراب بشري بنت والا ولد

انا والله للحين مارحت هالشهر

بس ان شاء الله بكرا او بعده بروح وبشوف

مع اني احس انه ولد من اول شهر مادري ليه :)

الله يسعدكم

السلام عليكم

الحمد لله على سلامة المنتدى

واخيراً بنرجع مثل اول

الله لايفرقنا ابد

شارعيه هلا فيك .. انا الحمد لله تمام

انتِ وش اخباركم ياحواملنا

اغتراب بشري بنت والا ولد

انا والله للحين مارحت هالشهر

بس ان شاء الله بكرا او بعده بروح وبشوف

مع اني احس انه ولد من اول شهر مادري ليه :)

الله يسعدكم

في البدايه كنت مثلك احس انه ولد

وكل تفاسير احلامي انه ولد

اخر حلم لاكان بنت

وقالت لي الدكتوره بنووووووووووته

بس يقولون صديقاتي للحين مو اكيد

يبين اكثر في السابع

:shy: في البدايه كنت مثلك احس انه ولد

وكل تفاسير احلامي انه ولد

اخر حلم لاكان بنت

وقالت لي الدكتوره بنووووووووووته

بس يقولون صديقاتي للحين مو اكيد

يبين اكثر في السابع

وش فيها تعلق الردود كذا !!

فشله نزل ردين :(

اغتراب فعلاً مايبين دايم خاصه الولد

لان وضع الجنين مايكون مبين فيبنون ظنهم انها بنت

والبنت والولد حلوين

الله يتمم لك على خير يالغلا

احسها تقوله واهي وااااااااااااااثقه

اللي يجي من الله حياااااه الله

انا اتمنى بنت واحس زوجي مع انه مايبين بس شكله والله اعلم يبي ولد

هلاااااااااا بكم رفيقات كرشتي
انا معاكم ولادتي ان شا الله ب 4 سبتمبر اتوقع قبل رمضان باسبوعين ماحسبتها بالهجري
انا لي 25 اسبوع و3 ايام يعني باخلص السادس ان شا الله هالاسبوع
بالنسبه للاعراض راحت الغثيان واللوعات بس جا الثقل والحركة والركل القوي من البيبي
بالنسبه للاستعدادات خ نسولف عنها يابنات وش شريتو للبيبي اغراض وملابس